សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
សៀមរាប ៖ ក្នុងឱកាសពិធីបុណ្យចូលឆ្នាំប្រពៃណីចិន – វៀតណាម ខាងមុខនេះ ជាពេលដែលបងប្អូនខ្មែរជាប់ខ្សែស្រឡាយចិន – វៀតណាម ជួបជុំញាតិមិត្តជិតឆ្ងាយ និងទទួលទានអាហារជុំបងប្អូនយ៉ាងរីករាយ ដោយក្នុងនោះ ក្រៅពីម្ហូបអាហារសំខាន់ៗចំពោះមុខនោះក្នុងពិធីសែនព្រេនដូចជា ជ្រូកខ្វៃ ទាន់ស្ងោរ និងទាខ្វៃ ចំពោះសត្វកន្ធាយចិញ្ចឹមក៏ជាមុខម្ហូបមួយប្រភេទដែលគេនិយមចូលចិត្តចម្អិនទទួលទានជុំគ្នា ត្បិតថាវាមានរសជាតិឆ្លាញ់ និងមានតម្លៃសមរម្យ។
លោក ហ៊ិម លីហៀង ជាម្ចាស់កសិដ្ឋានចិញ្ចឹមកន្ធាយសាច់មួយកន្លែងស្ថិតនៅភូមិអំពិល ឃុំសំរោងយា ស្រុកពួក ខេត្តសៀមរាប បានមានប្រសាសន៍ប្រាប់ AMS ឱ្យដឹងថា ក្នុងឱកាសបុណ្យចូលឆ្នាំប្រពៃណីចិនខាងមុខនេះ តម្រូវការកន្ធាយសាច់នឹងមានច្រើនជាមិនខាន ដែលនោះមានតម្រូវការទាំងនៅក្នុងតំបន់ និងតាមបណ្តាខេត្ត/ក្រុងផ្សេងៗ ជាពិសេសតាមហាង និងភោជនីយដ្ឋាននានាដែលធ្លាប់មានការកម្ម៉ង់ទិញជាប្រចាំ។
លោកបានបញ្ជាក់ថា ៖
“នៅពេលចូលឆ្នាំចិន កន្ធាយសាច់គឺដឹងតែមានបងប្អូនយើងគាត់រកច្រើន ឱ្យតែមានកន្ធាយលក់ឱ្យគេគ្រប់ ពិសេសកន្ធាយមេដែលនៅតាមហាងនានាតែងបញ្ជាទិញ ហើយចំនួនច្រើន ដែលយើងអាចប៉ានស្មានថា នឹងអាចលក់បានប្រមាណ ២០០គីឡូក្រាម”
លោកបន្ថែមថា ៖
“បរិមាណកន្ធាយសាច់ ២០០គីឡូក្រាមនេះ បើគិតតែការចាប់លក់តាមហាងគឺប្រហែល ១០០គីឡូក្រាមបាត់ទៅហើយ ចំណែកក្រៅពីនេះ យើងអាចលក់រាយឱ្យទៅបងប្អូនក្នុងតំបន់ផ្ទាល់ ដែលគាត់ត្រូវការកន្ធាយយកទៅចម្អិនធ្វើជាអាហារនាឱកាសបុណ្យចូលឆ្នាំចិនខាងមុខនេះ”
សម្រាប់តម្លៃវិញ ជាទូទៅ កន្ធាយសាច់ដែលចាប់លក់ឱ្យហាង និងភោជនីយដ្ឋាន អាចលក់បានក្នុងតម្លៃ ១២ដុល្លារក្នុង ១គីឡូក្រាម (កន្ធាយ១ក្បាលមានទម្ងន់ចាប់ពីជាង១គីឡូក្រាមឡើងទៅ) ចំណែកលក់រាយវិញ ក្រោយពេលចាប់ធ្វើឱ្យស្អាត ប្រឡាក់គ្រឿងហើយ អាចលក់បានក្នុងតម្លៃ ១០ម៉ឺនរៀល សម្រាប់កន្ធាយ ៣ក្បាល (កន្ធាយ១ក្បាលទម្ងន់ក្រោម១គីឡូក្រាម) ដែលអតិថិជនមិនចាំបាច់ចំណាយពេលច្រើនចម្អិន ពោលគឺទិញយកទៅមានគ្រឿងស្រាប់ អាចដាច់ចំហុយបានតែម្ដង។
លោក លីហៀង បានបន្ថែមថា ៖
“បច្ចុប្បន្នចំពោះកន្ធាយសាច់លក់រាយគឺដាច់ជាងលក់បោះដុំឱ្យហាង ជាពិសេសការធ្វើឱ្យស្អាត និងផ្សំគ្រឿងផ្សំរួចជាស្រេច ដែលបងប្អូនយើងនិយមគាំទ្រទាំងក្នុងតំបន់ និងកម្ម៉ង់ទៅតាមខេត្តនានា។ ចំណែកការលក់ឱ្យហាងវិញ ភាគច្រើនគឺគេទិញយកតែកន្ធាយមេ ដែលយើងមិនអាចលក់កន្ធាយមេសុទ្ធឱ្យបានទេ លុះត្រាតែលាយកន្ធាយឈ្មោលខ្លះទើបយើងអាចលក់ឱ្យបាន”
គួរបញ្ជាក់ដែរថា សម្រាប់តម្លៃកន្ធាយសាច់របស់កសិដ្ឋាន «គ្រួសារកន្ធាយ» គឺមានភាពសមរម្យដែលបងប្អូនអាចកម្ម៉ង់ទិញបានដើម្បីទទួលទានជួបជុំគ្រួសារនាឱកាសបុណ្យចូលឆ្នាំប្រពៃណីចិនខាងមុខនេះ។ ក្រៅពីកន្ធាយសាច់ កសិដ្ឋានខាងលើក៏មានលក់ជាកន្ធាយពូជ និងចែករំលែកចំណេះដឹងនានាពាក់ព័ន្ធនឹងការចិញ្ចឹម ដែលជាឱកាសសម្រាប់អ្នកដែលមានបំណងសាកល្បងចិញ្ចឹមបាន៕
Account
Security
Favourite Content