សម្ភារធ្វើពីដើមត្នោត ស្អាត មានទីផ្សារល្អ និងជាផ្នែកមួយជួយដល់ជនមានពិការភាព

ត្នោត គឺជារុក្ខជាតិម្យ៉ាងដែលមានប្រយោជន៍ច្រើនគិតពីស្លឹកដល់គល់ ដែលសុទ្ធតែអាចច្នៃជាប្រយោជន៍ ក៏ដូចជាសម្ភារប្រើប្រាស់ជាបែបយ៉ាង ទើបធ្វើឱ្យសិប្បកម្មមួយបានច្នៃដើមត្នោតចាស់ៗទៅជាសម្ភារជាច្រើនមុខ និងបានចូលរួមផ្ដល់ការងារដល់ជនពិការថែមទៀតផង។

សាន ពៅ ជាឈ្មោះសិប្បកម្មមួយស្ថិតនៅភូមិបឹងឈូក ឃុំបត់កណ្ដាល ស្រុកបាកាន ខេត្តពោធិ៍សាត់ ដែលកំពុងច្នៃដើមត្នោតចាស់ៗលែងឱ្យផល ដែលគេត្រូវកាប់ចោល ធ្វើជាវត្ថុអនុស្សាវរីយ៍ សម្ភារផ្ទះបាយ គ្រឿងសង្ហារឹម និងគ្រឿងតាំងលម្អស្អាតៗជាច្រើនមុខ និងជាកន្លែងមួយ ដែលផ្ដល់ការងារជូនប្រជាជនក្នុងតំបន់ ពិសេសជនមានពិការភាពផងដែរ។

លោក សាន ពៅ ជាម្ចាស់សិប្បកម្មខាងលើ បានថ្លែងប្រាប់ថា៖

“ខ្ញុំចាប់ផផ្ដើមអាជីវកម្មនេះ ដោយសារតែខ្ញុំជាកូនកសិករក្រីក្រ ហើយឃើញដើមត្នោតត្រូវបានគេកាប់ចោលច្រើន ក៏បានយកវាមកច្នៃជាស្លាបព្រា និងគ្រឿងតូចផ្សេងៗទៀត លុះមានការចាប់អារម្មណ៍ ក៏បានពង្រីកជាអាជីវកម្មជាបន្តបន្ទាប់”

លោកបានបន្តថា យើងមានបទពិសោធជាងម្ភៃឆ្នាំមកហើយ ដែលយើងអាចផលិតបានគ្រឿងប្រដាប់ផ្សេងៗដល់ទៅរាប់ពាន់មុខ អាស្រ័យតាមការកម្ម៉ង់របស់អតិថិជន ហើយសម្ភារដែលពេញនិយមជាងគេ គឺប្រភេទសម្ភារផ្ទះបាយដូចជា ចាន ស្លាបព្រា ចង្កឹះ វែក កែវ ដែលភាគច្រើនខាងហាង ក៏ដូចជាភោជនីយដ្ឋានគេត្រូវការច្រើន។

ចំណែកទីផ្សារបច្ចុប្បន្នវិញ សម្ភារធ្វើពីត្នោត គឺមានការគាំទ្រខ្លាំងពីសំណាក់បងប្អូនអតិថិជន ដែលខាងសិប្បកម្មខាងលើនេះ ផលិត និងផ្គត់ផ្គង់ស្ទើរមិនទាន់។ ក្រៅពីខាងភោជនីយដ្ឋាន យើងលក់បោះដុំឱ្យឈ្មួញនៅតាមផ្សារ និងផ្សារទំនើបជាដើម។ សម្រាប់តម្លៃវិញ សម្ភារតូចៗមានតម្លៃចាប់ពី ១ ដុល្លារឡើងទៅ អាចដល់ ៣០ ដុល្លារ ឯគ្រឿងសង្ហារឹមដូចជា តុ ទូរ អាចមាតម្លៃចាប់ពី ២០០ ដុល្លារ ឡើងទៅ។ 

ពាក់ព័ន្ធនឹងវត្ថុធាតុដើមដែលជាដើមត្នោត ម្ចាស់សិប្បកម្មខាងលើ បានបញ្ជាក់ថា យើងយកតែដើមត្នោតណា ដែលចាស់ៗលែងឱ្យផល ហើយត្រូវបានគេកាប់ចោល ទើបយើងទិញមកក្នុងតម្លៃ ១៥០០០ទៅ ២០០០០រៀល ដើម្បីយកមកច្នៃជាសម្ភារលក់ ដោយក្នុងនោះយើងមានក្រុមអ្នកផលិតប្រមាណជាង ២០០ នាក់ដែលជាជនមានពិការភាព ហើយយើងក៏មានផ្ដល់នូវកន្លែងស្នាក់នៅ និងប្រាក់ខែសមរម្យផងដែរ។   

គួរបញ្ជាក់ដែរថា លោកបានចាប់ផ្ដើមអាជីវកម្មនេះតាំងពីឆ្នាំ ២០០៤ ដោយការផលិតដំបូងពុំទាន់មានម៉ាស៊ីនអ្វីជំនួយឡើយ ពោលគឺប្រើកាំបិតដើម្បីកាប់ចាំង ច្នៃជាសម្ភារផ្ទាល់តែម្ដង។ ក្រៅពីនេះ ក្នុងការដំណើរការអាជីវកម្មនេះ លោក សាន ពៅ ក៏ជួបផលលំបាកផងដែរ ពិសេសកំឡុងពេលនៃការរីករាលនៃជំងឺកូវីដ១៩ ដោយសារគេត្រូវរំសាយក្រុមអ្នកផលិត លុះពេលស្ថានភាពល្អប្រសើរឡើងវិញ ក៏ពិបាកក្នុងការប្រមូលបុគ្គលិកមកវិញ។

ចុងក្រោយ លោក សាន ពៅ ម្ចាស់សិប្បកម្ម ផលិតរបស់ប្រើប្រាស់ពីដើមត្នោត ក៏សូមថ្លែងអំណរគុណដល់អតិថិជនដែលតែងតែគាំទ្រ ហើយលោកក៏មានគម្រោងពង្រីកផលិតកម្មឱ្យកាន់តែធំ ដើម្បីផ្គត់ផ្គង់តម្រូវការទីផ្សារឱ្យបានគ្រប់គ្រាន់ ពិសេសអាចជួយផ្ដល់ការងារដល់បងប្អូនក្នុងសហគមន៍ឱ្យបានកាន់តែច្រើនផងដែរ៕



របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា ២០២៦ CAMESCO26 ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា

ព្រឹត្តិការណ៍, អត្ថបទពាណិជ្ជកម្ម

• 21/11/2026

ការគាំទ្រសហគ្រាស និងជំរុញលំហូរទុន ដើម្បីភាពរីកចម្រើននៃប្រព័ន្ធអេកូឡូស៊ីសហគ្រិនភាព ប្រទេសកម្ពុជា រាជធានីភ្នំពេញ ៖ សន្និសីទប្រចាំឆ្នាំស្តីពី ការពង្រឹងប្រព័ន្ធអេកូឡូស៊ីសហគ្រិនភាពនៅកម្ពុជា២០២៦ (CAMESCO26) បានប្រព្រឹត្តទៅនៅ សណ្ឋាគារ Shangri-La ភ្នំពេញ ដោយមានអ្នកចូលរួមប្រមាណ ៣០០ នាក់ តំណាងឱ្យស្ថាប័ន និងអង្គការចំនួន ២៤០។ ក្រោមប្រធានបទ៖

ក្រសួងទេសចរណ៍ ជំរុញ និងពង្រឹងសមត្ថភាពអ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍ផ្នែកភាសា

ព្រឹត្តិការណ៍, អាជីវកម្មថ្មី និងនវានុវត្ត

• 21/11/2026

ភ្នំពេញ ៖ ក្រសួងទេសចរណ៍ តាមរយៈនាយកដ្ឋានបណ្តុះបណ្តាលជំនាញវិជ្ជាជីវៈទេសចរណ៍ សហការជាមួយក្រុមហ៊ុន Edifyworld Co., Ltd នាថ្ងៃទី២០ ខែវិច្ឆិកា ឆ្នាំ២០២៦ នៅទីស្ដីការក្រសួង បានរៀបចំសិក្ខាសាលាពង្រឹងសមត្ថភាពគ្រូបង្គោល អ្នកវាយតម្លៃបង្គោល អ្នកជំនាញទេសចរណ៍ និងថ្នាក់គ្រប់គ្រងក្នុងឧស្សាហកម្មទេសចរណ៍​ ផ្នែកភាសាអង់គ្លេសពិសេស (Master Class) ក្នុងវិស័យបដិសណ្ឋារកិច្ច

សាកល្បងជោគជ័យភ្លាម សហគមន៍កសិកម្មទំនើបស្រុកព្រះស្តេច ត្រៀមបង្កើនទុនដាំត្រសក់ផ្អែម ២៥ ០០០ដុល្លារ ភ្លែត!

ព្រឹត្តិការណ៍, សេដ្ឋកិច្ច

• 20/11/2026

ព្រៃវែង ៖ សហគមន៍កសិកម្មទំនើបស្រុកព្រះស្តេច ខេត្តព្រៃវែង គ្រោងពង្រីកផ្ទៃដីដាំត្រសក់ផ្អែម ២ប្រភេទដែលមានតម្រូវការខ្ពស់នៅលើទីផ្សារ ទៅដល់ ៤៥ ០០០ម៉ែត្រការ៉េ ឬស្មើនឹង ៥០ ខ្នងផ្ទះសំណាញ់ បន្ទាប់ពីជោគជ័យលើការប្រមូលផលសាកល្បងលើកដំបូងបានជិត ២តោន។ កញ្ញា ហួន ស៊ីអឺ ប្រធានសហគមន៍កសិកម្មទំនើប ស្រុកព្រះស្តេច បានប្រាប់បណ្តាញសារព័ត៌មាន

កម្មវិធីថ្មី គាំទ្រដោយសហភាពអឺរ៉ុប កំណត់គោលដៅធ្វើសវនកម្មថាមពលបៃតងចំនួន ២១០ លើក នៅតាមរោងចក្រកម្ពុជា

ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត

• 20/11/2026

ភ្នំពេញ ៖ រោងចក្រកាត់ដេរសម្លៀកបំពាក់ និងស្បែកជើងនៅកម្ពុជា នឹងទទួលបានការធ្វើសវនកម្មថាមពលចំនួន ២១០ លើក លើការគាំទ្រផ្នែកថាមពលកកើតឡើងវិញ និងការលើកកម្ពស់សុវត្ថិភាពនៅកន្លែងការងារ ក្រោម «ភាពជាដៃគូកម្ពុជា-សហភាពអឺរ៉ុប សម្រាប់ការអនុវត្តថាមពលប្រកបដោយចីរភាពក្នុងវិស័យឧស្សាហកម្ម» ដែលត្រូវបានប្រកាសដាក់ឱ្យដំណើរការជាផ្លូវការនៅរាជធានីភ្នំពេញ កាលពីថ្ងៃទី១៩ ខែវិច្ឆិកា ឆ្នាំ២០២៦។ វិស័យកាត់ដេរសម្លៀកបំពាក់ ស្បែកជើង និងផលិតផលធ្វើដំណើរ (GFT)

ទីក្រុងស៊ិនជិន រយៈពេល ៩ ខែ ស្រូបទាញទុនវិនិយោគបរទេសកើនឡើងជាង ៦០ភាគរយ

ព្រឹត្តិការណ៍, អាជីវកម្មថ្មី និងនវានុវត្ត

• 20/11/2026

បរទេស ៖ ទីក្រុងស៊ិនជិន ឬ Shenzhen ដែលគេស្គាល់ថាជាប៉ូលបច្ចេកវិទ្យាដ៏សំខាន់នៅភាគខាងត្បូងប្រទេសចិន និងជាម្ចាស់ផ្ទះនៃកិច្ចប្រជុំកិច្ចសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក (APEC) ក្នុងឆ្នាំនេះ កំពុងក្លាយជាគោលដៅដ៏មានឥទ្ធិពលក្នុងការទាក់ទាញវិនិយោគិនពីបរទេស។ ជាក់ស្តែង ក្នុងរយៈពេល ៩ ខែដំបូងនៃឆ្នាំនេះ ទំហំទុនវិនិយោគផ្ទាល់ពីបរទេស (FDI) នៅក្នុងទីក្រុងនេះបានហក់ឡើងដល់ ៤៤ ពាន់លានយ័ន ឬប្រមាណ

រាជរដ្ឋាភិបាល ជំរុញឱ្យ​មានការវិនិយោគ​គម្រោងអភិវឌ្ឍរមណីយដ្ឋានទេសចរណ៍នៅលើកោះក្នុងខេត្ត​ព្រះសីហនុ

ព្រឹត្តិការណ៍, សេដ្ឋកិច្ច

• 20/11/2026

រដ្ឋាភិបាល​បានលើកទឹកចិត្ត​និង​ជំរុញ​ឱ្យមានការ​វិនិយោគតាមបណ្ដាកោះ​នានា​ក្នុងខេត្ត​ព្រះសីហនុ ជាពិសេស​វិស័យទេសចរណ៍

អតិផរណាស្នូលរបស់ជប៉ុនកើនឡើងលើសគោលដៅ ២ % ខណៈអ្នកជំនាញរំពឹងថា អត្រាការប្រាក់អាចនឹងដំឡើងខ្ពស់នៅក្នុងខែធ្នូ

ព្រឹត្តិការណ៍, សេដ្ឋកិច្ច

• 20/11/2026

អតិផរណាស្នូលប្រចាំឆ្នាំរបស់ជប៉ុនបន្តកើនឡើងលើសពីគោលដៅ ២ ភាគរយរបស់ធនាគារកណ្តាលពីរខែជាប់ៗគ្នា ដែលជំរុញឱ្យមានការរំពឹងទុកកាន់តែខ្ពស់អំពីការដំឡើងអត្រាការប្រាក់ក្នុងពេលឆាប់ៗខាងមុខ

ក្រុមហ៊ុនបច្ចេកវិទ្យាអវកាសរបស់បារាំង Thales និងសាកលវិទ្យាល័យ ខេមតិច ចាប់ដៃគូស្វែងរកកិច្ចសហប្រតិបត្តិការលើការអប់រំ និងការស្រាវជ្រាវក្នុងវិស័យអវកាសនៅកម្ពុជា

ព្រឹត្តិការណ៍, អត្ថបទពាណិជ្ជកម្ម

• 20/11/2026

ភ្នំពេញ ៖ ក្រុមហ៊ុន «Thales» មកពីប្រទេសបារាំង និងសាកលវិទ្យាល័យ ខេមតិច (CamTech) បានចុះហត្ថលេខាលើអនុស្សរណៈនៃការយោគយល់គ្នា (MoU) នៅថ្ងៃទី ១៦ ខែវិច្ឆិកា ឆ្នាំ ២០២៦ ដើម្បីស្វែងរកកិច្ចសហប្រតិបត្តិការលើវិស័យអប់រំ និងការស្រាវជ្រាវផ្នែកអវកាស និងអាកាសចរណ៍។ កិច្ចព្រមព្រៀងនេះត្រូវបានចុះហត្ថលេខាដោយឧកញ៉ាវេជ្ជបណ្ឌិត ពុង

LOLC KHQR ផ្តល់ជូននូវភាពងាយស្រួល និងឱកាសឈ្នះរង្វាន់ទឹកប្រាក់ ១៦៨ ០០០ រៀល ដល់អាជីវករក្នុងឱកាសពិធីបុណ្យអុំទូកខាងមុខ!

ព្រឹត្តិការណ៍, អត្ថបទពាណិជ្ជកម្ម

• 20/11/2026

ពិធីបុណ្យអុំទូក បណ្តែតប្រទីប និងសំពះព្រះខែ អកអំបុក កាន់តែខិតជិតមកដល់ហើយ ដែលជាពេលវេលាដ៏មមាញឹកសម្រាប់អាជីវករនៅតាមតំបន់ដែលមានអ្នកធ្វើដំណើរច្រើន ជាពិសេសភោជនីយដ្ឋាន ឬអាហារដ្ឋានដែលលក់ម្ហូបអាហារ ហាងលក់ទំនិញ ឬសេវាកម្មនានា។ ជាមួយនឹងការកើនឡើងនៃចំនួនអតិថិជន អាជីវករក៏អាចប្រឈមនឹងបញ្ហាមួយចំនួនក្នុងការគ្រប់គ្រងការទូទាត់ ដូចជា ការទទួលសាច់ប្រាក់ ការរាប់ប្រាក់ ការរៀបចំប្រាក់អាប់ និងការកត់ត្រាប្រតិបត្តិការលក់ប្រចាំថ្ងៃ។ ដើម្បីជួយសម្រួលដល់បញ្ហាប្រឈមទាំងនេះ អិលអូអិលស៊ី សូមផ្តល់ជូននូវដំណោះស្រាយទូទាត់ឌីជីថលតាមរយៈ

១៨ខែ ខេត្ត​​ភាគឦសានទទួលបានគម្រោង​វិនិយោគចំនួន ៧៦គម្រោង​ បង្កើតឱកាស​ការងារ​បានជាង​ ៨,៣ម៉ឺនកន្លែង​

ព្រឹត្តិការណ៍, សេដ្ឋកិច្ច

• 20/11/2026

ក្នុងរយៈពេលត្រឹមតែ១៨ខែ ឬ១ឆ្នាំកន្លះ តំបន់ភូមិភាគឦសាន​បានទទួល​គម្រោង​វិនិយោគ៧៦គម្រោង​ជាមួយនឹងទុនវិនិយោគ ២,៦៥ពាន់​លានដុល្លារអាម៉េរិក​បង្កើតការងារបានជា​ង៨ម៉ឺននាក់​