សិប្បកម្មផលិតប្រេងធញ្ញជាតិក្នុងស្រុក ជាផ្នែកមួយជួយដល់ជីវភាពប្រជាជនក្នុងតំបន់

ប្រេងធញ្ញជាតិ ជាប្រភេទប្រេងម្យ៉ាងដែលត្រូវបានចម្រាញ់ កៀបចេញពីគ្រាប់ធញ្ញជាតិដែលដំណើរផលិតមានភាពលំបាក ហើយភាគច្រើនផលិតផលទាំងនេះជាផលិតផលនាំចូលពីក្រៅប្រទេស។ ដោយមើលឃើញពីទីផ្សារប្រេងក្នុងស្រុកនៅមានកម្រិត សិប្បកម្មមួយបានផលិតប្រេងក្នុងស្រុកដែលមានគុណភាព សុវត្ថិភាព និងជាផ្នែកមួយជួយដល់ជីវភាពសហគមន៍។

លោក ម៉ៅ ចាន់តារា ម្ចាស់សិប្បកម្ម តារា ហ្វូត បានប្រាប់ឱ្យដឹងថា គោលបំណងនៃការបង្កើតសិប្បកម្មនេះឡើងគឺចង់ឱ្យប្រជាកសិករខ្មែរមានទីផ្សារលក់កសិផលផ្សេងៗដូចជា ល្ងខ្មៅ ដូង សណ្ដែកផ្កាយ សណ្ដែកដី ខ្ញី ស្លឹកគ្រៃ និងម្រុំជាដើម ហើយទីផ្សារប្រេងក្នុងស្រុកក៏នៅមានកម្រិតនៅឡើយ ទើបលោកសម្រេចចិត្តបង្កើតជាសិប្បកម្មផលិតប្រេងធម្មជាតិពិតៗរបស់ខ្មែរ ដែលមានគុណភាព និងសុវត្ថិភាពខ្ពស់។

លោកបន្ថែមថា ការលក់ប្រេងធម្មជាតិនៅលើទីផ្សារកម្ពុជានៅពុំទាន់មានភាពទូលំទូលាយប៉ុន្មានទេ ដែលប្រជាជនមួយចំនួនចង់ទិញប្រេងធម្មជាតិរបស់ខ្មែរតែមិនដឹងថាទៅទិញនៅទីណា មួយវិញទៀតការផលិតប្រេងធម្មជាតិនៅកម្ពុជា គឺនៅមានកម្រឹតនៅឡើយ ហើយអាជីវករជាច្រើនបាននាំចូលប្រេងធម្មជាតិមកពីក្រៅប្រទេស។

សម្រាប់ផលិតផលរបស់សិប្បកម្មខាងលើមានដូចជា ប្រេងល្ងខ្មៅ ប្រេងសណ្ដែកផ្កាយ ប្រេងដូង ប្រេងស្លឹកគ្រៃជាដើម ដែលសុទ្ធសឹងជាផលិតផលចម្រាញ់ចេញពីកសិផលធម្មជាតិរបស់កសិករក្នុងស្រុក មានតម្លៃថ្លៃជាងប្រេងនាំចូលបន្តិចតែមានគុណភាពល្អ។ ចំពោះការទិញកសិផលនេះទៀតសោត ជាធម្មតាលោកត្រូវប្រមូលទិញកសិផលពីបងប្អូនកសិករដោយឱ្យថ្លៃជាមុន ទើបដឹកទំនិញមកក្រោយ ដែលបានដើរតួជាផ្នែកមួយជួយដល់ជីវភាពកសិករ និងផ្ដល់ការងារជូនប្រជាពលរដ្ឋក្នុងសហគមន៍ផ្ទាល់តែម្ដង។

ចំពោះអតិថិជនវិញ ភាគច្រើនជាបងប្អូនដែលនិយមគាំទ្រផលិតផលក្នុងស្រុក និងជាអ្នកស្រឡាញ់សុខភាព ពិសេសបងប្អូនវ័យកណ្ដាលដែលគិតគូរពីសុខភាព និងចេះជ្រើសរើសប្រភេទប្រេងដែលមានគុណភាពល្អ និងមានសុវត្ថិភាពចំពោះអ្នកទទួលទាន។

លោកបានបញ្ជាក់ថា ៖

“ចំពោះវត្ថុធាតុដើមដូចជា ល្ង យើងធ្វើការប្រមូលពីតាមខេត្តផ្សេងៗ និងតាមរដូវ ដូចជា ចន្លោះខែឧសភា យើងយកពីខាងខេត្តបាត់ដំបង ឯខែតុលាយើងប្រមូលទិញពីខាងកំពង់ចាម និងកំពង់ឆ្នាំងជាដើម ហើយបន្ទាប់ពីបានល្ងមកហើយ ការផលិតក៏មានដំណាក់កាលផ្សេងៗទៀតដូចជា ហាលសម្អាត កៀប ច្រោះ និងច្រកដប ទើបក្លាយជាផលិតផសម្រេចបាន ហើយការកៀបនេះទៀតសោត សម្រាប់ប្រេងល្ងចំណុះ១លីត្រ ត្រូវការគ្រាប់ល្ងប្រមាណ ៣-៤គីឡូក្រាម អាស្រ័យទៅតាមល្ងតាមតំបន់ផ្សេងៗផងដែរ ដែលជាធម្មតាសិប្បកម្មនេះអាចផលិតបានប្រមាណ ៥០-១០០លីត្រក្នុងមួយខែ និងលក់ធម្មតាតម្លៃ ៥-៧ដុល្លារក្នុងមួយដប”

គួរបញ្ជាក់ដែរថា សិប្បកម្ម តារា ហ្វូត បានចាប់ផ្ដើមតាំងពីចុងឆ្នាំ២០១៧ ដោយសារមើលឃើញពីសក្ដានុពលវត្ថុធាតុដើមនៅក្នុងស្រុក មិនសូវមានអ្នកចម្រាញ់ធ្វើប្រេងនៅឡើយ ដែលជាឱកាសមួយអាចជួយលើកកម្ពស់ជីវភាពប្រជាជន និងសេដ្ឋកិច្ចក្នុងតំបន់ផងដែរ។

យ៉ាងណាក៏ដោយ ក្នុងការផលិតគឺជួបបញ្ហាលំបាកជាច្រើនដូចជា បញ្ហាបច្ចេកទេសនៅមានកម្រិត ដើមទុន ឯទីផ្សារនៅមានកម្រិតផងដែរ ខណៈដែលការយល់ដឹងរបស់អតិថិជនស្ដីពីការថែទាំសុខភាពដោយការទទួលទានប្រេងធញ្ញជាតិមិនសូវទូលាយ ហើយមិនសូវឱ្យតម្លៃផលិតផលក្នុងស្រុកដែលមានតម្លៃថ្លៃជាងផលិតផលនាំចូល។

សម្រាប់គម្រោងនៅថ្ងៃអនាគត លោក ម៉ៅ ចាន់តារា បានលើកឡើងថា បើប្រជាជនយើងកាន់តែគាំទ្រ និងប្រើប្រាស់ផលិតផលក្នុងស្រុកកាន់តែច្រើន ខាងសិប្បកម្មផលិតប្រេងធម្មជាតិនៅប្រទេសកម្ពុជានឹងមានភាពរីកចម្រើន ហើយនឹងឈានទៅរកការនាំចេញផលិតផលក្នុងស្រុកទៅក្រៅប្រទេស ដើម្បីឱ្យបរទេសកាន់តែស្គាល់ពីគុណភាពផលិតផលនៅប្រទេសកម្ពុជា៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

អាជីវកម្មកែច្នៃភេសជ្ជៈទឹកអំពិលទុំផ្គត់ផ្គង់ទីផ្សារក្នុងស្រុក កំពុងមានតម្រូវការខ្ពស់

ជំនួញ, ព្រឹត្តិការណ៍

• 13/06/2024

សហគ្រាសទឹកអំពិលទុំស្នាដៃអ្នកម្តាយ TAPT ជាសហគ្រាសដែលកំពុងផលិតភេសជ្ជៈទឹកអំពិលទុំមានរសជាតិឆ្ងាញ់ និងកំពុងមានតម្រូវការទីផ្សារខ្ពស់

គិតត្រឹមត្រីមាសទី១ ឆ្នាំ២០២៤ ស្ថានភាពបំណុលសាធារណៈរបស់កម្ពុជា ស្ថិតក្នុងភាពអាចគ្រប់គ្រងបាន

ព្រឹត្តិការណ៍, ហិរញ្ញវត្ថុ

• 13/06/2024

ស្ថានភាពបំណុលសាធារណៈរបស់កម្ពុជា គិតត្រឹមត្រីមាសទី១ ឆ្នាំ២០២៤ នេះ នៅតែត្រូវបានវាយតម្លៃថា ស្ថិតក្នុងភាពអាចគ្រប់គ្រងបាន ពោលគឺនៅតែមាន “ចីរភាព” និង “ហានិភ័យកម្រិតទាប” ដដែល

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

មធ្យោបាយ​ធ្វើដំណើរ​ទៅកាន់បណ្ដាខេត្ត​ជាប់​សមុទ្រ​នឹង​កាន់តែសំបូរបែប​នាពេលឆាប់ៗនេះ ខណៈ​សក្ដានុពល​វិនិយោគ​ក៏​កាន់​តែ​ទាក់​ទាញ​​

ព្រឹត្តិការណ៍, អចលនទ្រព្យ

• 13/06/2024

តំបន់​សមុទ្រ​កាន់តែបង្ហាញពីសក្ដានុពល​ទាក់ទាញខ្លាំង ក្រោយសមិទ្ធផល​ និងគម្រោង​វិនិយោគ​របស់រដ្ឋ​ និងឯកជន​បានបង្ហាញ​ខ្លួន​ជា​បន្តបន្ទាប់

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន

ម៉ាឡេស៊ី ចំណាយលុយពង្រឹងវិស័យយោធាជើងទឹកតាមរយៈកុងត្រាសាងសង់នាវាចម្បាំងធុនធ្ងន់ថ្មីចំនួន៣គ្រឿង

ព្រឹត្តិការណ៍, អាជីវកម្មថ្មី និងនវានុវត្ត

• 13/06/2024

STM នឹងចាប់ផ្តើមសាងសង់នាវាចម្បាំងទាំង៣គ្រឿងនៅក្នុងឆ្នាំ២០២៤នេះហើយនឹងបញ្ចប់ការងារព្រមទាំងប្រគល់នាវាទៅឱ្យម៉ាឡេស៊ីក្នុងរយៈពេល៣ឆ្នាំកន្លះខាងមុខ

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

ព្រឹត្តិការណ៍, ហិរញ្ញវត្ថុ

• 13/06/2024

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០នាក់ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

កម្ពុជា-សហភាពអឺរ៉ុប ឯកភាពក្នុងការពង្រឹងទំនាក់ទំនងសេដ្ឋកិច្ច និងពាណិជ្ជកម្មបន្ថែម

ព្រឹត្តិការណ៍, សេដ្ឋកិច្ច

• 12/06/2024

កម្ពុជាបានយកចិត្តទុកដាក់ជាខ្លាំង ចំពោះការលើកកម្ពស់ទំនាក់ទំនងនិងកិច្ចសហប្រតិបត្តិការ ជាមួយសហភាពអឺរ៉ុប និងអរគុណសហភាពអឺរ៉ុបដែលបានជួយកម្ពុជាក្នុងការស្ដារប្រទេសជាតិឡើងវិញក្រោយវិបត្តិផ្សេងៗ ដូចជាការកសាងហេដ្ឋារចនាសម្ព័ន្ធ កសិកម្ម ធនធានមនុស្ស និងការបោសសម្អាតមីនជាដើម...