សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
នាឳកាសនៃការប្រារព្ធយុទ្ធនាការអន្ទាក់សូន្យ ដំណាក់កាលទី២ ក្នុងខេត្តពោធិ៍សាត់នេះ ក្រសួងបរិស្ថានបានគូសបញ្ជាក់អំពីការផ្ដល់ជម្រើសមុខរបរកសិកម្ម ដល់ប្រជាពលរដ្ឋដែលរស់នៅ ក្នុងស្រុកវាលវែង។ ការគាំទ្រនេះ មិនត្រឹមតែជួយបង្កើនសេដ្ឋកិច្ចប្រជាកសិករផ្ទាល់ ប៉ុន្តែក៏ជាការ លើកកម្ពស់ការនាំចេញនៅនឹងកន្លែងផងដែរ។ នេះបើតាមការបញ្ជាក់ពីអ្នកនាំពាក្យក្រសួងបរិស្ថាន។
ដោយឡែក ការនាំចេញនៅនឹងកន្លែង ដែលឯកឧត្តម នេត្រ ភក្រ្កា បានលើកឡើងនាថ្ងៃទី ២១មេសា នេះ គឺសំដៅទៅលើការយកកសិផលដែលប្រមូលបាន ទៅផ្គត់ផ្គង់ដល់ទីផ្សារក្នុងស្រុក ជាពិសេសផ្គត់ ផ្គង់ទៅកាន់តំបន់ទេសចរណ៍ជុំវិញនោះ។ ដែលការធ្វើបែបនេះ គឺនឹងមានភាពចំណេញច្រើនទៅលើ ការដឹកជញ្ជូន ម្យ៉ាងទៀត វាក៏ជួយឲ្យមានចរន្ដសេដ្ឋកិច្ចនៅក្នុងខេត្តពោធិ៍សាត់ផងដែរ។
ឯកឧត្តម នេត្រ ភក្ក្រា បានមានប្រសាសន៍យ៉ាងដូច្នេះថា៖
“ស្របតាមប្រសាសន៍របស់សម្ដេចតេជោនាយករដ្ឋមន្ត្រី ការដាំបន្លែបង្ការនេះគឺគាត់ផ្គត់ផ្គង់នៅក្នុងសហគមន៍គាត់បាន ដូចជាត្រសក់នេះគឺ មួយថ្ងៃគាត់អាចបេះបាន 100 គីឡូ ដែលអាចផ្គត់ផ្គង់ការប្រើប្រាស់នៅក្នុងស្រុករបស់គាត់”
ឯកឧត្តមបន្តថា៖
“ជាមួយគ្នានេះក៏យើងផ្សារភ្ជាប់ជាមួយនឹងទេសចរណ៍ធម្មជាតិ ដោយតំបន់ការពារ នីមួយៗគឺមានសក្កានុពលទេសចរណ៍ ដែលអាចជាកន្លែងទស្សនារបស់បងប្អូនប្រជាពលរដ្ឋ… នេះគឺជាការជំរុញបន្ថែម ហើយដែលជាគោលដៅរបស់យើង”
បន្ថែមពីនេះ វាក៏ជាផ្នែកមួយនៃការធ្វើឱ្យមាននូវសន្តិសុខស្បៀង បង្កើតចំណូល និងជាពិសេសប្រជាកសិករក្នុងតំបន់ខាងលើ អាចមានបច្ចេកទេសថ្មីៗថែមទៀតក្នុងការដាំដំណាំ។ យ៉ាងណាមិញ ក្រសួងបរិស្ថាននឹងបន្តសហការគ្នាដើម្បីផ្ដល់នូវចំណេះ និងជំនាញផ្សេងៗក្នុងការដាំ ឆ្លើយតបទៅនឹង កង្វះខាតជាក់ស្ដែង។
ឯកឧត្តមបន្តថា៖
“យើងនឹងបន្តសហការគ្នាបន្ថែមទៀតដើម្បីផ្ដល់នូវបច្ចេកទេសជូនពួកគាត់ គាំទ្រពួកគាត់ ដើម្បីឱ្យមានសមត្ថភាពពេញលេញក្នុងការដាំបន្លែបង្ការផ្សេងៗ ព្រោះតំបន់នេះ ជាតំបន់មួយដែលមានសក្តានុពលជាប់នឹងព្រែក មានប្រភពទឹក ដែលបងប្អូនប្រជាកសិករ អាចយកមកប្រើប្រាស់ ហើយដាំដំណាំវិលជុំ សម្រាប់ផ្គត់ផ្គង់បន្ថែមទៀត ដូចដែលយើងបានអនុវត្តនៅតំបន់មួយចំនួនទៀត ដូចជានៅខេត្តមណ្ឌលគិរី សហគមន៍ទន្សោងកោះញែកជាដើម”
គួរបញ្ជាក់ថា យុទ្ធនាការអន្ទាក់សូន្យ ដំណាក់កាលទីពីរបានចាប់ផ្ដើមឡើងនៅក្នុងខេត្តពោធិ៍សាត់ នាថ្ងៃទី ២២មេសានេះ ហើយនឹងបន្តទៅកាន់ខេត្តផ្សេងៗទៀត ដែលស្ថិតនៅតាមតំបន់ជួរភ្នំក្រវាញ៕
Account
Security
Favourite Content