សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ក្រោយការរង់ចាំអស់រយៈពេលជាច្រើនឆ្នាំ រដ្ឋាភិបាលអាមេរិកកាលពីថ្ងៃពុធពាក់កណ្តាលសប្តាហ៍កន្លងមកនេះបានចេញ លិខិតទទួលយកសំណើរបស់រដ្ឋាភិបាលក្រុងប៊ែរឡាំងដែលបានស្នើសុំបញ្ជាទិញយន្តហោះចម្បាំងប្រភេទ F-35 រាប់សិបគ្រឿង និងមានតម្លៃដល់ទៅជិត១០ពាន់លានដុល្លារ។
ជារឿយៗ រដ្ឋាភិបាលអាល្លឺម៉ង់តែងតែបានបញ្ជាក់ពីជំហរបស់ខ្លួនថា F-35 នឹងត្រូវយកមកជំនួសក្រុមយន្តហោះចម្បាំងប្រភេទ Tornado ចាស់ៗ ហើយក៏បានឲ្យសភាអនុម័តរួចមកហើយដែរនូវកញ្ចប់ថវិកាសរុបប្រមាណជា ៨,៤ពាន់លានដុល្លារដើម្បីអាចទិញយន្តហោះចម្បាំង F-35 សរុបដល់ទៅ៣៥គ្រឿងពីអាមេរិក និងត្រូវបានស្គាល់ថាជាផលិតផលរបស់ក្រុមហ៊ុនផលិតអាវុធ Lockheed Martin។
សមាជិកសភាអាល្លឺម៉ង់បានសម្រេចចិត្តរួមគ្នាក្នុងការប្រើប្រាស់កញ្ចប់លុយនេះចេញពីកញ្ចប់លុយ១៤ពាន់លានដុល្លារដែលកន្លងមកអាល្លឺម៉ង់ធ្លាប់បានអនុម័តរួចទៅហើយដើម្បីយកមកធ្វើការបំពេញចន្លោះប្រហោង និងការខ្វះខាតនៅក្នុងសមត្ថភាពយោធារបស់ខ្លួនសម្រាប់រយៈពេលប៉ុន្មានឆ្នាំខាងមុខ។
អនុប្រធានក្រុមហ៊ុន Lockheed Martin លោកBridget Lauderdale ក្រោយទទួលបានដំណឹងនេះបានថ្លែងថា ៖
“នេះគឺជាកិត្តិយសយ៉ាងខ្លាំងសម្រាប់យើងក្នុងការបញ្ចូលអាល្លឺម៉ង់ទៅក្នុងកម្មវិធី F-35 Lightning II Program។ ការចូលរួមរបស់រដ្ឋាភិបាលប៊ែរឡាំងនឹងអាចធានាបានថា សម្ព័ន្ធមិត្តរបស់អឺរ៉ុបនឹងអាចបន្តពង្រឹង និងបង្កើនសមត្ថភាពការពារជាតិរបស់ខ្លួនតាមរយៈការសហការគ្នាជាមួយនឹងអង្គការណាតូ និងបណ្តាសម្ព័ន្ធមិត្តរបស់ណាតូផ្សេងទៀត”
ទោះបីជាយ៉ាងណាក្តី ការហ្វឹកហាត់ពីឡុតអាល្លឹម៉ង់ជាមួយនឹងយន្តហោះដំបូងនឹងមិនអាចធ្វើឡើងបានភ្លាមឡើយរហូតដល់ឆ្នាំ២០២៦ហើយស្ថិតនៅក្នុងប្រទេសអាមេរិក ខណៈដែលការហ្វឹកហាត់ជាបន្តបន្ទាប់ដែលនឹងធ្វើឡើងក្នុងប្រទេសអាល្លឺម៉ង់នឹងដំណើរការនៅក្នុងឆ្នាំបន្ទាប់មុនពេលដែលកងកម្លាំងទ័ពអាកាសអាល្លឺម៉ង់ឬហៅថា The Luftwaffe នឹងអាចប្រកាសដាក់ឲ្យប្រតិបត្តិការហោះហើរជាផ្លូវការនៅក្នុងឆ្នាំ២០២៨។ គួរឲ្យដឹងដែរថា បន្ទាប់ពីការបញ្ជាទិញយន្តហោះចម្បាំងជំនាន់ទី៥ទាំង៣៥គ្រឿងនេះរួចរាល់ហើយនោះ ក្រុមហ៊ុន Lockheed Martin រំពឹងថានឹងអាចឈានទៅដល់កិច្ចព្រមព្រៀងក្នុងការរៀបចំផលិតកម្មផលិត F-35 របស់ខ្លួននៅក្នុងប្រទេសអាល្លឺម៉ង់ជាមួយនឹងក្រុមហ៊ុនអ្នកម៉ៅការបន្តមួយ។ ជាទូទៅ Lockheed Martin នឹងកំណត់ចំនួននៃការផលិតនៅក្នុងប្រទេសនៃក្រុមហ៊ុនម៉ៅការបន្តសម្រាប់អតិថិជនទាំងអស់របស់ខ្លួនពីព្រោះបច្ចេកវិទ្យាយន្តហោះ និងបច្ចេកវិទ្យាផលិតគឺជាកិច្ចការងារដ៏សម្ងាត់បំផុតសម្រាប់រដ្ឋាភិបាលអាមេរិក៕
Account
Security
Favourite Content