YEAC និង JCI សហការគ្នាជ្រើសរើសយកបានសហគ្រិនឆ្នើមចំនួន៥នាក់ សម្រាប់ឆ្នាំ២០២២

(ភ្នំពេញ)៖ សមាគមសហគ្រិនវ័យកម្ពុជា ហៅកាត់ថា YEAC រួមជាមួយនឹងសភាយុវពាណិជ្ជករអន្តរជាតិកម្ពុជា ហៅកាត់ JCI បានសហការគ្នាក្នុងការជ្រើសរើសយកបេក្ខភាពសហគ្រិនឆ្នើមចំនួន៥រូប ចេញពីសហគ្រិនរាប់រយរូបឯទៀត។ ការជ្រើសរើសនេះផងដែរ គឺដើម្បីស្វែងរកសហគ្រិនឆ្នើមសម្រាប់ទទួលពានរង្វាន់នាឆ្នាំ២០២២នេះ។

ការប្រកួតប្រជែងដ៏ស្វិតស្វាញ ដែលត្រូវបានចាប់ផ្ដើមតាំងតែពីខែសីហាកន្លងទៅ រហូតមកដល់ខែធ្នូនេះបានចេញជាលទ្ធផល ដោយមានសហគ្រិនចំនួន៥រូបបានទទួលពានរង្វាន់តាមផ្នែកផ្សេងៗគ្នា ដោយការជម្រុះត្រូវបានបែងចែកជា៤ដំណាក់កាលខុសៗគ្នា។

ដំណាក់កាលទី១គឺការប្រកាសបើកទទួលពាក្យ ដំណាក់កាលទី២គឺរៀបចំជាសិក្ខាសាលាដើម្បីផ្ដល់ជាព័ត៌មានទៅដល់បណ្ដាញ JCI ទាំង២៥ខេត្តក្រុង។ ដំណាក់កាលទី៣គឺ ការជ្រើសរើសយកបេក្ខភាពចំនួន ៣៦រូប។ ដំណាក់កាលទី៤គឺការជ្រើសរើសយកបេក្ខភាព១៥រូប ចេញពីបេក្ខភាពទាំង ៣៦ និងដំណាក់កាលចុងក្រោយគឺការប្រគល់ពានរង្វាន់ជូនបេក្ខភាព៥រូប ដែលចម្រាញ់ចេញពីបេក្ខភាព១៥រូបចុងក្រោយ។

នារាត្រីទី ១៩ខែធ្នូថ្មីៗនេះ គឺជាថ្ងៃប្រកាសជ័យលាភី៥នាក់ដែលជាប់ជាសហគ្រិនឆ្នើម។ សហគ្រិនទាំង៥រូបរួមមាន៖

  • អ្នកស្រី ចៅ លន់មូលីកា ទទួលបានពានរង្វាន់ធូរកិច្ចបរិយាប័ន្ន
  • លោក ទីន កូលមេន ទទួលបានពានរង្វាន់សហគ្រិនបច្ចេកវិទ្យា
  • លោក ឡី កំថូង ទទួលបានពានរង្វាន់ធុរកិច្ចបង្កើតថ្មី
  • លោក ពិន ពណ្ណរាយ ទទួលបានពានរង្វាន់សហគ្រិនវ័យក្មេងឆ្នើម
  • កញ្ញា អ៊ុយ សុធារីណា ទទួលបានពានរង្វាន់សហគ្រិនស្ត្រីវ័យក្មេងឆ្នើម។

លោកស្រី ស្រួ ណារីយ៉ា ប្រធានថ្នាក់ជាតិនៃសភាយុវពាណិជ្ជករអន្តរជាតិកម្ពុជាបានបង្ហាញការអបអរសាទរចំពោះជ័យលាភីទាំង៥រូប និងបង្ហាញការជឿជាក់ថា នេះជាជំហានមួយបន្ថែមទៀតក្នុងការកសាងទំនុកចិត្តក្នុងអាជីវកម្មកម្ពុជា។

លោកស្រីមានប្រសាសន៍ថា៖

“កម្មវិធីថ្ងៃនេះគឺជាគម្រូដ៏ល្អមួយ ហើយក៏ជាមូលហេតុដែលពួកខ្ញុំព្យាយាមបង្កើត និងបន្តធ្វើកម្មវិធីបែបនេះ ដើម្បីគាំទ្រដល់ជំនួញបង្កើតថ្មី ហើយទាំងអស់នេះមិនសម្រាប់តែប្រាក់ចំណេញតែមួយមុខនោះទេ”

ឧកញ៉ា ប៉ិច បូឡែន ដែលជាប្រធានសមាគមសហគ្រិនវ័យក្មេងកម្ពុជាក៏បានសាទរផងដែរ ចំពោះជោគជ័យមួយផ្នែកនាពេលនេះ។ លោកឧកញ៉ាក៏បានកត់សម្គាល់ឃើញពីការរីកចម្រើនក្នុងរយៈពេលប៉ុន្មានឆ្នាំក្រោយមកនេះ ដោយមានសហគ្រិនជាច្រើនបានងាកទៅបង្កើតជំនួញ និងបង្កើតការងារឱ្យប្រជាជនដទៃទៀត។

លោកឧកញ៉ាបន្តថា៖

“សហគ្រិនបច្ចុប្បន្ន ជាពិសេសសហគ្រិនវ័យក្មេងបានឈ្មោះឈ្មុលរុករកអាជីវកម្មប្លែកៗ ដើម្បីបម្រើឱ្យការរស់នៅកាន់តែមានភាពងាយស្រួលជាងមុន ហើយខ្ញុំមានការសប្បាយចិត្តដែលឃើញសិស្សមហាវិទ្យាល័យចាប់ផ្ដើមចូលរួមជាបណ្ដាញរបស់យើង ដែលពួកគេទាំងនោះពូកែក្នុងការធ្វើការងារជាក្រុមណាស់”

ដោយឡែក ការបែងចែកពានរង្វាន់ខុសៗគ្នានេះ លោកឧកញ៉ាបានឱ្យដឹងថា ជាគោលបំណងក្នុងការបែងចែកផ្នែកនៃអាជីវកម្មឱ្យច្បាស់លាស់ ដូច្នេះពួកគេនឹងយល់ពីភាពខ្លាំងរបស់ខ្លួន ព្រមទាំងងាយស្រួលរកដៃគូសហការទាំងក្នុង និងក្រៅប្រទេស។

គួររំលឹកថា ពានរង្វាន់សហគ្រិនវ័យក្មេងកម្ពុជា (CYEA) ត្រូវបានបង្កើតឡើងនៅក្នុងឆ្នាំ ២០១៥ ដោយសភាយុវពាណិជ្ជករអន្តរជាតិកម្ពុជា(JCI) រួមជាមួយនឹងសមាគមសហគ្រិនវ័យក្មេងកម្ពុជា(YEAC)។ ពានរង្វាន់នេះត្រូវបានផ្ដល់ឱ្យជារៀងរាល់ឆ្នាំទៅដល់សហគ្រិនឆ្នើមដែលបានឆ្លងកាត់ការប្រកួតប្រជែង។ ការប្រកួតប្រជែង ដើម្បីជ្រើសរើសសហគ្រិនឆ្នើមនេះដែរបានចាប់ផ្ដើមតាំងតែពីខែសីហា ឆ្នាំ២០២២មកម្លេះ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា

ផលិតផលថ្មីរបស់គ្រឿងហ្លួង កាន់តែជួយគាំទ្រ និងផ្សព្វផ្សាយមុខម្ហូបខ្មែរ

ជំនួញ, ព្រឹត្តិការណ៍

• 17/06/2024

គ្រឿងហ្លួង សាបារា ត្រូវបានគេស្គាល់យ៉ាងទូលាយថាជាផលិតផលក្នុងស្រុកដែលត្រូវបានបង្កើតឡើងដោយក្រុមហ៊ុន Sabara Best Food សម្រាប់ជាគ្រឿងផ្សំរសជាតិទៅលើមុខម្ហូបបែបខ្មែរ

សម្ដេច​ធិបតី​ ជំរុញឱ្យ​​គិតគូរ ​និងអនុវត្តន៍ឱ្យបានតឹងរ៉ឹង​លើ​គម្រោង​ប្លង់មេក្នុង​តំបន់​ក្រុង​រណប ​និង​បុរី

ព្រឹត្តិការណ៍, អចលនទ្រព្យ

• 17/06/2024

សម្ដេច​ធិបតី​ ហ៊ុន ម៉ាណែត បានជំរុញឱ្យ​រៀបចំ​ និងអនុវត្ត​ឱ្យ​បានតឹងរ៉ឹង​​ចំពោះ​គម្រោង​ប្លង់​មេ​នៅក្នុងតំបន់​ក្រុង​រណប និង​តាមបុរីនានា​

ផែនការមេដឹកនាំរុស្ស៊ីបំពេញទស្សនកិច្ចនៅវៀតណាមបង្កប្រតិកម្មពីប្រទេសជាដៃគូពាណិជ្ជកម្មធំៗ

ព្រឹត្តិការណ៍, សេដ្ឋកិច្ច

• 17/06/2024

វៀតណាមបានធ្វើពហិកាមិនចូលរួមកិច្ចប្រជុំនៅស្វីស ប៉ុន្តែបញ្ជូនអនុរដ្ឋមន្ត្រីការបរទេសទៅចូលរួម BRICS នៅក្នុងប្រទេសរុស្ស៊ីទៅវិញកាលពីសប្តាហ៍មុននេះ

ទុនពីវិស័យមីក្រូហិរញ្ញវត្ថុជួយបង្កើនចំណូលដល់ប្រជាពលរដ្ឋ ជាពិសេសកសិករ

ព្រឹត្តិការណ៍, ហិរញ្ញវត្ថុ

• 17/06/2024

វិស័យមីក្រូហិរញ្ញវត្ថុបានបង្កើតផលិតផលឥណទានកសិកម្ម និងសេវាកម្មហិរញ្ញវត្ថុសម្បូរបែប ដើម្បីឆ្លើយតបនឹងតម្រូវការរបស់ប្រជាកសិករ និងសហគមន៍កសិកម្មនៅតាមមូលដ្ឋាន

រដ្ឋមន្ត្រីកសិកម្ម ៖ ការចិញ្ចឹមត្រីតាមបច្ចេកទេសត្រឹមត្រូវធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ព្រឹត្តិការណ៍, សេដ្ឋកិច្ច

• 17/06/2024

រដ្ឋមន្ត្រីក្រសួងកសិកម្មបានលើកឡើងថា ការចិញ្ចឹមត្រីអនុវត្តតាមបច្ចេកទេសត្រឹមត្រូវ អាចធានាបានសុវត្ថិភាព គុណភាព និងរសជាតិមិនចាញ់ត្រីធម្មជាតិឡើយ

ក្រុមហ៊ុនលំដាប់ពិភពលោក BOSCH នឹងមកសិក្សាពីលទ្ធភាពបើករោងចក្ររបស់ខ្លួននៅកម្ពុជា

ព្រឹត្តិការណ៍, សេដ្ឋកិច្ច

• 17/06/2024

ក្រុមហ៊ុន BOSCH លំដាប់ពិភពលោកដែលមានបុគ្គលិកជិត ៤៣ ម៉ឺននាក់ នឹងមកសិក្សាពីលទ្ធភាពបើករោងចក្ររបស់ខ្លួននៅព្រះរាជាណាចក្រកម្ពុជា ។

សហភាពអឹរ់ុបមានផែនការដាក់ពន្ធបន្ថែមជិត ៤០ ភាគរយលើរថយន្តអគ្គិសនីនាំចូលពីចិន

ព្រឹត្តិការណ៍, អាជីវកម្មថ្មី និងនវានុវត្ត

• 17/06/2024

សហភាពអឺរ៉ុបមានផែនការដាក់ពន្ធបន្ថែមលើរថយន្តអគ្គិសនីដែលនាំចូលពីចិនចន្លោះពី ១៧,៤ ភាគរយទៅ ៣៨,‌១ ភាគរយ ខណៈដែលអត្រាពន្ធបច្ចុប្បន្នមាន ១០ ភាគរយ

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ