សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ថ្លែងនៅក្នុងពិធីទទួលរតនវត្ថុបុរាណខ្មែរនៅព្រឹកថ្ងៃទី១៧ ខែមីនា ឆ្នាំ២០២៣ នៅវិមានសន្តិភាព សម្ដេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ថា រាជរដ្ឋាភិបាលកម្ពុជាបានចាត់ទុកថា ការបញ្ជូនវត្ថុបុរាណមកកម្ពុជាដែលជាម្ចាស់ដើម គឺជាកាយវិការដ៏ថ្លៃថ្លាគួរឱ្យគោរព ជាការបង្ហាញពីក្រមសីលធម៌ក្នុងការចូលរួមលើកកម្ពស់ដល់វប្បធម៌នៃជាតិសាសន៍មួយ ។
សម្ដេចតេជោបន្តថា ក្នុងសម័យនេះសន្តិភាពគឺពិតជាមានសារសំខាន់បំផុត មិនត្រឹមតែសម្រាប់មនុស្សធម្មតានោះឡើយ ប៉ុន្តែគ្រួសារអាទិទេព ក៏ត្រូវការសន្តិភាពសម្រាប់ការជួបជុំមូលត្រកូលគ្នាឡើងវិញ។ បច្ចុប្បន្ន កម្ពុជាកំពុងបន្តស្រាវជ្រាវប្រមូលភស្តុតាងនៃសម្បត្តិវប្បធម៌ដែលត្រូវបានលួចចេញពីកម្ពុជាដោយខុសច្បាប់ និងដំណើរការទាមទារ ដែលសហការជាមួយសហគមន៍អន្តរជាតិ និងគ្រប់ភាគីពាក់ព័ន្ធតាមគ្រប់មធ្យោបាយ ចរចា ដំណើរការផ្លូវទូត រដ្ឋបាលឬតុលាការក្នុងករណីចាំបាច់ ។
សម្ដេចតេជោក៏បានអំពាវនាវដល់សារមន្ទីរ ស្ថាប័ននានា និងអ្នករក្សាទុកវត្ថុបុរាណខ្មែរ សូមមេត្តាបន្តប្រគល់វត្ថុទាំងនោះដោយស្ម័គ្រចិត្តជូនមកកម្ពុជាវិញ។ ពិធីដែលបានធ្វើនៅថ្ងៃនេះ គឺជាព្រឹត្តិការណ៍ដ៏មានអត្ថន័យដ៏ឧត្តុងឧត្តម មិនមែនសម្រាប់តែប្រជាជនកម្ពុជាដែលជាម្ចាស់ដើមពិតប្រាកដនៃសម្បត្តិវប្បធម៌ប៉ុណ្ណោះទេ ប៉ុន្តែក៏បានឆ្លុះបញ្ចាំងឱ្យឃើញពីសារសំខាន់នៃកិច្ចសហប្រតិបត្តិការជាមួយប្រទេសនានា និងការខិតខំប្រឹងប្រែងរបស់សហគមន៍អន្តរជាតិនៅក្នុងយុទ្ធនាការសកល ប្រយុទ្ធទប់ស្កាត់អំពើចោរកម្មនិងចរាចរណ៍នៃការជួញដូរខុសច្បាប់នៃសម្បត្តិវប្បធម៌ ដើម្បីជាឧត្តមប្រយោជន៍សម្រាប់មនុស្សជាតិទាំងមូល ។ សម្ដេចតេជោបន្ថែមថា កម្ពុជាក្នុងនាមជាប្រទេសតូចមួយ ដែលធ្លាប់បានឆ្លងកាត់សង្គ្រាម និងទទួលរងនូវភាពខ្ទិចខ្ទាំយ៉ាងដំណំ ហើយបច្ចុប្បន្នបានធ្វើសមាហរណកម្មខ្លួនយ៉ាងរហ័សទៅក្នុងតំបន់និងអន្តរជាតិ ហើយក៏កំពុងដើរតួនាទីយ៉ាងសំខាន់ជាមួយសហគមន៍អន្តរជាតិនៅក្នុងកិច្ចសកល នៃការអភិរក្សមរតកវប្បធម៌ និងអរិយធម៌របស់ មនុស្សជាតិ៕
Account
Security
Favourite Content