សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ក្នុងចំណោមប្រទេសចំនួន 8 រួមទាំងប្រទេសកម្ពុជាផងដែរនោះ នឹងទទួលបានការជំរុញលើកទឹកចិត្តកិច្ចខិតខំរបស់ខ្លួនក្នុងការប្រយុទ្ធប្រឆាំងទៅនឹងការប្រែប្រួលអាកាសធាតុ និងទប់ស្កាត់ការនេសាទខុសច្បាប់បន្ទាប់ពីអង្គការស្បៀង និងកសិកម្មនៃអង្គការសហប្រជាជាតិ (FAO) ទទួលបានការយល់ព្រមពីមូលនិធិបរិស្ថានសាកល (GEF) ដើម្បីអនុវត្តគម្រោងរបស់ខ្លួន។
អង្គការស្បៀង និងកសិកម្មនៃអង្គការសហប្រជាជាតិ (FAO) បានស្វាគមន៍ចំពោះការអនុម័តរបស់មូលនិធិបរិស្ថានសកល (GEF) លើគម្រោងប្រយុទ្ធប្រឆាំងការប្រែប្រួលអាកាសធាតុដែលមានថវិកាសរុបជាង 46.6លានដុល្លារ ដែលបានធ្វើឡើងក្នុងអំឡុងកិច្ចប្រជុំក្រុមប្រឹក្សាភិបាលនៃមូលនិធិបរិស្ថានសកល (GEF) លើកទី60 និងកិច្ចប្រជុំក្រុមប្រឹក្សាភិបាលមូលនិធិសម្រាប់ប្រទេសដែលមានការអភិវឌ្ឍន៍តិចតួចលើកទី30 របស់ GEF។
គម្រោងទាំងនេះនឹងផ្តោតលើការគាំទ្រ និងការដោះស្រាយបញ្ហាប្រឈមលើវិស័យបរិស្ថានសំខាន់ៗដូចជា ការសឹករិចរិលដី ការបាត់បង់ជីវចម្រុះ ការនេសាទគ្មាន និរន្តរភាព និងការប្រែប្រួលអាកាសធាតុដែលបាននឹងកំពុងគំរាមកំហែងដល់សន្តិសុខស្បៀង និងជីវភាពរស់នៅរបស់ប្រជាជននៅក្នុងតំបន់អាស៊ី និងអាហ្វ្រិក នឹងត្រូវបានអនុវត្តក្នុងភាពជាដៃគូ និងសហហិរញ្ញប្បទានដោយរដ្ឋាភិបាលនៃប្រទេសជាសមាជិកដូចជា កម្ពុជា កាមេរូន អេរីទ្រា ឡេសូថូ (Lesotho) ម៉ាឡេស៊ី សេណេហ្កាល់ ថៃឡង់ដ៍ និងវៀតណាម។
លោក Qu Dongyu អគ្គនាយករបស់អង្គការ FAO បានមានប្រសាសន៍ថា ៖ «គម្រោងទាំងនេះត្រូវបានស្វាគមន៍ជាពិសេសបន្ទាប់ពីសម្ពោធនៃគំនិតផ្តួចផ្តើមស្តីពីទសវត្សរ៍នៃ អ.ស.ប ស្តីពីការស្តារប្រព័ន្ធអេកូឡូស៊ី។ យើងចាំបាច់ត្រូវចាត់វិធានការឥឡូវនេះ ដើម្បីស្តារប្រព័ន្ធធម្មជាតិលើដី និងទឹក ដែលយើងពឹងផ្អែកដើម្បីសម្រេចបាននូវផលិតកម្មល្អប្រសើរ អាហារូបត្ថម្ភ បរិស្ថាន និងជីវិតដ៏ល្អប្រសើរមួយ»។
យោងតាមអង្គការ FAO បានឲ្យដឹងថា គម្រោងទាំងនេះនឹងជួយដល់ប្រទេសដែលជាសមាជិកក្នុងការកាត់បន្ថយការប្រែប្រួលអាកាសធាតុ បង្កើនកិច្ចសហប្រតិបត្តិការក្នុងតំបន់ការពារជីវចម្រុះ និងការពារការនេសាទខុសច្បាប់ ដែលមិនបានរាយការណ៍ និងគ្មានច្បាប់ទម្លាប់។
ពួកគេនឹងផ្តល់ផលប្រយោជន៍ដល់ប្រជាជនប្រមាណ 441,500 នាក់ដោយផ្ទាល់ និងស្តារឡើងវិញនូវទេសភាពដែលត្រូវបានបំផ្លាញប្រមាណជាង 27,000 ហិកតា។ គម្រោងនេះក៏នឹងបង្កើតតំបន់ការពារធម្មជាតិថ្មីទាំងលើដីគោក និងសមុទ្រចំនួន 30,000 ហិកតា និងធ្វើឱ្យប្រសើរឡើងនូវការគ្រប់គ្រងលើផ្ទៃដីជាង 765,000 ហិកតា រួមជាមួយនឹងដែនជម្រកត្រី និងសត្វសមុទ្រប្រមាណ 4 លានហិកតា។
សកម្មភាពដែលត្រូវបានរៀបចំឡើងនៅក្នុងគម្រោងនឹងរួមចំណែកកាត់បន្ថយការបំភាយឧស្ម័នផ្ទះកញ្ចក់ប្រមាណ 6.8 លានតោន និងប្រែក្លាយស្តុកត្រីដែលបានកំពុងនេសាទហួសកម្រិតចំនួន 547, 393 តោន ឲ្យវិលទៅកាន់កម្រិតមួយដែលមាននិរន្តរភាពឡើងវិញ។
តាមរយៈ FAO ដដែលបានឲ្យដឹងផងដែរថា សកម្មភាពនេសាទចម្រុះដែលមិនមានការគ្រប់គ្រង និងការបាត់បង់ទីជម្រកគឺជាក្តីបារម្ភមួយដ៏ធំសម្រាប់វិស័យនេសាទនៅកម្ពុជា ដែលកំពុងប្រឈម ហើយគម្រោងមួយក្នុងចំណោមគម្រោងទាំង 5 នឹងផ្តោតលើការបង្កើតជលផលប្រកបដោយនិរន្តរភាពនៅឈូងសមុទ្រថៃហើយនឹងអាចផ្តល់នូវផលប្រយោជន៍ដោយផ្ទាល់ដល់ប្រទេសកម្ពុជា ម៉ាឡេស៊ី ថៃ និងវៀតណាមផងដែរ។
ដោយឡែក គម្រោងដែលត្រូវបានអនុម័តដោយ GEF នឹងជួយគាំទ្រដល់ប្រទេសទាំង 8 ដែលមានទំហំទឹកប្រាក់ប្រមាណ 46.6លានដុល្លារ ក៏នឹងជួយដល់សហគមន៍របស់ពួកគេក្នុងការជ្រើសយកការអនុវត្តប្រកបដោយនិរន្តរភាព និងភាពធន់ទៅនឹងអាកាសធាតុ ក៏ដូចជាការជំរុញកិច្ចសហប្រតិបត្តិការក្នុងតំបន់ ព្រមទាំងបង្កើតគោលនយោបាយដែលកាន់តែរឹងមាំ ដើម្បីអភិរក្សជីវចម្រុះ និងទប់ស្កាត់ការនេសាទខុសច្បាប់ផងដែរ៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
[ads-global layout_id=2 position_id=2 ads_size=2]
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
លោក ស៊ី ជីនពីង លើកឡើងពី “Thucydides Trap” និងការមិនប្តូរជំហលើកោះតៃវ៉ាន់ នៅចំពោះមុខលោក ដូណាល់ ត្រាំ
ព្រឹត្តិការណ៍, អាជីវកម្មថ្មី និងនវានុវត្ត
• 16/05/2026
ជំនួបរវាងមេដឹកនាំមហាអំណាចចិន និងអាម៉េរិកដែលបានប្រព្រឹត្តិទៅកាលពីថ្មីៗនេះ មានបញ្ហាជាច្រើនដែលត្រូវបានលើកយកមកផ្សព្វផ្សាយ ប៉ុន្តែក្នុងនោះគួរឱ្យយចាប់អារម្មណ៍ផងដែរនូវពាក្យថា "Thucydides Trap"
១១សាខាក្នុងទីក្រុងភ្នំពេញ ប្រេនដែលបង្កើតឡើងដោយគំនិតកូនខ្មែរ ធីភីស៊ី ភីហ្សា(The Pizza Cambodia) បានចាប់ដំណើរការហើយនៅថ្ងៃនេះ
ព្រឹត្តិការណ៍, អត្ថបទពាណិជ្ជកម្ម
• 15/05/2026
១១សាខាក្នុងទីក្រុងភ្នំពេញ ប្រេនដែលបង្កើតឡើងដោយគំនិតកូនខ្មែរ ធីភីស៊ី ភីហ្សា(The Pizza Cambodia) បានចាប់ដំណើរការហើយនៅថ្ងៃនេះ
វិស័យឯកជនគាំទ្រការចុះបញ្ជីវិនិយោគតាមរយៈការប្រើត្រា និងហត្ថលេខាអេឡិចត្រូនិក
ព្រឹត្តិការណ៍, អាជីវកម្មថ្មី និងនវានុវត្ត
• 15/05/2026
បណ្តាអ្នកវិនិយោគក្នុងស្រុកដែលជាវិស័យឯកជន បានសម្តែងការសាទរ និងគាំទ្រចំពោះការសម្រេចរបស់រាជរដ្ឋាភិបាល តាមរយៈក្រុមប្រឹក្សាអភិវឌ្ឍន៍កម្ពុជា(CDC)ជាសេនាធិការ ក្នុងការដាក់ឱ្យប្រើប្រាស់ហត្ថលេខា និងត្រាអេឡិចត្រូនិក (e-stamp & e-signature)
អាម៉េរិក ត្រៀមសាកល្បងអាវុធឡាស៊ែរប្រឆាំងដ្រូន
ព្រឹត្តិការណ៍, អាជីវកម្មថ្មី និងនវានុវត្ត
• 15/05/2026
ក្រសួងការពារជាតិសហរដ្ឋអាម៉េរិក បានសម្រេចជ្រើសរើសមូលដ្ឋានទ័ពក្នុងស្រុកចំនួន ៥ ទីតាំង ដើម្បីអនុវត្តកម្មវិធីសាកល្បងបច្ចេកវិទ្យាប្រឆាំងដ្រូនកម្រិតខ្ពស់សំដៅពង្រឹងសន្តិសុខមាតុភូមិ និងជាការទប់ទល់ទៅនឹងការគំរាមកំហែងតាមផ្លូវអាកាស
[ads-global layout_id=2 position_id=4 ads_size=2]
កម្មវិធីពិសេសរបស់ AMS ECONOMY
ព័ត៌មានសង្ខេប
[ads-global layout_id=2 position_id=5 ads_size=2]
Account
Security
Favourite Content