សមាគមអ្នកដាំបន្លែសុវត្ថិភាព សៀមរាប​ ជាកន្លែងមួយជួយរកទីផ្សារឱ្យកសិករ

សៀមរាប៖ ដោយមើលឃើញពីផលំបាករបស់បងប្អូនកសិករក្នុងតំបន់ក្នុងការស្វែងរកទីផ្សារដើម្បីលក់កសិផលដែលផលិត និងច្នៃបាន សមាគមក្នុងស្រុកមួយបានបង្កើតឡើងដើម្បីជួយសម្រួលដល់ដំណើរការទីផ្សាររបស់ផលិតផលក្នុងស្រុកទាំងនេះ ដោយធ្វើយ៉ាងអាចជួយលើកកម្ពស់គុណភាពនៃការផលិត និងកម្រិតជីវភាពគ្រួសារកសិករឲ្យកាន់តែល្អប្រសើរ។

សមាគមអ្នកដាំបន្លែសុវត្ថិភាព សៀមរាប ឬ The Green Famers Siem Reap មាទីតាំងនៅក្នុងភូមិគ្រួស សង្កាត់ស្វាយដង្គំ ខេត្តសៀមរាប ត្រូវបានបង្កើតឡើងនៅឆ្នាំ២០១៨ ដែលជាសមាគមក្នុងស្រុកមួយជួយលក់បន្តនូវកសិផលធម្មជាតិ សរីរាង្គ ក៏ដូចជាផលិតផលកែច្នៃមួយចំនួនទៀតរបស់បងប្អូនកសិករខ្មែរក្នុងតំបន់ក្រោមកិច្ចសហការជាមួយនឹងអង្គការ អាគ្រីស៊ុត។

លោក ឆង សាវៃ ប្រធានសមាគមខាងលើបានមានប្រសាសន៍ថា ៖

“យើងបង្កើតសមាគមនេះឡើងគឺដើម្បីដោះស្រាយបញ្ហាចំពោះមុខមួយចំនួនជួយសម្រួលដល់បងប្អូនប្រជាកសិករខ្មែរក្នុងតំបន់ ដូចជា បញ្ហាផលិតកម្មដែលពុំអាចផលិតគ្រប់មុខតាមតម្រូវការ បញ្ហាគុណភាព ក៏ដូចជាអនាម័យ បញ្ហាទំនាក់ទំនងដែលបងប្អូនកសិករយើងនៅប្រឈមច្រើន ជាពិសេសពាក់ព័ន្ធទៅនឹងដើមទុនតែម្ដង”

លោកបន្តថា សមាជិកក្នុងសមាគមបច្ចុប្បន្នមានផលិតនូវផលិតផលពីរប្រភេទ គឺកសិផលស្រស់ និងផលិតផលកែច្នៃ ដែលក្នុងនោះផលិតផលស្រស់រួមមានបន្លែ ផ្លែឈើ ឯប្រភេទកែច្នៃមានបែងចែកជាក្រុមតូចៗផ្សេងទៀតគឺ គ្រឿងទេសស្ងួត ដូចជា តែខ្ញី តែស្លឹកគ្រៃ ម្សៅរមៀត ម្សៅខ្ជាយ ភេសជ្ជៈ ប្រងក្រអូប និងថ្នាំពុលធម្មជាតិជាដើម។

ប្រធានសមាគមរូបនេះបានបន្ថែមថា កសិផលស្រស់ដែលត្រូវបានចែកជាពីរផ្នែកផ្សេងទៀត គឺប្រភេទបន្លែសុវត្ថិភាព និងសរីរាង្គ ដែលបន្លែសរីរាង្គគេផ្ដោតលើ សាលាដ៍បែបអឺរ៉ុបមួយមុខប៉ុណ្ណោះ។ ចំពោះលទ្ធភាពក្នុងការផលិតសាលាដ៍បែបអឺរ៉ុបគេអាចផ្គត់ផ្គង់បានប្រមាណ ២តោនក្នុងមួយខែ ហើយផលិតផលកែច្នៃអាចផលិតបានប្រមាណ ១៥០គីឡូក្រាមក្នុងមួយខែ ខណៈបច្ចុប្បន្នបងប្អូនកសិករដែលជាសមាជិករបស់សមាគមអ្នកដាំបន្លែនេះមានប្រមាណ ៣៧៣គ្រួសារ មកពី ៥ស្រុកគឺ ស្រុកសៀមរាប បន្ទាយស្រី ប្រាសាទបាគង ពួក និងស្រុកស្វាយលើ។ សមាជិកទាំងនេះសុទ្ធសឹងទទួលបានការបណ្ដុះបណ្ដាលពីអង្គការអាគ្រីស៊ុត ទាំងផ្នែកកសិកម្ម និងអាក្រូអេកូឡូស៊ី និងបានចូលហ៊ុន ក៏ដូចជាបង់ថ្លៃសមាជិកភាពផងដែរ។ ដោយឡែកទាក់ទងទៅនឹងទីផ្សារវិញឃើញថា ផលិតផលរបស់សមាគមអ្នកខេត្តសៀមរាបនេះមានផ្គត់ផ្គង់នៅតាមបណ្តាផ្សារទំនើប ភោជនីយដ្ឋាន សណ្ឋាគារ ក៏ដូចជាលក់រាយនៅតាមផ្សារក្នុងតំបន់ និងសហគមន៍ផងដែរ។

គួរបញ្ជាក់ដែរថា សមាគមអ្នកដាំបន្លែសុវត្ថិភាព សៀមរាប ត្រូវបានបង្កើតឡើងនៅខែមករា ឆ្នាំ២០១៨ និងបានចុះបញ្ជីរនៅក្រសួងមហាផ្ទៃនៅខែធ្នូ ឆ្នាំដដែល ដោយក្នុងការចាប់ផ្ដើមដំបូងគឺមិនបានចាយទុនអ្វីឡើយ ពោលគឺលោក ឆង សាវៃ កៀរគរប្រមូលប្រជាកសិករ ហើយធ្វើការប្រមូលហ៊ុនគ្នាពីសំណាក់សមាជិកដើម្បីមកចាប់ផ្ដើមរួមគ្នានៅក្នុងសហគមន៍ ហើយចាប់ដំណើរការទាំងអស់គ្នា។

យ៉ាងណាក៏ដោយ នៅក្នុងកិច្ចដំណើរការបង្កើត និងប្រតិបត្តិការ សមាគម អ្នកដាំបន្លែសុវត្ថិភាព សៀមរាប ឬ The Green Famers Siem Reap ក៏មានជួបបញ្ហាប្រឈមមួយចំនួនផងដែរ ដូចជា ការផ្គត់ផ្គង់គឺនៅមានទំហំតូចនៅឡើយ ខណៈតម្រូវការទីផ្សារ ក៏ដូចជាភោជនីយដ្ឋាន និងសណ្ឋាគារដែលចាំទទួលទិញមានច្រើន។ ក្រៅពីនេះ ការដឹកជញ្ជូនកសិផលស្រស់ទៅកាន់ទីក្រុងក៏នៅតែចោទជាបញ្ហាមួយផងដែរ។ នេះជាអ្វីដែលប្រធានសមាគមខាងលើបានលើកឡើង។

សម្រាប់ថ្ងៃអនាគត លោក ឆង សាវៃ ប្រធានសមាគមអ្នកដាំបន្លែសុវត្ថិភាព សៀមរាប បានបង្ហាញពីចក្ខុវិស័យរបស់សមាគមផងដែរ ដោយលោកចង់ឱ្យបងប្អូនប្រជាជនកម្ពុជាងាកមកជួយគាំទ្រផលិតផលក្នុងស្រុកឲ្យបានច្រើន ហើយលោក និងក្រុមការងារនឹងព្យាយាមស្វែងរកទីផ្សារ ក៏ដូចជាបង្កើតជាសហគ្រាសមួយដើម្បីគាំទ្រផលិតផលខ្មែរ ក៏ដូចជាជួយដល់សេដ្ឋកិច្ចគ្រួសារបងប្អូនកសិករខ្មេរផងដែរ៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា ២០២៦ CAMESCO26 ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា

ព្រឹត្តិការណ៍, អត្ថបទពាណិជ្ជកម្ម

• 21/11/2026

ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា រាជធានីភ្នំពេញ ៖ សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា២០២៦ (CAMESCO26) បានប្រព្រឹត្តទៅនៅ សណ្ឋាគារ Shangri-La ភ្នំពេញ ដោយមានអ្នកចូលរួមប្រមាណ ៣០០ នាក់ តំណាងឱ្យស្ថាប័ន និងអង្គការចំនួន ២៤០។ ក្រោមប្រធានបទ៖

ក្រសួងទេសចរណ៍ ជំរុញ និងពង្រឹងសមត្ថភាពអ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍ផ្នែកភាសា

ព្រឹត្តិការណ៍, អាជីវកម្មថ្មី និងនវានុវត្ត

• 21/11/2026

ភ្នំពេញ ៖ ក្រសួងទេសចរណ៍ តាមរយៈនាយកដ្ឋានបណ្តុះបណ្តាលជំនាញវិជ្ជាជីវៈទេសចរណ៍ សហការជាមួយក្រុមហ៊ុន Edifyworld Co., Ltd នាថ្ងៃទី២០ ខែវិច្ឆិកា ឆ្នាំ២០២៦ នៅទីស្ដីការក្រសួង បានរៀបចំសិក្ខាសាលាពង្រឹងសមត្ថភាពគ្រូបង្គោល អ្នកវាយតម្លៃបង្គោល អ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍​ ផ្នែកភាសាអង់គ្លេសពិសេស (Master Class) ក្នុងវិស័យបដិសណ្ឋារកិច្ច

សាកល្បងជោគជ័យភ្លាម សហគមន៍កសិកម្មទំនើបស្រុកព្រះស្តេច ត្រៀមបង្កើនទុនដាំត្រសក់ផ្អែម ២៥ ០០០ដុល្លារ ភ្លែត!

ព្រឹត្តិការណ៍, សេដ្ឋកិច្ច

• 20/11/2026

ព្រៃវែង ៖ សហគមន៍កសិកម្មទំនើបស្រុកព្រះស្តេច ខេត្តព្រៃវែង គ្រោងពង្រីកផ្ទៃដីដាំត្រសក់ផ្អែម ២ប្រភេទដែលមានតម្រូវការខ្ពស់នៅលើទីផ្សារ ទៅដល់ ៤៥ ០០០ម៉ែត្រការ៉េ ឬស្មើនឹង ៥០ ខ្នងផ្ទះសំណាញ់ បន្ទាប់ពីជោគជ័យលើការប្រមូលផលសាកល្បងលើកដំបូងបានជិត ២តោន។ កញ្ញា ហួន ស៊ីអឺ ប្រធានសហគមន៍កសិកម្មទំនើប ស្រុកព្រះស្តេច បានប្រាប់បណ្តាញសារព័ត៌មាន

កម្មវិធីថ្មី គាំទ្រដោយសហភាពអឺរ៉ុប កំណត់គោលដៅធ្វើសវនកម្មថាមពលបៃតងចំនួន ២១០ លើក នៅតាមរោងចក្រកម្ពុជា

ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 20/11/2026

ភ្នំពេញ ៖ រោងចក្រកាត់ដេរសម្លៀកបំពាក់ និងស្បែកជើងនៅកម្ពុជា នឹងទទួលបានការធ្វើសវនកម្មថាមពលចំនួន ២១០ លើក លើការគាំទ្រផ្នែកថាមពលកកើតឡើងវិញ និងការលើកកម្ពស់សុវត្ថិភាពនៅកន្លែងការងារ ក្រោម «ភាពជាដៃគូកម្ពុជា-សហភាពអឺរ៉ុប សម្រាប់ការអនុវត្តថាមពលប្រកបដោយចីរភាពក្នុងវិស័យឧស្សាហកម្ម» ដែលត្រូវបានប្រកាសដាក់ឱ្យដំណើរការជាផ្លូវការនៅរាជធានីភ្នំពេញ កាលពីថ្ងៃទី១៩ ខែវិច្ឆិកា ឆ្នាំ២០២៦។ វិស័យកាត់ដេរសម្លៀកបំពាក់ ស្បែកជើង និងផលិតផលធ្វើដំណើរ (GFT)

ទីក្រុងស៊ិនជិន រយៈពេល ៩ ខែ ស្រូបទាញទុនវិនិយោគបរទេសកើនឡើងជាង ៦០ភាគរយ

ព្រឹត្តិការណ៍, អាជីវកម្មថ្មី និងនវានុវត្ត

• 20/11/2026

បរទេស ៖ ទីក្រុងស៊ិនជិន ឬ Shenzhen ដែលគេស្គាល់ថាជាប៉ូលបច្ចេកវិទ្យាដ៏សំខាន់នៅភាគខាងត្បូងប្រទេសចិន និងជាម្ចាស់ផ្ទះនៃកិច្ចប្រជុំកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) ក្នុងឆ្នាំនេះ កំពុងក្លាយជាគោលដៅដ៏មានឥទ្ធិពលក្នុងការទាក់ទាញវិនិយោគិនពីបរទេស។ ជាក់ស្តែង ក្នុងរយៈពេល ៩ ខែដំបូងនៃឆ្នាំនេះ ទំហំទុនវិនិយោគផ្ទាល់ពីបរទេស (FDI) នៅក្នុងទីក្រុងនេះបានហក់ឡើងដល់ ៤៤ ពាន់លានយ័ន ឬប្រមាណ

រាជរដ្ឋាភិបាល ជំរុញឱ្យ​មានការវិនិយោគ​គម្រោងអភិវឌ្ឍរមណីយដ្ឋានទេសចរណ៍នៅលើកោះក្នុងខេត្ត​ព្រះសីហនុ

ព្រឹត្តិការណ៍, សេដ្ឋកិច្ច

• 20/11/2026

រដ្ឋាភិបាល​បានលើកទឹកចិត្ត​និង​ជំរុញ​ឱ្យមានការ​វិនិយោគតាមបណ្ដាកោះ​នានា​ក្នុងខេត្ត​ព្រះសីហនុ ជាពិសេស​វិស័យទេសចរណ៍

អតិផរណាស្នូលរបស់ជប៉ុនកើនឡើងលើសគោលដៅ ២ % ខណៈអ្នកជំនាញរំពឹងថា អត្រាការប្រាក់អាចនឹងដំឡើងខ្ពស់នៅក្នុងខែធ្នូ

ព្រឹត្តិការណ៍, សេដ្ឋកិច្ច

• 20/11/2026

អតិផរណាស្នូលប្រចាំឆ្នាំរបស់ជប៉ុនបន្តកើនឡើងលើសពីគោលដៅ ២ ភាគរយរបស់ធនាគារកណ្តាលពីរខែជាប់ៗគ្នា ដែលជំរុញឱ្យមានការរំពឹងទុកកាន់តែខ្ពស់អំពីការដំឡើងអត្រាការប្រាក់ក្នុងពេលឆាប់ៗខាងមុខ

ក្រុមហ៊ុនបច្ចេកវិទ្យាអវកាសរបស់បារាំង Thales និងសាកលវិទ្យាល័យ ខេមតិច ចាប់ដៃគូស្វែងរកកិច្ចសហប្រតិបត្តិការលើការអប់រំ និងការស្រាវជ្រាវក្នុងវិស័យអវកាសនៅកម្ពុជា

ព្រឹត្តិការណ៍, អត្ថបទពាណិជ្ជកម្ម

• 20/11/2026

ភ្នំពេញ ៖ ក្រុមហ៊ុន «Thales» មកពីប្រទេសបារាំង និងសាកលវិទ្យាល័យ ខេមតិច (CamTech) បានចុះហត្ថលេខាលើអនុស្សរណៈនៃការយោគយល់គ្នា (MoU) នៅថ្ងៃទី ១៦ ខែវិច្ឆិកា ឆ្នាំ ២០២៦ ដើម្បីស្វែងរកកិច្ចសហប្រតិបត្តិការលើវិស័យអប់រំ និងការស្រាវជ្រាវផ្នែកអវកាស និងអាកាសចរណ៍។ កិច្ចព្រមព្រៀងនេះត្រូវបានចុះហត្ថលេខាដោយឧកញ៉ាវេជ្ជបណ្ឌិត ពុង

LOLC KHQR ផ្តល់ជូននូវភាពងាយស្រួល និងឱកាសឈ្នះរង្វាន់ទឹកប្រាក់ ១៦៨ ០០០ រៀល ដល់អាជីវករក្នុងឱកាសពិធីបុណ្យអុំទូកខាងមុខ!

ព្រឹត្តិការណ៍, អត្ថបទពាណិជ្ជកម្ម

• 20/11/2026

ពិធីបុណ្យអុំទូក បណ្តែតប្រទីប និងសំពះព្រះខែ អកអំបុក កាន់តែខិតជិតមកដល់ហើយ ដែលជាពេលវេលាដ៏មមាញឹកសម្រាប់អាជីវករនៅតាមតំបន់ដែលមានអ្នកធ្វើដំណើរច្រើន ជាពិសេសភោជនីយដ្ឋាន ឬអាហារដ្ឋានដែលលក់ម្ហូបអាហារ ហាងលក់ទំនិញ ឬសេវាកម្មនានា។ ជាមួយនឹងការកើនឡើងនៃចំនួនអតិថិជន អាជីវករក៏អាចប្រឈមនឹងបញ្ហាមួយចំនួនក្នុងការគ្រប់គ្រងការទូទាត់ ដូចជា ការទទួលសាច់ប្រាក់ ការរាប់ប្រាក់ ការរៀបចំប្រាក់អាប់ និងការកត់ត្រាប្រតិបត្តិការលក់ប្រចាំថ្ងៃ។ ដើម្បីជួយសម្រួលដល់បញ្ហាប្រឈមទាំងនេះ អិលអូអិលស៊ី សូមផ្តល់ជូននូវដំណោះស្រាយទូទាត់ឌីជីថលតាមរយៈ

១៨ខែ ខេត្ត​​ភាគឦសានទទួលបានគម្រោង​វិនិយោគចំនួន ៧៦គម្រោង​ បង្កើតឱកាស​ការងារ​បានជាង​ ៨,៣ម៉ឺនកន្លែង​

ព្រឹត្តិការណ៍, សេដ្ឋកិច្ច

• 20/11/2026

ក្នុងរយៈពេលត្រឹមតែ១៨ខែ ឬ១ឆ្នាំកន្លះ តំបន់ភូមិភាគឦសាន​បានទទួល​គម្រោង​វិនិយោគ៧៦គម្រោង​ជាមួយនឹងទុនវិនិយោគ ២,៦៥ពាន់​លានដុល្លារអាម៉េរិក​បង្កើតការងារបានជា​ង៨ម៉ឺននាក់​