សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បង់ក្លាដែស ៖ ទីផ្សារអចលនទ្រព្យនៅបង់ក្លាដែសមានការរីកចម្រើនគួរឱ្យកត់សម្គាល់ ជាពិសេស ក្នុងអំឡុងពេល២ឆ្នាំចុងក្រោយនេះ ដោយសារការអភិវឌ្ឍន៍យ៉ាងឆាប់រហ័សរបស់ប្រទេសមួយនេះ។
ចាប់តាំងពីមានការកើនឡើងនៃប្រាក់ចំណូលរបស់មនុស្សម្នាក់ៗ និងការកើនឡើងនៃវណ្ណៈកណ្តាល តម្រូវការលំនៅដ្ឋានបានកើនឡើង ដែលបានរួមចំណែកដល់កំណើននៃវិស័យអចលនទ្រព្យទាំងមូល។
ពីក្រុមហ៊ុនអចលនទ្រព្យចំនួនត្រឹមតែ ៥ ក្រុមហ៊ុនបានចុះបញ្ជីក្នុងឆ្នាំ១៩៧០ បច្ចុប្បន្ន ចំនួនក្រុមហ៊ុនអចលនទ្រព្យបានកើនឡើងដល់ជាង ១០០០ ក្រុមហ៊ុនដែលបានហក់ចូលក្នុងវិស័យនេះ ដោយមិនទាន់រាប់បញ្ចូលចំនួនអាជីវកម្មដែលមិនបានចុះបញ្ជីជាច្រើនទៀត ដោយក្នុងចំណោមនោះក្រុមហ៊ុនទាំងនោះ REHAB សមាគមអចលនទ្រព្យ និងលំនៅឋាននៃប្រទេសបង់ក្លាដែស បានចុះឈ្មោះក្រុមហ៊ុនចំនួន ៨៧៩។
ទីផ្សារអចលនទ្រព្យបង់ក្លាដែសបានកើនឡើងក្នុងអត្រាប្រចាំឆ្នាំជាមធ្យម ១០% ក្នុងកំឡុងឆ្នាំ២០១៩-២០២០ ដែលធ្វើឱ្យប្រាក់ចំណូលក្នុងទីផ្សារប្រចាំឆ្នាំគិតជាទឹកប្រាក់រាប់ពាន់លានតាកា។ ជាក់ស្ដែង បច្ចុប្បន្ននេះ វិស័យអចលនវត្ថុមិនត្រឹមតែមានការអភិវឌ្ឍន៍អាផាតមិន ឬលំនៅដ្ឋានប៉ុណ្ណោះទេ ថែមទាំងផ្តោតលើការអភវិឌ្ឍទីក្រុងគំរូ ផ្សារទំនើប និងហេដ្ឋារចនាសម្ព័ន្ធសំខាន់ៗផងដែរ។
ការរួមចំណែករបស់វិស័យលំនៅដ្ឋានទៅក្នុងផលិតផលក្នុងស្រុកសរុប (ផ.ស.ស.) ក្នុងប្រទេសបង់ក្លាដែស មានចំនួន ៧.៩៦ ភាគរយ ខណៈវិស័យឧស្សាហកម្មពាក់ព័ន្ធដូចជា ដែក ស៊ីម៉ង់ត៍ ឥដ្ឋ ខ្សាច់ ក្បឿង សេរ៉ាមិច ថ្នាំលាប និងបរិក្ខារផ្សេងៗទៀត រួមចំណែកប្រហែល ១២% ។
តាមការជំរឿនប្រជាជនចុងក្រោយបានឱ្យដឹងថា តម្រូវការលំនៅដ្ឋានសរុបមានចំនួន ០.៨ លានឯកតាក្នុងឆ្នាំ២០២០ ហើយនឹងកើនឡើងដល់ ១.១៤ លានឯកតានៅឆ្នាំ២០៣០។ តាមរយៈវិស័យមួយនេះបានបង្កើនប្រាក់ចំណូលបន្ថែមដោយផ្ទាល់ដល់រដ្ឋាភិបាល (ក្នុងទម្រង់ជាអាករលើតម្លៃបន្ថែម ថ្លៃចុះឈ្មោះ ថ្លៃប្រើប្រាស់។ល។) គិតជាមធ្យមជិត ៥ ពាន់លានតាកាបង់ក្លាដែស។
លោក Kamal Mahmud អនុប្រធាន REHEB បាននិយាយថា សារាចរដែលបានដាក់ចេញដោយក្រសួងពាណិជ្ជកម្មកាលពីឆ្នាំ២០២០-២០២១ ស្តីពីការវិនិយោគដែលមានភាពអនុគ្រោះពន្ធក្នុងវិស័យអចលនទ្រព្យគឺជាកត្តាដ៏សំខាន់ក្នុងការជំរុញវិស័យមួយនេះឱ្យកាន់តែមានការរីកចម្រើន។ សារាចរនេះបានជួយអ្នកអភិវឌ្ឍន៍-លក់ផ្ទះល្វែង លំនៅដ្ឋានសហកម្មសិទ្ធ និងអចលនទ្រព្យបែបពាណិជ្ជកម្មបានយ៉ាងច្រើន។
លោកបានថ្លែងថា ៖
“គំនិតផ្តួចផ្តើមរបស់រដ្ឋាភិបាលក្នុងការកាត់បន្ថយការប្រាក់កម្ចីទិញផ្ទះមកត្រឹមលេខតែមួយខ្ទង់ (ឧទាហរណ៍ ១ ដល់ ៩ %) គឺជាគំនិតផ្តួចផ្តើមជួយជំរុញវិស័យនេះឱ្យរីកច្រើន។ ជាងនេះទៅទៀត ការកាត់បន្ថយថ្លៃចុះបញ្ជីពន្ធផ្ទេរកម្មសិទ្ធិ ពន្ធប្រថាប់ត្រា និងការធ្វើឱ្យឯកសារទាក់ទងនឹងដីធ្លីជាឌីជីថល គឺជាហេតុផលចម្បងផ្សេងទៀតសម្រាប់ការស្ទុះងើបឡើងវិញយ៉ាងឆាប់រហ័សនៃវិស័យលំនៅដ្ឋាន”
យោងតាមការស្រាវជ្រាវរបស់សមាគម REHAB ប្រាក់ចំណូលមិនគិតពន្ធចំនួនប្រហែល ៣៥ ពាន់លានតាកាត្រូវបានចាក់បញ្ចូលក្នុងវិស័យនេះក្នុងរយៈពេល ៦ ខែចុងក្រោយនេះ។ ជាមួយគ្នានេះ អ្នកពាក់ព័ន្ធក្នុងវិស័យនេះបានលើកឡើងថា ការកើនឡើងជាបន្តបន្ទាប់នៃតម្លៃសម្ភារៈសំណង់សំខាន់ៗ និងកង្វះការផ្គត់ផ្គង់បានធ្វើឱ្យមានផលប៉ះពាល់យ៉ាងធ្ងន់ធ្ងរដល់វិស័យអចលនទ្រព្យក្នុងប្រទេសនេះ គម្រោងជាច្រើនដែលបានបន្តការសាងសង់ឡើងវិញ ដោយសារស្ថានភាពធូរស្រាលនៃវិបត្តិជំងឺកូវីដ-១៩ អាចនឹងត្រូវពន្យាពេលម្តងទៀត ដោយសារវិបត្តិថ្មី ដែលរារាំងដល់កិច្ចខិតខំប្រឹងប្រែងស្តារឡើងវិញ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content