ភ្នំពេញ ៖ ប្រជាសហគមន៍មូលដ្ឋានភាគច្រើនដែលពីមុនធ្លាប់តែចូលព្រៃបរបាញ់សត្វ ធ្វើជាមុខរបរចិញ្ចឹមគ្រួសារនោះ បច្ចុប្បន្នបានផ្លាស់ប្តូរពីមុខរបរនេះ មកធ្វើការចិញ្ចឹមសត្វជំនួសវិញ។ ជម្រើសមុខរបរថ្មីនេះ មិនត្រឹមតែជួយឱ្យសត្វព្រៃគង់វង្សទេ តែក៏បានជួយផ្លាស់ប្តូរជីវភាព របស់ពួកគាត់ឱ្យកាន់តែប្រសើរឡើងថែមទៀត។ ប៉ុន្តែ សំណួរសួរថា តើអ្វីដែលធ្វើឱ្យពួកគាត់អាចផ្លាស់ប្តូរមុខរបរចូលព្រៃបរបាញ់សត្វ ដើម្បីចិញ្ចឹមគ្រួសារមកប្តូរជាការចិញ្ចឹមសត្វដូច្នេះវិញ?
វាគ្មានអ្វីពិបាកយល់នោះទេ គឺចាំបាច់ត្រូវឱ្យពួកគាត់យល់ពីតម្លៃធម្មជាតិ តម្លៃនៃសត្វព្រៃ និងផ្តល់ឱ្យគាត់នូវជម្រើសដែលអាចឱ្យពួកគាត់ទទួលយកនូវអ្វីដែលអាចឱ្យគាត់មើលឃើញថាវាអាចជួយឱ្យគ្រួសារគាត់ និងសហគមន៍របស់គាត់មានការផ្លាស់ប្តូរ និងអភិវឌ្ឍរីកចម្រើនទៅថ្ងៃមុខ។
នៅក្នុងទំព័រហ្វេសប៊ុកផ្លូវការរបស់ ក្រសួងបរិស្ថាន ក៏បានឱ្យដឹងថា ការផ្តល់ជម្រើសជូនប្រជាពលរដ្ឋនៅតាមសហគមន៍ក្នុងការចិញ្ចឹមសត្វ ជាការផ្តល់ជម្រើសជូនប្រជាពលរដ្ឋនៅតាមសហគមន៍ក្នុងការចិញ្ចឹមសត្វយកសាច់ ដូចជា គោ ក្របី ជាពិសេស ចៀម និងពពែ ជាសត្វអាចចិញ្ចឹមក្នុងព្រៃសហគមន៍នៅតាមតំបន់ការពារធម្មជាតិបានយ៉ាងងាយស្រួល ដោយគ្រាន់តែចំណាយពេលវេលាតិច និងអាចចំណេញច្រើនទៀតផង។
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន ជានិច្ចជាកាល ក៏បានចាត់ទុកថា ការចិញ្ចឹមសត្វ មិនត្រឹមតែចូលរួមការពារបរិស្ថាន និងព្រៃឈើប៉ុណ្ណោះទេ តែក៏បានចូលរួមចលនាដល់សហគមន៍មូលដ្ឋាន មានចំណូលខ្ពស់ មានជីវភាពធូរធារ និងចូលរួមកាន់តែសកម្ម ក្នុងការការពារ និងអភិរក្សធនធានធម្មជាតិដែលមាន។ ហេតុដូច្នេះហើយ ដើម្បីឆ្លើយតបនឹងតម្រូវការរបស់ប្រជាសហគមន៍តំបន់ការពារធម្មជាតិ និងសហគមន៍មូលដ្ឋាន ក្នុងការផ្តល់លទ្ធភាពជូនពួកគាត់ឱ្យយល់ពីបញ្ហាបរបាញ់សត្វព្រៃ និងបោះបង់មុខរបរដែលបំផ្លាញធម្មជាតិ និងចាប់យកការថែរក្សាធម្មជាតិ ដោយបែរមកទទួលយកការចិញ្ចឹមសត្វវិញនោះ ចាប់ពីឆ្នាំ២០១៧ ដល់២០២០ ក្រសួងបរិស្ថាន ក៏បានផ្តល់ទុនដោយឡែកដល់សហគមន៍នៅតាមតំបន់ការពារធម្មជាតិចំនួន ៣២សហគមន៍។
ក្នុងនោះ ការបែងចែកសមាជិកសហគមន៍ចំនួន ៩៥០ គ្រួសារ ដែលគ្រួសារចំនួន ៣១៧គ្រួសារ ទទួលបានពូជគោចំនួន ពី១-៣ក្បាលក្នុងមួយគ្រួសារ និងគ្រួសារចំនួន២២០គ្រួសារ ទទួលបានពូជជ្រូកឦសាន ៣ក្បាលក្នុងមួយគ្រួសារ គ្រួសារចំនួន៣៦៨គ្រួសារ ទទួលបានមាន់ពី១៥-៤០ក្បាលក្នុងមួយគ្រួសារ។ ដោយឡែកគ្រួសារជាសមាជិកសហគមន៍ទាំងអស់នោះ បានផ្តល់ផលសត្វទៅដល់សមាជិកសហគមន៍ផ្សេងទៀត ដើម្បីពង្រីកការចិញ្ចឹម និងជាការពង្រឹងដល់ជីវភាពគ្រួសារក្នុងសហគមន៍ពួកគាត់ជាបន្តបន្ទាប់។
សូមបញ្ជាក់ដែរថាចាប់ពីឆ្នាំ២០២០ រហូតទល់ពេលនេះ ក្រសួងបរិស្ថានបានផ្តល់ពូជក្របី ២១៦ក្បាល សត្វគោខ្មែរចំនួន ១៥៣ក្បាល គោពូជកូនកាត់ ចំនួន៦១ក្បាល គោបាចំនួន ៦ក្បាល ចៀមចំនួន ២៤៧ក្បាល ពពែចំនួន២៦៧ក្បាល និងពូជជ្រូកឦសាន ចំនួន ៥០ក្បាល ជូនសហគមន៍មូលដ្ឋាន ប្រជាពលរដ្ឋ និងកងទ័ព សម្រាប់ចិញ្ចឹម ដើម្បីពង្រឹងជីវភាពស្នូល។ សម្រាប់ពូជសត្វ ដែលក្រសួងបានចែកចាយកន្លងមកក្នុងនោះរួមមាន ៖ សហគមន៍តំបន់ការពារធម្មជាតិចំនួន៣ នៅក្នុងខេត្តព្រះវិហារ តំបន់ការពារធម្មជាតិចំនួន២ ក្នុងភូមិសាស្រ្តខេត្តមណ្ឌលគីរី (ដែនជម្រកសត្វព្រៃ កែវសីម៉ា និងដែនជម្រកសត្វព្រៃ ស្រែពក) បញ្ជាការដ្ឋាន នៃយោធភូមិភាគ១ កងយោធពលខេមរភូមិន្ទ និងកសិដ្ឋានប្រជាពលរដ្ឋចិញ្ចឹមសត្វនៅរាជធានីភ្នំពេញ ខេត្តកំពង់ស្ពឺ ខេត្តកំពង់ចាម ខេត្តកំពង់ធំ និងខេត្តព្រះវិហារផងដែរ៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍សំខាន់
ព័ត៌មានទូទៅ
អាល្លឺម៉ង់ ចាយលុយជិត ៩០លានដុល្លារសម្រាប់ទិញសាច់កង្កែបក្នុងមួយឆ្នាំ
វត្តមានត្រីបបែលយក្ស សបញ្ជាក់ពីទន្លេមេគង្គក្រោមជាតំបន់ទឹកទន្លេដែលគ្មានការបំពុល
អាជីវកម្មតូចៗ គួរឈ្វេងយល់ពីការគ្រប់គ្រងលើបញ្ហារំហូរសាច់ប្រាក់ ជារឿងសំខាន់បំផុត
លោក ង៉ែត ជូ បង្ហាញពីគន្លងថ្មីៗនៃការវិនិយោគអចលនទ្រព្យនៅកម្ពុជា
កម្ពុជាជំរុញរដ្ឋាភិបាលចិន ពន្លឿនការចរចាលើពិធីសារភូតគាមអនាម័យ លើការនាំចេញផលិតផលកសិកម្ម
Car-Free ក្លាយជាយុទ្ធសាស្ត្រដ៏ពេញនិយមសម្រាប់បណ្តាទីក្រុងនៅអឺរ៉ុប ក្នុងការកាត់បន្ថយបំពុលអាកាសធាតុ
អាស៊ីទិញប្រេងបញ្ចុះតម្លៃពីរុស្ស៊ី បន្ទាប់ពីអឺរ៉ុបដែលបានដកខ្លួនចេញ
ពូជស្រូវសែនក្រអូបក្លាយជាជម្រើសមួយថ្មីសម្រាប់កសិករ និងអ្នកនាំចេញកម្ពុជាក្នុងទីផ្សារអន្តរជាតិ
ការសិក្សា ៖ ស្ថានភាពសេដ្ឋកិច្ចកម្ពុជាបន្តងើបឡើងក្នុងត្រីមាសទី១ ដើមឆ្នាំ២០២២
អ្នកជំនាញអចលនទ្រព្យ ៖ ការកើនឡើងនៃវិស័យសំណង់ និងអចលនទ្រព្យគ្មានផែនការ ធ្វើឱ្យការវិនិយោគវិស័យលើកសិកម្មត្រូវរំលង
កម្មវិធីពិសេសរបស់ AMS ECONOMY
ព័ត៌មានសង្ខេប
