សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពព័ត៌មានពី Kyodo News បានរាយការណ៍ថា ទេសាភិបាលធនាគារកណ្តាលជប៉ុន (BOJ) បានផ្តល់សញ្ញាពីការដំឡើងអត្រាការប្រាក់ដើម្បីប្រយុទ្ធប្រឆាំងនឹងអតិផរណា និងធានាបាននូវកំណើនសេដ្ឋកិច្ចរយៈពេលវែង។
នៅក្នុងសុន្ទរកថា លោក Kazuo Ueda ទេសាភិបាលធនាគារកណ្តាលជប៉ុន បានលើកឡើងថា BOJ នឹងបន្តដំឡើងអត្រាការប្រាក់របស់ខ្លួនប្រសិនបើសេដ្ឋកិច្ច និងតម្លៃប្រាក់យ៉េនបន្តមានភាពប្រែប្រួល ខណៈដែលពេលនេះ មន្ត្រីជំនាញកំពុងតាមដានយ៉ាងដិតដល់នូវការធ្លាក់ចុះនៃប្រាក់យ៉េនផងដែរ។ ជ័យជម្នះរបស់លោក Donald Trump ក្នុងការបោះឆ្នោតប្រធានាធិបតីសហរដ្ឋអាមេរិកបានបង្កឱ្យមានការកើនឡើងនៃតម្លៃប្រាក់ដុល្លារ ប៉ុន្តែរូបិយប័ណ្ណរបស់ជប៉ុនស្ថិតក្រោមសម្ពាធ។
លោក Ueda បានលើកឡើងថា BOJ នឹងធ្វើការសម្រេចចិត្តលើគោលនយោបាយរបស់ខ្លួនតាមកិច្ចប្រជុំនីមួយៗ ដោយផ្អែកលើការវាយតម្លៃចុងក្រោយបំផុតរបស់ខ្លួន និងការព្យាករណ៍សម្រាប់សកម្មភាពសេដ្ឋកិច្ច និងតម្លៃប្រាក់យ៉េន ប៉ុន្តែធនាគារអាចនឹងបញ្ចុះតម្លៃប្រាក់កម្ចីនៅដើមខែធ្នូ។
លើសពីនេះ លោក Ueda យល់ឃើញថា ការកែប្រែជាបណ្ដើរៗស្របតាមការកែលម្អតម្លៃ និងសកម្មភាពសេដ្ឋកិច្ចអាចនឹងជំរុញកំណើនសេដ្ឋកិច្ចរយៈពេលវែង ជួយឱ្យសម្រេចបាននូវគោលដៅតម្លៃប្រាក់យ៉េនមានស្ថិរភាព និងនិរន្តរភាព។ ប្រសិនបើការកែតម្រូវបែបនេះមិនត្រូវបានធ្វើឡើងនោះទេ អតិផរណាអាចកើនឡើងយ៉ាងឆាប់រហ័សនៅចំណុចណាមួយនាពេលអនាគត ហើយបង្ខំឱ្យ BOJ ដំឡើងអត្រាការប្រាក់ខ្ពស់។ ជាមួយគ្នានេះ BOJ អាចនឹងបង្កើនអត្រាការប្រាក់បន្ថែមទៀតពីកម្រិតបច្ចុប្បន្ន ០,២៥ ភាគរយ ប៉ុន្តែធនាគារក៏ត្រូវត្រួតពិនិត្យសេដ្ឋកិច្ចរបស់សហរដ្ឋអាមេរិក និងសេដ្ឋកិច្ចក្រៅប្រទេសផ្សេងទៀតដោយប្រុងប្រយ័ត្នផងដែរ។
គួរបញ្ជាក់ដែរថា នាពេលថ្មីៗនេះ ប្រាក់ដុល្លារអាមេរិកបានឡើងថ្លៃធៀបនឹងប្រាក់យ៉េន ខណៈដែលមានការរំពឹងទុកថា គោលនយោបាយដែលស្នើឡើងដោយ លោក Donald Trump អាចនឹងបង្កើនអតិផរណា និងធ្វើឱ្យអត្រាការប្រាក់កើនឡើង។
នៅក្នុងសន្និសីទសារព័ត៌មានមួយកាលពីពេលកន្លងទៅថ្មីៗនេះ ធនាគារកណ្តាលជប៉ុនបានទទួលស្គាល់ថា ការធ្លាក់ថ្លៃប្រាក់យ៉េនបានជះឥទ្ធិពលអវិជ្ជមានដល់គ្រួសារពលរដ្ឋជប៉ុន និងក្រុមហ៊ុនមួយចំនួន ហើយពួកគេកំពុងយកចិត្តទុកដាក់យ៉ាងខ្លាំងចំពោះកត្តាសេដ្ឋកិច្ចដែលជះឥទ្ធិពលដល់ចលនាប្តូរប្រាក់បរទេស។ នៅលើសូចនាករសេដ្ឋកិច្ចក្នុងស្រុក ប្រាក់ឈ្នួលកំពុងកើនឡើង ខណៈដែលក្រុមហ៊ុនបង្កើនថ្លៃពលកម្មតាមរយៈតម្លៃសេវាកម្មខ្ពស់។ លោក Ueda បាននិយាយថា អតិផរណាមូលដ្ឋានដោយមិនរាប់បញ្ចូលការប្រែប្រួលក្នុងរយៈពេលខ្លីដូចជាការកើនឡើងនៃតម្លៃនាំចូលនៅតែទាបជាងគោលដៅរបស់ធនាគារ ២ ភាគរយ ប៉ុន្តែវាត្រូវបានរំពឹងថានឹងបន្តកើនឡើងបន្តិចម្តងៗដែលជួយដោយការកើនឡើងនៃប្រាក់ឈ្នួល។
បន្ទាប់ពីដំឡើងអត្រាការប្រាក់ដល់កម្រិតខ្ពស់ជាលើកដំបូងក្នុងរយៈពេល ១៧ ឆ្នាំ ធនាគារកណ្តាលជប៉ុនបានបញ្ចប់គោលនយោបាយអត្រាការប្រាក់អវិជ្ជមានរបស់ខ្លួននៅក្នុងខែមីនា ប៉ុន្តែបានដំឡើងមកវិញនៅក្នុងខែកក្កដា ហើយបានបន្តរក្សាអត្រាគោលនយោបាយរបស់ខ្លួនមិនផ្លាស់ប្តូរនៅក្នុងកិច្ចប្រជុំខែកញ្ញា និងតុលា៕
Account
Security
Favourite Content