សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ មគ្គុទេសក៍ទេសចរណ៍ថ្វីត្បិតត្រឹមតែជាផ្នែកមួយនៃវិស័យទេសចរណ៍ ប៉ុន្តែផ្នែកនេះបានដើរតួយ៉ាងសំខាន់ក្នុងការផ្សព្វផ្សាយ និងបង្ហាញពីអត្តសញ្ញាណ វប្បធម៌ អរិយធម៌របស់កម្ពុជាដែលរួមមានទាំងប្រវត្តិសាស្ត្រ ភូមិសាស្ត្រ និងចរិកលក្ខណៈដ៏រួសរាយរបស់ប្រជាជនកម្ពុជាប្រាប់ទៅកាន់ពិភពលោកតាមរយៈប្រតិបត្តិករនៃវិស័យនេះ។
ជាភាពគាប់ជួន ដោយសារតែបញ្ហានៃវិបត្តិសកលកូវីដ-១៩បានផ្ទុះឡើង បានធ្វើឱ្យវិស័យមួយនេះទទួលរងនូវផលប៉ះពាល់យ៉ាងធ្ងន់ធ្ងរបើទោះជាមានការជួយជ្រោមជ្រែង និងយកចិត្តទុកដាក់ពីសំណាក់រាជរដ្ឋាភិបាលតាមរយៈការផ្តល់នូវប្រាក់ឧបត្ថម្ភដោយ ហើយរហូតមកដល់ឆ្នាំ២០២២នេះ បើទោះជាកម្ពុជាបានបើកទូលាយសម្រាប់ភ្ញៀវទេសចរជាតិ និងអន្តរជាតិទៅហើយក្ដី ក៏ចំនួននៃភ្ញៀវស្ថិតក្នុងកម្រិតមួយស្ដួចស្ដើងនៅឡើយ។
ដោយផ្អែកលើស្ថានភាពទាំងនេះ លោក ខៀវ ធី ប្រធានសមាគមន៍មគ្គុទេសក៍ទេសចរណ៍អង្គរ បានស្នើសុំរដ្ឋាភិបាលក្នុងការបន្តផ្តល់ប្រាក់ជំនួយឧបត្តម្ភជាទៅដល់អ្នកដែលបម្រើការក្នុងវិស័យនេះ ក៏ដូចជាអាជីវកម្មមួយចំនួនក្នុងវិស័យទេសចរណ៍ និងសុំបន្តមិនយកថ្លៃដូរអាជ្ញាប័ណ្ណ។ ក្នុងនោះ ក៏មានផងដែរនូវនីតិវិធីផ្តល់បណ្ណក្រីក្រ រឺបណ្ណប.ស.ស ដើម្បីអាចយកទៅប្រើប្រាស់លើសេវាសុខភាពសាធារណៈ។
ឆ្លើយតបនឹងស្ថានភាពនេះ លោកបណ្ឌិត ធួន ស៊ីណាន ប្រធានសមាគមន៍ទេសចរណ៍អាស៊ីប៉ាស៊ីហ្វិក (PATA) បានលើកឡើងក្នុងន័យថា កាលពីពេលកន្លងមក ក៏ដូចជាពេលបច្ចុប្បន្ន រាជរដ្ឋាភិបាលមានការយកចិត្តទុកដាក់ជួយជ្រោមជ្រែងវិស័យនេះរួចមកហើយ ក៏ប៉ុន្តែទន្ទឹមនឹងជំនួយនេះ មគ្គុទេសក៍ទេសចរណ៍ខ្លួនឯងក៏គួរអភិវឌ្ឍន៍សមត្ថភាព និងលទ្ធភាពរបស់ខ្លួន ជាពិសេសសម្របខ្លួនទៅនឹងសម័យកាលនេះ។
លោកបណ្ឌិតបន្តទៀតថា៖
“ក្រុមមគ្គទេសក៍ខ្លួនឯងគាត់ត្រូវចេះអភិវឌ្ឍន៍ខ្លួនឯង ទៅកាន់ចំណុចមួយទៀត មិនអាចអង្គុយរង់ចាំតែភ្ញៀវបរទេសត្រឡប់មកវិញនោះទេ! ត្រូវតែធ្វើអ្វីម៉្យាងដើម្បីអាចបន្តជីវភាពបានក្នុងសម័យកូវីដ និងរៀនរស់នៅក្នុងប្រក្រតីភាពថ្មី”
លោកបានបញ្ជាក់ថា ជាឧទាហរណ៍ ដូចជានៅតាមបណ្ដាប្រទេសមួយចំនួន គេលែងសូវនិយមជួលមគ្គុទេសក៍ទេសចរណ៍ទៀតហើយ គេអាចជ្រើសរើសប្រើវិធីផ្សេងដែលចំណេញជាងនេះ តួយ៉ាងដូចជា ការចាក់សំឡេងដែលបានថតទុកឱ្យភ្ញៀវស្ដាប់ជាដើម។ នេះបើតាមការលើកឡើងរបស់ប្រធានសមាគមន៍អាស៊ីប៉ាស៊ីហ្វិកដដែល។
ក្រៅពីជំនួយជាប្រាក់ឧបត្ថមដែលត្រូវបានអនុវត្តចាប់តាំងពីជំងឺកូវីដរាតត្បាតមក ក៏មានផងដែរនូវការជួយបង្វែរទីផ្សារពីអន្តរជាតិ មកក្នុងស្រុកវិញ តាមរយៈការបង្កើតជាកញ្ចប់ដំណើរកំសាន្ដដែលមានបូកបញ្ចូលសេវាកម្មមគ្គុទេសក៍ទេសចរណ៍ផងដែរ។ ប៉ុន្តែ វាហាក់បីដូចជាជំហានមួយយឺតយ៉ាវបន្តិចក្នុងការបណ្ដុះទម្លាប់ប្រជាជនក្នុងស្រុកឱ្យងាកមកប្រើប្រាស់សេវាកម្មមគ្គុទេសក៍។ នេះបើតាមការលើកឡើងរបស់លោកជំទាវ ឆាយ ស៊ីវលីន ប្រធានសមាគមន៍ទីភ្នាក់ងារទេសចរណ៍កម្ពុជា (CATA) កាលពីពេលកន្លងទៅថ្មីៗនេះ ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
អាជីវកម្មសង្គម Okra ផ្ដល់អគ្គិសនីដល់ប្រជាជននៅតំបន់ដាច់ស្រយាល និងលើកស្ទួយថាមពលស្អាត
ជំនួញ, ធុរកិច្ចបរិយាបន្ន, ព្រឹត្តិការណ៍
• 23/04/2024
ក្រុមហ៊ុន Okra បានកំណត់យកប្រជាជននៅតាមតំបន់ដាច់ស្រយាលជាប្រជាជនគោលដៅ ក្នុងការជួយសម្រាលការចំណាយថ្លៃអគ្គិសនីរបស់ពួកគេ។
Olam Agri ជំរុញការបណ្តុះបណ្តាលកសិករលើផលិតកម្មស្រូវ ដើម្បីជួយពួកគេបង្កើនប្រាក់ចំណូល
ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត
• 23/04/2024
Olam ផ្តល់កម្មវិធីបណ្តុះបណ្តាលដ៏ទូលំទូលាយសម្រាប់ដល់កសិករជាដៃគូដែលផ្តោតទៅលើលក្ខខណ្ឌ និងគោលដៅរបស់កសិករជាមូលដ្ឋាន ដើម្បីលើកកម្ពស់ជីវភាពរបស់ពួកគេ។
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
កម្ពុជា – ចិន ឯកភាពគ្នាជំរុញវិស័យទេសចរណ៍ និងបង្កើនជើងហោះហើរត្រង់
សិង្ហបុរី អាចរកចំណូលបានពី ២៦០ ទៅ ៣៧៥ លានដុល្លារ ពីការធ្វីម្ចាស់ផ្ទះសម្រាប់ការប្រគំតន្ត្រីរបស់តារាចម្រៀង Taylor Swift
Account
Security
Favourite Content