គម្រោងសាងសង់ស្ពានឆ្លងកាត់ទន្លេមេគង្គ ព្រែក​ប្រសព្វ​ខេត្តក្រចេះ សម្រេចបាន ៣២ភាគរយ​ហើយ

ក្រចេះ ៖ គម្រោង​សាងសង់​ស្ពាន​ឆ្លង​កាត់ទន្លេ​មេគង្គ​ ខេត្ត​ក្រចេះ គិតត្រឹមដំណាច់​ខែមីនា ឆ្នាំ​២០២៤​នេះ សម្រេចបានវឌ្ឍភាពការងារ​៣២ភាគរយហើយ ។ នេះបើតាម​របាយការណ៍​របស់ក្រសួង​សាធារណការ ​និងដឹកជញ្ជូន​​ កាលពីពេលថ្មីៗនេះ។ ​

យោងតាម​ក្រសួងសាធារណការ និងដឹកជញ្ជូនឱ្យដឹងថា គិតត្រឹមដំណាច់ខែមីនា ឆ្នាំ២០២៤ គម្រោងសាង​សង់​ស្ពា​នឆ្ល​ងកាត់ទន្លេមេគង្គ ខេត្តក្រចេះ សម្រេច​វឌ្ឍន​ភាព​ការ​ងារ​សាង​សង់​តួ​ស្ពាន​បាន ៤៥,៥ភាគយ ខណៈ​ដែ​លកា​​រ​ងារសាងសង់ផ្លូវតភ្ជាប់សម្រេចបាន ២៣ភាគរយ​​ហើយ។ ជារួ​មគ​ម្រោ​ង​ជារូ​បវ័​ន្ត​ទាំ​ង​មូ​ល​សម្រេ​ច​បាន ៣២ភាគរយ​ ដែលតួលេខនេះបាន​បង្ហា​ញឱ្យឃើញពីការវិវត្តក្នុងទិសដៅវិជ្ជមានចំពោះការ​អនុវ​ត្តគ​ម្រោង​កា​រ​ងារ​ខាងលើ ដែលគ្រោងនឹងបញ្ចប់នៅខែកញ្ញា ឆ្នាំ២០២៦។

ឯកឧត្តម ប៉េង ពោធិ៍នា​ រដ្ឋមន្ត្រីក្រសួងសាធារណការ​ និងដឹកជញ្ជូន​ នៅតែសំណូមពរឱ្យក្រុមហ៊ុនសាងសង់ជំរុញ​ការអនុវត្តការងារទៅតាមប្រតិទិនការងារដែលបានកំណត់ឱ្យ​បាន​ច្បាស់​លាស់ ពីព្រោះខ​ណៈនេះ​ជារ​​ដូវ​ប្រាំ​ងដែលជាពេលវេលាអំណោយផលដល់ការងារសាងសង់មុននឹង​រ​ដូវ​វ​ស្សា​ចូ​លម​ក​ដ​ល់​នា​ពេ​ល​ខា​ង​មុ​ខ ។

ស្ពាន​ឆ្លងទន្លេ​មេគង្គ​ព្រែក​ប្រសព្វ​ខេត្តក្រចេះ ត្រូវបាន​បើកការដ្ឋាន​សាងសង់​កាលពីដើមឆ្នាំ ២០២៣​កន្លង​ទៅ ក្រោមអធិបតីភាព​សម្ដេច​អគ្គមហាសេនា​បតីតេជោ ហ៊ុន សែន អតីត​នាយក​រដ្ឋមន្ត្រី និងឯកឧត្តម វ៉ាង វិនធាន ​ឯកអគ្គរដ្ឋទូតសាធារណរដ្ឋ​ប្រជា​មានិត​ចិន​។ ស្ពាន​នេះ មានប្រវែង​ប្រមាណជាង​១៧០០ម៉ែត្រ ​​និងគ្រោង​ចំ​ណាយ​​ទឹកប្រាក់​សាង​សង់​អស់​ប្រមាណ ១​១​​៤​លានដុល្លារ​អាមេរិ​ក ។

ស្ពាននេះ គឺជាស្ពាន​តភ្ជាប់​ដ៏មានសារសំខាន់​រវាង​ប្រជាជន​ក្នុ​ងស្រុកចិត្រ​បុរី និងស្រុកព្រែកប្រសព្វ​ក្នុង​ខេត្ត​ក្រចេះ​ និងតភ្ជាប់ទៅកាន់​បណ្ដាខេត្ត​ផ្សេងទៀត​ដែលនៅជាប់នឹង​ខេត្តក្រចេះ ។ ​ក្រៅពីសាងសង់ស្ពាន​ រាជរដ្ឋាភិបាលក៏បានសង់ផ្លូវ​ប្រវែង​ជាង​ ៣១​គីឡូម៉ែត្រ​តភ្ជាប់ទៅកាន់​ស្ពានមួយនេះ ដែលជាការសម្រួល​ដល់ការ​ធ្វើដំណើរការ​របស់ពលរដ្ឋ ។​

កាលពីពេលថ្មីៗនេះដែរ​ ក្រុមហ៊ុន​របស់ប្រទេសថៃជាច្រើន​ក៏បានចុះទៅសិក្សា​ស្វែងរក​ឱកាស​វិនិយោគ​នៅក្នុង​ទឹកដីនៃខេត្តក្រចេះ​ផងដែរ​ ដើម្បីផ្សារ​ភ្ជាប់​រវាង​ទំនាក់ទំនង​ពាណិ​ជ្ជ​កម្ម​រវា​ង​កម្ពុជា ​និងថែ ហើយរំពឹងថា​នៅពេលឆាប់ៗនេះ វិនិយោគិនក្នុង និងក្រៅ​ប្រទេស​ជាច្រើនទៀត​នឹង​ចុះទៅសិក្សា​ស្វែងរកការ​វិនិយោគនៅក្នុង​ខេត្ត​ក្រចេះ​កាន់តែច្រើនឡើងថែមទៀត ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្តេចធិបតី ៖ ការគ្រប់គ្រងធនធានទឹកបានកាន់តែល្អ អាចជួយដល់ការអភិវឌ្ឍសង្គម និងសេដ្ឋកិច្ច

ព្រឹត្តិការណ៍, សេដ្ឋកិច្ច

• 11/04/2024

ទឹកគឺជាធនធានដ៏មានសារៈសំខាន់សម្រាប់ការអភិវឌ្ឍសង្គម និងសេដ្ឋកិច្ច ហើយការប្រើប្រាស់ធន​ធានទឹកប្រកបដោយប្រសិទ្ធភាព និងស័ក្ដិសិទ្ធិភាព គឺពិតជារបៀបវារៈសំខាន់ខ្លាំងបំផុត។

វិស័យកម្មន្តសាល និងការងើបឡើងវិញ ជួយជំរុញកំណើនសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 11/04/2024

ADB ព្យាករថាសេដ្ឋកិច្ចកម្ពុជានឹងកើនឡើងក្នុងអត្រា ៥,៨% ក្នុងឆ្នាំ២០២៤និង៦,០%ក្នុងឆ្នាំ២០២៥ ដោយសារកំណើនក្នុងវិស័យកម្មន្តសាល និង វិស័យទេសចរណ៍ ។

តម្លៃប្រេងឡើងថ្លៃ ១​ ដុល្លារបន្ថែមក្នុងមួយបារ៉ែល បន្ទាប់ពីមានការវាយប្រហារនៅតំបន់ហ្គហ្សា

ព្រឹត្តិការណ៍, សេដ្ឋកិច្ច

• 11/04/2024

តម្លៃប្រេងឆៅម៉ាក Brent ឡើងថ្លៃ ១,២ ភាគរយ ឬ ៩០,៤៨ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ១,២ ភាគរយ ឬ ៨៦,២១ ដុល្លារក្នុងមួយបារ៉ែល

កម្ពុជា និងតំបន់ឈូងសមុទ្រពិសេស ចុះអនុស្សរណៈនៃការយោគយល់គ្នាជំរុញកិច្ចសហប្រតិបត្តិការសេដ្ឋកិច្ច

ព្រឹត្តិការណ៍, សេដ្ឋកិច្ច

• 11/04/2024

ក្រសួងឧស្សាហកម្ម វិទ្យាសាស្ត្រ បច្ចេកវិទ្យានិងនវានុវត្តន៍និងតំបន់ឈូងសមុទ្រពិសេសចុះអនុស្សរណៈយោគយល់គ្នាជំរុញកិច្ចសហប្រតិបត្តិការសេដ្ឋកិច្ច

តួកគីកំពុងមានជម្លោះពាណិជ្ជកម្មជាមួយនឹងអ៊ីស្រាអែល ទាក់ទងទៅនឹងសង្រ្គាមនៅតំបន់ហ្គាហ្សា

ព្រឹត្តិការណ៍, សេដ្ឋកិច្ច

• 11/04/2024

ទីក្រុងអង់ការ៉ាបានដាក់ការរឹតបន្តឹងលើពាណិជ្ជកម្មសម្រាប់ការនាំចេញផលិតផល ៥៤​ ប្រភេទទៅកាន់អ៊ីស្រាអែល ​បន្ទាប់​ពី​រដ្ឋាភិបាល​អ៊ីស្រាអែល​បដិសេធ​មិន​អនុញ្ញាត​ឲ្យ​ជំនួយ​តួកគី​ទម្លាក់​ចូល​ក្នុង​តំបន់​ហ្គាហ្សា

សម្តេចធិបតី ៖ តម្លៃទីផ្សារកសិផលប្រែប្រួលមិនទៀងទាត់ ខណៈរាជរដ្ឋាភិបាលប្រឹងប្រែងរក្សាលំនឹងទីផ្សារ​

ព្រឹត្តិការណ៍, សេដ្ឋកិច្ច

• 11/04/2024

សម្តេចធិបតីបានគូសបញ្ជាក់ថា វិស័យកសិកម្មនៅតែដើរតួនាទីយ៉ាងសំខាន់ក្នុងសេដ្ឋកិច្ចកម្ពុជា ហេតុនេះហើយរាជរដ្ឋាភិបាលនៅតែបន្តយកចិត្តទុកដាក់ជំរុញ និងលើកកម្ពស់

ចង្ក្រានបរិស្ថាន ៖ ជួយពលរដ្ឋជាច្រើនគ្រួសារឱ្យសន្សំសំចៃថវិកាបានច្រើនជាងមុន

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 11/04/2024

តាមរយៈចង្ក្រាននេះ គេអាចប្រើអុសតិចជាងមុន អាចតម្លើង ឬបន្ថយកម្ដៅបាន និងអាចកាត់បន្ថយផ្សែងរហូតទៅដល់ ៩៥% ដែលជាការគិតគូដល់សុខមាលភាពអ្នកប្រើប្រាស់

ការច្នៃប្រឌិតថ្មីៗ និងបច្ចេកវិទ្យារបស់ Covestro បានធ្វើឲ្យវិស័យកសិកម្ម និងវិស័យផ្សេងទៀតមានភាពល្អប្រសើរ

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 11/04/2024

ចលនាឆ្ពោះទៅរកសេដ្ឋកិច្ចដែលមាននិរន្តរភាពជាងមុន គឺត្រូវទាមទារឱ្យមានសកម្មភាពចូលរួមរបស់ឧស្សាហកម្មដែលមានភាពកច្នៃប្រឌិត និងការអនុវត្តដំណោះស្រាយឆ្លាតវៃ

Apple គ្រោងនឹងសាងសង់លំនៅឋានប្រមាណ ៧៨ ០០០ ល្វែងសម្រាប់និយោជិតរបស់ខ្លួននៅក្នុងប្រទេសឥណ្ឌា

ព្រឹត្តិការណ៍, សេដ្ឋកិច្ច

• 10/04/2024

ក្រុមហ៊ុន Apple គ្រោងនឹងផលិតទូរស័ព្ទទំនើបរបស់ខ្លួនបន្ថែមទៀតនៅក្នុងប្រទេសឥណ្ឌា ដែលមានប្រជាជនច្រើនបំផុតនៅលើពិភពលោក និងជាទីផ្សារដ៏សំខាន់កាន់តែខ្លាំងឡើងសម្រាប់ក្រុមហ៊ុនមួយនេះ

ប្រជាពលរដ្ឋកំពង់ភ្លុក ៣០ភាគរយ ប្រកបរបរនេសាទ, ៥០ភាគរយប្រកបរបរទេសចរណ៍ និង ២០ % ជាអ្នកលក់ដូរ-ជួសជុលកាណូត

ព្រឹត្តិការណ៍, សេដ្ឋកិច្ច

• 10/04/2024

ប្រជាពលរដ្ឋរស់នៅតំបន់កំពង់ភ្លុក ខេត្តសៀមរាប ៣០ភាគរយប្រកបរបរនេសាទ, ៥០ភាគរយប្រកបរបរទេសចរណ៍ និង​២០​ភាគរយជាអ្នកលក់ដូរ និង ជាអ្នកជួសជុលទូក កាណូត ។