កាហ្វេបុរាណ មានទាំងរសជាតិ និងគុណភាព កំពុងមានប្រជាប្រិយភាពខ្លាំងនៅម្តុំផ្សារដើមថ្កូវ

ភ្នំពេញ៖ បើយើងជិះកាត់ម្ដុំវង្វង់មូលផ្សារដើមថ្កូវ ហើយក្រឡេកមើលទៅខាងស្ដាំដៃ (ទិសដៅចុះពីស្តុប) នោះគេនឹងឃើញតូបកាហ្វេមួយកន្លែង ដែលមានកែវកាហ្វេហ្វីន និងកំប៉ុងទឹកដោះគោដាក់តម្រៀបត្រៀបត្រាបង្កើតបានជាសោភ័ណភាពស្រស់ស្អាតម្យ៉ាង នោះគឺកាហ្វេបុរាណ ដែលជាយីហោតូបកាហ្វេមួយកំពុងមានភាពពេញនិយមពីសំណាក់អ្នកទទួលទានដែលលក់នៅតាមដងផ្លូវ។  

កញ្ញា ប៉ិន ស្រីង៉ា ជាអ្នកប្រចាំការនៅសាខាកាហ្វេបុរាណទីតាំងនៅម្ដុំរង្វង់មូលផ្សារដើមថ្កូវបានប្រាប់ AMS ឲ្យដឹងថា​៖

«ក្នុងមួយថ្ងៃយើងអាចលក់បានជាង ១០០កែវ ឬស្មើនឹងប្រមាណ ៣០-៤០ម៉ឺនរៀល អាស្រ័យទៅតាមថ្ងៃ ដូចជាថ្ងៃចុងសប្ដាហ៍ការលក់អាចធ្លាក់ចុះបន្តិច»។

កញ្ញាបន្តថា ៖

«អតិថិជនយើងភាគច្រើនជាអ្នកធ្វើដំណើរឆ្លងកាត់ និងអ្នកធ្វើការតាមស្ថាប័ន ដែលឆ្លៀតមកទិញមុនពេលទៅធ្វើការ ហើយជាធម្មតាយើងត្រូវរៀបចំបើកលក់តាំងពីម៉ោង ៦ព្រឹក ដល់ ៥ល្ងាច។ ចំពោះប្រភេទភេសជ្ជៈរបស់យើងរួមមានប្រភេទកាហ្វេទឹកកក កាហ្វេទឹកដោះគោ កាហ្វេដូងក្រអូប ប្រភេទតែបៃតង តែជ្រក់ជាដើម ដែលមានតម្លៃចាប់ពី ២០០០រៀល ដល់ ៤៥០០រៀល អាស្រ័យទៅតាមប្រភេទភេសជ្ជៈ និងទំហំកែវ»។

ចំណុចពិសេសរបស់កាហ្វេបុរាណត្រូវបានកញ្ញាប្រាប់ថា ទីមួយ គឺកាហ្វេដែលមានក្លិនឈ្ងុយ ព្រោះគ្រាប់កាហ្វេគេលីង និងលាយដោយខ្លួនឯង មានគុណភាព រសជាតិ ក្លិនឈ្ងុយ មិនឈ្ងៀម ដែលអតិថិជនតែងតែសរសើរតៗគ្នា។ លើសពីនេះ រាល់ការទិញភេសជ្ជៈក៏មានថែមជូននូវតែទឹកកកមួយថង់ ដែលផ្ដល់នូវអារម្មណ៍ និងរសជាតិដូចកាហ្វេតាំងពីជំនាន់មុន ស័ក្ដិសមទៅនឹងឈ្មោះយីហោ កាហ្វេបុរាណផ្ទាល់តែម្ដង។

គួរបញ្ជាក់ដែរថា តូបកាហ្វេក្រោមយីហោកាហ្វេបុរាណនេះ មានច្រើនសាខានៅទូទាំងរាជរាធានីភ្នំពេញ ព្រោះវាជាកាហ្វេលក់តាមដងផ្លូវ ងាយស្រួលបើកទីតាំង ហើយសាខារង្វង់មូលផ្សារដើមថ្កូវនេះផ្ទាល់ ទើបតែបើកបានប្រមាណ ២ខែប៉ុណ្ណោះ តែក៏មានការគាំទ្រច្រើន ជាពិសេសអ្នករស់នៅម្ដុំជិតៗនេះផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»

ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

ព្រឹត្តិការណ៍, សេដ្ឋកិច្ច

• 19/06/2024

នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

អ្នកជំនាញប្រាប់ពីរបៀបប្រើប្រាស់កម្ចី ដើម្បីឱ្យមានប្រសិទ្ធភាពខ្ពស់

ព្រឹត្តិការណ៍, ហិរញ្ញវត្ថុ

• 19/06/2024

អ្នកជំនាញហិរញ្ញវត្ថុប្រាប់ពីវិធីសាស្ត្រក្នុងការប្រើប្រាស់លុយកម្ចី ឬឥណទានពីធនាគារ និងគ្រឹះស្ថានមីក្រូហិរញ្ញវត្ថុ ឱ្យមានប្រសិទ្ធភាព ហើយវិធីសាស្ត្រទាំងនេះរួមមានការផ្តោតលើការប្រើប្រាស់កម្ចីឱ្យចំគោលដៅ

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ