សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ក្នុងឆ្នាំ២០២៤នេះ ចលនាភូមិមួយផលិតផលមួយ នឹងបង្កើនសកម្មភាពក្នុងការផ្សព្វផ្សាយរកទីផ្សារ និងផ្គូរផ្គងរវាងក្រុមអ្នកផលិត និងអ្នកទិញ សម្រាប់សហគ្រាសធុនមីក្រូ តូច និងមធ្យម ឱ្យកាន់តែទូលំទូលាយជាងឆ្នាំមុន ទាំងក្នុងស្រុក និងអន្តរជាតិ។
ឯកឧត្តម បណ្ឌិត សួង ណយ អគ្គលេខាធិការរងគណៈកម្មាធិការជាតិជំរុញចលនាភូមិមួយផលិតផលមួយនៃទីស្ដីការគណៈរដ្ឋមន្ដ្រីបានមានប្រសាសន៍ទាក់ទងនឹងផែនការសកម្មភាពសម្រាប់ឆ្នាំ២០២៤នេះថា៖
«គម្រោងសម្រាប់ឆ្នាំថ្មីនេះ យើងនឹងរៀបចំវេទិកាផ្គូរផ្គងរវាងក្រុមអ្នកផលិត និងអ្នកទិញ ទាំងក្នុងតំបន់ពិសេសតាមបណ្ដាខេត្តដែលមិនទាន់បានរៀបចំ បន្តចលនាទិញផលិតផលខ្មែរ ៩មេសា រៀបចំពិព័រណ៍ថ្នាក់ជាតិ និងអន្តរជាតិថែមទៀតផង»។
ឯកឧត្តមបានបន្តថា ចំពោះអ្នកផលិតក៏ដូចជាម្ចាស់អាជីវកម្មទាំងឡាយត្រូវបានលើកទឹកចិត្តតាមរយៈការផ្ដល់ជាសញ្ញាផ្កាយទទួលស្គាល់ ពិសេសទទួលបានការបណ្ដុះបណ្ដាលច្រើនផ្នែកសម្រាប់ក្រុមអាជីវករ សិប្បករ និងសហគមន៍អ្នកផលិតដែលជាសមាជិករបស់ភូមិមួយផលិតផលមួយផ្ទាល់តែម្ដង។
បន្ថែមពីលើនេះ លោកក៏មានគម្រោងចង់ពង្រីកទីផ្សាររបស់ផលិតផលក្នុងស្រុកបន្ថែមទៀតតាមរយៈការសហការនៅតាមផ្សារទំនើប ភោជនីយដ្ឋាន និងកន្លែងមានសក្ដានុពលផ្សេងទៀតដើម្បីលក់ផលិតឱ្យបងប្អូនយើងទាំងក្នុងស្រុក និងជនបរទេស។ ពិសេសជាងនេះទៅទៀត យើងក៏ជំរុញឱ្យរដ្ឋាភិបាលប្រើផលិតផលខ្មែរធ្វើជាអំណោយ ឬជាវត្ថុអនុស្សាវរីយ៍ជូនគ្នាទាំងខ្មែរ និងមិត្តបរទេស។
គួរបញ្ជាក់ដែរថា គិតចាប់តាំងពីឆ្នាំ២០០៦ មកដល់ចុងឆ្នាំ២០២៣នេះ ចលនាភូមិមួយផលិតផលមួយមានក្រុមផលិតចំនួន ៦០២ ក្នុងនោះគណៈកម្មាធិការជាតិជំរុញចលនាភូមិមួយផលិតផលមួយបានបំពេញតួនាទីយ៉ាងសកម្មក្នុងការសម្របសម្រួលជាមួយក្រសួង ស្ថាប័នជំនាញ និងដៃគូពាក់ព័ន្ធក្នុងការរៀបចំគោលនយោបាយ និងដាក់ចេញនូវយុទ្ធសាស្ត្រនានា សំដៅលើកកម្ពស់ផលិតផលខ្មែរនៅតាមមូលដ្ឋានតាមរយៈការពង្រឹងនូវសសរស្ដម្ភចំនួន ៣ ដល់សហគមន៍ គឺការជំរុញគំនិតច្នៃប្រតិដ្ឋ និងនវានុវត្តន៍ ការព្រឹងស្មារតីម្ចាស់ការដល់សហគមន៍ និងការអភិវឌ្ឍសមត្ថភាពសហគមន៍៕
Account
Security
Favourite Content