អំឡុងបុណ្យភ្ជុំបិណ្ឌ ការប្រើប្រាស់ប្រាក់រៀលមានច្រើនជាងប្រាក់ដុល្លារ

ភ្នំពេញ ៖ ក្នុងអំឡុងពេលពិធីបុណ្យប្រពៃណីជាតិម្តងៗ ជាពិសេសពិធីបុណ្យភ្ជុំបិណ្ឌ ការជូនប្រាក់កាសដល់ឪពុកម្តាយ ឬចាស់ទុំ សម្រាប់រៀបចំចង្ហាន់ទៅវត្ត និងប្រគេនព្រះសង្ឈគឺជារឿងចាំបាច់ខ្លាំងសម្រាប់កូនៗ ដែលមកធ្វើការឆ្ងាយពីស្រុកកំណើតរបស់ខ្លួន ដូច្នេះមធ្យោបាយបច្ចុប្បន្នគឺការផ្ទេរប្រាក់តាមភ្នាក់ងារវេរលុយ ឬតាម App លើទូរស័ព្ទដៃ ជាមធ្យោបាយល្អបំផុត។

លោក ឡុង ចាន់ណា អ្នកបម្រើការនៅភោជនីយដ្ឋានមួយកន្លែងក្នុងភ្នំពេញបានឱ្យដឹងថា នៅពេលពិធីបុណ្យភ្ជុំបិណ្ឌមកដល់ម្តង លោកតែងតែជូនប្រាក់ដល់ឪពុកម្តាយដែលរស់នៅខេត្តពោធិ៍សាត់ តាមរយៈភ្នាក់ងារ Wing  ហើយការវេរលុយតាមរយៈភ្នាក់ងារនេះធ្វើឱ្យលោកមានភាពងាយស្រួល ព្រោះពួកគាត់មិនទាន់ចេះប្រើប្រាស់ App ក្នុងការផ្ទេរ និងទទួលប្រាក់នោះទេ។

លោកបានថ្លែងបន្តថា ៖

“បុណ្យភ្ជុំឆ្នាំនេះ ខ្ញុំផ្ទេរប្រាក់របស់ខ្ញុំទៅស្រុកជូនឪពុកម្តាយគឺជាប្រាក់រៀល ហើយពួកគាត់អាចងាយស្រួលទៅដកតាមភ្នាក់ងារ ដែលនៅជិតពួកគាត់។ ពួកគាត់អាចយកលុយទាំងនេះទៅប្រើប្រាស់ អំឡុងពេលមានបុណ្យភ្ជុំបិណ្ឌនេះ”។

អ្នកនាង ជា ស្រីមុំ ជាគ្រូបង្រៀននៅសាលាឯកជនក្នុងរាជធានីភ្នំពេញបានឱ្យដឹងឱ្យថា ជារៀងរាល់ឆ្នាំ ឱ្យតែជិតដល់ពិធីបុណ្យភ្ជុំបិណ្ឌ អ្នកនាងតែងតែជូនលុយឪពុកម្តាយទាំងសងខាង សម្រាប់ពួកគាត់យកទៅធ្វើបុណ្យទាន ហើយការជូនលុយ ឬថវិកាជូនឪពុកម្តាយនៅក្នុងអំឡុងពិធីបុណ្យភ្ជុំបិណ្ឌ ឬចូលឆ្នាំ គឺបានក្លាយជាទម្លាប់មួយទៅហើយ។

អ្នកនាងបានឱ្យដឹងទៀតថា ៖

“ជាធម្មតា នៅពេលមានបុណ្យទានម្តងៗ ខ្ញុំជូនលុយទៅឪពុកម្តាយទាំងសងខាងជាលុយរៀល ព្រោះខ្ញុំគិតថា ការវេរលុយជាប្រាក់រៀល គឺងាយស្រួលសម្រាប់ពួកគាត់យកលុយរៀលទៅធ្វើបុណ្យ ឬចូលជាបច្ច័យក្នុងការកសាងវិស័យពុទ្ធសាសនា”។

អាជីវករបើក Wing វេរលុយ ស្ថិតក្នុងសង្កត់វាលវង់, ខណ្ឌ៧មករា រាជធានីភ្នំពេញ លោក ពិសិដ្ឋ បានថ្លែងប្រាប់ថា ជារៀងរាល់ឆ្នាំ អំឡុងពេលជិតចូលដល់ពិធីបុណ្យភ្ជុំបិណ្ឌ អ្នកមកផ្ទេរប្រាក់ទៅស្រុកភាគច្រើនជាប្រាក់រៀល ហើយអំឡុងពេលពិធីភ្ជុំបិណ្យនេះ តម្រូវការប្រាក់រៀលកើនឡើងច្រើន ព្រោះការជូនប្រាក់រៀលដល់ចាស់ទុំធ្វើឱ្យពួកគាត់ងាយស្រួលប្រាស់ ក៏ដូចជាការប្រគេនបច្ច័យ និងទិញម្ហូបចំណីសម្រាប់ទៅវត្ត។

លោកបានថ្លែងបន្តថា ភាគច្រើន ប្រតិបត្តិការផ្ទេរ និងដកប្រាក់ត្រូវបានឡើងជាប្រាក់រៀល អំឡុងពេលពិធីបុណ្ឌនេះ ប៉ុន្តែប្រតិបត្តិការនៃការផ្ទេរ និងដកជាប្រាក់រៀលមានទំហំប្រាក់តូច បើធៀបនឹងប្រាក់ដុល្លារ។ នៅកន្លែងផ្ទេរប្រាក់របស់លោក ការផ្ទេរប្រាក់រៀលមានទំហំទឹកប្រាក់ចាប់ពី ៥ ម៉ឺនរៀលឡើងទៅ ហើយប្រាក់ដុល្លារអាចផ្ទេរបានរហូតទៅ ១០០០ ដុល្លារ ក្នុងមួយប្រតិបត្តិការ។

លោកបានលើកឡើងដូច្នេះថា ៖

“អំឡុងពេលពិធីបុណ្យភ្ជុំបិណ្យ ការផ្ទេរប្រាក់ទៅស្រុកជាប្រាក់រៀលមានចំនួនប្រតិបត្តិការច្រើនជាងប្រាក់ដុល្លារ ដោយសារអ្នកចាំទទួលប្រាក់នៅស្រុកមានភាពងាយស្រួលដកប្រាក់ជាប្រាក់រៀល ហើយងាយស្រួលក្នុងការចំណាយលើការទិញម្ហូប និងនំចំណី ដើម្បីទៅវត្តតែម្តង”។

យោងតាមធនាគារជាតិនៃកម្ពុជា បានឱ្យដឹងថា ការប្រើប្រាស់ប្រាក់រៀលគឺពិតជាមានសារៈសំខាន់ណាស់ ពីព្រោះប្រាក់រៀលបានជួយលើកស្ទួយអត្ត សញ្ញាណជាតិ។ ប្រាក់រៀលកសាងជំនឿទុកចិត្ត ជំរុញសាមគ្គីភាព និងបណ្តុះការបង្រួបបង្រួម និង ស្មារតីជាតិនិយមនៅក្នុងប្រទេស។

ធនាគារជាតិបានឱ្យដឹងទៀតថា ក្នុងន័យសេដ្ឋកិច្ច ចរាចរប្រាក់រៀលកាន់តែច្រើននឹងជំរុញប្រសិទ្ធភាពគោលនយោបាយរូបិយវត្ថុ ។ ធនាគារជាតិនៃកម្ពុជានឹងមានលទ្ធភាពកាន់តែច្រើនក្នុងការគ្រប់គ្រងគោលនយោបាយ ម៉ាក្រូសេដ្ឋកិច្ច និងអភិវឌ្ឍសេដ្ឋកិច្ចជាតិប្រកបដោយចីរភាព ដោយសារការផ្គត់ផ្គង់រូបិយវត្ថុមានទំនាក់ទំនងយ៉ាងជិត ស្និទ្ធទៅនឹងផលិតកម្មនិងអត្រាអ្នកមានការងារ។

ធនាគារជាតិបានបន្តថា ការពឹងផ្អែកលើការប្រើប្រាស់ប្រាក់ដុល្លារអាមេរិកបណ្តាលឲ្យកម្ពុជាងាយទទួលរងការប៉ះទង្គិចពីសេដ្ឋកិច្ចសហរដ្ឋអាមេរិក។ ប្រសិនបើប្រាក់រៀលជារូបិយវត្ថុចម្បង ធនាគារកណ្តាលអាចដើរតួនាទីជាអ្នកឱ្យខ្ចីចុងក្រោយ ។ ម្យ៉ាងវិញទៀត ការប្រើប្រាស់ ប្រាក់រៀល ក៏នឹងជួយឲ្យរដ្ឋាភិបាលទទួលបានប្រាក់ចំណេញក្នុងការបោះផ្សាយរូបិយវត្ថុផងដែរ។ លើសពីនេះ ប្រសិនបើប្រាក់រៀលតែមួយមុខត្រូវបានប្រើប្រាស់ក្នុងទីផ្សារ តម្លៃប្រតិបត្តិការក្នុងការប្តូរ ប្រាក់នឹងត្រូវបានកាត់បន្ថយ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ