សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្រុមការងារនៃអប្សរាមេឌាសឺវីស (AMS) បានបន្តកិច្ចសហការគ្នាជាមួយសមាគមធនាគារនៅកម្ពុជា (ABC) សមាគមមីក្រូហិរញ្ញវត្ថុកម្ពុជា (CMA) និងក្រុមហ៊ុន ក្រេឌីត ប្យួរ៉ូ ខេមបូឌា (CBC) ក្នុងការផលិតកម្មវិធីវិថីហិរញ្ញវត្ថុ រដូវកាលទី២ (Financial Street Season 2) ក្នុងគោលបំណងដើម្បីលើកកម្ពស់ការផ្សព្វផ្សាយចំណេះដឹងហិរញ្ញវត្ថុជូនដល់សាធារណជន។
នៅថ្ងៃទី១២ ខែធ្នូ ឆ្នាំ២០២៣ ស្ថាប័នទាំង ៤ បានរៀបចំធ្វើបទបង្ហាញពីភាពជៅគជ័យ និងកត្តាប្រឈមក្នុងការផលិតកម្មវិធីវិថីហិរញ្ញវត្ថុរដូវកាលទី១ ដែលផ្តោតសំខាន់លើការផ្សព្វផ្សាយចំណេះដឹងហិរញ្ញវត្ថុជូនសាធារណជន។ បន្ថែមពីលើនេះ ស្ថាប័នទាំង៤ បានប្រមូលធាតុចូលសំខាន់ៗសម្រាប់រដូវកាលទី២ ពីអ្នកចូលរួមចំនួនជិត ១០០ នាក់ មកពីធនាគារ និងគ្រឹះស្ថានមីក្រូហិរញ្ញវត្ថុចំនួន ៧០ ស្ថាប័នក្នុងវិស័យ ដើម្បីអភិវឌ្ឍន៍មាតិកា និងប្រធានបទទាក់ទងចំណេះដឹងហិរញ្ញវត្ថុឱ្យកាន់តែមានភាពស៊ីជ្រៅ និងគ្រប់ជ្រុងជ្រោយតាមរយៈការផលិតវីដេអូអប់រំផ្នែកហិរញ្ញវត្ថុជូនដល់សាធារណជន។
វិថីហិរញ្ញវត្ថុ (Financial Street) គឺជាកម្មវិធីអប់រំចំណេះដឹងផ្នែកហិរញ្ញវត្ថុមួយ ដែលផ្តួចផ្តើមឡើងដោយ AMS និងសហការរៀបចំដោយ ABC, CMA និង CBC នឹងទទួលបានការគាំទ្រដោយធនាគារជាតិនៃកម្ពុជា (NBC)។ កម្មវិធីនេះគឺជាផ្នែកមួយនៃសកម្មភាពជាច្រើនផ្សេងទៀតរបស់សមាគមធនាគារនៅកម្ពុជា។
ទន្ទឹមនេះ សមាគមមីក្រូហិរញ្ញវត្ថុកម្ពុជា និងក្រុមហ៊ុន ក្រេឌីត ប្យួរ៉ូ ខេមបូឌា ក៏បានចូលរួមចំណែកយ៉ាងសកម្មផងដែរ ក្នុងការផ្សព្វផ្សាយចំណេះដឹងហិរញ្ញវត្ថុដល់ប្រជាពលរដ្ឋ ដើម្បីជំរុញឱ្យវិស័យហិរញ្ញវត្ថុនៅកម្ពុជា កាន់តែមានភាពធន់ និងរឹងមាំទាំងនាពេលបច្ចុប្បន្ន និងអនាគត។
សូមបញ្ជាក់ថា កម្មវិធីវិថីហិរញ្ញវត្ថុ រដូវកាលទី១ ត្រូវបានសម្ពោធកាលពីថ្ងៃទី៣ ខែមីនា ឆ្នាំ២០២៣។ នាពេលកន្លងមកនេះ ក្រុមការងារ AMS រួមជាមួយ ABC, CMA និង CBC បានធ្វើការយ៉ាងសកម្មក្នុងការផលិតវីដេអូអប់រំផ្នែកហិរញ្ញវត្ថុឱ្យសម្រេចបានតាមផែនការ ដែលមាន ២០ វីដេអូ។ ជាមួយគ្នានេះ យុទ្ធនាការនៃកម្មវិធីវិថីហិរញ្ញវត្ថុ គឺជាការចូលរួមចំណែកមួយផ្នែកទៀតក្នុងការចូលរួមលើកកម្ពស់ចំណេះដឹងហិរញ្ញវត្ថុដល់សាធារណជន។
ជាការពិតណាស់ ចំណេះដឹងផ្នែកហិរញ្ញវត្ថុ គឺជារបៀបវារៈដ៏សំខាន់ ដែលមាននៅក្នុងយុទ្ធសាស្រ្តជាតិស្តីពីបរិយាបន្នហិរញវត្ថុឆ្នាំ២០១៩-២០២៥ ។ ធនាគារជាតិនៃកម្ពុជា បានយកចិត្តទុកដាក់ខ្ពស់នៃរបៀបវារៈនេះ និងបានជំរុញសមាគមទាំងពីរ និងសមាជិករបស់ខ្លួនឱ្យបង្កើនសកម្មភាពលើរបៀបវារៈដ៏សំខាន់នេះ៕
Account
Security
Favourite Content