សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ធនាគារធុនតូច និងមធ្យមនៃកម្ពុជា SME Bank បានចុះហត្ថលេខាលើអនុស្សរណៈនៃការយោគយល់ជាមួយស្ថាប័នហិរញ្ញវត្ថុចំនួន ២៦ ដែលចូលរួមដើម្បីអនុវត្តគម្រោងទី២ នៃគម្រោងសហហិរញ្ញប្បទានខ្នាតតូច និងមធ្យម SME Co-Financing ។ ក្រោមកម្មវិធីនេះរដ្ឋាភិបាលកម្ពុជា និងដៃគូផ្តល់លទ្ធភាពទទួលបានមូលនិធិសម្រាប់ SME ដែលភាគច្រើនកំពុងជួបការលំបាកក្រោមលក្ខខណ្ឌសេដ្ឋកិច្ចបច្ចុប្បន្ន។
យោងតាមសេចក្តីប្រកាសព័ត៌មាន ក្រសួងសេដ្ឋកិច្ច និងហិរញ្ញវត្ថុ (MEF) បានសម្រេចទម្លាក់កម្ចីក្នុងទំហំថវិកា១០០លានដុល្លារ ដល់សហគ្រាសធុនតូច និងមធ្យម (SMEs) ដើម្បីជួយទ្រទ្រង់អាជីវកម្ម និងចូលរួមស្តារសេដ្ឋកិច្ច ពីវិបត្តិកូវីដ-១៩ ដែលជាគម្រោងសហហិរញ្ញប្បទានទ្រទ្រង់ដល់ SMEs ក្នុងជំហានទី២ បន្ទាប់ពីការអនុវត្តគម្រោងសហហិរញ្ញប្បទានទី១ ទទួលបានជោគជ័យ។
ការបើកដំណើរការនេះត្រូវបានគូសបញ្ជាក់តាមរយៈការចុះហត្ថលេខាលើអនុស្សរណៈនៃការយោគយល់គ្នារវាង MEF (តំណាងដោយ SME Bank) និងគ្រឹះស្ថានហិរញ្ញវត្ថុដែលចូលរួមចំនួន ២៤៦ (PFIs) ។
លោកបណ្ឌិត អ៊ិន ចាន់នី ប្រធានសមាគមធនាគារនៅកម្ពុជាបានមានប្រសាសន៍ថា ៖
«កម្មវិធីនេះនាំមកនូវអត្ថប្រយោជន៍ជាច្រើន។ វាមិនត្រឹមតែគាំទ្រដល់កិច្ចខិតខំប្រឹងប្រែងរបស់រដ្ឋាភិបាលក្នុងការស្តារសេដ្ឋកិច្ចពីជំងឺរាតត្បាតប៉ុណ្ណោះទេ ប៉ុន្តែថែមទាំងរួមចំណែកគាំទ្រដល់វិស័យ សហគ្រាសធុនតូចនិងមធ្យម ដើម្បីផ្តល់ភាពងាយស្រួលក្នុងការផ្តល់ហិរញ្ញប្បទានដែលមានតម្លៃសមរម្យ ដើម្បីបង្កើនការធ្វើពិពិធកម្មសេដ្ឋកិច្ច និងជួយសម្រួលដល់វិស័យមួយចំនួន អំឡុងពេលស្ថានភាពលំបាកនៃការរីករាលដាលនៃជំងឺកូវីដ-១៩»
សហគ្រាសធុនតូច និងមធ្យមដើរតួនាទីយ៉ាងសំខាន់ក្នុងសេដ្ឋកិច្ចកម្ពុជា។ ៩០ ភាគរយនៃក្រុមហ៊ុនដែលបានចុះបញ្ជីចំនួន ៥១០០០០ នៅកម្ពុជាក្នុងឆ្នាំ២០១៩ គឺជាសហគ្រាសធុនតូច និងមធ្យម ហើយក៏ដូចជាអាជីវកម្មដទៃទៀតនៅក្នុងប្រទេសកម្ពុជា បានរងផលប៉ះពាល់យ៉ាងខ្លាំងពីការរីករាលដាលនៃជំងឺកូវីដ-១៩ ។
គម្រោងសហហិរញ្ញប្បទានខ្នាតតូច និងមធ្យមមានគោលបំណងផ្តល់ហិរញ្ញប្បទានសមរម្យក្នុងលក្ខខណ្ឌអំណោយផល ដើម្បីលើកកម្ពស់ការអភិវឌ្ឍសហគ្រាសធុនតូច និងមធ្យមក្នុងវិស័យអាទិភាពដើម្បីកាត់បន្ថយការនាំចូលបំពេញតម្រូវការក្នុងស្រុក និងបម្រើជាធាតុចូលក្នុងការផលិតសហគ្រាសធំៗ ។
វិស័យដែលគ្របដណ្តប់ដោយកម្មវិធី គឺបង្កើតឡើងក្នុងបំណងផ្ដល់ឥណទានការប្រាក់ទាប ដើម្បីជំរុញការអភិវឌ្ឍរបស់ SMEs នៅក្នុងវិស័យអាទិភាពមួយចំនួន។ វិស័យទាំងនោះមានដូចជា វិស័យឧស្សាហកម្ម សេវាកម្ម និងពាណិជ្ជកម្ម។ ថវិកាប្រមាណ ១០០ លានដុល្លារត្រូវបានទុកសម្រាប់អនុវត្តគម្រោងទី ២ ដោយទឹកប្រាក់ ៥០ លានដុល្លារ បានមកពីធនាគារSME Bank។ អ្វីដែលនៅសល់នឹងត្រូវបានគ្របដណ្តប់ដោយស្ថាប័នហិរញ្ញវត្ថុចំនួន ២៦។
យោងតាមក្រសួងសេដ្ឋកិច្ច អត្រាការប្រាក់នៃឥណទានផ្តល់ឱ្យ SMEs ដែលស្ថិតនៅក្រោមគម្រោងសហហិរញ្ញប្បទាននេះ ត្រូវបានកំណត់ត្រឹមអតិបរមា ៦,៥ភាគរយ ក្នុងមួយឆ្នាំ សម្រាប់វិស័យអាទិភាព ដែលមានចុះបញ្ជី និង៧,៥ភាគរយក្នុងមួយឆ្នាំ សម្រាប់វិស័យមិនមែនអាទិភាព ឬមិនបានចុះបញ្ជី៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
Kukula Solar ធ្វើការជាមួយអ្នកលក់ផលិតផលថាមពលពន្លឺព្រះអាទិត្យជាស្ត្រី និងយុវជនពីសហគមន៍ក្រីក្រ
ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច
• 25/04/2024
គំរូអាជីវកម្មបរិយាបន្នរបស់ Kukula Solar គឺការធ្វើការជាមួយអ្នកលក់ផលិតផលថាមពលពន្លឺព្រះអាទិត្យជាស្ត្រី និងយុវជនពីសហគមន៍មូលដ្ឋាន ដើម្បីជំរុញការធ្វើទីផ្សារផលិតផលពន្លឺព្រះអាទិត្យ និងផ្តល់ការគាំទ្របន្ថែមដូចជាការជួសជុល និងសេវាកម្មអតិថិជនក្នុងសហគមន៍របស់ពួកគេ
ពិភពលោកឆ្ពោះទៅរកថាមពលកាបូនកម្រិតទាប ប៉ុន្តែត្រូវគ្រប់គ្រងឲ្យមានប្រសិទ្ធភាពលើវត្ថុធាតុដើមកម្រ
ព្រឹត្តិការណ៍, អាជីវកម្មថ្មី និងនវានុវត្ត
• 25/04/2024
ពិភពលោកឆ្ពោះទៅរកថាមពលកាបូនកម្រិតទាប ប៉ុន្តែត្រូវគ្រប់គ្រងឲ្យមានប្រសិទ្ធភាពលើវត្ថុធាតុដើមកម្រ
Barefoot College ជួយផ្លាស់ប្តូរជីវភាពសហគមន៍ក្រីក្រ និងជួយបណ្តុះបណ្តាលស្ត្រីទៅជាវិស្វករក្នុងវិស័យថាមពលសូឡា
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 24/04/2024
Barefoot College បាន និងបន្តបេសកកម្មរបស់ខ្លួនទៅតាមគោលការណ៍អភិវឌ្ឍប្រកបដោយចិរភាព ហើយបានចូលរួមក្នុងកិច្ចការងារជាច្រើនជាមួយប្រជាសហគមន៍ក្រីក្រ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content