សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បាត់ដំបង ៖ គ្រាន់តែឮពាក្យគេនិយាយថា «សត្វកណ្ដុរ» មនុស្សភាគច្រើនតែងតែនឹកគិតថាវាជាសត្វចង្រៃដែលរស់នៅតាមបណ្តាញលូទឹកស្អុយ និងនៅតាមកន្លៀតទីងងឹត ហើយកាត់ (ខាំ) បំផ្លាញសម្ភារៈប្រើប្រាស់ សម្លៀកបំពាក់ និងទ្រព្យសម្បត្តិនៅក្នុងផ្ទះសូម្បីតែគ្រឿងសង្ហារឹមធ្វើឡើងដោយឈើក៏ដោយ។ ប៉ុន្តែ សម្រាប់សត្វកណ្តុរមួយប្រភេទទៀត ដែលគេនិយមហៅថា «កណ្ដុរស៊ាំង» ឬកណ្តុរព្រែង ត្រូវបានគេចិញ្ចឹមយកសាច់លក់ ហើយកំពុងមានតម្រូវការទីផ្សារ ដែលមានតម្លៃថ្លៃគួរសម ពោល គឺកណ្ដុរមួយក្បាលអាចលក់បានរហូតដល់៥ម៉ឺនរៀល ។
លោក មុយ រើន ជាម្ចាស់កសិដ្ឋានចិញ្ចឹមកណ្ដុរព្រែងមួយកន្លែងស្ថិតនៅក្នុងភូមិសួនស្លា ឃុំក្ដុរតាហែន ស្រុកបវេល ខេត្តបាត់ដំបង បានមានប្រសាសន៍ប្រាប់ AMS ឱ្យដឹងថា លោកបានចាប់យកអាជីពជាអ្នកចិញ្ចឹមសត្វកណ្ដុរព្រែងនេះប្រមាណជា៣ឆ្នាំមកហើយ ដោយសារតែវាងាយស្រួលចិញ្ចឹម អាចលក់បានថ្លៃ ហើយមានទីផ្សារល្អ។
លោកបញ្ជាក់ថា ៖
“សម្រាប់ខ្ញុំផ្ទាល់ អាចនិយាយបានថា ការចិញ្ចឹមសត្វកណ្ដុរគឺមានភាពងាយស្រួលជាងការចិញ្ចឹមសត្វដទៃ ដោយសារវាមិនតម្រូវឱ្យចំណាយពេលច្រើន មិនប៉ះពាល់ដល់ការងារប្រចាំថ្ងៃ ចិញ្ចឹមក៏ឆាប់ធំ ហើយកណ្ដុរពូជនេះអាចលក់បានថ្លៃគួរសម ពោលគឺមួយក្បាលអាចលក់បាន៥ម៉ឺនរៀល ឬមួយគូ១០ម៉ឺនរៀល ហើយបើកណ្ដុរសាច់គឺមិនដែលមានសល់ទេ មានប៉ុន្មានក៏អស់ដែរ”
លោកបន្តថា ៖
“ចំពោះទីផ្សារកណ្ដុរសាច់អាចលក់បាន ១៥ ០០០រៀលក្នុងមួយគីឡូក្រាមចំពោះកណ្ដុរមិនទាន់ធ្វើហើយ ចំណែកកណ្ដុរធ្វើហើយអាចលក់បានជាង២ម៉ឺនរៀលឡើងទៅ។ ក្រៅពីនេះ យើងក៏មានលក់កណ្ដុរពូជលក់បានរាល់ខែក្នុងតម្លៃ ១០-២៥ ដុល្លារក្នុងមួយគូរ ចំណែកការលក់ជាឈុត ដែលមានមេ២ក្បាល និងឈ្មោលមួយអាចលក់បានក្នុងតម្លៃ ១៥-៣៥ដុល្លារ”
ចំពោះការចិញ្ចឹមត្រូវបានម្ចាស់កសិដ្ឋានរូបនេះប្រាប់ឱ្យដឹងដែរថា លោកបានចាប់ផ្ដើមចិញ្ចឹមកាលពីពាក់កណ្តាលឆ្នាំ២០២៩ ដោយសារចូលចិត្តស្រឡាញ់ផង ហើយណាមួយចូលចិត្តហូបសាច់កណ្ដុរតាំងពីក្មេង ទើបសម្រេចចិត្តថាចាប់យកការចិញ្ចឹមកណ្ដុរនេះធ្វើជាអាជីពតែម្ដងដោយសាច់កណ្ដុរចិញ្ចឹមគឺមានរសជាតិឆ្ងាញ់ មិនភ័យរឿងជំងឺដូចកណ្ដុរព្រៃ ហើយជាធម្មតាលោកអាចរកចំណូលបាន ៣០០-៤០០ដុល្លារក្នុងមួយខែ។
ពាក់ព័ន្ធនឹងការចិញ្ចឹម ដើម្បីចិញ្ចឹមកណ្ដុរបានល្អ ចាំបាច់គឺត្រូវកាតកន្លែងចិញ្ចឹមដែលអាចធ្វើជាទ្រុង ឬលូ ដើម្បីងាយស្រួលចិញ្ចឹម និងមើលថែ ក្រៅពីនេះគឺត្រូវការទិញពូជ និងចំណីបន្តិចបន្តួច ហើយសម្រាប់អ្នកដែលមានបំណងចង់ចិញ្ចឹម គឺមានដើមទុនត្រឹមប្រមាណ១០០ដុល្លារក៏អាចចិញ្ចឹមបានដែរ។ ដោយឡែកចំពោះចំណីវិញ កណ្ដុរជាសត្វមួយដែលងាយស្រួលឱ្យចំណី អាចដាក់ជាស្រូវ ពោត សណ្ដែក ដំឡូង និងបន្លែជាដើម។ បន្ថែមពីនេះ ក៏អាចប្រើចំណីបន្ថែមដូចជាចំណីមាន់ ឬចំណីជ្រូក ២-៣ដងក្នុងមួយសប្ដាហ៍ជាការស្រេច។
លោកបញ្ជាក់ថា ៖
“យើងក៏ត្រូវយកចិត្តទុកដាក់លើចំណុចមួយចំនួនដូចជា ការដាក់ចំណីត្រូវដាក់ល្មមកុំឱ្យសល់ ដាក់ទឹកឱ្យបានគ្រប់គ្រាន់ និងការសម្អាតគឺរៀងរាល់១-២សប្ដាហ៍ម្ដង ឬសម្អាតពេលកូនកណ្ដុរធំបានមួយខែ ដែលធ្វើយ៉ាងណាឱ្យទ្រុងស្ងួតល្អ ព្រោះកណ្ដុរត្រូវការរស់នៅកន្លែងស្ងួតជានិច្ច។ មួយទៀតយើងក៏ត្រូវយកចិត្តទុកខ្ពស់នៅពេលកណ្ដុរទើបតែកើតកូន ចៀសវាងការបើកមើលញឹកញាប់ធ្វើវាផ្អើល និងភ័យខ្លាច”
លោកបន្ថែមទៀតថា ៖
“ការចិញ្ចឹមសត្វកណ្ដុរមានភាពខុសប្លែកពីសត្វដទៃដោយសារយើងចិញ្ចឹមបិទជិត និងមិនចំណាយពេលច្រើនក្នុងការថែទាំ ដាក់ចំណីតិច មិនចំណាយកម្លាំងច្រើន មិនប៉ះពាល់ដល់ការងារប្រចាំថ្ងៃ ហើយរយៈពេលចិញ្ចឹមត្រូវចំណាយពេលប្រមាណ ២-៣ខែ ដែលកណ្ដុរមានទម្ងន់ជាមធ្យម ៥ខាំ”
គួរបញ្ជាក់ដែរថា លោក មុយ រើន បានចាប់ផ្ដើមចិញ្ចឹមកណ្ដុរព្រែងនៅពាក់កណ្ដាលឆ្នាំ២០១៩ ដែលលោកបានចាប់អារម្មណ៍ និងស្រាវជា្រវពីពូជក៏ដូចជារបៀបចិញ្ចឹមតាំងពីឆ្នាំ២០១៧ ហើយក្នុងការកកើតកសិដ្ឋាននេះ លោកបានចំណាយដើមទុនដំបូងប្រមាណ៥០០០ដុល្លារទៅលើការរៀបចំទ្រុង ប្រព័ន្ធទឹក ក៏ដូចជាការទិញពូជកណ្ដុរព្រែងមកពីប្រទេសថៃ។
ទាក់ទងនឹងផលលំបាកលើការចិញ្ចឹមសត្វកណ្តុរប្រភេទនេះ ត្រូវបានម្ចាស់កសិដ្ឋានរូបនេះបញ្ជាក់ថា ហាក់មិនមានអ្វីលំបាកច្រើនពេកនោះទេ ហើយបើចិញ្ចឹមក្នុងទ្រង់ទ្រាយតិចតួចរឹតតែមិនប៉ះពាល់ដល់កិច្ចការងារប្រចាំថ្ងៃនោះទេ។ ដោយឡែក សម្រាប់គម្រោងនាពេលអនាគត លោក មុយ រើន ចង់ពង្រីកការចិញ្ចឹមកណ្ដុរឱ្យកាន់តែធំ និងធ្វើឱ្យទីផ្សារសាច់កណ្ដុរកាន់តែទូលំទូលាយដូចសាច់ដទៃទៀតដែរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កសិករជាជនជាតិដើមភាគតិច ទំពូន នៅខេត្តរតនគិរី កំពុងទទួលជីវភាពប្រសើរ ក្រោយពេលប្រើសេវាឥណទានផ្លូវការ
Top News, ព្រឹត្តិការណ៍, ហិរញ្ញវត្ថុ
• 11/08/2026
ប្រជាជននៅក្នុងខេត្តរតនគិរី នាពេលបច្ចុប្បន្ន បាន និងកំពុង បន្តភាពរីកចម្រើន និងអភិវឌ្ឍន៍ ទាំងក្នុងសកម្មភាពរស់នៅប្រចាំថ្ងៃ ក៏ដូចជាការប្រកបមុខរបរដើម្បីលើកស្ទួយកម្រិតជីវភាពឱ្យកាន់តែល្អប្រសើរ
កម្ពុជា ប្រកាសអនុវត្ត «យុទ្ធសាស្រ្តជាតិស្តីពីការអភិវឌ្ឍធុរកិច្ចថ្មីឆ្នាំ២០២៦-២០៣០»
ព្រឹត្តិការណ៍, អាជីវកម្មថ្មី និងនវានុវត្ត
• 11/08/2026
រាជរដ្ឋាភិបាល បានសម្រេចដាក់ចេញនូវ «យុទ្ធសាស្ត្រជាតិស្តីពីការអភិវឌ្ឍធុរកិច្ចថ្មី ឆ្នាំ២០២៦-២០៣០» ដែលមានចក្ខុវិស័យ ធ្វើឱ្យកម្ពុជា មានប្រព័ន្ធអេកូឡូស៊ីធុរកិច្ចថ្មីដ៏រឹងមាំ, រស់រវើក និង ប្រកបដោយបរិយាបន្ន
អបអរសាទរ! ពិធីកាត់ខ្សែបូសម្ពោធដាក់ឱ្យប្រើប្រាស់ជាផ្លូវការការិយាល័យថ្មីរបស់សមាគមធនាគារនៅកម្ពុជា
ព្រឹត្តិការណ៍, អត្ថបទពាណិជ្ជកម្ម
• 11/08/2026
សមាគមធនាគារនៅកម្ពុជា (ABC) នាព្រឹកថ្ងៃទី១០ ខែសីហា ឆ្នាំ២០២៦ បានរៀបចំពិធីសម្ពោធការិយាល័យថ្មីរបស់ខ្លួនជាផ្លូវការ ស្ថិតនៅអគារលេខ ៩៩ រុក្ខវិថីសម្ដេចប៉ាន សង្កាត់បឹងរាំង ខណ្ឌដូនពេញ រាជធានីភ្នំពេញ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content