សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស៖ យោងតាមប្រភពពី FX Leaders បានលើកឡើងថា តម្លៃមាសឡើងថ្លៃ ដោយសារប្រាក់ដុល្លារអាមេរិកចុះខ្សោយ ខណៈដែលមានការរំពឹងថា ធនាគារកណ្តាលអាម៉រិកអាចនឹងកាត់បន្ថយការប្រាក់នៅចុងឆ្នាំនេះ។
តម្លៃមាសបានឡើងថ្លៃដល់កម្រិតខ្ពស់ ២ ៣៦២ ដុល្លារក្នុងមួយអោន។ ទន្ទឹមនឹងនេះ មនុស្សជាច្រើនយល់ឃើញថា ការឡើងថ្លៃតម្លៃមាសបានធ្វើឲ្យប្រាក់ដុល្លារចុះខ្សោយ ខណៈដែលរំពឹងទុកថាធនាគារកណ្តាលអាម៉េរិក Federal Reserve អាចចាប់ផ្តើមកាត់បន្ថយអត្រាការប្រាក់នៅចុងឆ្នាំនេះ។ ការទន្ទឹងរង់ចាំសម្រាប់ការកាត់បន្ថយអត្រាការប្រាក់បានបង្កើតបរិយាកាសទីផ្សារដែលមានការប្រុងប្រយ័ត្ន ជាពិសេសជាមួយនឹងរបាយការណ៍ស្តីពីប្រាក់បៀវត្សរ៍ការងារមិនមែនកសិកម្ម (NFP)។ បន្ថែមពីនេះ របាយការណ៍ចុងក្រោយបង្អស់ពីកិច្ចប្រជុំគណៈកម្មាធិការទីផ្សារ FOMC បានបង្ហាញថាអ្នកបង្កើតគោលនយោបាយមានការព្រួយបារម្ភកាន់តែខ្លាំងឡើងអំពីការធ្លាក់ចុះនៃសេដ្ឋកិច្ចអាមេរិក។ មិនត្រឹមតែប៉ុណ្ណោះ ទិន្នផលលើមូលបត្របំណុលរបស់សហរដ្ឋអាមេរិកបានធ្លាក់ចុះ ដោយជំរុញឱ្យប្រាក់ដុល្លារធ្លាក់ចុះក្នុងរយៈពេលបីសប្តាហ៍។
កាលពីសប្តាហ៍មុន របាយការណ៍បានបង្ហាញពីការចុះខ្សោយនៅក្នុងវិស័យសេវាកម្ម និងអត្រាការងារ រួមជាមួយនឹងការកើនឡើងនៃការដាក់ពាក្យសុំអត្ថប្រយោជន៍ពីភាពអត់ការងារធ្វើរបស់សហរដ្ឋអាមេរិកកាលពីសប្តាហ៍មុន។ ទន្ទឹមនឹងនេះ វិស័យឯកជនបានបន្ថែមការងារចំនួន ១៥០ ០០០ កន្លែងនៅក្នុងខែមិថុនា ទាបជាងការរំពឹងទុកបន្តិច ១៦០ ០០០ កន្លែង។ លើសពីនេះទៀត ចំនួនអ្នកដាក់ពាក្យសុំអត្ថប្រយោជន៍ពីភាពអត់ការងារធ្វើបានឈានដល់កម្រិតខ្ពស់បំផុតក្នុងរយៈពេល ២ ឆ្នាំ ដែលឆ្លុះបញ្ចាំងពីការធ្លាក់ចុះទីផ្សារការងារ។ ការធ្លាក់ចុះទាំងនេះបង្ហាញពីបញ្ហាប្រឈមសេដ្ឋកិច្ចដែលកំពុងបន្ត ដែលទំនងជាមានឥទ្ធិពលលើជំហររបស់ធនាគារកណ្តាលអាម៉េរិកក្នុងការកាត់បន្ថយលើអត្រាការប្រាក់។
ជាលទ្ធផល គេព្យាករណ៍ថា តម្លៃមាសអាចឡើងថ្លៃក្នុងកម្រិតភ្លាមៗចន្លោះ ២ ៣៦៨ ដល់ ២ ៣៨៤ ដុល្លារក្នុងមួយអោន ហើយវិនិយោគិនគួរតែតាមដានកម្រិតតម្លៃទាំងនេះយ៉ាងជិតស្និទ្ធ ដើម្បីតាមដានទីផ្សារនាពេលបច្ចុប្បន្ននេះប្រកបដោយប្រសិទ្ធភាព។ ប្រសិនបើភាពមិនច្បាស់លាស់ខាងសេដ្ឋកិច្ចនៅតែបន្តកើតមាន មាសនៅតែជាទ្រព្យសម្បត្តិដែលពេញនិយម និងសុវត្ថិភាពសម្រាប់ការពារប្រឆាំងនឹងការប្រែប្រួលទីផ្សារ៕
Account
Security
Favourite Content