សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ យោងតាមប្រភពព័ត៌មានពី Euro News បានរាយការណ៍ថា កំណ់នសេដ្ឋកិច្ចនៅតំបន់ចាយប្រាក់អឺរ៉ូបានកើនឡើងក្នុងអត្រាប្រមាណ ០,៣ ភាគរយ ដែលជាកម្រិតមួយលើសពីការរំពឹងទុក។
យោងតាមទិន្នន័យពី Eurostat បានបង្ហាញថា កំណើនសេដ្ឋកិច្ចនៅក្នុងតំបន់ចាយប្រាក់អឺរ៉ូកើនឡើងក្នុងអត្រាប្រចាំឆ្នាំ ០,៣ ភាគរយក្នុងត្រីមាសទី២នេះ ខណៈដែលការព្យាករណ៍មានត្រឹម ០,២ ភាគរយប៉ុណ្ណោះ ខណៈដែលប្រទេសជាសមាជិកមួយចំនួនបានបង្ហាញទិន្នន័យកំណើនសម្រាប់ត្រីមាសទី២របស់ខ្លួន រួមមាន អៀរឡង់កើនឡើង ១,២ ភាគរយ, លីទុយអានីកើនឡើង ០,៩ ភាគរយ, និងអេស្ប៉ាញកើនឡើង ១,២ ភាគរយ។ នៅប្រទេសបារាំង កំណើនសេដ្ឋកិច្ចដែលជំរុញដោយផលិតផលក្នុងស្រុកកើនឡើង ០,៣ ភាគរយលើសពីការរំពឹងទុកដោយសារតែការស្ទុះងើបឡើងវិញនៃមូលធនសរុប និងការចាយវាយក្នុងគ្រួសារកើនឡើង។
យ៉ាងណាមិញ ក៏មានការធ្លាក់ចុះនៃសេដ្ឋកិច្ចដ៏ធំបំផុតបានកើតឡើងនៅប្រទេសមួយចំនួនរួមមាន ឡាតវីធ្លាក់ចុះ ១,១ ភាគរយ, ស៊ុយអែតធ្លាក់ចុះ ០,៨ ភាគរយ, និងហុងគ្រីធ្លាក់ចុះ ២,២ ភាគរយ។ មិនត្រឹមតែប៉ុណ្ណោះ ប្រទេសអាល្លឺម៉ង់ដែលជាសេដ្ឋកិច្ចធំបំផុតរបស់តំបន់ចាយប្រាក់អឺរ៉ូបានធ្លាក់ចុះ ០,១ ភាគរយនៅត្រីមាសទី២ ពោលគឺធ្លាក់ចុះ ០,២ ភាគរយធៀបទៅនឹងត្រីមាសទី១។ ដោយឡែក អត្រាការប្រាក់ខ្ពស់បានបន្ថែមសម្ពាធលើវិស័យឧស្សាហកម្ម បណ្តាលឱ្យមានការធ្លាក់ចុះយ៉ាងខ្លាំងនៃការវិនិយោគលើអគារ និងគ្រឿងបរិក្ខាផ្សេងៗ។ ទន្ទឹមនឹងនេះ សេដ្ឋកិច្ចអ៊ីតាលី ក៏បានធ្លាក់ចុះ ០,២ ភាគរយក្នុងត្រីមាសទី២ ។
ទោះជាយ៉ាងណាក្តី សកម្មភាពនៃវិស័យឯកជននៅក្នុងតំបន់ចាយប្រាក់អឺរ៉ូបានជួបប្រទះនឹងការធ្លាក់ចុះខ្លាំងជាងការរំពឹងទុកនៅក្នុងខែកក្កដា ដោយឈានដល់កម្រិតទាបក្នុងរយៈពេល ៥ ខែ។ ការធ្លាក់ចុះនេះបណ្តាលមកពីការធ្លាក់ចុះនៃកំណើនសេវាកម្ម។ ការជាប់គាំងនៅក្នុងសកម្មភាពអាជីវកម្មត្រូវបានឆ្លុះបញ្ចាំងពីការធ្លាក់ចុះនៃតម្រូវការ ខណៈដែលការបញ្ជាទិញថ្មីៗបានធ្លាក់ចុះក្នុងរយៈពេល ២ខែជាប់ៗគ្នា ។ អតិផរណាតម្លៃថ្លៃដើមបានកើនឡើងយ៉ាងឆាប់រហ័ស ប៉ុន្តែតម្រូវការចុះខ្សោយ ដែលធ្វើឲ្យក្រុមហ៊ុន ឬ អាជិវកម្មដំឡើងតម្លៃលក់របស់ពួកគេយឺតជាងមុន៕
Account
Security
Favourite Content