អាជីវកម្មចម្រាញ់ប្រេងស្លឹកគ្រៃខ្មៅធ្វើជាទឹកអប់រថយន្តកំពុងទទួលបានការគាំទ្រ

ស្លឹកគ្រៃខ្មៅ ជាប្រភេទស្លឹកគ្រៃម្យ៉ាងដែលមានក្លិនឈ្ងុយជាងស្លឹកគ្រៃធម្មតា ហើយត្រូវបានគេយកទៅចម្រាញ់ និងកែច្នៃជាផលិតផលជាច្រើនដែលល្អ និងមានប្រយោជន៍ចំពោះសុខភាព។ ក្នុងនោះ ស្លឹកគ្រៃខ្មៅក៏ត្រូវបានគេច្នៃជាទឹកអប់សម្រាប់ដាក់ក្នុងរថយន្តមានក្លិនក្រអូបឈ្ងុយ ជួយបំបាត់ក្លិនមិនល្អ និងធ្វើឱ្យមានអារម្មណ៍ល្អ កំពុងទទួលបានការគាំទ្រ និងមានចំណែកទីផ្សារគួរឱ្យកត់សម្គាល់។

ពេញហឫទ័យ ជាសហគ្រាសធនតូចដែលមានសង្វាក់ផលិតកម្មចម្រាញ់ប្រេងស្លឹកគ្រៃខ្មៅដើម្បីផលិតចេញជាផលិតផលច្នៃពីស្លឹកគ្រៃខ្មៅ ដូចជា ទឹកអប់ ប្រេងស្លឹកគ្រៃ តែផ្កាស្លឹកគ្រៃ ឡេ និងសាប៊ូ ដែលផលិតពីគ្រឿងផ្សំធម្មជាតិ ផ្ដល់គុណភាពល្អ ប្រសិទ្ធភាពខ្ពស់ និងកំពុងមានតម្រូវការទីផ្សារ។

លោក ប៉ែន ប៉ូលី ជានាយកគ្រប់គ្រងទូទៅសហគ្រាស ពេញហឫទ័យ បានមានប្រសាសន៍ប្រាប់ AMS ឱ្យដឹងថា៖

«សហគ្រាសយើងនៅកម្រិតតូចនៅឡើយ តែយើងបានដំណើរការយ៉ាងសកម្ម និងបានដាំដុះ កែច្នៃផលិតផលនៅខេត្តបាត់ដំបង ហើយក៏បានចូលរួមជួយជីវភាពបងប្អូននៅតាមតំបន់មួយចំនួន ដោយផលិតផលទឹកអប់ប្រេងស្លឹកគ្រៃដាក់តាមរថយន្តតែមួយមុខអាចលក់បានប្រមាណ ២ពាន់ដបក្នុងមួយខែ»។

លោកបន្តថា ៖

«សម្រាប់ផលិតផលរបស់សហគ្រាសយើងជាផលិតផលផលិតចេញពីវត្ថុធាតុដើមធម្មជាតិ ដែលមានគុណប្រយោជន៍ច្រើនចំពោះសុខភាព មិនថាផលិតផលតែ សាប៊ូ ឡេការពារកម្ដៅថ្ងៃ ឬផលិតផលទឹកអប់ដាក់ក្នុងរថយន្តនេះផ្ទាល់គឺមានភាពពេញនិយមជាងគេ»។

ចំពោះទឹកអប់ប្រេងស្លឹកគ្រៃសម្រាប់ដាក់តាមរថយន្តនេះ មានប្រសិទ្ធភាពអាចជួយបំបាត់ក្លិនមិនល្អក្នុងរថយន្ត ធ្វើឱ្យមានក្លិនក្រអូបប្រហើរ ផ្ដល់នូវភាពស្រស់ស្រាយ សម្រួលសុខភាពផ្លូវដង្ហើម ពិសេសវាផ្សំពីស្លឹកគ្រៃខ្មៅដែលអាចជួយឱ្យអ្នកនៅក្នុងរថយន្តមិនសូវចុករោយដៃជើងនៅពេលធ្វើដំណើរផ្លូវឆ្ងាយ។

សម្រាប់តម្លៃវិញ ទឹកអប់ប្រេងស្លឹកគ្រៃមានតម្លៃ ៥ដុល្លារសម្រាប់ទឹកអប់ចំណុះ ៨មីលីលីត្រ ដែលអាចប្រើបានចន្លោះ ១-២ខែ ហើយអតិថិជនភាគច្រើនជាមនុស្សពេញវ័យដែលមានរថយន្ត ឬបងប្អូនមួយចំនួនទៀតដែលទិញយកទៅដាក់តាមបន្ទប់ ឬដាក់ក្នុងម៉ាស៊ីនឆ្ពុងដើម្បីមានក្លិនក្រអូបប្រហើរ។

ចុងក្រោយ លោក ប៉ែន ប៉ូលី ក៏សូមថ្លែងអំណរគុណដល់អតិថិជនដែលតែងតែគាំទ្រ មិនថាទឹកអប់ សាប៊ូ ឬតែ នោះទេ ហើយថ្ងៃអនាគត លោក និងក្រុមការងារក៏នឹងពង្រីកការផលិតបន្ថែមទៀតនូវផលិតផលធម្មជាតិច្នៃចេញពីវត្ថុធាតុដើមក្នុងស្រុក ដែលជាផ្នែកមួយជួយលើកកម្ពស់ជីវភាពប្រជាជនក្នុងតំបន់៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

អាជីវកម្មកែច្នៃភេសជ្ជៈទឹកអំពិលទុំផ្គត់ផ្គង់ទីផ្សារក្នុងស្រុក កំពុងមានតម្រូវការខ្ពស់

ជំនួញ, ព្រឹត្តិការណ៍

• 13/06/2024

សហគ្រាសទឹកអំពិលទុំស្នាដៃអ្នកម្តាយ TAPT ជាសហគ្រាសដែលកំពុងផលិតភេសជ្ជៈទឹកអំពិលទុំមានរសជាតិឆ្ងាញ់ និងកំពុងមានតម្រូវការទីផ្សារខ្ពស់

គិតត្រឹមត្រីមាសទី១ ឆ្នាំ២០២៤ ស្ថានភាពបំណុលសាធារណៈរបស់កម្ពុជា ស្ថិតក្នុងភាពអាចគ្រប់គ្រងបាន

ព្រឹត្តិការណ៍, ហិរញ្ញវត្ថុ

• 13/06/2024

ស្ថានភាពបំណុលសាធារណៈរបស់កម្ពុជា គិតត្រឹមត្រីមាសទី១ ឆ្នាំ២០២៤ នេះ នៅតែត្រូវបានវាយតម្លៃថា ស្ថិតក្នុងភាពអាចគ្រប់គ្រងបាន ពោលគឺនៅតែមាន “ចីរភាព” និង “ហានិភ័យកម្រិតទាប” ដដែល

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

មធ្យោបាយ​ធ្វើដំណើរ​ទៅកាន់បណ្ដាខេត្ត​ជាប់​សមុទ្រ​នឹង​កាន់តែសំបូរបែប​នាពេលឆាប់ៗនេះ ខណៈ​សក្ដានុពល​វិនិយោគ​ក៏​កាន់​តែ​ទាក់​ទាញ​​

ព្រឹត្តិការណ៍, អចលនទ្រព្យ

• 13/06/2024

តំបន់​សមុទ្រ​កាន់តែបង្ហាញពីសក្ដានុពល​ទាក់ទាញខ្លាំង ក្រោយសមិទ្ធផល​ និងគម្រោង​វិនិយោគ​របស់រដ្ឋ​ និងឯកជន​បានបង្ហាញ​ខ្លួន​ជា​បន្តបន្ទាប់

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន

ម៉ាឡេស៊ី ចំណាយលុយពង្រឹងវិស័យយោធាជើងទឹកតាមរយៈកុងត្រាសាងសង់នាវាចម្បាំងធុនធ្ងន់ថ្មីចំនួន៣គ្រឿង

ព្រឹត្តិការណ៍, អាជីវកម្មថ្មី និងនវានុវត្ត

• 13/06/2024

STM នឹងចាប់ផ្តើមសាងសង់នាវាចម្បាំងទាំង៣គ្រឿងនៅក្នុងឆ្នាំ២០២៤នេះហើយនឹងបញ្ចប់ការងារព្រមទាំងប្រគល់នាវាទៅឱ្យម៉ាឡេស៊ីក្នុងរយៈពេល៣ឆ្នាំកន្លះខាងមុខ

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

ព្រឹត្តិការណ៍, ហិរញ្ញវត្ថុ

• 13/06/2024

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០នាក់ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

កម្ពុជា-សហភាពអឺរ៉ុប ឯកភាពក្នុងការពង្រឹងទំនាក់ទំនងសេដ្ឋកិច្ច និងពាណិជ្ជកម្មបន្ថែម

ព្រឹត្តិការណ៍, សេដ្ឋកិច្ច

• 12/06/2024

កម្ពុជាបានយកចិត្តទុកដាក់ជាខ្លាំង ចំពោះការលើកកម្ពស់ទំនាក់ទំនងនិងកិច្ចសហប្រតិបត្តិការ ជាមួយសហភាពអឺរ៉ុប និងអរគុណសហភាពអឺរ៉ុបដែលបានជួយកម្ពុជាក្នុងការស្ដារប្រទេសជាតិឡើងវិញក្រោយវិបត្តិផ្សេងៗ ដូចជាការកសាងហេដ្ឋារចនាសម្ព័ន្ធ កសិកម្ម ធនធានមនុស្ស និងការបោសសម្អាតមីនជាដើម...