សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
(ពោធិ៍សាត់)៖ ក្នុងយុទ្ធនាការអន្ទាក់សូន្យដំណាក់កាលទី២ ដែលបានប្រព្រឹត្តិទៅនាខេត្តពោធិ៍សាត់ អ្នកនាំពាក្យក្រសួងបរិស្ថានបានគូសបញ្ជាក់ពីមូលហេតុនៃការប្រារព្ធធ្វើយុទ្ធនាការឡើងចំនួន២ដងនៅក្នុងខេត្តតែមួយ។ ដែលការជ្រើសរើសធ្វើបែបនេះ គឺក្រោយបានសិក្សាឃើញថាមានការលក់សាច់សត្វព្រៃច្រើន នៅក្នុងខេត្តពោធិ៍សាត់។
ដោយឡែក យុទ្ធនាការអន្ទាក់សូន្យដំណាក់កាលទី២ លើកទី១គឺបានប្រព្រឹត្តិទៅ នៅក្នុងខេត្តពោធិ៍សាត់ កាលពីថ្ងៃទី ៦ និងទី៧ ខែមេសាកន្លងទៅ រីឯលើកទី២ បានប្រព្រឹត្តិទៅក្នុងខេត្តដដែល នាថ្ងៃទី ២១ និង ២២មេសានេះ។
ឯកឧត្តម នេត្រ ភក្ក្រា បានមានប្រសាសន៍ថា៖
“យើងបានធ្វើយុទ្ធនាការនៅក្នុងខេត្តពោធិ៍សាត់ចំនួនពីរដង…ពីរដងដោយសារតែខេត្តពោធិ៍សាត់គឺជាខេត្តមួយដែលយើងបានសិក្សា ទៅថាជាតំបន់ដែលមានការលក់សាច់សត្វព្រៃច្រើន ហើយក៏ជាតំបន់ដែលមានសត្វព្រៃច្រើន ដោយសារតែតំបន់នេះជាប់ជាមួយនឹងតំបន់ជួរភ្នំក្រវាញ”
ឯកឧត្តមបន្តមានប្រសាសន៍ថា៖
“ហើយយើងមានដែនជម្រកសត្វព្រៃ មានឧទ្យានជាតិដែលនៅក្នុងកន្លែងរបស់យើងនេះ ហើយការជ្រើសរើសយកទីរួមខេត្តផង និងយកស្រុកវាលវែងនេះផង ក៏ដើម្បីបញ្ជ្រាបនូវសារសំខាន់ៗពាក់ព័ន្ធជាមួយនឹងបញ្ហាបង្កផលប៉ះពាល់ដោយអន្ទាក់ ជម្រុញ និងផ្សព្វផ្សាយអំពីផលប៉ះពាល់នេះទៅឲ្យសាធារណៈជនឲ្យបានយល់ជ្រាប និងបណ្ដុះស្មារតីអោយប្រជាពលរដ្ឋចូលរួមថែរក្សា និងអភិរក្សសត្វព្រៃ”
សត្វព្រៃដែលមានសារៈសំខាន់សម្រាប់ប្រព័ន្ធអេកូឡូស៊ី សម្រាប់ភពផែនដីហើយជីវៈចម្រុះនេះក៏បានដើរតួនាទីយ៉ាងសំខាន់នៅក្នុងការធានានូវបរិស្ថានប្រព័ន្ធអេកូឡូស៊ី ជាពិសេសគឺធានានូវចំណីអាហារ ដែលមិនមែនជាសាច់សត្វព្រៃនោះទេ។ ផ្ទុយទៅវិញ យើងសំដៅទៅលើតួនាទីរបស់សត្វព្រៃនៅក្នុងការធានានូវនិរន្តរភាពនៃស្បៀងអាហារសម្រាប់ប្រជាជនយើង។ នេះបើតាមការ បញ្ជាក់បន្ថែមរបស់ឯកឧត្តម នេត្រ ភក្ក្រា។
យ៉ាងណាមិញ ខេត្តពោធិ៍សាត់ដែលជាខេត្តមួយ ដែលក្រសួងបរិស្ថានបានជ្រើសរើសក្នុងចំណោមខេត្តទាំង៦ ក្នុងការអនុវត្តយុទ្ធនាការអន្ទាក់សូន្យ ដំណាក់កាលទី២។ បន្ទាប់ពីខេត្តពោធិ៍សាត់ទៅ នឹងមានខេត្តកំពង់ស្ពឺ ខេត្តកោះកុង ខេត្តបាត់ដំបង ប៉ៃលិនហើយ និងខេត្តសៀមរាប ដែលជាខេត្តគោលដៅបន្ទាប់។
គួររំលឹកថា ក្នុងការដឹកនាំធ្វើយុទ្ធនាការអន្ទាក់សូន្យដំណាក់កាលទី២ លើកទី១កន្លងទៅ ឯកឧត្តម នេត្រ ភក្ក្រា បានសង្កេតឃើញមានការចាប់អារម្មណ៍ច្រើនពីសំណាក់មហាជន។ ក្នុងនោះអត្ថបទសារព័ត៌មាន ដែលពាក់ព័ន្ធ នឹងយុទ្ធនាការ បានចុះផ្សាយចំនួន ៥៩ចំណងជើង ហើយឯកឧត្តមានការជឿជាក់ថាយុទ្ធនាការដំណាក់កាល ទី២នៅពេលនេះ ក៏នឹងចែករំលែកបន្ថែមទៀតនៅសារៈសំខាន់ពាក់ព័ន្ធជាមួយនឹងការកាត់ បន្ថយនូវអន្ទាក់នៅក្នុង តំបន់ការពារធម្មជាតិ៕
Account
Security
Favourite Content