សេវាហិរញ្ញវត្ថុរបស់គ្រឹះស្ថានមីក្រូហិរញ្ញវត្ថុបានជួយឱ្យជីវភាពរបស់ប្រជាជនមានភាពល្អប្រសើរ

កណ្តាល ៖ ការប្រើប្រាស់កម្ចីទុនពីគ្រឹះស្ថានមីក្រូហិរញ្ញវត្ថុបានជួយលើកកម្ពស់ជីវភាពប្រជាជន ជាពិសេស សេវាហិរញ្ញវត្ថុរបស់គ្រឹះស្ថានមីក្រូហិរញ្ញវត្ថុនេះទៀតសោត បានជួយឱ្យប្រជាជនងាកមកប្រើប្រាស់កម្ចីផ្លូវការ ដែលមានការអត្រាការប្រាក់ទាប និងមានច្បាប់ការពារអតិថិជនត្រឹមត្រូវ។

ជាក់ស្តែង អ្នកស្រី អេង រំដឹង ដែលម្ចាស់ចម្ការជីរណា ស្ថិតនៅស្រុកស្អាង ខេត្តកណ្តាល បានឱ្យដឹងថា មូលហេតុដែលជំរុញឱ្យអ្នកស្រីប្រើប្រាស់កម្ចីពីមីក្រូហិរញ្ញវត្ថុគឺដោយសារអត្រាការប្រាក់ទាបជាងកម្ចីឯកជន ហើយថែមទាំងជួយឱ្យជីវភាពរបស់គ្រួសារអ្នកស្រីមានភាពប្រសើរឡើងជាងមុន។

អ្នកស្រី បានរៀបរាប់ថា កាលពីឆ្នាំ២០១៧ អ្នកស្រីបានធ្វើការនៅរោងចក្រមួយកន្លែង ខណៈប្តីបានប្រកបរបរកសិកម្មតិចតួចនៅផ្ទះ។ ប៉ុន្តែក្រោយមក រោងចក្រដែលអ្នកធ្វើការឱ្យនោះក៏ក្ស័យធន អ្នកស្រីបានឈប់ធ្វើការ ហើយសម្រេចិត្តងាកមកជួយមុខរបររបស់ប្តីដោយផ្តោតលើចម្ការជីរណា។

អ្នកស្រីបានថ្លែងបន្តថា ដំបូងឡើយ ប្តីរបស់អ្នកស្រីគឺជាអ្នកគិតគូរក្នុងការប្រើប្រាស់កម្ចីពីមីក្រូហិរញ្ញវត្ថុ ហើយការសម្រេចចិត្តក្នុងការប្រើប្រាស់កម្ចីពីមីក្រូហិរញ្ញវត្ថុគឺដោយសារអត្រាការប្រាក់ទាប ការទូទាត់សងត្រូវបានធ្វើឡើងជាប្រចាំខែ ហើយការទូទាត់ទាំងលុយដើម និងការប្រាក់ថយចុះទៅតាមតារាងបង់សង។

ទន្ទឹមនេះ អ្នកស្រីបានបញ្ជាក់ថា បើសិនជាប្រើប្រាស់កម្ចីឯកជន (កម្ចីក្រៅផ្លូវ ឬកម្ចីខុសច្បាប់) នៅតាមភូមិ ការទូទាត់សងបានត្រឹមតែការប្រាក់ ហើយប្រាក់ដើមនៅដដែល។ ដោយមើលឃើញពីលទ្ធផលដ៏លំបាកដូច្នេះ អ្នកបានសម្រេចចិត្តប្រើប្រាស់កម្ចីពីគ្រឹះស្ថានមីក្រូហិរញ្ញវត្ថុផ្លូវការ ដើម្បីជាទុនសម្រាប់ពង្រីកចម្ការរបស់អ្នកស្រី។

ងាកមកចាប់អារម្មណ៍មុខរបរដែលអ្នកស្រីសម្រេចចិត្តក្នុងការធ្វើជាមួយប្តីរបស់ស្រីវិញ អ្នកស្រីបានរៀបរាប់ថា ដំបូងឡើយ អ្នកស្រីបានទិញសម្ភារៈចាំបាច់មួយចំនួន ដូចជា ស្បៃ គ្រាប់ពូជ និងបង្គោលជាដើម។ បន្ទាប់មក មុខរបររបស់អ្នកស្រី និងប្តី បានដំណើរការរលូន និងរីកចម្រើន។ អ្នកស្រី និងប្តីអ្នកស្រី បានសម្រេចិត្តប្រើប្រាស់កម្ចីបន្ថែម ដើម្បីពង្រីកចម្ការរបស់អ្នកស្រី។

អ្នកស្រីបានថ្លែងបន្តថា កាលពីមុន ការវាយចាយក្នុងគ្រួសារជួបការលំបាក ប៉ុន្តែបន្ទាប់ពីការប្រើប្រាស់ទុនកម្ចីពីគ្រឹះស្ថានមីក្រូហិរញ្ញវត្ថុដើម្បីធ្វើចម្ការ ហើយមុខរបរនេះមានការរីកចម្រើនបានជួយបង្កើតប្រាក់ចំណូលដល់គ្រួសារអ្នកស្រី។ ដូច្នេះហើយការចាយវាយក្នុងគ្រួសារលែងជួបការលំបាកដូចកាលពីមុន ដោយអ្នកស្រីអាចទិញសម្ភារៈចូលផ្ទះ និងចំណាយលើការសិក្សារបស់កូនៗបានប្រសើរជាងមុន។

ជាចុងក្រោយ អ្នកស្រីបានបញ្ជាក់ថា ការប្រើប្រាស់កម្ចីនេះគឺត្រូវមានផែនការប្រើប្រាស់ឱ្យបានច្បាសលាស់ នោះវានឹងជួយបង្កើនប្រាក់ចំណូល និងជួយជីវភាពឱ្យល្អប្រសើរ។ បើមិនដូច្នេះទេ កម្ចីនេះនឹងក្លាយជាបំណុល។

លោកជំទាវ ឌិត នីតា ប្រធានក្រុមប្រឹក្សាភិបាលនៃសមាគមមីក្រូហិរញ្ញវត្ថុកម្ពុជា ធ្លាប់បានមានប្រសាសន៍ថា បច្ចុប្បន្ននេះ វិស័យមីក្រូហិរញ្ញនៅកម្ពុជានៅតែបន្តរក្សាបានកំណើននិងស្ថិរភាពតាមរយៈការផ្តល់សេវាប្រកបដោយបរិយាបន្ន ជាមួយស្មារតីទទួលខុសត្រូវខ្ពស់ និងកិច្ចការពារអតិថិជន ស្របតាមយុទ្ធសាស្រ្តជាតិស្តីពីបរិយាបន្នហិរញ្ញវត្ថុឆ្នាំ ២០១៩-២០២៥។

លោកជំទាវ បានថ្លែងបន្តថា គិតត្រឹមដំណាច់ត្រីមាសទី១ ឆ្នាំ២០២៤ វិស័យមីក្រូហិរញ្ញវត្ថុបានជួយគំាទ្រដល់ប្រជាពលរដ្ឋចំនួន ១,៥៥លាននាក់ និងបានផ្តល់ឥណទានចំនួន ៥,១៦ពាន់លានដុល្លារសហរដ្ឋអាមេរិកនៅទូទាំងប្រទេស និងលើគ្រប់វិស័យនៃខឿនសេដ្ឋកិច្ចជាតិ។

ជារួម វិស័យមីក្រូហិរញ្ញវត្ថុនៅកម្ពុជាបន្តមានភាពរីកចម្រើនឥតឈប់ឈរ និងបានចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ចតាមរយៈការផ្តល់ផលិតផល និងសេវាហិរញ្ញវត្ថុផ្លូវការដល់ប្រជាពលរដ្ឋ ជាពិសេសប្រជាពលរដ្ឋនៅតាមតំបន់ជនបទ។ ការណ៍នេះធ្វើឱ្យវិស័យមីក្រូហិរញ្ញវត្ថុដើរតួនាទីយ៉ាងសកម្មក្នុងការលើកម្ពស់បរិយាបន្នហិរញ្ញវត្ថុនៅកម្ពុជា៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

៥ខែ ឆ្នាំ២០២៤ កម្ពុជា នាំចេញបង្កងប៉ាករស់ ២,៥តោន អន្ទង់០.២០តោន និងកំពិសបង្កកជាង៣៥តោនទៅទីផ្សារចិន

ព្រឹត្តិការណ៍, សេដ្ឋកិច្ច

• 16/07/2024

៥ខែនៃឆ្នាំ២០២៤ កម្ពុជាបាននាំចេញបង្កងប៉ាករស់ ២,៥តោន អន្ទង់០.២០តោន និង កំពិសបង្កកជាង​៣៥តោនទៅទីផ្សារប្រទេសចិន

ទីផ្សារហ៊ុននៅអាស៊ីកំពុងស្ថិតក្រោមស្រមោលនៃព្រឹត្តិការណ៍ប៉ុនប៉ង់បាញ់សម្លាប់លោក Trump

ព្រឹត្តិការណ៍, សេដ្ឋកិច្ច

• 16/07/2024

គិតត្រឹមព្រឹកព្រលឹមថ្ងៃចន្ទសប្ដាហ៍នេះ សម្រាប់ទីផ្សារហ៊ុនរបស់លុយគ្រីបតូ Bitcoin បានហក់ឡើងទៅដល់ប្រមាណ ៦ម៉ឺនដុល្លារក្នុងមួយកាក់នៅក្នុងទីផ្សារលក់របស់សកល

សត្វចង្រៃ ដង្កូវ​ហ្វូង និង​រុយ​ស​ បំផ្លាញ​ស្រូវ​កសិករជាច្រើនហិកតា តែអាចគ្រប់គ្រងបាន

ព្រឹត្តិការណ៍, សេដ្ឋកិច្ច

• 16/07/2024

ឯកឧត្តម ងិន ឆាយ ប្រតិភូររាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានកសិកម្ម បានបញ្ជាក់ឱ្យដឹងថា ការខូចខាតដំណាំស្រូវ​ដោយសារសត្វល្អិតចង្រៃអាចគ្រប់គ្រងបាន

ការកើនឡើង​នៃគម្រោងបង្កើតរោងចក្រ​ សហគ្រាស ​ជំរុញ​ចលនា​ទិញ-លក់ដីធ្លី​នៅតាមតំបន់​សក្ដានុពល​

ព្រឹត្តិការណ៍, អចលនទ្រព្យ

• 16/07/2024

តម្រូវការនៃការ​ប្រើប្រាស់ដីធ្លីនៅតំបន់​រោងចក្រ​ ឧស្សាហកម្ម​នៅតែមាន​ខ្ពស់​ ខណៈការ​វិនិយោគលើ​វិស័យ​ឧស្សាហកម្ម​នៅតែ​លំហូរ

ចំណុចគួរប្រុងប្រយ័ត្ន ដើម្បីចៀសវាងការខាតបង់ប្រាក់ពីគណនីធនាគារចល័ត

ព្រឹត្តិការណ៍, ហិរញ្ញវត្ថុ

• 16/07/2024

ទន្ទឹមនឹងភាពងាយស្រួលដែលបច្ចេកវិទ្យាបានរួមចំណែកក្នុងការរស់នៅនាពេលបច្ចុប្បន្ន បច្ចេកវិទ្យាក៏អាចនាំឱ្យមានការខាតបង់ផងដែរ

រដ្ឋមន្ត្រីក្រសួងឧស្សាហកម្ម ៖ ស្តង់ដារជាតិមានសារៈសំខាន់បំផុតក្នុងក្របខ័ណ្ឌនៃការនាំចេញ

ព្រឹត្តិការណ៍, អាជីវកម្មថ្មី និងនវានុវត្ត

• 16/07/2024

រដ្ឋមន្ត្រីក្រសួងឧស្សាហកម្ម៖ «ស្តង់ដារជាតិមានសារៈសំខាន់បំផុតក្នុងក្របខ័ណ្ឌនៃការនាំចេញតាមរយៈការលើកកម្ពស់គុណភាព ការជំរុញផលិតកម្ម និងផលិតភាព»

ក្រុមហ៊ុន BYD Asia Pacific ចង់ដំឡើងយានយន្តអគ្គិសនីនៅកម្ពុជា ២ម៉ឺនគ្រឿងក្នុង១ឆ្នាំ

ព្រឹត្តិការណ៍, សេដ្ឋកិច្ច

• 16/07/2024

ក្រុមហ៊ុន BYD Asia Pacific ចង់សាងសង់រោងចក្រដំឡើងយានយន្តអគ្គិសនីនៅកម្ពុជា ដោយគ្រោងដំឡើងយានយន្តបាន២ម៉ឺនគ្រឿងក្នុងមួយឆ្នាំ។

ស្វែងយល់ប្រទេសទាំង ៥ ដែលផលិត semiconductor ឬ បន្ទះឈីបច្រើនជាងគេលើពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 16/07/2024

បច្ចុប្បន្ននេះ ពិភពលោកកាន់តែពឹងផ្អែកលើវិស័យបច្ចេកវិទ្យា ហើយបន្ទះឈីបកាន់តែមានសារៈសំខាន់នៅក្នុងវិស័យនេះ

រួមគ្នាចងក្រងបង្កើតជាសហគមន៍កសិកម្មបែបទំនើប ដើម្បីពង្រីកទីផ្សារ និងបង្កើនតម្លៃ

ជំនួញ, ព្រឹត្តិការណ៍

• 16/07/2024

ឯកឧត្តម ឃឹម ហ្វីណង់ ៖ «ចង់ដាំបន្លែក្នុងស្រុកជំនួសឱ្យការនាំចូលមកពីខាងក្រៅ ចាំចាប់ទាមទារឱ្យមានការរៀបចំខ្លួនទុកជាមុនសិន »

ផលិតផលគ្រាប់ស្វាយចន្ទីខ្មែរកែច្នៃរួច មានឱកាសចូលក្នុងផ្សារទំនើប និងបណ្តាម៉ាតនានា

ព្រឹត្តិការណ៍, សេដ្ឋកិច្ច

• 16/07/2024

ស្វាយចន្ទីផលិតផលខ្មែរដែលកែច្នៃរួច មានឱកាសចូលទៅកាន់ផ្សារទំនើប និង ម៉ាតនានា បន្ទាប់ពីការចរចារវាងភាគីពាក់ព័ន្ធ