សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ លោក ង៉ែត ជូ ជាអ្នកវិនិយោគ និងជាអ្នកជំនាញនៃវិស័យហិរញ្ញវត្ថុមួយរូបនៅក្នុងប្រទេសកម្ពុជា ហើយលោកតែងតែផ្ដល់នូវដំបូន្មានសម្រាប់ប្រជាពលរដ្ឋកម្ពុជា អ្នកវិនិយោគថ្មីដែលទើបប្រឡូកក្នុងការវិនិយោគជាដើម ។ នៅថ្ងៃនេះ លោកបានចែករំលែកនូវគន្លឹះថ្មីៗ នៃការវិនិយោគអចលនទ្រព្យចំពោះអ្នកដែលមានបំណងចង់វិនិយោគគួរតែសិក្សាស្វែងយល់។ គន្លងថ្មីនៃការវិនិយោគដែលលោក ង៉ែត ជូ បានចែករំលែកនោះរួមមាន៖
១) ប្តូរពីការវិនិយោគតាមគ្នា ទៅជាវិនិយោគដែលមានយុទ្ធសាស្ត្រ នវានុវត្តន៍ និងគោលបំនងច្បាស់លាស់។
២) ប្តូរពីការវិនិយោគលើគម្រោងតូចៗទៅជាការវិនិយោគលើគម្រោងធំៗ ដើម្បីបង្កើនប្រសិទ្ធិភាព ភាពទាក់ទាញ និងសមត្ថភាពក្នុងការប្រកួតប្រជែង។
៣) ប្តូរពីរបៀបធ្វើប្រតិបត្តិការ និងការគ្រប់គ្រងធម្មតាមកជារបៀបឌីជីថល។
៤) ប្តូរពីអាជីវកម្មក្រៅផ្លូវការមកជាអាជីវកម្មបែបផ្លូវការ ចុះបញ្ជី បង់ពន្ធ និងគោរពតាមអនុលោមភាពនៃក្របខណ្ឌច្បាប់ និងបទបញ្ញត្តនានា។ល។
៥) ដើម្បីអនុវត្តចំនុចទាំង៤ខាងលើបានគឺត្រូវប្តូរពីមានចំណេះដឹងតិចតួចមកជាមានចំណេះដឹង និងបណ្តាញទូលំទូលាយ និងប្តូរពីធ្វើការពីម្នាក់ឯងមកជាក្រុមការងារដែលមានសមត្ថភាព វិន័យ និងវប្បធម៌ល្អ។
លោក ង៉ែត ជូ បានមានប្រសាសន៍តាមប្រព័ន្ធទូរសព្ទប្រាប់ AMS ឱ្យដឹងថា សម្រាប់អ្វីដែលលោកបានចែករំលែកនេះ គួរតែចាប់ផ្ដើមពីពេលនេះតទៅដោយមិនគួររង់ចាំដល់ស្ថានភាពបានប្រសើរជាង ឬរង់ចាំពេលដល់គេបានវិនិយោគច្រើនហើយទើបចាប់ផ្ដើមនោះទេ។
លោកថា៖
”ពេលនេះគឺជាស្ថានភាពល្អណាស់សម្រាប់អ្នកវិនិយោគ ដែលចង់វិនិយោគអចលនទ្រព្យនៅក្នុងប្រទេសកម្ពុជា ដូច្នេះអ្នកដែលមានទុនគ្រប់គ្រាន់ខ្ញុំសូមលើកទឹកចិត្តឱ្យគាត់ចាប់ផ្ដើមធ្វើសកម្មភាពវិនិយោគពីពេលនេះតទៅ”
លោកបន្តថា ៖
“ក្នុងស្ថានភាពនៃសង្គ្រាមរវាងរុស្ស៊ី និងអ៊ុយក្រែន មិនទាន់មានភាពច្បាស់លាស់នៅឡើយ យើងពិបាកក្នុងការព្យាករណាស់ថានឹងប្រសើរជាងនេះ នៅពេលណា ហើយអតិផរណានៅលើពិភពលោកក៏កំពុងតែកើនឡើង ។ ដូច្នេះយើងក៏មិនដឹងទៀតថាអតិផរណានៅលើពិភពលោកវាបន្តកើនឡើងដល់ពេលណាដែរ បើសិនជាយើងរង់ចាំឱ្យអ្វីៗចប់សព្វគ្រប់ ហើយទើបយើងចាប់ផ្ដើមធ្វើសកម្មភាពនោះជាការយឺតពេលហើយ”
លោកបញ្ជាក់ថា សម្រាប់អ្នកមានហិរញ្ញវត្ថុគ្រប់គ្រាន់ គឺជាឱកាសល្អក្នុងការដាក់ទុនវិនិយោគ ហើយវាក៏ជារឿងពិតផងដែររាល់ការអភិវឌ្ឍគម្រោងនឹងមានបញ្ហាប្រឈមច្រើន ប៉ុន្តែធម្មតាអ្នកវិនិយោគធំៗគេរង់ចាំមួយរយៈសិនទើបបណ្ដាក់ទុនវាមិនខុសទេ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content