កសិករសមាជិកស្រូវត្រយង ខេត្ដព្រះវិហារ ផលិតជីកំប៉ុសធម្មជាតិជិត៣០តោន​សម្រាប់ដំណាំស្រូវ

ព្រះវិហារ ៖​ អង្គការសន្សំម្លប់ព្រៃ (Sansom Mlup Prey) បានឱ្យដឹងថា កាលពីពេលថ្មីៗ កសិករសមាជិកស្រូវត្រយងក្នុងខេត្ដព្រះវិហារ ទទួលបានលទ្ធផលដ៏ជោគជ័យ និងគួជាទីមោទនៈ ដោយផលិតបានជីកំប៉ុសធម្មជាតិចំនួនជិត៣០តោន ហើយការផលិតនេះគឺជាឆ្នាំទី២ហើយដែលកសិករជាសមាជិកស្រូវត្រយងមកពីភូមិចំនួន៣ នៃខេត្តព្រះវិហារ បានបន្ដធ្វើការផលិតជីកំប៉ុសធម្មជាតិ តាមរយៈការផ្ដល់ជំនួយដល់អង្គការសន្សំម្លប់ព្រៃពីមូលនិធិ Critical Ecosystem Partnership Fund  (CEPF) ។  

លោក តាំង គូ មន្ត្រីអង្គការសន្សំម្លប់ព្រៃ (Sansom Mlup Prey) បានបា្រប់ឱ្យដឹងថា ៖

«គោលបំណងធំរបស់យើងគាំទ្រកសិករសមាជិកផលិតជីកំប៉ុសនេះ ដើម្បីឱ្យសមាជិកអាចមានជីធម្មជាតិប្រើប្រាស់សម្រាប់រដូវកាលដាំដុះថ្មី និងបង្កើនចំណេះដឹង មានជំនាញក្នុងផលិតជីកំប៉ុសធម្មជាតិ ហើយក៏អាចឱ្យសមាជិកសហគមន៍ ជួយកាត់បន្ថយការចំណាយទៅលើការទិញជីសរីរាង្គពីប្រភពខាងក្រៅ»។

លោក តាំង គូ បានបញ្ជាក់ថា ៖ បច្ចុប្បន្នកសិករសមាជិក ស្រូវ​ត្រយងមានចំនួនជាង៦០០គ្រូសារ ហើយការផលិតជីកំប៉ុសនេះឡើង គឺដើម្បីប្រើប្រាស់សមាជិកក្នុងខេត្តព្រះវិហារតែប៉ុណ្ណោះ។ តែចំណែកស្រូវពូជ គឺសមាជិកស្រូវត្រយងអាចផលិត និងចែកចាយដល់សហគមន៍កសិករសមាជិកស្រូវត្រយងនៅខេត្តគោលដៅដទៃទៀត ដូចជាខេត្តព្រះវិហារ រតនគីរី​ មណ្ឌលគីរី ​ស្ទឹងត្រែង(ព្រៃឡង់) ​ស្ទឹងត្រែង(សៀមប៉ាង) ជាដើម។

មន្ត្រីអង្គការសន្សំម្លប់ព្រៃរូបនេះក៏បានឱ្យដឹងផងដែរថា ការផលិតជីកំប៉ុសនេះ គឺជាគម្រោងរបស់អង្គការ និងជាវិធីសាស្រ្តក្នុងការចងក្រងឯកសារជាទម្រង់តែមួយ ដែលបង្កភាពងាយស្រួលដល់ប្រជាកសិករក្នុងការទទួលបានចំណេះជំនាញលើបច្ចេទេសកសិកម្ម ដូចជា បច្ចេសទេស​មុនការដាំដុះ ​ការពង្រាបដី ការធ្វើជីកំប៉ុស ការដាំ​ដំណាំគម្របដី ការ​គ្រប់​គ្រង​កត្តាសត្វចង្រៃនានា ការ​ប្រមូល​ផល និង​បច្ចេកទេសក្រោយ​ប្រមូល​ផលជាដើម។ សម្រាប់ពេលទៅមុខទៀត កសិករជាសមាជិកស្រូវត្រយងនឹងមានលទ្ធភាព និងសមត្ថភាពគ្រប់គ្រាន់ក្នុងការផលិតជីកំប៉ុសធម្មជាតិបានលើសនេះ។

ជាមួយគ្នានេះដែរ ការប្រើប្រាស់ជីធម្មជាតិអាចឱ្យស្រូវរបស់សមាជិកមានគុណភាពល្អ ទិន្នផលកើនឡើង និងមានតម្លៃខ្ពស់លើទីផ្សារ ដែលជាការរួមចំណែកលើកស្ទួយជីវភាពគ្រួសាររបស់កសិករជាសមាជិកស្រូវត្រយងផងដែរ។ ម្យ៉ាងទៀតគឺដើម្បីឱ្យកសិករជាសមាជិកចៀសឆ្ងាយពីការប្រើប្រាស់ជីគីមី ដែលខុសពីគោលការណ៍នៃការអភិរក្ស និងបទដ្ឋានសរីរាង្គ។

សម្រាប់ជីកំប៉ុសធម្មជាតិនេះត្រូវចំណាយពេលប្រមាណ ៣ខែក្នុងការផលិត និងពិនិត្យមើលទៅតាមបច្ចេកទេស។ ចំពោះផលិតផលសម្រេចត្រូវបានចែកជូនទៅដល់កសិករជាសមាជិកស្រូវត្រយងចំនួន ២០ គ្រួសារ ដែលមកពីភូមិដងផ្លិត ភូមិត្មាតប៉ើយ និង ភូមិព្រៃវែង ស្ថិតនៅក្នុងស្រុកឆែប ស្រុកជាំក្សាន្ដ និង ស្រុកគូលែន ខេត្តព្រះវិហារ សម្រាប់ប្រើប្រាស់លើដំណាំស្រូវ និងដាក់នៅក្នុងដំណាំបន្ទាប់បន្សំផ្សេងៗ។

គួរបញ្ជាក់ផងដែរថា កាលពីឆ្នាំ២០២៣ កសិករសមាជិកស្រូវត្រយងខេត្តព្រះវិហារ ក៏ធ្លាប់បានផលិតជីកំប៉ុសបានជាង ២១តោនផងដែរ ហើយការផលិតជីកំប៉ុសទាំងនេះគឺសមស្របតាមស្ដង់ដារបច្ចេកទេសរបស់ក្រសួងកសិកម្មរុក្ខាប្រមាញ់ និងនេសាទ។

សូមជម្រាបថា អង្គការសន្សំម្លប់ព្រៃ មានមោទនភាពក្នុងការគាំទ្រដល់គម្រោង Ibis Rice នៅកម្ពុជា។ ចាប់ពីឆ្នាំ២០០៩ អង្គការបានគាំទ្រផលិតកម្មស្រូវ ដែលមានលក្ខណៈមិត្តភាពង្រ្គោះសត្វព្រៃ ដើម្បីជួយការពារប្រភេទសត្វទាំងនោះ និងប្រព័ន្ធអេកូឡូស៊ី ដែលជិតនឹងផុតពូជនៅក្នុងប្រទេសកម្ពុជា​ ជាមួយការអភិវឌ្ឍលើកកម្ពស់ជីវ​ភាពរស់នៅកសិករតាមជនបទ ដោយគម្រោងស្រូវត្រយង មិនត្រឹមជួយសម្រួលដល់ជីវភាពប្រជាជនក្នុងតំបន់ឱ្យកាន់តែប្រសើរឡើងនោះទេ គម្រោងក៏បានចូលរួមអភិរក្សសត្វបក្សីកម្រ និងធនធានធម្មជាតិក្នុងតំបន់ផងដែរ​៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ស្វែងយល់ពីបច្ចេកទេសដាំដំណាំផ្ទី ងាយៗមិនចំណាយកម្លាំងច្រើន ប៉ុន្តែទទួលបានទិន្នផលខ្ពស់

ជំនួញ, ព្រឹត្តិការណ៍

• 24/07/2024

ផ្ទី ជាដំណាំមួយប្រភេទងាយស្រួលដាំដុះ ទទួលបានផលច្រើន និងមានតម្រូវការទីផ្សារល្អ

ការិយាល័យជួល ​ទំហំ​ជិត​២០ម៉ឺន​ម៉ែត្រការ៉េ​បន្ថែមទៀត រំពឹងចាក់​បញ្ចូល​ក្នុងទីផ្សារ​​​ក្នុងឆ្នាំ២០២៤​នេះ

ព្រឹត្តិការណ៍, អចលនទ្រព្យ

• 24/07/2024

កំណើននៃ​តម្រូវការ​និងការ​ផ្គត់ផ្គង់ការិយាល័យ​ក្នុង​រាជធានីភ្នំពេញ បានកើន​ឡើងជា​បន្តបន្ទាប់​​ក្រោយ​វិបត្តិកូវីដ​១៩ ដោយ​សហគ្រិន​ឬម្ចាស់​ក្រុមហ៊ុន​ជាច្រើន​ បាន​ផ្លាស់....

Kamala Harris ស្ត្រីជនជាតិអាមេរិកកាត់ឥណ្ឌាដំបូងបំផុតកំពុងឈរឈ្មោះជាបេក្ខភាពប្រធានាធិបតី

ព្រឹត្តិការណ៍, អាជីវកម្មថ្មី និងនវានុវត្ត

• 24/07/2024

Kamala Harris ស្ត្រីជនជាតិអាមេរិកកាត់ឥណ្ឌាដំបូងបំផុត ប្រែពីអាជីពមេធាវីក្លាយជាបេក្ខភាពប្រធានាធិបតី

NBC ៖ ទុនបម្រុងអន្តរជាតិរបស់កម្ពុជាមានការប្រែប្រួលតិចតួចក្នុងឆមាសទី១ ឆ្នាំ២០២៤

ព្រឹត្តិការណ៍, ហិរញ្ញវត្ថុ

• 24/07/2024

គិតត្រឹមឆមាសទី១ ឆ្នាំ២០២៤ កម្ពុជាមានទុនបម្រុងអន្តរជាតិ ២០ ប៊ីលានដុល្លារអាមេរិក

យុវជនចំនួន ២០០នាក់ទៀត ត្រៀមចាក់បញ្ចូលក្នុងទីផ្សារការងារទេសចរណ៍

ព្រឹត្តិការណ៍, អាជីវកម្មថ្មី និងនវានុវត្ត

• 24/07/2024

សិក្ខាកាមចំនួន ២០០នាក់ទៀត ត្រៀមចាក់បញ្ចូលក្នុងទីផ្សារការងារទេសចរណ៍លើជំនាញការិយាល័យជួរមុខ

រដ្ឋមន្ត្រីពាណិជ្ជកម្ម ជំរុញពង្រឹងគុណភាព និងសុវត្ថិភាពម្ហូបអាហារ ដើម្បីប្រកួតប្រជែង និងផ្គត់ផ្គង់ទីផ្សារ

ព្រឹត្តិការណ៍, សេដ្ឋកិច្ច

• 24/07/2024

រដ្ឋមន្ត្រីពាណិជ្ជកម្ម ជំរុញពង្រឹងគុណភាព សុវត្ថិភាពម្ហូបអាហារចាប់ពីកសិដ្ឋានដល់កន្លែងបរិភោគ

ក្រសួងរៀបចំដែនដីកំណត់ចក្ខុវិស័យលើការងារអាទិភាពចំនួន៣ ដើម្បីសម្រេចយុទ្ធសាស្ត្របញ្ចកោណ

ព្រឹត្តិការណ៍, អចលនទ្រព្យ

• 24/07/2024

យុទ្ធសាស្ត្របញ្ចកោណដំណាក់កាលទី១ នៅត្រង់បញ្ចកោណ​ទី៤ មុំទី៤ បានលើកឡើងអំពីការពង្រឹងលើការការគ្រប់គ្រង ធ្វើទំនើបកម្មនគរូបនីយកម្ម

ឯកអគ្គរដ្ឋទូតចិនប្រចាំនៅកម្ពុជា កំពុងជួយផ្សព្វផ្សាយលើកស្ទួយវិស័យទេសចរណ៍កម្ពុជាទៅកាន់ពិភពលោក

ព្រឹត្តិការណ៍, សេដ្ឋកិច្ច

• 24/07/2024

ជាជំហានវិជ្ជមានមួយរបស់ឯកឧត្តម ឯកអគ្គរដ្ឋទូតចិនដែលទើបតែងតាំងថ្មី ក្នុងការផ្សព្វផ្សាយវិស័យទេសចរណ៍របស់កម្ពុជា

អាជីវកម្មដាំដើមអម្ពិល បេះត្រួយលក់ អាចមានតម្លៃប្រមាណ ១៨០០០រៀល ទៅ ២០ ០០០ រៀល ក្នុងមួយគីឡូក្រាម

ជំនួញ, ព្រឹត្តិការណ៍

• 23/07/2024

មិនធម្មតា ទីផ្សារត្រួយអម្ពិលគេអាចលក់បានក្នុងចន្លោះពី ១៨០០០ - ២០០០០រៀលក្នុងមួយគីឡូក្រាម