សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ព្រៃវែង ៖ ខេត្តព្រៃវែង បាននាំចេញស្រូវទៅកាន់ប្រទេសវៀតណាមបានប្រមាណជាង ៤៦ ម៉ឺនតោននៅក្នុងរយៈពេលជាងមួយខែកន្លះ ពោលគឺចាប់ពីដើមខែមករា រហូតដល់ពាក់កណ្តាលខែកុម្ភៈឆ្នាំ២០២៤នេះ ខណៈដែលការនាំចេញស្វាយបានជាង២១តោន។
យោងតាមរបាយការណ៍របស់មន្ទីរកសិកម្ម រុក្ខាប្រមាញ់ និងនេសាទ ខេត្តព្រៃវែង បានបញ្ជាកថា គិតចាប់ពីថ្ងៃទី ០១ ខែមករា ដល់ថ្ងៃទី២០ ខែកុម្ភៈ ឆ្នាំ ២០២៤ កន្លងទៅនេះ ការនាំចេញស្រូវទៅកាន់ប្រទេសវៀតណាមសរុបចំនួន ៤៦៥ ៥៩៨ តោន ដោយតម្លៃប្រភេទស្រូវ IR504 ក្នុងមួយគីឡូក្រាម ១ ០២០ រៀល និងប្រភេទស្រូវ OM5451 ទទួលបានតម្លៃ ១០២០ រៀល។
របាយការណ៍ដដែលនេះបានឱ្យដឹងផងដែរថា ខេត្តព្រៃវែងបាននាំស្វាយទៅប្រទេសវៀតណាមគិតចាប់ពីថ្ងៃទី០១ ខែមករា ដល់ថ្ងៃទី១៩ ខែកុម្ភៈ ឆ្នាំ២០២៤ មានចំនួន ២១ ៥៧១ តោន ដែលក្នុងមួយគីឡូក្រាមទទួលបានតម្លៃ ៩៥៥ រៀល។
នៅក្នុងដើមខែមករានេះឆ្នាំ២០២៤ តាមការវាយតំលៃជាបឋមអាចសន្និដ្ឋានបានថា ស្រូវប្រាំងដាំដុះលើផ្ទៃដីស្រូវវស្សាប្រមាណ ៣៨ ៨៣៧ហិកតា អាចប្រឈមនឹងការខ្វះខាតទឹកស្រោចស្រពនៅចុងរដូវ ហើយជាការឆ្លើយតប រដ្ឋបាលខេត្តព្រៃវែងបានយកចិត្តទុកដាក់ខ្ពស់ក្នុងការជួយអន្តរាគមន៍ ដោយបានបូមទឹកស្រោចស្រពសង្គ្រោះលើផ្ទៃដីស្រែកសិករបានប្រមាណ ៣ ៧២៩ហិកតា ពីប្រឡាយវៃគោទី១ នឹងប្រឡាយវៃគោទី២ ៕
Account
Security
Favourite Content