សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ ប្រទេសឥណ្ឌា ត្រូវបានកម្ពុជាចាត់ទុកថាគឺជាមិត្តយល់ចិត្ត និងជាដៃគូអភិវឌ្ឍន៍យ៉ាងសំខាន់ក្នុងចូលរួមចំំណែកគាំទ្រ លើកកម្ពស់កំណើនសេដ្ឋកិច្ចកម្ពុជាឲ្យកាន់តែមានភាពល្អប្រសើរ។ ជាក់ស្ដែងចាប់តាំងពីឆ្នាំ១៩៨១រហូតមក បន្ទាប់ពីបញ្ចប់របរខ្មែរក្រហម ភាគីឥណ្ឌាបានចូលរួមចំណែកយ៉ាងសកម្មក្នុងកិច្ចអភិវឌ្ឍន៍សង្គម និងសេដ្ឋកិច្ចនៅកម្ពុជា។
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា នៅក្នុងឱកាសអញ្ជើញទទួលវ៉ាក់សាំងបង្ការជំងឺកូវីដ-១៩ ជាជំនួយរបស់រដ្ឋាភិបាលនៃសាធារណៈរដ្ឋឥណ្ឌាចំនួន២០ម៉ឺនដូស នៅព្រឹកថ្ងៃទី១២ ខែមេសា ឆ្នាំ២០២២ បានថ្លែងថា សាធារណរដ្ឋឥណ្ឌា គឺជាមិត្តយល់ចិត្ត យល់ថ្លើមរបស់កម្ពុជា។ វត្តមានឥណ្ឌាតាំងពីឆ្នាំ១៩៨១ ក្រោយការបិទបញ្ចប់របស់ខ្មែរក្រហម បានចូលរួមចំណែកយ៉ាងសកម្មក្នុងការជួយស្ដារសេដ្ឋកិច្ច សង្គមកម្ពុជាឡើងវិញ តាមរយៈជំនួយមនុស្សធម៌ ការជួយគាំទ្រពាណិជ្ជកម្ម និងវប្បធម៌ ការផ្ដល់កម្ចីហិរញ្ញប្បទាន ទាំងក្នុងក្របខណ្ឌទ្វេភាគី និងពហុភាគី។
សម្ដេចបានបញ្ជាក់ទៀតថា ៖
“ជាលទ្ធផលទំនាក់ទំនងសង្គម និងសេដ្ឋកិច្ច ពាណិជ្ជកម្ម ក៏ដូចជាការវិនិយោគរវាងកម្ពុជា និងឥណ្ឌា មានការកើនឡើងគួរឲ្យកត់សម្គាល់បើទោះជាមានការថមថយបន្តិចនៅក្នុងអំឡុងពេលនៃការរីករាលដាលនៃជំងឺកូវីដ-១៩ក៏ដោយ។ ក្នុងបរិការនៃការឆ្លងរាលដាលនៃជំងឺកូវីដ-១៩បានថមថយជាមួយនឹងការគ្រប់គ្រងនូវស្ថានការនៃការឆ្លងរាលដាលបានយ៉ាងល្អប្រសើរ ខ្ញុំសូមលើកទឹកចិត្តឲ្យមានការពង្រឹងនូវចំណងមិត្តភាព ជំរុញកិច្ចសហប្រតិបត្តិការ និងការពង្រឹងកិច្ចទំនាក់ទំនងបន្ថែមទៀតរវាងកម្ពុជា និងសមាជិកនៃគំនិតចតុភាគី ជាពិសេស រវាងកម្ពុជាឥណ្ឌា ពាក់ព័ន្ធពាណិជ្ជកម្ម ការវិនិយោគ បច្ចេកវិទ្យាព័ត៌មាន ការបន្ធូរបន្ថយលក្ខខណ្ឌធ្វើដំណើរ និងការតភ្ជាប់ជើងហោះហើរត្រង់ ជាពិសេសជំរុញ និងអភិវឌ្ឍន៍វិស័យទេសចរណ៍”
គួរបញ្ជាក់ផងដែរថា នៅព្រឹកថ្ងៃអង្គារ ថ្ងៃទី១២ ខែមេសា ឆ្នាំ២០២២នេះ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតីក្នុងពិធីប្រគល់-ទទួល វ៉ាក់សាំងបង្ការជំងឺកូវីដ១៩ ចំនួន២០ម៉ឺនដូស ជាជំនួយរបស់ប្រទេសឥណ្ឌា ដែលពិធីប្រគល់-ទទួលនេះ ធ្វើឡើងនៅវិមានសន្តិភាព។
វ៉ាក់សាំងកូវីសែលជាជំនួយរបស់ឥណ្ឌា មានចំនួនសរុប ៣២៥ ០០០ដូស ដែលក្នុងនោះ ២០ម៉ឺនដូសបានមកដល់កម្ពុជានៅព្រឹកថ្ងៃទី១២ ខែមេសា ហើយចំនួនប្រមាណ ១២៥ ០០០ដូស អាចនឹងមកដល់នៅខែក្រោយបន្តទៀត។ ការចាក់វ៉ាក់សាំងបង្ការជំងឺកូវីដ-១៩ ជូនប្រជាពលរដ្ឋ គឺជាជម្រើសដ៏ចាំបាច់មួយនៅក្នុងយុទ្ធសាស្ត្រប្រយុទ្ធប្រឆាំងការរីករាលដាលជំងឺកូវីដ-១៩ និងការពារអាយុជីវិតប្រជាពលរដ្ឋពីការវាយប្រហារដោយមេរោគកូវីដ-១៩៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
ស្ថាបនិក Facebook កំពុងប្រើពេលវេលា និងសំងាត់បំផុតរៀបចំក្រុមការងារថ្មីមួយអភិវឌ្ឍ AI ដែលមានសមត្ថភាពគិតដូចទៅនឹងមនុស្ស
ព្រឹត្តិការណ៍, អាជីវកម្មថ្មី និងនវានុវត្ត
• 13/06/2025
ស្ងាត់មួយរយៈធំ ស្ថាបនិក Facebook និងជាប្រធានប្រតិបត្តិក្រុមហ៊ុន Meta លោក Mark Zuckerberg កំពុងសម្ងំរៀបចំមន្ទីរពិសោធដ៏សំងាត់មួយដើម្បីអភិវឌ្ឍបច្ចេកវិទ្យាលើសពី AI នាពេលបច្ចុប្បន្នដែលអាចមានសមត្ថភាពគិត និងមានទំនាក់ទំនងដូចទៅនឹងមនុស្សពិតៗ
កិច្ចប្រជុំថ្នាក់រដ្ឋមន្ត្រីនៃសន្និសីទខ្សែក្រវាត់ និងផ្លូវ កម្ពុជាស្នើបង្កើតគំនិតផ្តួចផ្តើមច្រករបៀងនវានុវត្តន៍ ដើម្បីកសាងអនាគតបច្ចេកវិទ្យារួមគ្នា
ព្រឹត្តិការណ៍, អាជីវកម្មថ្មី និងនវានុវត្ត
• 12/06/2025
កិច្ចប្រជុំថ្នាក់រដ្ឋមន្ត្រីនៃសន្និសីទខ្សែក្រវាត់ និងផ្លូវ កម្ពុជាស្នើបង្កើតគំនិតផ្តួចផ្តើមច្រករបៀងនវានុវត្តន៍ ដើម្បីកសាងអនាគតបច្ចេកវិទ្យារួមគ្នា
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content