សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នៅក្នុងរយៈពេលប៉ុន្មានថ្ងៃចុងក្រោយនេះ គេឃើញមានគ្រឿងចក្រខួងដីធំៗ និងមន្រ្តីជំនាញបច្ចេកទេសបានចាប់ផ្តើមដំណើរការការដ្ឋានសាងសង់ស្ពានអាកាសព្រះមុនីវង្ស ក្រោយពីមន្ត្រីបច្ចេកទេសបានចុះសិក្សាជាបន្តបន្ទាប់ នៅលើតម្រាយផ្លូវទាំងនោះ ក្រោយពីពិធីបើកការដ្ឋានបានប្រារព្ធឡើងរយៈពេលជាង៣ខែមកហើយនេះ ។
បើតាមមន្រ្តីនៃមន្ទីរសាធារណការ និងដឹកជញ្ជូនរាជធានីភ្នំពេញបានឱ្យដឹងនៅថា នៅដើមឆ្នាំ២០២៣ ដែលនឹងមកដល់នៅប៉ុន្មានថ្ងៃខាងមុខទៀតនេះ គ្រឿងច្រកតូចធំជាច្រើន នឹងចូលទៅកាន់ការដ្ឋានបន្ថែមទៀត ដើម្បីដំណើរការសាងសង់ស្ពានអាកាសព្រះមុនីវង្សទៅតាមផែនការ ។
លោក សាំ ពិសិដ្ឋ ប្រធានមន្ទីរសាធារណការ និងដឹកជញ្ជូនរាជធានីភ្នំពេញ បានមានប្រសាសន៍យ៉ាងខ្លីថា ស្ពានអាកាសចំនួន២ដែលសម្ដេចតេជោបានអញ្ជើញបើកការដ្ឋានកាលពីអំឡុងចុងខែសីហានោះចាប់ផ្ដើមមានសកម្មភាពហើយ ហើយនឹងចាប់ផ្ដើមមមាញឹកលើការងារកាន់តែខ្លាំងនៅដើមឆ្នាំក្រោយ ។
ការសាងសង់ស្ពានអាកាស ព្រះមុនីវង្ស គឺដើម្បីសម្រួលការធ្វើចរាចរណ៍ក្នុងរាជធានីភ្នំពេញ ដែលមានកំណើនយានយន្ត និងការធ្វើចរាចរណ៍កាន់តែច្រើនឡើងពីមួយឆ្នាំទៅមួយឆ្នាំ។ ស្ពានអាកាសនេះ សាងសង់ស្ថិតនៅចំណុចប្រសព្វមហាវិថីសម្តេចតេជោ ហ៊ុន សែន មហាវិថីព្រះមុនីវង្ស ជាមួយវិថីកងយោធពលខេមរភូមិន្ទ ហៅផ្លូវលេខ២៧១ ក្នុងទឹកដីខណ្ឌចំការមន និងខណ្ឌមានជ័យ។ ស្ពាននេះ សាងសង់ដោយក្រុមហ៊ុនវិនិយោគទុនអាណិកជនកម្ពុជា (OCIC) គ្រោងចំណាយថវិកា ៣៦,៧៧៥,០០០ដុល្លារ និងចំណាយពេលវេលាសាងសង់ ៣៦ខែ។
គម្រោងស្ពានអាកាស ព្រះមុនីវង្ស មានសាងសង់ផ្លូវផ្ទាល់ដី ដែលមានរង្វង់មូលបែងចែកទិស និងផ្លូវតភ្ជាប់រវាងមហាវិថីព្រះមុនីវង្ស មហាវិថីសម្តេចតេជោ ហ៊ុន សែន វិថីកងយោធពលខេមរភូមិន្ទ ឆ្ពោះទៅស្ពានព្រះមុនីវង្ស និងផ្លូវជាតិលេខ២។ បន្ទាប់មកសាងសង់ស្ពានអាកាសចំនួនពីរជាន់។ ស្ពានអាកាសជាន់ទី១ ជាស្ពានរង្វង់មូល នៅត្រង់ចំណុចប្រសព្វ ដែលបំបែកខ្នែងជាបួនទិសផ្សេងគ្នា ទៅកាន់មហាវិថីសម្តេចតេជោ ហ៊ុន សែន ស្ពានព្រះមុនីវង្ស មហាវិថីព្រះមុនីវង្ស និងវិថីកងយោធពលខេមរភូមិន្ទ។ ស្ពានអាកាសជាន់ទី២ ជាផ្លូវទ្វេទិស មានទិសដៅទៅមក រវាងមហាវិថីព្រះមុនីវង្ស និងមហាវិថីសម្តេចតេជោ ហ៊ុន សែន ៕
Account
Security
Favourite Content