សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ ការផ្គត់ផ្គង់យន្តហោះចម្បាំងទៅឲ្យប្រទេសអ៊ុយក្រែននៅក្នុងជម្លោះជាយូរមកហើយជាមួយនឹងរុស្ស៊ីនៅតែជាប្រធានបទដ៏រសើបរបស់ពិភពលោកនៅឡើយដោយចុងក្រោយនេះអតីតនាយករដ្ឋមន្ត្រីរុស្ស៊ី លោក Dmitry Medvedev បានព្រមានថា វានឹងអាចក្លាយទៅជាការបញ្ឆេះ និងបំផ្ទុះសង្គ្រាមអាវុធប្រល័យលោកជាមិនខាន។
បើទោះបីជាមិនទាន់កើតឡើងក៏ដោយ ប៉ុន្តែបច្ចុប្បន្ន រដ្ឋដែលជាសមាជិករបស់អង្គការណាតូមួយចំនួនបាន និងកំពុងតែធ្វើការហ្វឹកហាត់ពីឡុតជនជាតិអ៊ុយក្រែនរួចទៅហើយដើម្បីអាចមានសមត្ថភាពក្នុងការប្រតិបត្តិការយន្តហោះចម្បាំងដ៏ទំនើបបំផុតផលិតនៅអាមេរិក គឺ F-16 ដែលកន្លងមកវាគឺជាការស្នើសុំម្តងហើយម្តងទៀតអស់រយៈពេលជាយូរខែមកហើយដោយរដ្ឋាភិបាលក្រុងគៀវក្នុងគោលបំណងចាំបាច់អាចប្រយុទ្ធទល់នឹងកងកម្លាំងទ័ពអាកាសដ៏ខ្លាំងក្លារបស់រុស្ស៊ី។
ថ្លែងទៅកាន់បណ្តាញសារព័ត៌មានក្នុងស្រុក លោក Medvedev ដែលបច្ចុប្បន្នក៏ជាអនុប្រធានក្រុមប្រឹក្សាសន្តិសុខជាតិរុស្ស៊ីផងនោះ លោកបានថ្លែងបែបនេះថា ហេតុការណ៍អាក្រក់ដែលអាចផ្ទុះឡើងដោយអចេតនា ឬចេតនាគឺជារឿងដែលមិនអាចបដិសេធបាននោះទេ ហើយវាគឺអាស្រ័យទៅនឹងសកម្មភាពនានាដែលនឹងកើតឡើងជុំវិញបញ្ហារបស់អ៊ុយក្រែន ហើយវាសុទ្ធតែជាជំហ៊ានដ៏គ្រោះថ្នាក់ទាំងអស់។
មន្ត្រីជាន់ខ្ពស់រូបនេះបានចង្អុលបង្ហាញចំៗថា ការសម្រេចចិត្តណាមួយចំពោះយន្តហោះចម្បាំងរបស់អាមេរិកមួយនេះគឺជាកត្តាដែលអាចបំផ្ទុះសង្គ្រាមនេះបាន ប៉ុន្តែទោះបីជាយ៉ាងណាក្តី បច្ចុប្បន្នលោកមើលឃើញថាអ៊ុយក្រែនមិនមានលទ្ធភាពក្នុងការប្រើប្រាស់វាឡើយសូម្បីតែហេដ្ឋារចនាសម្ព័ន្ធសម្រាប់ប្រតិបត្តិការ F-16 ក៏អ៊ុយក្រែនមិនទាន់រៀបចំផង។
គួរឲ្យដឹងដែរថា ក្នុងពេលជាមួយគ្នានេះទីភ្នាក់ងារស៊ើបការណ៍សំងាត់អាមេរិកបានធ្វើការលើកឡើងដ៏គួរឲ្យភ្ញាក់ផ្អើលមួយផងដែរពាក់ព័ន្ធទៅនឹងអាវុធប្រល័យលោកនេះ។អាមេរិកបានអះអាងថា ប្រទេសរុស្ស៊ីអាចនឹងធ្វើការដាក់ពង្រាយគ្រាប់បែកនុយក្លេអ៊ែរទៅកាន់ទីអវកាសនៅក្នុងឆ្នាំនេះជាមិនខានបើមិនមានអ្វីប្រែប្រួលទេនោះ។
ស្រដៀងគ្នាទៅនឹងការចោទប្រកាន់នេះ តាមរយៈប្រភពសុំមិនបញ្ចេញឈ្មោះ៣នាក់ប្រាប់ទៅកាន់ទូរទស្សន៍ CNN បានរៀបរាប់ និងពន្យល់ថា រុស្ស៊ីកំពុងព្យាយាមអភិវឌ្ឍអាវុធនុយក្លេអ៊ែរ និងដាក់ពង្រាយវាទៅកាន់ទីអវកាស។
នុយក្លេអ៊ែរនៅលំហអាកាសនេះអាចបំផ្លាញផ្កាយរណបដោយបង្កើតរលកថាមពលដ៏ខ្លាំងក្លានៅពេលបំផ្ទុះ ហើយអាចធ្វើឱ្យខូចខាតដល់បណ្តាផ្កាយរណបពាណិជ្ជកម្ម និងរដ្ឋាភិបាលដែលពិភពលោកកំពុងប្រើប្រាស់ ហើយវានឹងធ្វើឲ្យប៉ះពាល់ទាំងអស់ដល់ទំនាក់ទំនងស្ទើរទាំងអស់ ដូចជា ទូរស័ព្ទ ការបង់វិក្កយបត្រ និងកិច្ចការងារសំខាន់ៗជាច្រើនរាប់មិនអស់៕
Account
Security
Favourite Content