ច្បាស់​ហើយ! ផ្សារទំនើប AEON 3​ ​នឹង​បើក​ដំណើរការ​នៅពាក់កណ្ដាលខែក្រោយ

ភ្នំពេញ ៖ ទីបំផុ​ត​ផ្សារទំនើប AEON 3​ ត្រូវបានបង្ហើបពីកាលបរិច្ឆេទ​បើក​ដំណើរការក្នុង​ដំណាក់​កាល​ដំបូង​ហើយ ( Soft Opening ) ពោលគឺនៅត្រឹមថ្ងៃទី​១៥ ខែធ្នូ ឆ្នាំ២០២២​នេះ។ នេះបើតាមការបញ្ជាក់​ពី​ក្រុមហ៊ុនជួលទីតាំង​ផ្សា​រ​ទំនើប AEON 3​ ​បាន​ប្រាប់​ ។

ម្ចាស់​អាជីវកម្ម​ដែលជួល​ទីតាំ​ងផ្សារទំនើប AEON 3​  បាន​ឱ្យដឹងថា ក្រុមហ៊ុន​ផ្សារទំនើប AEON 3​ ​បានត្រៀមខ្លួនរួចរាល់ក្នុងការចាប់ដំណើរការនៅត្រឹមពាក់កណ្តាលខែធ្នូខាងមុខនេះ ខណៈដែលក្រុមហ៊ុនលក់ផលិតផលនានា ក៏ដូចជាអាជីវករជួលទីតាំងលក់រាយក៏បានរៀបចំតុបតែងស្តង់របស់ខ្លួនស្ទើរតែ១០០ភាគរយរួចទៅហើយនោះ។

អ្នកជំនាញ​នៃ​វិស័យ​អចលនទ្រព្យ​កម្ពុជាបានឱ្យដឹងថា តំបន់​ប៉ែក​ខាង​ត្បូង​ភ្នំពេញ​នឹងមានការ​ផ្គត់ផ្គង់​ទីតាំង​ផ្សារទំនើបកាន់តែច្រើន​នៅចុងឆ្នាំ២០២២ ​និងដើមឆ្នាំ២០២៣​ខាងមុខ​ ដោយក្នុងនោះ​មានទាំង​គ​ម្រោងផ្សារទំនើបលំដាប់អន្តរជាតិ ក៏ដូចជាគម្រោងផ្សារទំនើបបែបសហគមន៍ផងដែរ។

អ្នក​នាង​ជិន ច័ន្ទដាលុច្ស​ ប្រធាន​ផ្នែក​វាយតម្លៃនៃក្រុមហ៊ុន​ CBRE Cambodia បានមានប្រសាសន៍ថា ក្នុង​ពេលបច្ចុប្បន្ននេះ ការផ្គត់ផ្គង់​ទីតាំង​ផ្សារទំនើប​​នៅ​តំបន់​ប៉ែក​ខាងត្បូង​អាច​នឹងលើសតម្រូវការ​ក្រោយ​ពេល​ផ្សារទំនើប​ធំៗពីរទៀត​បើក​ដំណើរការ ប៉ុន្តែ​ទោះជាយ៉ាងណាក្ដី​ ផ្សារទំនើបទាំង​នេះ​នឹងធ្វើឱ្យមនុស្ស​ទៅរស់​នៅ​កាន់តែច្រើន​បន្ថែមទៀត ក៏ដូចជា​ការ​វិនិយោគ​លំនៅឋាន​កម្រិតមធ្យម និងកម្រិតខ្ពស់បន្ថែម​ទៀត។

អ្នកស្រី​ អាន សុធីតា នាយិកាប្រតិបត្តិ​ក្រុមហ៊ុន​ PropNex Cambodia បានឱ្យដឹងថា ​​វត្តមានផ្សារទំនើបធំៗ​​ ដូចជា AEON 3​ និង​ជីបម៉ុង​មេហ្គាម៉ល​ផ្លូវ​២៧១​នឹងធ្វើឱ្យ​ផ្សារទំនើប​តូចៗ នៅតំបន់នោះជួបបញ្ហា​ប្រឈម​ បើសិនជា​ផ្សារទំនើបតូច​ៗទាំង​នោះមិនមានកា​រផ្លាស់​ប្តូរ ឬកែប្រែ។​

អ្នកស្រីបន្តថា​ ថ្វីតត្បិតតែផ្សារទំនើប​ធំៗទាំងពីរនេះបើក​ដំណើរការ​ក្នុងឆ្នាំ២០២២​នេះដូចគ្នា​ ប៉ុន្តែវាមិនមែន​ជា​បញ្ហា​សម្រាប់​ម្ចាស់​ផ្សារទំាងពី​រនេះទេ ពីព្រោះថា​ម្ចាស់​ផ្សារទំនើប​ទាំងពីរនេះ​សុទ្ធតែអ្នក​មានបទពិសោធន៍​ក្នុង​វិស័យផ្សារ​ទំនើប ដូច្នេះវាមិនមែនជាឧបស័គ្គសម្រាប់ពួកគេឡើយ។

គួរបញ្ជាក់ដែរថា ផ្សារទំនើប AEON 3​ ដែលជាមជ្ឈមណ្ឌលផ្សារទំនើបលក់ទំនិញចំរុះ មានទីតាំងលក់ទំហំសរុប ១៧០,០០០ម៉ែត្រការ៉េ ដែលជាផ្សារធំជាងគេបង្អស់ក្នុងចំណោមផ្សារទំនើប AEON ទាំង ៣ នៅកម្ពុជា។ គម្រោងផ្សារនេះ មានកន្លែងចតរថយន្តនៅខាងក្រៅធំទូលាយ។ គម្រោងនេះនឹងចំណាយពេលសាងសង់ចំនួន ២៤ ខែ បន្ទាប់ពីចាប់ផ្តើមបុកគ្រឹះ ដោយគ្រោងដាក់សម្ពោធបើកដំណើរការផ្លូវការនៅត្រឹមឆ្នាំ២០២៣។

សូមបញ្ជាក់ថា បច្ចុប្បន្នេះ តំបន់ស្ថិតនៅតាមបណ្តោយមហាវិថីសម្តេចតេជោ ឬហៅថា ផ្លូវ ៦០ ម៉ែត្រ កំពុងក្លាយជាតំបន់មានសក្តានុពលខ្ពស់ដែលបានស្រូបទាញការវិនិយោគធំៗពីសំណាក់អ្នកវិនិយោគិនក្នុងស្រុក និងបរទេស។ ដូច្នេះហើយអ្នកជំនាញមើលឃើញថាតំបន់នេះ នឹងក្លាយជាមជ្ឈមណ្ឌលពាណិជ្ជកម្ម និងលំនៅដ្ឋានដ៏រស់រវើកមួយនារយៈពេល ៣ ឆ្នាំខាងមុខ ដោយបច្ចុប្បន្នតំបន់នេះមានផ្សារទំនើបលំដាប់អន្តរជាតិជាច្រើន រួមទាំងសំណង់លំនៅឋានប្រណីតៗ អគារពាណិជ្ជកម្ម ផ្សារទំនើប សូនកម្សាន្ត ក៏សាលាខ្នាតអន្តរជាតិ កំពុងដំណើរការសាងសង់ជាបន្តបន្ទាប់៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ទោះបីជាខ្លាំងទាំងការអភិវឌ្ឍ ខ្លាំងទាំងសេដ្ឋកិច្ច-នយោបាយ តែអាមេរិកមិនមើលរំលងទីផ្សារចិញ្ចឹមគោយកសាច់ឡើយ

ព្រឹត្តិការណ៍, សេដ្ឋកិច្ច

• 28/03/2024

ការចិញ្ចឹមសត្វគោនិងឧស្សាហកម្មផលិតសាច់គោប៉ុណ្ណោះសហរដ្ឋអាមេរិកអាចទាញរកចំណូលបានទៅដល់រាប់ពាន់លានដុល្លារជារៀងរាល់ឆ្នាំនិងថែមទាំងមានឈ្មោះជា អ្នកផលិតសាច់គោច្រើនជាងគេបំផុតរបស់ពិភពលោក

World Bank ៖ កម្ពុជាអាចសម្រេចគោលដៅដ៏មានមហិច្ឆតារបស់ខ្លួនក្នុងការបង្កើនចំនួន​យានយន្ត​​អគ្គិសនីនៅលើដងផ្លូវ

ព្រឹត្តិការណ៍, សេដ្ឋកិច្ច

• 28/03/2024

World Bank បានឱ្យដឹងថា ប្រទេសកម្ពុជាអាចសម្រេចគោលដៅដ៏មានមហិច្ឆតារបស់ខ្លួន ក្នុងការបង្កើនចំនួនយានយន្តអគ្គិសនីនៅលើដងផ្លូវ

យុវជនសម័យថ្មីមានទំនោរគាំទ្រអាជីវកម្មបែបទំនើប

ព្រឹត្តិការណ៍, សេដ្ឋកិច្ច

• 28/03/2024

ជាការពិត ការហូរចូលមកនូវប្រព័ន្ធឌីជីថល បានធ្វើឱ្យមានការប្រែប្រួលយ៉ាងខ្លាំងនៅក្នុងស្ថានភាពរស់នៅប្រចាំថ្ងៃរបស់ប្រជាជនកម្ពុជាដែលកាន់តែមានភាពទំនើបកម្មជាងមុន ជាពិសេសបណ្តាមិត្តយុវវ័យកាន់តែមានទំនោរគាំទ្រទៅលើអ្វីដែលថ្មី ប្លែក និងទំនើប...

ពិព័រណ៍ទេសចរណ៍ និងពាណិជ្ជកម្មឆ្នាំ២០២៤ នៅក្រុងព្រះសីហនុ ជំរុញការវិនិយោគ និងបង្កើតផលិតផលទេសចរណ៍ថ្មីៗ

ព្រឹត្តិការណ៍, សេដ្ឋកិច្ច

• 28/03/2024

«ទេសចរណ៍ផ្តល់ឱកាសសម្រាប់ទាំងអស់គ្នា» ជាប្រធានបទនៅក្នុងព្រឹត្តិការណ៍តាំងពិព័រណ៍ទេសចរណ៍ និងពាណិជ្ជកម្មឆ្នាំ២០២៤ ដែលធ្វើឡើងនៅក្រុងព្រះសីហនុ ចាប់ពីថ្ងៃទី២៦-៣០ ខែមីនា ឆ្នាំ២០២៤

ទិវាជាតិវិទ្យាសាស្ត្រ បច្ចេកវិទ្យា និងនវានុវត្តន៍លើកទី២ បិទបញ្ចប់ជាមួយនឹងក្តីសង្ឃឹមសម្រាប់អនាគតផ្នែកវិទ្យាសាស្ត្ររបស់កម្ពុជា

ព្រឹត្តិការណ៍, សេដ្ឋកិច្ច

• 27/03/2024

ទិវាជាតិវិទ្យាសាស្ត្រ បច្ចេកវិទ្យា នវានុវត្តន៍លើកទី២ បានបញ្ចប់ទៅយ៉ាងជោគជ័យ ជាមួយនឹងការអបអរសាទរយ៉ាងក្លៀវក្លានៃកិច្ចសហប្រតិបត្តិការភាពច្នៃប្រតិដ្ឋ

សហគ្រាសឧស្សាហកម្មធំៗចំនួន១៧ របស់ប្រទេសចិន បានបង្ហាញពីចំណាប់អារម្មណ៍ និងបំណងពង្រីកការវិនិយោគ

ព្រឹត្តិការណ៍, សេដ្ឋកិច្ច

• 27/03/2024

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី ជួបលោក Shen Mingrong ប្រធានក្រុមហ៊ុន Zhenjiang Zhoung និងប្រតិភូសហគ្រាសឧស្សាហកម្មធំៗ១៧ របស់ចិន

វេទិកា Maekyung Cambodia ទាក់ទាញការវិនិយោគ ពាណិជ្ជកម្ម និងធុរកិច្ច

ព្រឹត្តិការណ៍, សេដ្ឋកិច្ច

• 27/03/2024

កម្ពុជា ធ្វើជាម្ចាស់ផ្ទះរៀបចំវេទិកា Maekyung កម្ពុជា ក្រោមមូលបទ "ព្រះរាជាណាចក្រពោរពេញដោយកាលានុវត្តភាព កិច្ចសហប្រតិបត្តិការជាយុទ្ធសាស្រ្តដើម្បីរុញច្រានកំណើនសម្រាប់អនាគត"

ដំណឹងល្អ ! ជនមានពិការភាពជាម្ចាស់អាជីវកម្មខ្នាតមីក្រូ តូច និងមធ្យម នឹងទទួលបានការលើកកម្ពស់ការបង្កើតផលិតផល និងកម្មសិទ្ធិបញ្ញា

ព្រឹត្តិការណ៍, សេដ្ឋកិច្ច

• 27/03/2024

ជនមានពិការភាពដែលជាម្ចាស់អាជីវកម្ម មីក្រូ តូច និង មធ្យម នឹងទទួលបានការលើកកម្ពស់ក្នុងការបង្កើតផលិតផល សេវាកម្មថ្មីៗ និងរក្សាកម្មសិទ្ធិបញ្ញា

ការជិះរទេះគោនៅប្រដាក គឺជាផលិតផលថ្មីនៃសេវាកម្មទេសចរណ៍កំពុងទាក់ទាញទេសចរបរទេស

ព្រឹត្តិការណ៍, សេដ្ឋកិច្ច

• 27/03/2024

ការជិះរទេះគោ មើលភូមិអ្នកស្រុក និងជីវភាពរស់នៅប្រចាំថ្ងៃរបស់ប្រជាជននៅភូមិប្រដាក បានក្លាយជាគោលដៅទេសចរណ៍យ៉ាងសំខាន់របស់ទេសចរបរទេស

ហេតុការណ៍កប៉ាល់បុកស្ពាននៅទីក្រុង Baltimore នៃរដ្ឋ Maryland បានធ្វើឱ្យមនុស្ស៦នាក់បាត់បង់ជីវិត

ព្រឹត្តិការណ៍, សេដ្ឋកិច្ច

• 27/03/2024

កាលពីថ្ងៃទី ២៦ ខែមីនា រថយន្តជាច្រើនគ្រឿងដែលកំពុងឆ្លងកាត់ស្ពានដែលមានប្រវែងជាង ២,៦ គីឡូម៉ែត្របានធ្លាក់ចូលទឹកបន្ទាប់ពីកប៉ាល់ដឹកកុងតឺន័របានបុកសសរស្ពាន Francis Scott Key