សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ កំណើនប្រជាជននៅក្នុងរាជធានីភ្នំពេញ បាន និងកំពុងកើនឡើងជាបន្តបន្ទាប់ពីមួយឆ្នាំទៅមួយឆ្នាំ ហើយការកើនឡើងនៃចំនួនប្រជាជននៅក្នុងរាជធានីភ្នំពេញនេះដែរ បានធ្វើឱ្យតម្រូវការសេវាកម្ម និងសម្ភារៈប្រើប្រាស់ជាច្រើនក៏កើនឡើងដូចគ្នា ដោយក្នុងនោះលំនៅឋានជាកត្តាចាំបាច់មួយសម្រាប់ឆ្លើយតបទៅនឹងកំណើននៃចំនួនប្រជាជន ដែលទាមទារឱ្យមានការអភិវឌ្ឍបន្ថែមដើម្បីបំពេញទៅតាមតម្រូវការ។
លោក ពិន សារី ប្រធានក្រុមផ្នែកលក់នៃក្រុមហ៊ុនភ្នាក់ងារអចលនទ្រព្យ ERA Cambodia បានលើកឡើងថា កំណើនប្រជាពលរដ្ឋមករស់នៅរាជធានីភ្នំពេញ ឃើញថាមានកំណើនឡើងពីមួយឆ្នាំទៅមួយឆ្នាំ។ ការកើនឡើងនៃចំនួនប្រជាជននៅក្នុងទីក្រុងភ្នំពេញនេះ បានធ្វើឱ្យតម្រូវការលំនៅឋានកើនឡើងជាបន្តបន្ទាប់ដូចគ្នា ហើយអ្នកអភិវឌ្ឍន៍ក៏គួរចាប់ឱកាសក្នុងការពង្រីកការផ្គត់ផ្គង់របស់ខ្លួនដើម្បីបំពេញទៅតាមតម្រូវការ។
លោកបន្តថា ៖
“មិនថាផ្ទះជាប់ដី ឬខុនដូ នោះទេ សុទ្ធតែជាលំនៅឋាន និងមានតម្រូវការ ហើយបច្ចុប្បន្ននេះ អ្នកដែលមានចំណូលចិត្តស្នាក់នៅផ្ទះជាប់ដីក៏បន្តស្វែងរកទិញផ្ទះជាប់ដី ដែលភាគច្រើននៅឆ្ងាយពីក្រុង ឬទៅកាន់តំបន់ជាយក្រុង។ ដោយឡែក សម្រាប់អ្នកដែលចង់ស្នាក់នៅកណ្ដាលរាជធានីភ្នំពេញ និងការរស់នៅបែបទំនើបក៏ស្វែងរកទិញខុនដូសម្រាប់ស្នាក់នៅ ដែលងាយស្រួលទាំងរស់នៅ ងាយស្រួលទាំងធ្វើការ ក៏ដូចជាប្រកបអាជីវកម្មផ្សេងៗ”
លោកឧកញ៉ា នួន រិទ្ធី ប្រធានក្រុមប្រឹក្សាភិបាលនៃក្រុមហ៊ុនអចលនទ្រព្យ KFA Group បានមានប្រសាសន៍ផងដែរថា ប្រជាពលរដ្ឋរស់នៅរាជធានីភ្នំពេញមួយចំនួនធំមិនទាន់មានផ្ទះជារបស់ផ្ទាល់ខ្លួននៅឡើយទេ និងបន្តជួលផ្ទះគេស្នាក់នៅ ដូច្នេះ ការអភិវឌ្ឍលំនៅឋាននាពេលបច្ចុប្បន្ននេះ មិនទាន់ឆ្លើយតបទៅនឹងតម្រូវការនៅឡើយទេ តែការអភិវឌ្ឍក៏ត្រូវមើលទៅលើប្រាក់ចំណូលបស់ប្រជាពលរដ្ឋផងដែរ ថាតើគួរអភិវឌ្ឍន៍ប្រភេទណាដែលស័ក្តិសមនឹងចំណូលរបស់ពលរដ្ឋ ។
លោកឧកញ៉ាបន្តថា ការអភិវឌ្ឍខុនដូនៅភ្នំពេញមានកំណើនមែន ប៉ុន្តែមិនអាចផ្ដាច់ចោលនូវការអភិវឌ្ឍផ្ទះជាប់ដីនោះទេ ពោលគឺតម្រូវការទាំងពីរនេះនៅតែមានតម្រូវការខ្ពស់ ហើយវានឹងមានតម្រូវការខ្ពស់បន្ថែមទៀតនៅពេលខាងមុខ ពេលដែលពលរដ្ឋមានប្រាក់ចំណូលមានលទ្ធភាពក្នុងការទិញផ្ទះស្នាក់នៅកាន់តែច្រើន ។
ឯកឧត្តម លី រស្មី រដ្ឋលេខាធិការនៃក្រសួងរៀបចំដែនដី នគរូបនីយកម្ម និងសំណង់ បានថ្លែងផងដែរថា ក្នុងមួយឆ្នាំៗ កម្ពុជាមានតម្រូវការលំនៅឋានរាប់ពាន់ល្វែង ហើយក្នុងនោះដែររាជធានីភ្នំពេញជាតំបន់ដែលមានតម្រូវការលំនៅឋានច្រើនជាងគេ និងទាមទារឱ្យមានការអភិវឌ្ឍលំនៅឋានច្រើនជាងគេសម្រាប់បំពេញទៅតាមតម្រូវការជាក់ស្ដែង ។
គួរបញ្ជាក់ផងដែរថា ទោះបីជាស្ថិតនៅក្នុងវិបត្តិនៃជំងឺកូវីដ១៩យ៉ាងណាក្ដី អ្នកអភិវឌ្ឍន៍លំនៅឋាន នៅតែបន្តពង្រីកគម្រោងរបស់ខ្លួនជាបន្តបន្ទាប់ ហើយក៏មានការគាំទ្រពីប្រជាពលរដ្ឋទិញគម្រោងលំនៅឋានសម្រាប់ស្នាក់នៅ និងខ្លះទៀតទិញទុកវិនិយោគដើម្បីទទួលបានផលចំណេញ ដែលរូបភាពទាំងអស់នេះសបញ្ជាក់ឱ្យឃើញថា តម្រូវការលំនៅឋានក្នុងប្រទេសកម្ពុជា ជាពិសេសនៅក្នុងរាជធានភ្នំពេញគឺនៅតែបន្តមាន៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content