សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សម្តេចតេជោ ហ៊ុន សែន បានមានប្រសាសន៍ថា កម្ពុជាទាមទារការអភិវឌ្ឍ និងពង្រឹងធនធានមនុស្ស ទាំងបរិមាណ និងគុណភាពតាមរយៈវិស័យអប់រំ ដើម្បីក្លាយជាធនធានអភិវឌ្ឍន៍ប្រទេសជាតិឱ្យមានភាពរីកចម្រើនជឿនលឿន ខណៈសម្តេចតេជោបានលើកពីគំរូពីភាពរីកម្រើនរបស់ប្រទេសសិង្ហបុរី ដែលកើតឡើងដោយសារធនធានមនុស្ស សន្តិភាព និងស្ថិរភាពនយោបាយ ។
មានប្រសាសន៍ក្នុងពិធីប្រគល់សញ្ញាបត្រជូននិស្សិតជ័យលាភីនៃសាកលវិទ្យាល័យវេស្ទើន សរុបចំនួន ៣ ២៣២នាក់ នៅព្រឹក ថ្ងៃទី ២៦ ខែមករា ឆ្នាំ ២០២៣ សម្តេចតេជោ បានលើកឡើងពីសឹង្ហបុរី ដែលជាប្រទេសមិនមែនជាប្រទេសមានធនធានធម្មជាតិឡើយ រាប់ទាំងទឹកស្អាត ក៏ត្រូវទិញពីប្រទេសក្បែរខាងដែរ។ ការរីកចម្រើនរបស់ប្រទេសសឹង្ហបុរី គឺកើតឡើងដោយសារធនធានមនុស្ស សន្តិភាព និងស្ថិរភាពនយោបាយលើប្រទេសដ៏តូចមួយនោះ។
សម្តេចតេជោ បានមានប្រសាសន៍ថា ប្រទេសយើងរីកចម្រើនមិនលឿន ដោយសារកត្តាធនធានមនុស្សមានកម្រិត។ កម្ពុជាមានយុវជនច្រើន តែសមត្ថភាពរបស់ពួកគេនៅមានកម្រិតនៅឡើយ។ ដូច្នេះ ត្រូវទាមទារការអភិវឌ្ឍធនធានមនុស្ស និងពង្រឹងគុណភាពអប់រំ ដែលប្រភពធនធានសំខាន់ ដើម្បីជំរុញប្រទេសយើងឱ្យរីកចម្រើនលឿន៕
Account
Security
Favourite Content