សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
អ៊ីស្លាម៉ាបាដ ៖ ប៉ាគីស្ថាន កំពុងពិចារណាលើកិច្ចព្រមព្រៀងការពារជាតិជាមួយបង់ក្លាដែស ដែលក្នុងនោះរួមមានទាំងការលក់យន្តហោះចម្បាំង JF-17 Thunder ទៅឱ្យទីក្រុងដាកា ខណៈដែលទីក្រុងអ៊ីស្លាម៉ាបាដ កំពុងពង្រីកមហិច្ឆតានាំចេញសព្វាវុធ និងពង្រឹងទំនាក់ទំនងជាមួយបង់ក្លាដែស ។ ជាមួយគ្នានេះ មេបញ្ជាការកងទ័ពអាកាសប៉ាគីស្ថាន លោក Zaheer Ahmed Baber Sidhu និងសមភាគីបង់ក្លាដែស លោក Hasan Mahmood Khan បានពិភាក្សាលម្អិតអំពីការទិញយន្តហោះ JF-17 Thunder ដែលជាយន្តហោះចម្បាំងពហុមុខងារ បង្កើតឡើងរួមគ្នារវាងប៉ាគីស្ថាន និងចិន ។ នេះបើយោងតាមសារព័ត៌មាន The straits times ។
ក្រៅពីលក់យន្តហោះចម្បាំង ប៉ាគីស្ថាន ក៏បានធានាដល់បង់ក្លាដែស អំពីការចែកចាយឱ្យបានលឿននូវយន្តហោះ Super Mushshak សម្រាប់ហ្វឹកហ្វឺន រួមជាមួយការបណ្តុះបណ្តាលពេញលេញ និងផ្តល់ប្រព័ន្ធអេកូឡូស៊ីរយៈពេលវែងផងដែរ ។
សូមជម្រាបថា យន្តហោះចម្បាំង JF-17 បានក្លាយជាមូលដ្ឋានគ្រឹះនៃកម្មវិធីអភិវឌ្ឍន៍សព្វាវុធរបស់យោធាប៉ាគីស្ថាន ដោយមានកិច្ចព្រមព្រៀងជាមួយអាស៊ែបៃហ្សង់ និងកតិកាសញ្ញាអាវុធតម្លៃ ៤ ពាន់លានដុល្លារជាមួយកងទ័ពជាតិលីប៊ី ។ JF-17 ដែលជាយន្តហោះចម្បាំងជំនាន់ ៤.៥ មួយនេះ គឺជាយន្តហោះចម្បាំងមានមុខងារចមុ្រះ អាចវាយប្រហារទាំងនៅលើអាកាស និងនៅទីតាំងផ្ទាល់ដីក៏បាន ខណៈដែលវាត្រូវបានគេសង្កេតឃើញថា មានរូបរាង និងសមត្ថភាពប្រហាក់ប្រហែលទៅនឹងយន្តហោះចម្បាំងម៉ូដេល F-16 របស់អាមេរិក។ កន្លងមក វាត្រូវបានលក់ទៅឲ្យប្រទេសមួយចំនួនរួចមកហើយ ដូចជា មីយ៉ាន់ម៉ា, នេហ្ស៊ីរីយ៉ា និងអ៊ីរ៉ាក់ ។ ដោយឡែក សម្រាប់ប្រទេសប៉ាគីស្ថានវិញ បច្ចុប្បន្នគឺជាអតិថិជនដ៏សំខាន់មួយរបស់ចិន ពោលគឺបាននាំចូលអាវុធភាគច្រើនដល់ទៅ ៦០ភាគរយពីរដ្ឋាភិបាលទីក្រុងប៉េកាំង ហើយក្នុងនោះយន្តហោះចម្បាំងម៉ូដេល JF-17 នេះ មានរហូតទៅដល់ ១៦១គ្រឿង និងយន្តហោះចម្បាំង J-10C ប្រមាណជា ២០គ្រឿង គិតត្រឹមឆ្នាំ២០២៤ ។ ប្រភព ៖ The Straits Times ប្រែសម្រួល ៖ ឈឹម ទីណា
Account
Security
Favourite Content