សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បច្ចុប្បន្ននេះ បច្ចេកវិទ្យាបានដើរតួនាទីយ៉ាងសំខាន់នៅក្នុងជីវភាពរស់នៅប្រចាំថ្ងៃ ដោយការងារភាគច្រើនត្រូវបានសម្រួលឱ្យងាយស្រួលជាងមុន។ មិនខុសពីវិស័យផ្សេងៗ វិស័យហិរញ្ញវត្ថុក៏បានធ្វើទំនើបកម្មឌីជីថលរបស់ខ្លួនផងដែរ ដែលគេឱ្យឈ្មោះថា បច្ចេកវិទ្យាហិរញ្ញវត្ថុ ឬ Fintech។
ការចាយវាយនាពេលបច្ចុប្បន្ននេះ ច្រើនតែប្រព្រឹត្តទៅដោយប្រើប្រាស់ត្រឹមតែទូរស័ព្ទវៃឆ្លាតមួយគ្រឿង ដែលនាំឱ្យប្រជាជនភាគច្រើនលែងសូវកាន់សាច់ប្រាក់តាមខ្លួនទៀត។ ប៉ុន្តែទន្ទឹមនឹងភាពងាយស្រួលនេះ ការឆបោក លួចបន្លំតាមអនឡាញ ក៏ងាយនឹងកើតឡើងដែរប្រសិនបើអ្នកប្រើប្រាស់មិនមានការប្រុងប្រយ័ត្ន។
បើតាមលោក ម៉ៅ ប្រុស ដែលជាប្រធាននាយកដ្ឋានសន្តិសុខព័ត៌មានវិទ្យារបស់ធនាគារវីង បានឱ្យដឹងថា ការឆបោកតាមអនឡាញអាចកើតមានឡើងក្នុងរូបភាពជាច្រើន ដែលប្រជាជនត្រូវតែសិក្សា និងប្រុងប្រយ័ត្នជាប់ជានិច្ច។
ក្នុងនាមជាអ្នកជំនាញផ្នែកនេះ លោកក៏បានលើកឡើងនូវចំណុចគួរចៀសវាងមួយចំនួនផងដែរ។ ជាក់ស្ដែង ការចែករំលែកព័ត៌មានផ្ទាល់ខ្លួនដូចជា លេខទូរស័ព្ទ លេខអត្តសញ្ញាណបណ្ណ លេខកុងធនាគារនៅលើបណ្ដាញសង្គម សុទ្ធតែអាចជាការផ្ដល់ឱកាសឱ្យជនខឹលខូចបានដឹងពីព័ត៌មានសំខាន់ៗ និងអាចងាយស្រួលក្នុងការប្រព្រឹត្តទង្វើឆបោក។
លោក ម៉ៅ ប្រុស បន្តលើកឡើងទៀតថា៖
«ការលួចបន្លំទាំងនោះក៏អាចកើតឡើងបានដែរ ក្នុងករណីដែលអ្នកប្រើប្រាស់មិនបានរក្សាទុកកាតធនាគារឱ្យបានត្រឹមត្រូវ ដូច្នេះពេលដែលទូទាត់ប្រាក់តាមកាត គួរតែកាន់កាតនោះទៅឆូតដោយខ្លួនឯង ចៀសវាងឱ្យទៅអ្នកដទៃកាន់»។
ក្រៅពីនោះផងដែរ ការដាក់លេខសំងាត់កុងធនាគារងាយស្រួលទស្សន៍ទាយ ឬការដែលមិនបានប្រុងប្រយ័ត្នក្នុងការចុចលេខសំងាត់ដែលធ្វើឱ្យមានគេឃើញជាដើម ក៏អាចបង្កឱ្យមាននូវករណីលូចបន្លំប្រាក់ពីកុងធនាគារបានដែរ។
ត្រង់ចំណុចនេះ លោកបានគូសបញ្ជាក់ផងដែរថា៖
«ជូនកាលបងប្អូនមិនប្រុងប្រយ័ត្ន បានចុចលេខសម្ងាត់ធនាគារដើម្បីទូទាត់ប្រាក់នៅក្រោមកាមេរ៉ាសុវត្ថិភាព ព្រោះជាទូទៅនៅតាមកន្លែងគិតលុយរបស់ហាងនីមួយៗ គឺសុទ្ធតែមានកាមេរ៉ាសុវត្ថិភាព»។
ជាចុងក្រោយ លោកក៏បានលើកឡើងចំណុចសំខាន់មួយចំនួនទៀតដែលប្រជាពលរដ្ឋគួរធ្វើដែរ គឺគួរតម្លើងកម្មវិធីទូរស័ព្ទឱ្យដល់ជំនាន់ចុងក្រោយ (Update version) ។ ការតម្លើងកម្មវិធីទូរស័ព្ទនេះ អាចជាខែលការពារពីមេរោគមួយចំនួន ដែលអាចឈានដល់ការ Hack របស់ចោរបច្ចេកវិទ្យា (Hacker) ៕
Account
Security
Favourite Content