តម្រូវការកម្ចីឥណទាន បាននឹងកំពុងពង្រីកខ្លួនគាំទ្រសកម្មភាព សេដ្ឋកិច្ចនៅជនបទ

ភ្នំពេញ ៖ ដោយសារភាពប្រឈមនឹងជំងឺរាតត្បាតកូវីដ-១៩ អត្រាការប្រាក់នៃប្រាក់បញ្ញើ និងឥណទានត្រូវបានធ្លាក់ចុះ តែក៏អាចផ្តល់អត្ថប្រយោជន៍ជាវិជ្ជមានឱ្យអតិថិជនទទួលបានមូលនិធិ ដែលមានតម្លៃសមរម្យ ដើម្បីបន្ត និងពង្រីកអាជីវកម្ម ក៏ដូចជាសកម្មភាពសេដ្ឋកិច្ច ដោយសារតែវិស័យឥណទាននៅកម្ពុជានៅតែមានភាពរឹងមាំស្ថិតក្នុងស្ថានភាពល្អប្រសើរ។

គ្រឹះស្ថានធនាគារ និងហិរញ្ញវត្ថុកម្ពុជា បានរួមចំណែកជួយសម្រាលបន្ទុកប្រជាពលរដ្ឋដែលរងផលប៉ះពាល់ពីជំងឺកូវីដ-១៩ ដោយផ្តល់នូវការអនុគ្រោះដល់អ្នកខ្ចីប្រាក់តាមរយៈការរៀបចំឥណទានឡើងវិញ ក្នុងការបន្តបំពេញតម្រូវការហិរញ្ញប្បទានរបស់វិស័យឯកជន ដោយរក្សាបាននូវនិរន្តរភាពនៃការផ្តល់ប្រាក់កម្ចីដល់គ្រប់វិស័យនៃសេដ្ឋកិច្ច។

ឯកឧត្តម ជា ចាន់តូ ទេសាភិបាលធនាគារជាតិនៃកម្ពុជា បានគូសបញ្ជាក់អំពីវឌ្ឍនភាពនៃវិស័យធនាគារថា ៖

“ទំហំឥណទានបានបន្តកើនឡើងដោយសារតែការកើនឡើងនៃតម្រូវការសម្រាប់ការវិនិយោគ និងការចំណាយក្នុងវិស័យដែលគាំទ្រសកម្មភាពសេដ្ឋកិច្ច ខណៈកម្ចីមិនដំណើរការនៅតែមានកម្រិតទាប”

ការផ្តល់ប្រាក់កម្ចីពីធនាគារពាណិជ្ជ និងធនាគារឯកទេសដល់អតិថិជនមានចំនួន ៣៨,៦ លានដុល្លារអាមេរិក គិតត្រឹមដំណាច់ឆ្នាំ២០២១ ដែលជាការកើនឡើង ២៤,៤ ភាគរយ។ នេះបើយោងទៅតាមការអភិវឌ្ឍនវិស័យធនាគារដែលចេញដោយធនាគារជាតិនៃកម្ពុជា។

ធនាគារជាតិបានបង្ហាញថា ប្រព័ន្ធធនាគារ និងហិរញ្ញវត្ថុរបស់កម្ពុជាមានភាពរឹងមាំ និងធន់ ដោយប្រាក់បញ្ញើបានកើនឡើង ១៧ ភាគរយក្នុងឆ្នាំ២០២១ កើនដល់ ៣៥,១ ពាន់លាន ជាមួយនឹងអត្រាការប្រាក់លើប្រាក់បញ្ញើមានទម្ងន់ជាមធ្យមលើចំនួនដែលនៅសល់នៅ ២,៥ ភាគរយសម្រាប់ប្រាក់ដុល្លារ និង ៣,៣ ភាគរយសម្រាប់ប្រាក់រៀល។

ចំណែកទ្រព្យសកម្មសរុបបានកើនឡើង ១៨,៨ ភាគរយដល់ ៦០ពាន់លានដុល្លារ។ ប្រភពសំខាន់នៃមូលនិធិគឺ ៦៧ ភាគរយបានមកពីប្រាក់បញ្ញើ ១៩ ភាគរយពីដើមទុន និង ១៤ ភាគរយផ្សេងទៀតពីការកម្ចី។

ជាក់ស្តែងក្នុងអំឡុងពេលនៃការផ្ទុះជំងឺកូវីដ-១៩ ប្រព័ន្ធធនាគារបានបន្តបំពេញតម្រូវការហិរញ្ញប្បទានរបស់វិស័យឯកជន ដោយរក្សាបាននូវនិរន្តរភាពនៃការផ្តល់ប្រាក់កម្ចីដល់គ្រប់វិស័យនៃសេដ្ឋកិច្ច ក៏ដូចជាបន្តអនុញ្ញាតឱ្យគ្រឹះស្ថានធនាគារ និងហិរញ្ញវត្ថុផ្តល់រចនាសម្ព័ន្ធឥណទានឡើងវិញ ដែលជួយសម្រាលបន្ទុកប្រជាជន និងអាជីវកម្ម។

ក្នុងរយៈពេល១ឆ្នាំពេញ (កាលពីខែវិច្ឆិកា ឆ្នាំ២០២០ ដល់ខែវិច្ឆិកា ឆ្នាំ២០២១) គណនីកម្ចីចំនួន ៣២៨,៥៥២ ត្រូវបានរៀបចំឡើងវិញនូវគណនីដែលមានតម្លៃប្រហែល ៥,៥ ពាន់លានដុល្លារ ដែលបញ្ជាក់ថាប្រាក់បញ្ញើនៅក្នុងប្រព័ន្ធធនាគារបន្តកើនឡើង និងឆ្លុះបញ្ចាំងពីទំនុកចិត្តដ៏រឹងមាំរបស់សាធារណជន និងអ្នកវិនិយោគនៅក្នុងប្រព័ន្ធធនាគារ។

ដោយឡែករបាយការណ៍ស្ថានភាពប្រាក់កម្ចីរបស់ CBC នៅកម្ពុជាឆ្នាំ២០២១ បានបង្ហាញថា អតិថិជនប្រហែល ២៩៤ ៦៧០ នាក់នៅក្នុងខេត្តតាកែវ បាន និងកំពុងប្រើប្រាស់ផលិតផល និងសេវាកម្មហិរញ្ញវត្ថុ ជាមួយនឹងប្រាក់កម្ចីដែលមានសរុបចំនួន ១ ៦២៦ លានដុល្លារ ឬជាមធ្យម ៥ ៥១៩ ដុល្លារក្នុងមនុស្សម្នាក់។ ប្រហែល ៧៨.៧៤ ភាគរយនៃប្រាក់កម្ចីអតិថិជននៅក្នុងខេត្តតាកែវទទួលបានកម្ចីពីគ្រឹះស្ថានហិរញ្ញវត្ថុតែមួយគត់ប្រហែល ១៧ ភាគរយមានកម្ចីពី ២ ស្ថាប័ន ហើយកម្ចីរហូតដល់ ៣ ស្ថាប័ន ស្មើនឹង ៣.៩៥ ភាគរយនៃអ្នកប្រើប្រាស់សរុបនៅក្នុងខេត្ត។

ចំណែកស្ថានភាពប្រាក់កម្ចីរបស់ CBC នៅកម្ពុជាឆ្នាំ២០២១ របាយការណ៍បានបង្ហាញថា អតិថិជនប្រហែល ១៨៥ ៩១៤ នាក់នៅក្នុងខេត្តកំពត បាន និងកំពុងប្រើប្រាស់ផលិតផល និងសេវាកម្មហិរញ្ញវត្ថុ ជាមួយនឹងប្រាក់កម្ចីសរុបចំនួន ១ ០៦៩លានដុល្លារ ឬជាមធ្យម ៥ ៧៥២ ដុល្លារក្នុងមនុស្សម្នាក់ ហើយក្នុងនោះ ប្រហែល ៧៨.៥៩ភាគរយនៃប្រាក់កម្ចីអតិថិជននៅក្នុងខេត្តកំពតទទួលបានកម្ចីពីស្ថាប័នហិរញ្ញវត្ថុតែមួយគត់ប្រហែល១៨ ភាគរយមានកម្ចីពី ២ស្ថាប័ន ហើយកម្ចីរហូតដល់ ៣ស្ថាប័ន គឺ ៣.៤៨ ភាគរយនៃអ្នកប្រើប្រាស់សរុបនៅក្នុងខេត្ត។ ទាំងអស់នេះបានបង្ហាញថា កម្ចីឥណទានជាវិធីល្អមួយជួយដោះស្រាយបញ្ហាដើមទុនរបស់ប្រជាពលរដ្ឋ សហគ្រិន ឬអាជីវកម្មខ្នាតតូច និងមធ្យម ក្នុងការការបើកអាជីវកម្ម ឬសម្រាប់ការពង្រីកអាជីវកម្ម មិនថាអាជីវកម្មនោះ មានទំហំតូច ឬក៏ធំនោះទេ សុទ្ធតែត្រូវការទុនដើម្បីត្រៀម និងរៀបចំដំណើរការការងារឱ្យបានល្អ និងរលូនតាមផែនការ។

លោក ឆេង ថុង ជាប្រធានសហគមន៍កសិកម្មសំបូរមានជ័យ ស្ថិតក្នុងភូមិសូភាស ឃុំសូភាស ស្រុកស្ទឹងត្រង់ ខេត្តកំពង់ចាម បានប្រាប់ AMS តាមទូរស័ព្ទឱ្យដឹងថា កម្ចី គឺជាទុនដ៏សំខាន់ណាស់សម្រាប់ការពង្រីកផលិតកម្មរបស់សហគមន៍ឱ្យសម្រេចផែនការដែលបានគ្រោងទុក ពិសេសក្នុងអឡុងពេលកូវីដ។

លោក ឆេង ថុង បានមានប្រសាសន៍ថា ៖

“កម្ចីនេះពិតជាសំខាន់ ដោយសារនៅក្នុងសហគមន៍យើងមានផលិតកម្មកសិកម្មច្រើនមុខ ដើម្បីសម្រេចបានតាមផែនការរបស់សហគមន៍ យ៉ាងណាក៏ត្រូវតែមានតម្រូវការកម្ចីឥណទានជាដើមទុនបន្ថែមពីខាងក្រៅ”

លោកប្រធានសហគមន៍រូបនេះបានបញ្ជាក់ទៀតថា គាត់សម្រេចចិត្តខ្ចីធនាគារដោយសារសហគមន៍មានតម្រូវការជាចាំបាច់ក្នុងការពង្រីកអាជីវកម្ម ក៏ដូចជាពង្រីកការផលិតទៅលើផលិតផលផ្សេងទៀតរបស់សហគមន៍ និងដើម្បីពន្លឿនសង្វាក់ផលិតកម្មផងដែរ។

លោកប្រធានសហគមន៍ ក៏បានបង្ហាញពីការសម្រេចចិត្តប្រើកម្ចីឥណទាននេះដោយសារតែទំហំផលិកម្មមានការប្រែប្រួល ហើយផលិតផលខ្លះមានការកើនឡើងខ្ពស់ ដែលពិបាកក្នុងការដំណើរការឱ្យរលូន ទើបដាច់ចិត្តប្រើប្រាស់កម្ចីឥណទានពីធនគារអភិវឌ្ឍជនបទចំនួន ៥៧ ០០០ដុល្លារ(ឆ្នាំ២០១៩) ទៅលើការទិញស្រូវពូជ និងសម្ភារៈមួយចំនួន យកមកពង្រីកការផលិត និងដើម្បីទប់ទល់នឹងភាពប្រឈមដែលកើតមាន។

លោក ឆេង ថុង ថ្លែងបញ្ជាក់ថា ៖

“ភាពប្រឈមតែងតែកើតមាន ដែលយើងក៏មានក្ដីបារម្ភទាក់ទងទៅនឹងហានិភ័យរបស់កម្ចី ដោយសារយើងពឹងផ្អែកទាំងស្រុងទៅលើផលិតផល ដែលយើងផលិតបាន តែអ្វីដែលសំខាន់គឺធ្វើយ៉ាងណាគ្រប់គ្រងការផលិត និងដំណើរការលក់ឱ្យបានល្អតាមផែនការ យើងជឿថាហានិភ័យនៃកម្ចីនេះគឺពុំមានអ្វីចោទជាបញ្ហាទេ”

សម្រាប់ដំណើរការងារ ភាពប្រឈមដែលមានគឺផលិតផលរបស់លោកត្រូវបានផ្សារទំនើបម៉ាក្រូកាត់បន្ថការបញ្ជាទិញប្រមាណ៦០ភាគរយ និងសួនសត្វក៏កាត់បន្ថយចំណីសត្វប្រមាណ៦០ភាគរយដែរនៅក្នុងពេលស្ថានភាពការរាតត្បាតជំងឺកូវីដ-១៩ ដែលបញ្ហានេះបានធ្វើឱ្យការទទួលបានកម្ចីក្លាយជាទុនបង្វិលដ៏មានប្រសិទ្ធភាពសម្រាប់ផលិតកម្មផ្សេងទៀត។

គួរបញ្ជាក់ផងដែរថា បច្ចុប្បន្ន សហគមន៍កសិកម្មសំបូរមានជ័យដែលបានប្រើប្រាស់ឥណទានចំនួន ៥៧ ០០០ដុល្លារក្នុងគម្រោង៥ឆ្នាំ (ក្នុងតម្លៃការប្រាក់៧%) បានសងត្រឡប់វិញចំនួន៣ឆ្នាំហើយ ដូច្នេះនៅសល់២ឆ្នាំទៀតទើបចប់គម្រោងឥណទាន ដោយបានជឿជាក់ថានឹងមិនមានអ្វីជាផលរំខានទៀតទេ ព្រោះជាបទពិសោធក្នុងរយៈពេល៣ឆ្នាំនៃការសងត្រឡប់ទៅវិញហាក់មិនមានឧបសគ្គនោះទេ ជាពិសេសអាចមានលទ្ធភាពក្រប់គ្រាន់ក្នុងការគ្រប់គ្រងសុខភាពកម្ចីបានល្អ ។

សមាគមមីក្រូហិរញ្ញវត្ថុកម្ពុជា កាលពីពេលកន្លងទៅថ្មីៗនេះបានបញ្ជាក់ថា តាមរយៈការពង្រីកគុណភាពទិន្នន័យឥណទាន ការលើកកម្ពស់ការប្រកួតប្រជែងប្រកបដោយសមធម៌ និងវិជ្ជាជីវៈ ក្នុងគោលបំណងដ៏ចម្បងមួយ គឺកម្មវិធីវិធានឥណទាន ត្រូវបានដាក់ឱ្យអនុវត្តន៍ ដើម្បីកាត់បន្ថយហានីភ័យនៃបំណុលច្រើនលើសលប់។

ដោយឡែក ទាក់ទិននឹងការរួមចំណែករបស់គ្រឹះស្ថានធនាគារ និងហិរញ្ញវត្ថុកម្ពុជា ក្នុងការលើកស្ទួយជីវភាពរបស់ប្រជាជនកម្ពុជាត្រូវការការបញ្ជ្រាប និងការសម្របខ្លួនតាមគន្លងថ្មី តាមបែបឌីជីថល ដែលការសម្របខ្លួនកំពុងជួយឌីជីថលូបនីយកម្ម ធ្វើឱ្យជឿនលឿនខ្លាំង តែមានហានិភ័យទាប សមាគមធនាគារ និងសមាគមមីក្រូហិរញ្ញវត្ថុកម្ពុជាត្រូវការចូលរួមផ្សព្វផ្សាយពីស្ថាប័នសារព័ត៌មាននានា ដែលអាចជាដៃគូដ៏ស័ក្តិសមក្នុងការងារនេះសម្រាប់កាលៈទេសៈនៃវិបត្តិកូវីដ-១៩ ព្រោះការសម្របខ្លួនរបស់ប្រជាពលរដ្ឋប្រកបដោយបរិយាប័ន្នហិរញ្ញវត្ថុ គឺដើម្បីឱ្យមានសេរីភាពហិរញ្ញវត្ថុលឿនជាងមុន រហ័សជាងមុន និងអាចមានភាពពេញលេញក្នុងការសម្របខ្លួនជាមួយឌីជីថល៕

លោក កែ ផុស | Mr. Ker Phors

ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

មិនត្រឹមតែយានយន្តថ្មី ទោះជាយានយន្តកំពុងប្រើប្រាស់

ក៏អាចយកកាតគ្រីមក អិលអូអិលស៊ី

ដើម្បីទទួលបាន ប្រាក់កម្ចី

របាយការណ៍ថ្មីៗ

មើលទាំងអស់ ➧

អ្នកជំនាញឌីជីថល លើកទឹកចិត្តឱ្យប្រើអ៊ីនធឺណិតផ្ទាល់ខ្លួន ដើម្បីមានសុវត្ថិភាពជាងការប្រើ Wifi សាធារណៈ

បទយកការណ៍, ហិរញ្ញវត្ថុ

• 10/03/2026

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

បទយកការណ៍, ហិរញ្ញវត្ថុ

• 16/02/2026

ការដាំបន្លែជាលក្ខណៈគ្រួសារ ទទួលបានបន្លែសុវត្ថិភាពសម្រាប់ទទួលទានផង និងអាចរកចំណូលបានទៀត

ជំនួញ, បទយកការណ៍

• 20/11/2025

ចំណេះដឹងកសិកម្ម ៖ ងាយៗបច្ចេកទេសផលិតស្កររងូ សម្រាប់ផលិតមេជី និងមេចំណីសត្វ

ជំនួញ, បទយកការណ៍

• 19/11/2025

ដាំស្លឹកគ្រៃ លក់បានទាំងដើម ហើយយកស្លឹកចម្រាញ់ប្រេងលក់បានទៀត

ជំនួញ, បទយកការណ៍

• 18/11/2025

ស្វែងយល់ពីបច្ចេកទេសងាយៗក្នុងការផលិតថ្នាំពុលធម្មជាតិសម្រាប់ការពារដំណាំយកស្លឹកពីសត្វល្អិត

ជំនួញ, បទយកការណ៍

• 17/11/2025

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

គ្រាន់តែឮពាក្យថា សំបុកត្រចៀកកាំ ភាគច្រើនគេតែងតែគិតពីរសជាតិ និងគុណតម្លៃចំពោះសុខភាពដែលទទួលបានពីការទទួលទានភេសជ្ជៈ ឬអាហារដែលចម្រាញ់ចេញពីសំបុកត្រចៀកកាំ។

មុខរបរលក់ដំឡូងស្ងោរមួយកញ្ច្រែង តែអាចរកចំណូលបានជាង ៤០ ម៉ឺនរៀលក្នុងមួយថ្ងៃ

ជំនួញ, បទយកការណ៍

• 17/11/2023

និយាយពីរបរលក់ដំឡូងស្ងោរចល័តតាមដងផ្លូវក្នុងរាជធានីភ្នំពេញ គេមិនអាចមើលរំលងបាននោះទេនូវអាជីវករសកម្មនៅភូមិព្រែកពោធិ ដែលតែងតែជិះរថយន្តឈ្នួលឡើងមកលក់ដំឡូងស្ងោរពេលព្រឹក.....

ព័ត៌មានទូទៅ

មើលទាំងអស់ ➧

កិច្ចពិភាក្សាកម្មវិធីហិរញ្ញវត្ថុ រដូវកាលទី ៣ ក្លាយជាវេទិកាចំណេះដឹងហិរញ្ញវត្ថុសម្រាប់ប្រជាកសិករ

ព្រឹត្តិការណ៍, ហិរញ្ញវត្ថុ

• 06/04/2026

ក្រុមហ៊ុន Apsara Media Services (AMS) កាលពីថ្ងៃទី០៣ ខែមេសា ឆ្នាំ២០២៦ បានសហការជាមួយនឹងសមាគមធនាគារនៅកម្ពុជា (ABC) សមាគមមីក្រូហិរញ្ញវត្ថុកម្ពុជា (CMA) និងក្រុមហ៊ុនក្រេឌីត ប្យួរ៉ូ (ខេមបូឌា) (CBC) ដោយមានការគាំទ្រដោយធនាគារជាតិនៃកម្ពុជា (NBC) បានរៀបចំកម្មវិធី វេទិកាចំណេះដឹងផ្នែកហិរញ្ញវត្ថុកម្ពុជា កិច្ចពិភាក្សា កម្មវិធី «វិថីហិរញ្ញវត្ថុ រដូវកាលទី៣» នៅស្រុកបន្ទាយមាស ខេត្តកំពត។

អតីតព្រលានយន្តហោះអន្តរជាតិ-ភ្នំពេញ នឹងបើកឱ្យសាធារណជនចូលលេងកម្សាន្តរយៈពេល៩ថ្ងៃ អំឡុងបុណ្យចូលឆ្នាំខ្មែរ

ព្រឹត្តិការណ៍, អចលនទ្រព្យ

• 06/04/2026

ព្រលានយន្តហោះពោធិ៍ចិនតុង ដែលរាជរដ្ឋាភិបាលអភិវឌ្ឍន៍ធ្វើជាសួនសាធារណៈ នឹងត្រូវបើកសាកល្បងឱ្យសាធារណជនចូលទស្សនាកម្សាន្ត ហាត់ប្រាណ និងលេងកីឡា ដោយឥតគិតថ្លៃរយៈពេល០៩ថ្ងៃ

ត្រីមាសទី១ ឆ្នាំ២០២៦ សេដ្ឋកិច្ចវៀតណាមកើនឡើងយឺត ដោយសារការនាំចូលប្រេងពីមជ្ឈិមបូព៌ារងផលប៉ះពាល់ខ្លាំង

ព្រឹត្តិការណ៍, សេដ្ឋកិច្ច

• 06/04/2026

សេដ្ឋកិច្ចរបស់ប្រទេសវៀតណាមនៅក្នុងត្រីមាសទី១ ដើមឆ្នាំ២០២៦នេះ មានការកើនឡើងយឺតយ៉ាវ ដោយសារតែការនាំចូលប្រេងពីមជ្ឈិមបូព៌ាទទួលរងនូវផលប៉ះពាល់ខ្លាំង ដែលជាហេតុជំរុញឱ្យមានអតិផរណាកើនឡើង

កម្ពុជាដាក់ដំណើរការកម្មវិធីថ្មីមួយ ដើម្បីជួយសហគ្រិនខ្មែរឱ្យមានភាពប្រកួតប្រជែងទាំងក្នុងស្រុកនិងអន្តរជាតិ

ព្រឹត្តិការណ៍, អាជីវកម្មថ្មី និងនវានុវត្ត

• 06/04/2026

កម្ពុជាបានដាក់ឱ្យដំណើរការកម្មវិធីថ្មីមួយក្នុងវិស័យសហគ្រិនភាព ដោយផ្ដោតលើការធ្វើធុរកិច្ចតាមបច្ចេកវិទ្យាបៃតង ក្នុងគោលដៅគាំទ្រធុរកិច្ចបច្ចេកវិទ្យាអាកាសធាតុ ឱ្យពង្រីកអាជីវកម្មរបស់ខ្លួន តាមរយៈភាពជាដៃគូសកល ការផ្ទេរបច្ចេកវិទ្យា និងហិរញ្ញប្បទាន។

សម្តេចធិបតី ហ៊ុន ម៉ាណែត លើកទឹកចិត្តដល់ប្រជាពលរដ្ឋ ប្រើប្រាស់ផលិតផលក្នុងស្រុក

ព្រឹត្តិការណ៍, សេដ្ឋកិច្ច

• 06/04/2026

សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានចេញសារលិខិតអបអរសាទរ ក្នុងឱកាសទិវាជាតិលើកកម្ពស់ការប្រើប្រាស់ផលិតផលខ្មែរ ៩ មេសា លើកទី៩ ឆ្នាំ២០២៦ ក្រោមប្រធានបទ «ខ្មែរផលិត ខ្មែរប្រើប្រាស់ ខ្មែររីកចម្រើន» និងបានជំរុញឱ្យបងប្អូនប្រជាពលរដ្ឋខ្មែរ គាំទ្រប្រើប្រាស់ផលិតផលក្នុងស្រុក ដែលផលិតដោយខ្មែរ។

ប្រេងឥន្ធនៈនិងជីកសិកម្មឡើងថ្លៃបង្កផលប៉ះពាល់ដល់ជីវភាពកសិករ ខណៈជម្លោះមជ្ឈិមបូព៌ានៅតែបន្ត

ព្រឹត្តិការណ៍, សេដ្ឋកិច្ច

• 06/04/2026

កសិករជាច្រើននៅកម្ពុជា កំពុងប្រឈមនឹងការលំបាក ដោយសារតម្លៃប្រេងឥន្ធនៈ និងជីសកិកម្មកើនឡើង ដែលជាកត្តាជំរុញឱ្យថ្លៃដើមផលិតរបស់ពួកគេ កើនឡើង ចាប់តាំងពីជម្លោះនៅមជ្ឈិមបូព៌ាចាប់ផ្តើម។ នេះបើយោងតាមការផ្សាយរបស់កាសែត BERNAMA ប្រទេសម៉ាឡេស៊ី ចេញផ្សាយកាលពីថ្ងៃទី ០១ ខែមេសា ឆ្នាំ ២០២៦ កន្លងទៅ។

តម្រូវការនិងតម្លៃស្ករត្នោតខ្មែរហក់ឡើងខ្ពស់ ប៉ុន្តែចំនួនអ្នកផលិតធ្លាក់ចុះ

ជំនួញ, ព្រឹត្តិការណ៍

• 06/04/2026

ស្ករត្នោតធម្មជាតិរបស់ខ្មែរ កំពុងមានតម្រូវការខ្ពស់លើទីផ្សារ ទាំងក្នុងនិងក្រៅប្រទេស ស្របគ្នានឹងតម្លៃរបស់វា ក៏ហក់ឡើងខ្ពស់ដែរ ប៉ុន្តែបែរជាមិនសូវមានអ្នកផលិតស្ករត្នោតច្រើនដូចមុន ជាពិសេសស្ករត្នោតកំពង់ស្ពឺ

ម្ហូបឌីមសាំ ប៉ះជាមួយគ្រឿងទេសកំពត បង្កើតរសជាតិឆ្ងាញ់ ប្លែក និងច្នៃប្រឌិត

ព្រឹត្តិការណ៍, អត្ថបទពាណិជ្ជកម្ម

• 03/04/2026

ដើម្បីអបអរសាទរ និងលើកកម្ពស់រសជាតិអាហារបែប "Glocal" (ការរួមបញ្ចូលគ្នារវាងរសជាតិសកល និងរសជាតិក្នុងស្រុក) កាលពីល្ងាចថ្ងៃទី២ ខែមេសា ឆ្នាំ២០២៦ ភោជនីយដ្ឋាន Yi Sang ដែលទើបនឹងសម្ពោធថ្មីៗស្ថិតនៅក្នុងអាកាសយានដ្ឋានអន្តរជាតិតេជោ

សហគមន៍កសិកម្មទំនើបកើនឡើងដល់ ៣១ ជាមួយកិច្ចសន្យាផលិតកម្មមានតម្លៃជាង៤០លានដុល្លារ

ព្រឹត្តិការណ៍, សេដ្ឋកិច្ច

• 03/04/2026

រហូតមកដល់ពេលនេះ សហគមន៍កសិកម្មទំនើបដែលបង្កើតឡើងនៅចុងឆ្នាំ២០២៣ កើនឡើងដល់៣១ និងកិច្ចសន្យាផលិតកម្មជាង៤០លានដុល្លារអាម៉េរិក

កម្ពុជា គ្រោងកំណត់ការប្រើប្រាស់សារធាតុ “អាសបេស្ដុស”ក្នុងវិស័យសំណង់

ព្រឹត្តិការណ៍, អចលនទ្រព្យ

• 03/04/2026

ក្រសួងរៀបចំដែនដី នគរូបនីយកម្ម និងសំណង់ បានរៀបចំសិក្ខាសាលាពិគ្រោះយោបល់មួយស្ដីពី “ការវាយតម្លៃផលប៉ះពាល់ផ្នែកសេដ្ឋកិច្ចពាក់ព័ន្ធនឹងការប្រើប្រាស់សារធាតុអាសបេស្ដុស” កាលពីថ្ងៃទី០២ ខែមេសា ឆ្នាំ២០២៦