សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
មកដល់ពេលនេះអាល្លឺម៉ង់បានចេញនូវវិធានការជាច្រើនដើម្បីត្រៀមខ្លួនប្រឈមមុខទៅនឹងកង្វះខាតថាមពលប្រើប្រាស់ ជាពិសេសនៅពេលដែលរដូវរងានឹងឈានចូលមកដល់ក្នុងពេលខាងមុខនេះ បន្ទាប់ពី រុស្ស៊ី បានសម្រេចកាត់បន្ថយហ្គាសទៅឲ្យអាល្លឺម៉ង់ និងអឺរ៉ុប ដែលបានក្លាយទៅជាបញ្ហាដ៏ធ្ងន់ធ្ងរ។
កាលពីថ្ងៃព្រហស្បតិ៍ម្សិលមិញនេះនៅក្នុងយុទ្ធនាការមួយដើម្បីកាត់បន្ថយ និងសន្សំសំចៃការប្រើប្រាស់ថាមពលក្នុងប្រទេសនោះ ទីក្រុងដ៏ធំរបស់អាល្លឺម៉ង់ Hannover បានប្រកាសនូវការហាមប្រាមដ៏សំខាន់មួយសម្រាប់ពលរដ្ឋរបស់ខ្លួន គឺការដាក់បំរាមលើការប្រើប្រាស់ទឹកក្ដៅនៅតាមទីសាធារណៈ។
អជ្ញាធរនៃទីក្រុង Hannover ក្រោមគោលការណ៍ច្បាប់ថ្មីនេះនឹងហាមប្រាមពលរដ្ឋរបស់ខ្លួនទាំងអស់ក្នុងការប្រើប្រាស់ទឹកក្តៅនៅតាមទីសាធារណៈ ជាពិសេសតាមកន្លែងហាត់ប្រាណ និងកន្លែងហែលទឹកជាដើម ដែលជាទៅតែងប្រើប្រាស់ទឹកក្តៅច្រើនជាងទីតាំងផ្សេងៗ។ ក្រៅពីនោះបុគ្គលិកដែលធ្វើការនៅតាមទីសាធារណៈ និងពលរដ្ឋក្នុងទីក្រុងក៏ត្រូវហាមប្រាមមិនឲ្យប្រើប្រាស់ទឹកក្តៅសម្រាប់លាងដៃនោះដែរ។
ដោយឡែក សម្រាប់អ្នករស់នៅទីក្រុងក៏នឹងត្រូវចូលរួមប្រើប្រាស់ និងសន្សំសំចៃអគ្គិសនីនៅក្នុងផ្ទះផងដែរ។ ជាមួយគ្នានេះ នៅក្រោមច្បាប់ថ្មីក៏មានការណែនាំពីការសន្សំ និងរក្សាសីតុណ្ហភាពអតិបរមានៅក្នុងបន្ទប់ក្នុងអគារសាធារណៈ រួមទាំងមជ្ឈមណ្ឌលថែទាំកុមារផងដែរ ត្រូវបានកំណត់ត្រឹម២០អង្សាប៉ុណ្ណោះ ហើយនៅក្នុងសាលកីឡា និងកន្លែងហាត់ប្រាណ ត្រូវបានកំណត់ថា នឹងមិនអាចលើសពី១៥អង្សានោះដែរ។ គួរឲ្យដឹងដែរថា ច្បាប់ថ្មីនេះនឹងត្រូវអនុវត្តក្នុងអំឡុងពេលនៃរដូវរងាដែលនឹងត្រូវឈានមកដល់គឺគិតចាប់ពីចន្លោះថ្ងៃទី១ ខែតុលា ឆ្នាំ២០២២ដល់ថ្ងៃទី៣១ ខែមិនា ឆ្នាំ២០២៣ ហើយក្នុងនោះអជ្ញាធរក៏បានអះអាងដែរថា នឹងអាចមានវិធានការផ្សេងទៀតដើម្បីសន្សំសំចៃថាមពល ដូចជា ការបិទភ្លើងអគ្គិសនីនៅតាមទីសាធារណៈ អគាររដ្ឋ សារមន្ទីរ និងអគារសម្រាប់សាធារណៈផ្សេងទៀត៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
អុីស្រាអែល ទិញរោងចក្រផលិតរថយន្តដ៏ល្បីរបស់អាល្លឺម៉ង់ ប្ដូរទៅផលិតជាអាវុធទំនើបវិញ
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់អាល្លឺម៉ង់ Volkswagen បានព្រមព្រៀងលក់រោងចក្រដ៏ចំណាស់របស់ខ្លួនដែលស្ថិតនៅក្រុង Osnabrück ទៅឱ្យក្រុមហ៊ុនវិនិយោគអុីស្រាអែល Aurelius Capital និងក្រុមហ៊ុនរដ្ឋ Lower Saxony របស់អាល្លឺម៉ង់។ យោងតាមការចេញផ្សាយរបស់កាសែតរុស្ស៊ី RT បានឲ្យដឹងថា រោងចក្រនេះនឹងត្រូវផ្លាស់ប្តូរពីការផលិតរថយន្តទៅជាទីតាំងផលិតឧបករណ៍យោធាវិញ ដោយមានក្រុមហ៊ុនការពារជាតិរបស់រដ្ឋអុីស្រាអែល ឈ្មោះ Rafael
ផ្លូវសមុទ្រខាងជើង NSR ក្លាយជាសមរភូមិសាស្ត្រនយោបាយថ្មីរបស់មហាអំណាច
ព្រឹត្តិការណ៍, អាជីវកម្មថ្មី និងនវានុវត្ត
• 08/09/2026
ផ្លូវសមុទ្រខាងជើង (Northern Sea Route-NSR) កំពុងផ្លាស់ប្តូរពីផ្លូវទឹកកកដាច់ស្រយាល ទៅជាផ្លូវពាណិជ្ជកម្មដ៏សំខាន់ និងជាទីប្រជែងអំណាចរវាងមហាអំណាចក្នុងសតវត្សរ៍ទី២១
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content