សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ធនាគារកណ្តាលអាម៉េរិក គ្រោងនឹងទម្លាក់អត្រាការប្រាក់បន្ថែមទៀតក្នុងពេលខាងមុខនេះ ដែលអ្នកជំនាញសេដ្ឋកិច្ចកម្ពុជាយល់ឃើញថា ការកាត់បន្ថយអត្រាការប្រាក់នេះ អាចនឹងជិះឥទ្ធិពលជាវិជ្ជមានសម្រាប់សេដ្ឋកិច្ចសាកល រួមទាំងសេដ្ឋកិច្ចកម្ពុជាផងដែរ។
យោងតាមទីភ្នាក់ងារសារព័ត៌មាន Reuters បានឱ្យដឹងថា ធនាគារកណ្តាលសហរដ្ឋអាម៉េរិកគ្រោងនឹងធ្វើការសម្រេចលើការបញ្ចុះអត្រាការប្រាក់នេះ ក្នុងកិច្ចប្រជុំគោលនយោបាយចំនួនពីរជាចុងក្រោយ នៅថ្ងៃទី២៨ ដល់ថ្ងៃទី២៩ ខែតុលាខាងមុខនេះ។
លោកបណ្ឌិត ឌុច ដារិន្ទ អ្នកជំនាញសេដ្ឋកិច្ចយល់ឃើញថា នៅពេលដែលធនាគារកណ្តាលអាម៉េរិកកាត់បន្ថយអត្រាការប្រាក់ វានឹងធ្វើឲ្យប្រាក់ដុល្លារអាម៉េរិកធ្លាក់ថ្លៃ ហើយការកាត់បន្ថយអត្រាការប្រាក់ពីធនាគារកណ្តាលអាម៉េរិក ក៏នឹងធ្វើឲ្យទាក់ទាញវិនិយោគិនបរទេសបន្ថែមទៀតមកកម្ពុជា។
លោកបណ្ឌិតបញ្ជាក់យ៉ាងដូច្នេះថា ៖
«ការកាត់បន្ថយអត្រាការប្រាក់របស់ធនាគារកណ្តាលអាម៉េរិកអាចបណ្ដាលឲ្យមានការចូលមូលធន និងវិនិយោគបន្ថែមក្នុងតំបន់អាស៊ីអាគ្នេយ៍ រួមទាំងកម្ពុជាផងដែរ»។
លោកបណ្ឌិត ហុង វណ្ណៈ អ្នកជំនាញសេដ្ឋកិច្ចនៃរាជបណ្ឌិត្យសភាកម្ពុជាយល់ឃើញថា ស្ថិតក្នុងស្ថានភាពសេដ្ឋកិច្ចសាកលកំពុងរងសម្ពាធ និងគ្មានភាពច្បាស់លាស់នោះ ការកាត់បន្ថយអត្រាការប្រាក់បន្ថែមពីធនាគារកណ្តាលអាម៉េរិក ក៏ជាកត្តាជួយឲ្យស្ថានភាពសេដ្ឋកិច្ចសាកលល្អប្រសើរឡើងវិញ រួមទាំងសេដ្ឋកិច្ចកម្ពុជាផងដែរ។
លោកបណ្ឌិតបន្តថា ៖
«វាបានជួយមួយផ្នែកទៅដល់វិនិយោគិន។ អាចជំរុញឲ្យវិនិយោគិនបរទេស FDI នៅកម្ពុជាមានការប្រែប្រួលខ្លះ។ អាចជំរុញឲ្យមានការវិនិយោគលើវិស័យផ្សេងៗ អាចឲ្យមានកំរើកឡើងវិញនូវវិស័យទេសចរណ៍»។
ប្រសិនបើនៅចុងឆ្នាំនេះ ពិតជាមានការកាត់បន្ថយអត្រាការប្រាក់ពិតមែន នេះគឺជាលើកទី២ហើយដែលធនាគារកណ្តាលអាម៉េរិកសម្រេចកាត់បន្ថយអត្រាការប្រាក់នៅក្នុងឆ្នាំ២០២៥ ខណៈលើកទី១ ត្រូវបានធ្វើឡើងកាលពីខែកញ្ញា ដោយបានកាត់បន្ថយអត្រាការប្រាក់ ២៥ ពិន្ទុ ឬ ០,២៥% មានន័យថា អត្រាការប្រាក់គោលរបស់ Fed បច្ចុប្បន្ន ត្រូវបានទម្លាក់មកនៅត្រឹម ៤ ទៅ ៤,២៥%។
ការសម្រេចទម្លាក់អត្រាការប្រាក់របស់ធនាគារកណ្ដាលអាម៉េរិក ក្រោយការកើនឡើងយឺតយ៉ាវនៃវិស័យការងារ ដែលជាសញ្ញាអវិជ្ជមានប៉ះពាល់ដល់សេដ្ឋកិច្ច ចំពេលមានការដាក់សម្ពាធកាន់តែខ្លាំង ដោយប្រធានាធិបតី លោក ដូណាល់ ត្រាំ៕ ដោយ ៖ ខន ណារី Apsara Tonight
Account
Security
Favourite Content