តួកគីកំពុងមានជម្លោះពាណិជ្ជកម្មជាមួយនឹងអ៊ីស្រាអែល ទាក់ទងទៅនឹងសង្រ្គាមនៅតំបន់ហ្គាហ្សា

បរទេស​៖ យោងតាមប្រភពព័ត៌មានពីរ៉យទ័រ បានរាយការណ៍ថា រដ្ឋាភិបាលតួកគីបានដាក់ការរឹតបន្តឹងលើការនាំចេញផលិតផលចំនួន ៥៤ ប្រភេទទៅកាន់ប្រទេសអ៊ីស្រាអែល ដែលជាការឆ្លើយតបទៅនឹងសង្គ្រាមនៅតំបន់ហ្គាហ្សា។

ចាប់តាំងពីជម្លោះក្រុមហាម៉ាស និងអ៊ីស្រាអែលបានផ្ទុះឡើងនៅក្នុងខែតុលា ទីក្រុងអង់ការ៉ា គឺជាអ្នករិះគន់យ៉ាងខ្លាំងក្លាបំផុត។ ​ដោយឡែក ក្នុង​រយៈពេលប៉ុន្មាន​ថ្ងៃ​ថ្មីៗ​នេះ ការ​តវ៉ា​ត្រូវ​បាន​ធ្វើ​ឡើង​ក្នុង​ទីក្រុង​អ៊ីស្តង់ប៊ុលទាមទារ​ឲ្យ​មាន​ការ​ហាម​ឃាត់លើ​ពាណិជ្ជកម្មជាមួយនឹងអ៊ីស្រាអែល។ ទីក្រុងអង់ការ៉ាបានដាក់ការរឹតបន្តឹងលើពាណិជ្ជកម្ម​បន្ទាប់​ពី​រដ្ឋាភិបាល​អ៊ីស្រាអែល​បដិសេធ​មិន​អនុញ្ញាត​ឲ្យ​ជំនួយ​តួកគី​ទម្លាក់​ចូល​ក្នុង​តំបន់​ហ្គាហ្សា។

យោងតាមក្រសួងពាណិជ្ជកម្មតួកគី បានឲ្យដឹងថា មុខទំនិញនៅក្នុងបញ្ជីការហាមឃាត់ការនាំចេញ ដែលមានប្រសិទ្ធិភាពភ្លាមៗរួមមាន អាលុយមីញ៉ូម ទង់ដែង ដែក សម្ភារៈសំណង់ គ្រឿងម៉ាស៊ីន និងផលិតផលគីមីផ្សេងៗ។ មិនត្រឹមតែប៉ុណ្ណោះ តួកគីធ្លាប់បានឈប់បញ្ជូនអ៊ីស្រាអែលនូវទំនិញណាមួយដែលអាចប្រើប្រាស់សម្រាប់គោលបំណងយោធា។ ការរឹតបន្តឹងនឹងនៅតែបន្តមានរហូតទាល់តែអ៊ីស្រាអែលប្រកាសបទឈប់បាញ់នៅតំបន់ហ្គាហ្សា និងអនុញ្ញាតឱ្យមានលំហូរជំនួយមនុស្សធម៌គ្រប់គ្រាន់ចូលទៅក្នុងតំបន់នោះ។ ទន្ទឹមនឹងនេះ អ៊ីស្រាអែល​ត្រូវ​បាន​អង្គការ​សហ​ប្រជាជាតិ និង​ក្រុមអង្គការ​សិទ្ធិ​មនុស្ស​ចោទ​ប្រកាន់​ថា​បាន​រារាំង​ការ​ផ្តល់​ជំនួយ​ទៅ​តំបន់​ហ្គាហ្សា។

ជាការឆ្លើយតបទៅនឹងការរឹតបន្តឹង ក្រសួងការបរទេសអ៊ីស្រាអែលបានចោទប្រកាន់តួកគីវិញថា បានរំលោភបំពានលើកិច្ចព្រមព្រៀងពាណិជ្ជកម្មទ្វេភាគី។ កាលពីថ្ងៃអង្គារកន្លងទៅនេះ រដ្ឋមន្ត្រីការបរទេសអ៊ីស្រាអែល Katz បានគំរាមកំហែងទីក្រុងអង់ការ៉ាជាមួយនឹងវិធានការស្របគ្នានេះដែរ ដែលនឹងធ្វើឱ្យប៉ះពាល់សេដ្ឋកិច្ចតួកគីវិញ ដោយអ៊ីស្រាអែលនឹងរៀបចំបញ្ជីផលិតផលដែលខ្លួនមានបំណងបញ្ឈប់ការទិញពីតួកគី។ បន្ថែមពីនេះ រដ្ឋមន្ត្រីការបរទេសរូបនេះក៏បានអំពាវនាវឱ្យសហរដ្ឋអាមេរិកបញ្ឈប់ការវិនិយោគនៅក្នុងប្រទេសតួកគី និងដាក់ទណ្ឌកម្មលើទីក្រុងអង់ការ៉ា។

ជម្លោះ​ពាណិជ្ជកម្ម​នេះ​កើតឡើង​ក្រោយ​ជម្លោះ​ការទូត​រវាង​មេដឹកនាំ​ប្រទេស​ទាំងពីរ​ ដោយប្រធានាធិបតីតួកគី Recep Tayyip Erdogan បានប្រៀបធៀបនាយករដ្ឋមន្ត្រីអ៊ីស្រាអែល Benjamin Netanyahu ម្តងហើយម្តងទៀតទៅនឹង Adolf Hitler ហើយបានចោទប្រកាន់អ៊ីស្រាអែលថាបានប្រព្រឹត្តអំពើប្រល័យពូជសាសន៍ប្រឆាំងនឹងប៉ាឡេស្ទីន។ ជាមួយគ្នានេះដែរ អ៊ីស្រាអែលបានចោទប្រកាន់វិញថា ប្រធានាធិបតីតួកគីជាប់ចំណាត់ថ្នាក់ក្នុងចំណោមក្រុមប្រឆាំងពួកយូដាដ៏អាក្រក់បំផុតក្នុងប្រវត្តិសាស្ត្រ ដោយសារតែជំហររបស់គាត់លើជម្លោះ និងការគាំទ្រក្រុមហាម៉ាស។

គួរឲ្យបញ្ជាក់ដែរថា អ៊ីស្រាអែលបានប្រកាសសង្រ្គាមលើក្រុមហាម៉ាស់ក្នុងខែតុលា ដើម្បីឆ្លើយតបទៅនឹងការវាយឆ្មក់ដ៏សាហាវដែលធ្វើឡើងដោយក្រុមសកម្មប្រយុទ្ធមួយនេះ ដែលក្នុងនោះមនុស្សយ៉ាងហោចណាស់ ១ ២០០ នាក់ត្រូវបានសម្លាប់ និងជាង ២០០ នាក់ត្រូវបានចាប់ធ្វើជាចំណាប់ខ្មាំង។ លើសពីនេះ ការទម្លាក់គ្រាប់បែកសងសឹកនៅតំបន់ហ្គាហ្សា និងប្រតិបត្តិការលើដីគោកបានបណ្តាលឱ្យមនុស្សយ៉ាងហោចណាស់ ៣៣ ០០០ នាក់ស្លាប់៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ចិនត្រៀមខ្លួនជាស្រេច បន្តជួយគាំទ្រកម្ពុជាទាំងការអភិវឌ្ឍហេដ្ឋារចនាសម្ព័ន្ធរូបវន្ត និងធនធានមនុស្ស

ព្រឹត្តិការណ៍, សេដ្ឋកិច្ច

• 23/05/2024

កម្ពូជា-ចិន ឯកភាពគ្នាថា វិស័យហេដ្ឋារចនាសម្ព័ន្ធដឹកជញ្ជូន និងឡូជីស្ទិក គឺជាកម្លាំងចលករដ៏សំខាន់ដើម្បីជំរុញការអភិវឌ្ឍសេដ្ឋកិច្ច និងសង្គម

អ្នកជំនាញ ៖ ការមានលទ្ធភាពសុំកម្ចីពីធនាគារបាន គឺជារឿងល្អ

ព្រឹត្តិការណ៍, ហិរញ្ញវត្ថុ

• 23/05/2024

សម្រាប់អ្នកជំនាញ ការជាប់បំណុលទាំងអស់មិនប្រាកដថាអាក្រក់នោះទេ ផ្ទុយទៅវិញ វាគឺជារឿងល្អ ដែលបុគ្គលម្នាក់អាចមានលទ្ធភាពស្នើសុំកម្ចីពីធនាគារបាន...

រដ្ឋមន្ត្រីឧស្សាហកម្មណែនាំសហគ្រិនស្ត្រីរៀបចំអាជីវកម្មចូលក្នុងប្រព័ន្ធ ដើម្បីបង្កើនលទ្ធភាពទទួលបានទុន

ព្រឹត្តិការណ៍, សេដ្ឋកិច្ច

• 23/05/2024

រដ្ឋមន្ត្រីឧស្សាហកម្មបានណែនាំសហគ្រិនស្ត្រី រៀបចំអាជីវកម្មចូលក្នុងប្រព័ន្ធ ដើម្បីបង្កើនលទ្ធភាពទទួលបានទុន ហិរញ្ញវត្ថុ និងឱកាសអភិវឌ្ឍន៍ជំនាញ

Uglyfood គំនិតអាជីវកម្មថ្មីដើម្បីដោះស្រាយបញ្ហាកាកសំណល់អាហារ និងជំរុញនិរន្តរភាពប្រព័ន្ធផ្គត់ផ្គង់ម្ហូបអាហារ

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 23/05/2024

Uglyfood មិនត្រឹមតែព្យាយាមរកទីផ្សារដើម្បីលក់ផលិតផលបន្លែ ផ្លែឈើ ដែលខ្វះស្តង់ដារប៉ុណ្ណោះទេ ថែមទាំងបានប្រើប្រាស់បច្ចេកវិទ្យាដើម្បីធ្វើការច្នៃប្រតិដ្ឋទៀតផង

កម្ពុជា​កំពុង​ធ្វើការ​ផ្លាស់ប្តូរ​លើ​ក្របខ័ណ្ឌ​នៃ​ភាព​ធន់​នឹងការប្រែប្រួល​អាកាសធាតុ ​នៅ​ក្នុង​ឧស្សាហកម្ម​ស្រូវ​ អង្ករ​

ព្រឹត្តិការណ៍, សេដ្ឋកិច្ច

• 21/05/2024

តំណាងកម្ពុជាថ្លែងក្នុងកិច្ចពិភាក្សាអំពីការអភិវឌ្ឍវិស័យស្រូវអង្ករក្នុងកិច្ចប្រជុំ ADFIAP ​ថា កម្ពុជាកំពុងធ្វើការលើការផ្លាស់ប្តូរក្របខ័ណ្ឌនៃភាពធន់ទៅនឹងអាកាសធាតុក្នុងវិស័យស្រូវ

ជប៉ុន និងអាស៊ាន ត្រៀមចាប់ដៃគ្នាធ្វើការងារលើឧស្សាហកម្មផលិត និងលក់រថយន្តអគ្គិសនី

ព្រឹត្តិការណ៍

• 21/05/2024

សមាគមប្រជាជាតិអាស៊ីអាគ្នេយ៍អាស៊ាន(ASEAN) និងមហាយក្សឧស្សាហកម្មជប៉ុន អាចនឹងសហការគ្នាក្នុងវិស័យផលិត និងលក់រថយន្តអគ្គិសនីដើម្បីចូលរួមចំណែកជាយុទ្ធសាស្ត្រក្នុងការទប់ទល់ទៅនឹងការហូរចូល និងហក់ឡើងខ្លាំងពេកនៃតម្លៃរថយន្តអគ្គិសនីដែលផលិតនៅប្រទេសចិន។

Mountain Hazelnuts អនុវត្តអាជីវកម្មបរិយាបន្ន ដើម្បីបង្កើនកម្លាំងពលកម្មផ្នែកកសិកម្មនៅជនបទ

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 21/05/2024

បេសកកម្មរបស់ Mountain Hazelnuts គឺបង្កើតអាជីវកម្មដែលរកប្រាក់ចំណេញ និងផ្តល់ប្រាក់ចំណូលរយៈពេលវែងដល់សហគមន៍ជនបទដែលងាយរងគ្រោះ ព្រមទាំងជួយស្តារដីដែលខូចគុណភាពរបស់ប្រទេសជាតិផងដែរ

វិស័យ​សំណង់ និងអចលនទ្រព្យ រំពឹង​ថា​នឹង​បន្តមានកំណើនទាបក្នុងឆ្នាំ២០២៤​នេះ​

ព្រឹត្តិការណ៍, អចលនទ្រព្យ

• 21/05/2024

ទោះបីជា​ស្ថានភាព វិបត្តិកូវីដ​១​៩​បាន​បញ្ចប់ស្ទើរតែទាំងស្រុងទៅហើយក្ដី តែ​វិស័យ​សំណង់ និងអចលនទ្រព្យ​នៅតែបន្ត​មានកំណើតទាបដដែល​ក្នុងឆ្នាំនេះ

តម្លៃមាសបន្តឡើងថ្លៃជិតដល់ ២ ៥០០ ដុល្លារក្នុងមួយអោន

ព្រឹត្តិការណ៍, សេដ្ឋកិច្ច

• 21/05/2024

តម្លៃមាសបានឡើងថ្លៃដល់ ២ ៤៥០ ដុល្លារមួយអោន បន្ទាប់ពីព័ត៌មានរាយការណ៍ថា ប្រធានាធិបតីថ្មីរបស់អឺរ៉ុង់ Ebrahim Raisi បានស្លាប់នៅក្នុងហេតុការណ៍ធ្លាក់ឧទ្ធម្ភាគចក្រកាលពីថ្ងៃអាទិត្យ

កសិករកាន់តែទទួលបានជំនួយផ្នែកកសិកម្ម ក្រោមគម្រោងលើកកម្ពស់សន្តិសុខស្បៀង អាហារូបត្ថម្ភ និងជីវភាពដល់គ្រួសារក្រីក្រ

ជំនួញ, ព្រឹត្តិការណ៍

• 21/05/2024

កសិករក្នុងសហគមន៍នៅកំពតកំពុងទទួលបានផលប្រយោជន៍ទាំងផ្នែកអាហារូបត្ថម្ភ និងជីវភាព ក្រោមគម្រោងលើកកម្ពស់សន្តិសុខស្បៀង អាហារូបត្ថម្ភ និងជីវភាព