គ្មានហាងធំក៏មិនមែនជាបញ្ហា ៖ បុរសម្នាក់បង្កើតអាជីវកម្ម​លក់ផ្កាតាមអនឡាញ ទទួលបានចំណូលមិន​គួរ​ឱ្យជឿ

ខុសពីអាជីវកម្មមួយចំនួនដែលចាំបាច់ត្រូវតែមានទីតាំង ឬហាងលក់ផ្ទាល់នោះ សម្រាប់តែអាជីវកម្មមួយប្រភេទដែលអាចលក់រុក្ខជាតិ និងផ្កា បាននៅលើបណ្តាញអនឡាញទាំងស្រុង។ អាជីវកម្មលក់នៅលើបណ្តាញអនឡាញនេះអាចធ្វើទៅបានតាមរយៈការចេះស្រាវជ្រាវ និងបង្កើត​មាតិកាចែកចាយនៅលើគេហទ័ព័រហ្វេសប៊ុក និងទទួល​បានការចាប់អារម្មណ៍យ៉ាង​ច្រើនពីមហាជន។

អាជីវកម្មតូចមួយនេះ បានបង្កើតឡើងកាលពីឆ្នាំ២០២២ ដោយយុវជនម្នាក់មានឈ្មោះ ត្រាយ សិនជាលី អាយុ ២៧ឆ្នាំ ជានិស្សិតបញ្ចប់ការ​សិក្សាលើជំនាញ IT ដែលមានចំណូលចិត្តលើការងារបរិស្ថាន និងធម្មជាតិ។

យុវជន ត្រាយ សិនជាលី ដែលជា​សហ​ស្ថាបនិក​អាជីវកម្ម​លក់​ផ្កា​តាម​អនឡាញ​ «រីផត​ដើម-Report.Derm»​ បានឱ្យដឹងពីការចាប់ផ្ដើម​របស់​ខ្លួន​ថា ខ្លួនមានជំនាញផ្នែកព័ត៌មានវិទ្យា (IT)  ដែលជាជំនាញមួយខ្លួនស្រឡាញ់ ប៉ុន្តែដោយសារគិតថា ខ្លួនធ្វើការក្នុងវិស័យនេះទំនងមិនបាន​យូរ​អង្វែងនោះ យុវជនរូបនេះបានចំណាយពេលជាច្រើនក្នុងការសិក្សាស្រាវជ្រាវលើបច្ចេកទេសដាំដុះ ជាពិសេសបច្ចេកទេសថែរក្សាទុកផ្កា​ឱ្យ​បានយូរ ជាមួយនឹងការហាត់រៀនពីជំនាញវេចខ្ចប់ឱ្យបានស្អាត និងមានសុវត្ថិភាពចំពោះដើមរុក្ខជាតិ និងផ្កាឱ្យបានល្អប្រកបដោយសោភ័ណភាព។

យុវជន ត្រាយ សិនជាលី បានលើកឡើងថា ៖

“ការ​ដឹក​ជញ្ជូន​ច្រើនគឺ​ជា​បញ្ហា​ចម្បង​របស់​អាជីវកម្ម​ ដូច្នេះ​សម្រាប់​ខ្ញុំ ​មុន​ពេល​ផ្ញើ​ផលិតផល​ទៅ​ភ្ញៀវ​ម្តង​ៗ​ ខ្ញុំតែង​ធ្វើ​ការ​សាក​ល្បង​វេច​ខ្ចប់​ជានិច្ច​ ប្រសិន​បើ​ផ្ញើ​នៅ​ក្នុង​ក្រុង​ភ្នំពេញ​គួរ​វេច​ខ្ចប់​បែប​ណា​ ហើយ​បើ​ផ្ញើ​ទៅ​ខេត្ត​គួរ​ធ្វើ​បែប​ណា។

ម្យ៉ាងទៀត ដោយសារតែអាជីវកម្មនេះពឹងទាំងស្រុងលើការផ្សព្វផ្សាយតាមបណ្ដាញសង្គម ម៉្លោះហើយវាទាមទារឱ្យមានយុទ្ធសាស្ត្រចេះធ្វើ​ទីផ្សារ ក៏ដូចជាផ្សព្វផ្សាយឱ្យបានទូលាយដោយបង្កើតមាតិកាឱ្យមានភាពទាក់ទាញ។”

ស្ថាបនិកអាជីវកម្មលក់ផ្កាតាមបណ្ដាញសង្គមរូបនេះបានបន្តថា ៖

“យើង​មាន​យុទ្ធសាស្ត្រ​ ដោយយើង​ព្យាយាម​ផលិត​រូប​ភាព​ វីដេអូ និង​កាតា​ឡុក​ ដែល​ភ្ញៀវ​អាច​មើល​ដោយមាន​ទំនុក​ចិត្ត ម៉្យាង​វិញ​ទៀត​យើង​ព្យាយាម​បង្ហាញ​ខ្លួន​ឯង​តែ​ម្ដង​នៅ​លើ​បណ្ដាញ​សង្គម​របស់​ពួក​យើង​ ថា​យើង​ជា​នរណា​ ដែល​អាច​ឱ្យ​ភ្ញៀវ​ជឿ​ទុក​ចិត្ត​មកមើល​ហាង ក៏ដូចជាបណ្តាផលិតផល​របស់​ពួក​យើង។”

ដូចទៅនឹងការលើកឡើងខាងលើនេះ ជារឿយៗ នៅលើគេហទំព័រហ្វេសប៊ុក «រីផត​ដើម-Report.Derm»​ គេតែងឃើញមានបង្ហោះនូវវីដេអូ​ណែនាំ​អំពីផ្កា បង្ហាញអំពីការវេចខ្ទប់ បង្ហាញអំពីផ្កា និងរុក្ខជាតិដែលត្រូវបានថែរក្សាយ៉ាងយកចិត្តទុកដាក់ជាដើម។

សម្រាប់ផ្កាដែលត្រូវបានដាក់លក់នៅលើបណ្តាញសង្គម ឬអនឡាញខាងលើនេះ​មាន​តម្លៃ​ចាប់​ពី​ ២​ដុល្លារ​ឡើង​ទៅ ប៉ុន្តែ​ភាគ​ច្រើន​គឺ​ផ្ដោត​លើ​ការ​លក់​ជា​ឈុត ដែល​មាន​ន័យ​ថា​លក់​ទាំង​ថូ និង​រុក្ខជាតិ​ព្រម​គ្នា​តែ​ម្ដង ដោយក្នុងមួយខែៗអាចទទួលបានចំណូលច្រើនគួរសមមិនចាញ់ប្រាក់ខែអ្នកធ្វើការនៅក្រុមហ៊ុនឯកជនមួយចំនួននោះឡើយ។

សម្រាប់យុវជន ត្រាយ សិនជាលី ដែលធ្លាប់គិតថាការធ្វើអាជីវកម្មដោយមិនមានហ៊ាង គ្មានទីតាំង គឺជារឿងថ្មី ដែលអាចប្រឈមនឹងបញ្ហានានា ប៉ុន្តែរហូតមកដល់ពេលនេះ លោកបានឱ្យដឹងថា អាជីវកម្ម​គឺអាស្រ័យលើការធ្វើយុទ្ធសាស្ត្រទីផ្សារ និងការបង្កើនទំនុកចិត្តភ្ញៀវ។ ម្យ៉ាងទៀត បច្ចុប្បន្ន សង្គមក៏កំពុងមានទំនោរទៅរកឌីជីថល ដែលមានភាពងាយស្រួលជាងមុន និងលឿនជាងមុនប្រកបដោយទំនុកចិត្តខ្ពស់៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

បច្ចេកវិទ្យាទំនើបមនុស្សយន្ត Da vinci xi ជួយគ្រូពេទ្យវះកាត់កន្លែងស្មុគស្មាញ ចំគោលដៅ និងមានប្រសិទ្ធភាពខ្ពស់បំផុត

ព្រឹត្តិការណ៍, អាជីវកម្មថ្មី និងនវានុវត្ត

• 21/06/2024

បច្ចេកវិទ្យាទំនើបមនុស្សយន្ត Da vinci xi ជួយគ្រូពេទ្យវះកាត់កន្លែងស្មុគស្មាញ ចំគោលដៅ និងមានប្រសិទ្ធិភាពខ្ពស់បំផុត ។

កម្ពុជាអាចជាទីផ្សារយានយន្ដអគ្គិសនីដ៏សំខាន់មួយសម្រាប់ចិន

ព្រឹត្តិការណ៍, សេដ្ឋកិច្ច

• 21/06/2024

ប្រទេសកម្ពុជាកំពុងឈានទៅកាន់តំណែងជាប្រទេសដែលមានប្រាក់ចំណូលខ្ពស់នៅឆ្នាំ២០៥០ ខណៈដែលទាំងធនធានមនុស្ស ភាពរីកចម្រើន និងការអភិវឌ្ឍ ស្របនឹងនិន្នាការនៃតម្រូវការរថយន្តអគ្គិសនីត្រូវបានព្យាករណ៍​ថានឹងកើនឡើង

ជីធម្មជាតិអាចម៍ជន្លេន មានផលប្រយោជន៍ច្រើនលើការដាំដុះ ដែលកសិករគួរយល់ដឹង

ជំនួញ, ព្រឹត្តិការណ៍

• 21/06/2024

សត្វជន្លេន គេអាចទាញយកប្រយោជន៍បានច្រើនសម្រាប់អនុគ្រោះដល់ការដាំដុះតាមរយៈការចិញ្ចឹម និងទាញយកអាចម៍របស់វាមកកែច្នៃធ្វើជាជីធម្មជាតិដែលមានជីជាតិសម្រាប់ដំណាំយ៉ាងល្អប្រសើរ។

ស្វែង​យល់ពី​នីតិវិធី​នៃការ​ចុះបញ្ជី​ដីធ្លីមានលក្ខណៈជា​ប្រព័ន្ធ

ព្រឹត្តិការណ៍, អចលនទ្រព្យ

• 21/06/2024

ការ​ចុះបញ្ជីដីធ្លី​មានលក្ខណៈជា​ប្រព័ន្ធមានដំណាក់​សំខាន់ៗ៥ដំណាក់កាល ដែល​ប្រជាពលរដ្ឋ​និង​ម្ចាស់ដីធ្លីទាំងអស់​គួរ​ស្វែង​យល់​

ធនាគារពិភពលោក​អនុម័តកញ្ចប់​ឥណទាន​​ ២៧៥​ លានដុល្លារ ដើម្បីជួយទ្រទ្រង់ដល់កំណើន និងភាពធន់នៃសេដ្ឋកិច្ចកម្ពុជា

ព្រឹត្តិការណ៍, ហិរញ្ញវត្ថុ

• 21/06/2024

ក្រុមប្រឹក្សានាយកនៃធនាគារពិភពលោក នៅថ្ងៃទី២១ ខែមិថុនា ឆ្នាំ២០២៤ បានសម្រេចអនុម័តលើកញ្ចប់ឥណទានតម្លៃ ២៧៥ លានដុល្លារអាមេរិក សម្រាប់ជួយទ្រទ្រង់ដល់កិច្ចខិតខំប្រឹងប្រែងរបស់កម្ពុជា ក្នុងការជំរុញកំណើន និងភាពធន់របស់សេដ្ឋកិច្ច ក្នុងរយៈពេលវែងឆ្ងាយទៅមុខ

តម្លៃមាសបានបន្តឡើងថ្លៃ ១,៤ ភាគរយ ឬ ២ ៣៥៨ ដុល្លារក្នុងមួយអោន

ព្រឹត្តិការណ៍, សេដ្ឋកិច្ច

• 21/06/2024

តម្លៃមាសឡើងថ្លៃ ១,៤ ភាគរយ ឬ ២ ៣៥៨ ដុល្លារក្នុងមួយអោន ដែលជាកម្រិតខ្ពស់បំផុតក្នុងរយៈពេលពីរសប្តាហ៍ បន្ទាប់ពីរបាយការណ៍បង្ហាញថា ការលក់រាយរបស់សហរដ្ឋអាមេរិកចុះខ្សោយ

ឯកឧត្តមបណ្ឌិត ធន់ វឌ្ឍនា ៖ ច្បាប់ស្តីពីការវិនិយោគរបស់កម្ពុជាមានភាពអំណោយផលសម្រាប់ដៃគូវិនិយោគ

ព្រឹត្តិការណ៍, សេដ្ឋកិច្ច

• 21/06/2024

ឯកឧត្តមបណ្ឌិត ធន់ វឌ្ឍនា មានប្រសាសន៍បញ្ជាក់ថា គោលនយោបាយរបស់កម្ពុជាទាក់ទងនឹងការវិនិយោគផ្ទាល់ពីបរទេស (FDI) ជាពិសេសច្បាប់ស្តីពីវិនិយោគនៃព្រះរាជាណាចក្រកម្ពុជា គឺមានភាពអំណោយផលសម្រាប់ដៃគូវិនិយោគ

តម្លៃប្រេងធ្លាក់ចុះបន្តិច បន្ទាប់ពីឡើងដល់កម្រិតខ្ពស់ក្នុងរយៈពេល ៧ សប្តាហ៍ជាប់ៗគ្នា

ព្រឹត្តិការណ៍, សេដ្ឋកិច្ច

• 21/06/2024

ទន្ទឹមនឹងនេះ តម្លៃប្រេងឆៅម៉ាកធ្លាក់ចុះ ០,៦២ ភាគរយ ឬ ៨៥,៦០ ដុល្លារក្នុងមួយបារ៉ែល ខណៈតម្លៃប្រេងឆៅម៉ាក West Texas Intermediate (WTI) ធ្លាក់ចុះ ០,៧១ ភាគរយ ឬ ៨១,១៥ ដុល្លារក្នុងមួយបារ៉ែល

វិភាគ ៖ បេសកកម្មមេដឹកនាំរុស្ស៊ីសប្តាហ៍នេះអាចជាការទាក់ម៉ូយចាស់វៀតណាមយកលុយទិញគ្រាប់ពីកូរ៉េខាងជើង

ព្រឹត្តិការណ៍, អាជីវកម្មថ្មី និងនវានុវត្ត

• 21/06/2024

កាលពីឆ្នាំ២០២៣ វៀតណាមមិនមានធ្វើការបញ្ជាទិញអាវុធថ្មីបន្ថែមណាមួយគួរឲ្យកត់សំគាល់ឡើយ ហើយកំពុងសម្លឹងមើលដៃគូមួយចំនួនសម្រាប់បំពេញផែនការអាវុធ

ចំណេះដឹងហិរញ្ញវត្ថុជាបំណិនជីវិតមួយជួយឱ្យប្រជាពលរដ្ឋសម្រេចចិត្តផ្នែកហិរញ្ញវត្ថុហិរញ្ញវបានត្រឹមត្រូវ

ព្រឹត្តិការណ៍, ហិរញ្ញវត្ថុ

• 20/06/2024

ស្របពេលចំណេះដឹងហិរញ្ញវត្ថុក្លាយជាកម្លាំងចលករមួយដ៏សំខាន់ក្នុងការជួយជំរុញឱ្យមានការប្រើប្រាស់សេវាហិរញ្ញវត្ថុផ្លូវការក្នុងចំណោមប្រជាពលរដ្ឋកម្ពុជា ដែលជាប្រភពទុនដ៏សមស្រប មានតម្លៃទាប ហានិភ័យទាបសម្រាប់យកទៅប្រើប្រាស់ក្នុងគោលដៅផ្សេងៗ ធនាគារជាតិនៃកម្ពុជា ក៏ដូចជាសមាគមហិរញ្ញវត្ថុនៅកម្ពុជាបាននិងកំពុងយកចិត្តទុកដាក់លើការលើកកម្ពស់ចំណេះដឹងហិរញ្ញវត្ថុ ដល់ក្រុមគោលដៅ និងសាធារណៈជនទូទៅ។