សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បច្ចេកវិទ្យា AI និងរ៉ូបូតបំពាក់បច្ចេកវិទ្យា AI គឺជាអនាគតរបស់ពិភពលោកដែលយើងនឹងមិនអាចជៀសផុតឡើយដែលមានន័យយើងគ្រប់គ្នាត្រូវតែត្រៀមខ្លួនឲ្យបានរួចរាល់ថា ការងារយ៉ាងច្រើនរបស់មនុស្សលោកនឹងត្រូវជំនួសមកវិញដោយមនុស្សយន្តទាំងនោះ។
ជាក់ស្តែង ថ្មីៗនេះកម្មវិធីដ៏ថ្មីសន្លាងមួយទៀតកំពុងបង្កការភ្ញាក់ផ្អើលយ៉ាងខ្លាំងដល់ពិភពលោក ពីព្រោះថាមុខងារពិសេសរបស់វាគឹនឹងអាចយកមកប្រើជំនួសឲ្យការងារអាជីពរបស់មនុស្សបានយ៉ាងច្រើនដូចជាការនិពន្ធបទចម្រៀងការផលិតអត្ថបទការរៀបចំកិច្ចការងារសាលា និងរហូតទៅដល់មុងងារសរសេរកូដកម្មវិធីកំព្យូទ័រទៀតផង។
ChatGPT ជារ៉ូបូតសន្ទនាស្វ័យប្រវត្តិបច្ចេកវិទ្យា AI ដ៏ទំនើបមិនធ្លាប់មាន ហើយបើទោះបីជាមិនទាន់អាចប្រើប្រាស់នៅគ្រប់ប្រទេសលើពិភពលោកក្តី និងកំពុងផ្តល់សេវាកម្មដោយការគិតថ្លៃប្រចាំខែក្តី ប៉ុន្តែមកទល់នឹងបច្ចុប្បន្នគិតចាប់តាំងតែពីខែវិច្ឆិកា ឆ្នាំ២០២២មកបច្ចុប្បន្ន មានអ្នកចុះឈ្មោះប្រើប្រាស់ដល់ទៅរាប់លាននាក់រួចមកហើយ។
មុន ChatGPT នេះ ប៉ុន្មានខែក៏មានការចេញផ្សាយនូវព័ត៌មានដ៏គួរឲ្យភ្ញាក់ផ្អើលមួយទៀតដែលមនុស្សយន្តបំពាក់ដោយបច្ចេកវិទ្យា AI មួយគ្រឿងត្រូវបានក្រុមហ៊ុនអន្តរជាតិដ៏ល្បីល្បាញតែងតាំងឲ្យទទួលបានតំណែងជាប្រធានប្រតិបត្តិរបស់ខ្លួន។ វាបានក្លាយទៅជាព្រឹត្តិការណ៍ជាប្រវត្តិសាស្ត្ររបស់ពិភពលោកមិនធ្លាប់កើតមាននៅឡើយដែលរ៉ូបូតអាចទទួលបានតំណែងខ្ពស់បំផុតនៅក្នុងប្រតិបត្តិការក្រុមហ៊ុនមួយដែលមានបុគ្គលិកសុទ្ធតែជាមនុស្សធម្មតា។
កាលពីខែសីហាឆ្នាំ២០២២ ក្រុមហ៊ុនហ្គេមអនឡាញដ៏ល្បីរបស់ចិន NetDragon Websoft បានធ្វើការប្រកាសតែងតាំងមនុស្សយន្ត AI ដែលមានឈ្មោះថា Tang Yu “តាំងយូ” ជាប្រធានប្រតិបត្តិហើយភ្លាមៗវាបានធ្វើឲ្យតម្លៃភាគហ៊ុនរបស់ខ្លួននៅលើទីផ្សារហ៊ុនហុងកុងបានស្ទុះឡើងយ៉ាងខ្លាំង។
ធៀបទៅនឹងពេលវេលា៦ខែចុងក្រោយ ភាគហ៊ុនរបស់ NetDragon បានផ្ទុះឡើងក្នុងអត្រាដល់ទៅ១០ភាគរយ ហើយបានធ្វើឲ្យតម្លៃរបស់ក្រុមហ៊ុនទាំងមូលនៅក្នុងទីផ្សារបានកើនឡើងទៅដល់៩ពាន់លានដុល្លារហុងកុង ឬត្រូវជា ១,១ពាន់លានដុល្លារអាមេរិកផងដែរ។
រំលឹកដែរថា នៅក្នុងពេលប្រកាសនោះក្រុមហ៊ុន NetDragon បានបង្ហាញជំនឿចិត្តថាប្រធានប្រតិបត្តិជាមនុស្សយន្តរូបនេះ នឹងអាចបង្កើនប្រសិទ្ធភាពសម្រាប់ការសម្រេចចិត្តនានាក្នុងក្រុមហ៊ុនព្រមទាំងអាចធ្វើការសម្រេចចិត្តទៅលើការគ្រប់គ្រងហានិភ័យ ក៏ដូចជាជួយធានាបាននូវកន្លែងការងារប្រកបដោយយុត្តិធម៌ និងប្រសិទ្ធភាពសម្រាប់បុគ្គលិកទាំងអស់ជាមិនខាន។
គួរឲ្យដឹងដែរថា NetDragon ដែលបច្ចុប្បន្នមានបុគ្គលិកធ្វើការរាប់ពាន់នាក់នោះត្រូវបានបង្កើតឡើងតាំងតែពីឆ្នាំ១៩៩៩ និងធ្លាប់មានបទពិសោធក្នុងការផលិតហ្គេមអនឡាញល្បីៗ ដូចជា Eudemons Online, Heroes Evolved និង Conquer Online ជាដើម និងក៏ដូចជាវេបសាយហ្គេមអនឡាញដំបូងរបស់ចិន 17173.com៕
Account
Security
Favourite Content