មុខ​របរ​ចិញ្ចឹម​ឃ្មុំបែប​ធម្មជាតិ​កំពុង​ពេញ​និយម ខណៈការទទួលផលអាចផ្គត់ផ្គង់តម្រូវការទីផ្សារ

ភ្នំពេញ ៖ មុខ​របរ​ចិញ្ចឹម​ឃ្មុំក្នុង​ប្រអប់ ឬ​កេះ តាម​បែប​ធម្មជាតិ ​កំពុងតែ​ពេញ​និយមក្រោយពីមុខរបរស្វែងរក​ឃ្មុំ​ព្រៃជា​លក្ខណៈ​ប្រពៃណី​​កាន់តែខ្សត់ទៅៗ មិនអាចផ្គត់ផ្គង់តម្រូវការទីផ្សារបានគ្រប់គ្រាន់។ ជាមួយនឹងមុខរបរចិញ្ចឹមឃ្មុំតាមបែបធម្មជាតិនេះ ដើម្បីអាចរក្សានូវតម្លៃ ក៏ដូចជាទំហំទីផ្សារ បណ្តាអ្នកចិញ្ចឹមឃ្មុំភាគច្រើនបាននាំគ្នាចងក្រងបង្កើតជាសហគមន៍​ចិញ្ចឹម​ឃ្មុំ​យក​ទឹកឃ្មុំ​លក់ ដោយអ្នកដែលមានបទពិសោធន៍ច្រើនជួយណែនាំ​អ្នកដែលមានមានបទពិសោធន៍តិច ធ្វើយ៉ាងណាអាចចិញ្ចឹម និងទទួលបានទិន្នផលល្អទាំងអស់គ្នាក្នុងនាមជា​លក្ខណៈ​គ្រួសារអ្នកចិញ្ចឹមសត្វឃ្មុំ។ ​

សូមបញ្ជាក់ថា ការ​ចិញ្ចឹម​ឃ្មុំ ខុស​ពី​ការ​ចិញ្ចឹម​សត្វ​ផ្សេងៗ គឺ​ខុស​ទាំង​ការរៀបចំ​កន្លែង​ឱ្យ​វា​រស់នៅ ការ​ជ្រើស​ទីតាំង​ចិញ្ចឹម ហើយ​សត្វប្រភេទនេះក៏​មិន​សូវត្រូវការ​ចំណី​ណាក្រៅតែពី​លម្អងផ្កា ​ផ្កាឈើ​ព្រៃ ឬផ្កា​ដំណាំ​ធម្មជាតិ​នោះ​ឡើយ​ ហើយខត្តដែលមាន​ការ​ចិញ្ចឹម​ឃ្មុំ ភាគច្រើន​មាននៅ​ខេត្ត​សៀមរាប កំពង់ចាម ខេត្ត​ត្បូងឃ្មុំ ប៉ៃលិន និង​ខេត្ត​បាត់ដំបង ជាដើម ដែល​ជា​តំបន់​សម្បូណ៍​ចម្ការ​ផ្លែឈើ។

អ្នកស្រី សុជាតិ ​ ជាសហស្ថាបនិកកសិដ្ឋានចិញ្ចឹមឃ្មុំធម្មជាតិ «បារាយណ៍ហាន់នី» បានប្រាប់ឱ្យដឹងថា ការ​រៀន​ចិញ្ចឹម​ឃ្មុំ​មិន​ចំណាយ​ពេល​យូរ​ឡើយ​ ប៉ុន្តែ​គួរតែរៀនពីបច្ចេកទេសចិញ្ចឹម ថែទាំពីអ្នកដែលមានជំនាញច្បាស់លាស់ត្រឹមត្រូវ។ ជាក់ស្ដែងដូចជាសហស្ថាបនិកកសិដ្ឋានចិញ្ចឹមឃ្មុំធម្មជាតិ «បារាយណ៍ហាន់នី» គឺបានរៀនពីអ្នកដែលមានបទពិសោធលើការចិញ្ចឹមឃ្មុំ ដែលបានបញ្ចប់ការនៅវិទ្យាស្ថានកសិកម្មព្រែកលាប។

អ្នកស្រីបន្តឱ្យដឹងថា មុនពេលមានដំណើរការដូចបច្ចុប្បន្ន កាលពីដំបូងក្រុមរបស់អ្នកស្រីបានសាកល្បងចិញ្ចឹមរយៈពេលជិត១ឆ្នាំ ទើបអាចឈានដល់ការចិញ្ចឹមអាជីវកម្មពេញលេញបាន ដោយមាន​អ្នកបច្ចេកទេសម្នាក់ឈឈ្មោះជា​បង្គោល​ គឺលោក ហេង ប៊ុនណាល់ ​ក្នុងការ​ជួយ​ផ្ដល់​គំនិត​ក្នុងការ​ចិញ្ចឹម ហើយក៏បន្តភាពរីកចម្រើនរហូតពង្រីកទ្រង់ទ្រាយចិញ្ចឹមលក្ខណៈជាកសិដ្ឋានដូចពេលបច្ចុប្បន្ន។

បច្ចុប្បន្ននេះ កសិដ្ឋានចិញ្ចឹមឃ្មុំ «បារាយន៍ហាន់នី» មានទីតាំង​នៅឃុំកោះសំរោង ​ស្រុក​កំពង់សៀម ខេត្តកំពង់ចាម ដោយផ្តើមចេញពី​ការចិញ្ចឹមលើកដំបូងត្រឹមតែ ២-៣ធុងតែប៉ុណ្ណោះ ហើយសព្វថ្ងៃនេះបានពង្រីករហូតដល់ជាង១០០ធុង ហើយក្នុងមួយធុងមានចាប់ពី ៨-១០ បង្គង ប៉ុន្តែអាចទទួលបានទឹកឃ្មុំត្រឹមប្រមាណ៨បង្គងប៉ុណ្ណោះ។

អ្នក​ស្រីបានប្រាប់ឱ្យដឹងទៀតថា ការ​ចិញ្ចឹម​ឃ្មុំមាន​ច្រើន​ដំណាក់កាល ប៉ុន្តែ​ជា​ដំបូង​កសិករ​ត្រូវ​ជ្រើ​សរើស​ទី​តាំង​ដែល​ល្អ ដូចជា​កន្លែង​សម្បូរព្រៃឈើ សម្បូរផ្កា ឬ​ចម្ការ​ឈើ​ហូប​ផ្លែ​ជាដើម ហើយ​តំបន់​នោះមិន​មាន​ការ​ប្រើប្រាស់​ថ្នាំពុល​កសិកម្ម ឬ​ការប្រើប្រាស់​សារ​ធាតុគីមី​ផ្សេងៗ ទើបការ​ចិញ្ចឹម​ឃ្មុំអាច​ផលិត​ទឹក​បាន​ច្រើន​។ ចំពោះ​ទីតាំងការដាក់កេះ ឬធុងចិញ្ចឹមឃ្មុំ ត្រូវដាក់នៅឱ្យឆ្ងាយពីកន្លែងដែលមានមនុស្សអ៊ូអរច្រើន ឬក្បែរផ្លូវធ្វើដំណើរ និងមិនឱ្យកៀកគ្នាពេកទេ ជៀសវាងការដាក់ធុងទល់មុខគ្នា។ បើទីតាំងចិញ្ចឹមឃ្មុំល្អ គឺត្រូវមានប្រភពផ្កា៣ដងក្នុងមួយឆ្នាំ មានប្រភពទឹក ឬមានសំណើមគ្រប់គ្រាន់ មានម្លប់ តែក៏ត្រូវមានពន្លឺគ្រប់គ្រានដែរ។

ម្ចាស់កសិដ្ឋានចិញ្ចឹមឃ្មុំ «បារាយណ៍ហាន់នី» ​បានឱ្យដឹង​ថា ការងារ​ដំបូង គឺ​ការ​ធ្វើ​ប្រអប់ ឬ​កេះ​បង្គង ឬ​ហៅថា​ការសាងសង់​ទីជម្រក​ដើម្បី​ឱ្យ​ឃ្មុំ​ប្រមែ​ល​ប្រមូល​គ្នា​វា​ដែលរស់នៅ រាយប៉ាយ​តាម​កន្លែង​ផ្សេងៗឱ្យ​ចូល​មក​ស្នាក់នៅ​បង្កើត​កូនចៅ​លើ​បង្គង ​ដែលបាន​រៀបចំ​ក្នុង​ប្រអប់​តាម​លក្ខណៈ​បច្ចេកទេស​ត្រឹមត្រូវ​។​ លក្ខណៈ​បច្ចេក​ទេស​នៃ​ការ​ធ្វើ​កេះ ឬ​ធុង​ចិញ្ចឹម​ បច្ចុប្បន្ន​កសិករអាច​សិក្សា​ធ្វើ​ដោយ​ខ្លួនឯង​បាន​ដោយ​មិន​ចំ​បាច់​ទិញ​ពី​ក្រៅប្រទេស​ដូច​ពេល​មុនៗ​នោះ​ឡើយ​។​

អ្នកស្រី ​បន្ត​ថា ទឹកឃ្មុំ​ដែលកសិដ្ឋាន​ផលិត​បានជា​ទឹកឃ្មុំ​សុទ្ធ​ល្អ​ដូច​ទឹកឃ្មុំ​ធម្មជាតិ​ដែរ និង​មាន​តម្រូវការ​ខ្ពស់​នៅ​លើ​ទីផ្សារ​។ នៅ​រដូវប្រាំង​សំបូរ​ផ្កាឈើ ការប្រមូល​ផល​ទឹកឃ្មុំ​ត្រូវធ្វើ​រយៈពេល​ពី ១៥​ថ្ងៃ ទៅ​១​ខែម្ដង។ ពិសេសជាងនេះទៅទៀត ក៏មានប្រភេទទឹកឃ្មុំដែលផលិតពីលម្អងផ្កាគរ និងលម្អងផ្កាឈើហូបផ្លែផ្សេងៗទៀតផងដែរ ហើយបើគាប់ជួនក្នុងរដូវ​សំបូរ​ផ្កាឈើ មេ​ឃ្មុំ​កើតកូនបាន​ល្អ​ គឺ​ចិញ្ចឹម​ឃ្មុំ​មួយធុងអាចប្រមូល​ផល​ម្ដង​បាន​ទឹកឃ្មុំ​ចាប់ពី ៣ ​ទៅ ៥​លីត្រ។

សូមបញ្ជាក់ថា នៅកម្ពុជាមាន «​ទឹកឃ្មុំ​ព្រៃ​មណ្ឌលគិរី​» ត្រូវបាន​សម្ពោធ​ដាក់ឱ្យ​ប្រើប្រាស់​ជា​ផ្លូវការ​ និងជាម៉ាក​សម្គាល់​ភូមិសាស្ត្រ​ទំនិញ​ (GI) ក្នុង​គោលដៅ​ផ្តល់​កិច្ចការពារ​កម្មសិទ្ធិបញ្ញា លើកកម្ពស់​គុណភាព​សម្បក​វេចខ្ចប់ និង​កេរ្តិ៍ឈ្មោះ ព្រមទាំង​បង្កើន​ចង្វាក់​តម្លៃ បង្កើត​ការងារ និង​លើកកម្ពស់​ជីវភាព​ប្រជាជន​ រួមចំណែក​ថែរក្សាព្រៃឈើ ដោយ​ធ្វើយ៉ាងណា​ឱ្យ​ការយក​ទឹកឃ្មុំព្រៃ​ប្រកប​ដោយ​និរន្តរភាព​៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»

ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

ព្រឹត្តិការណ៍, សេដ្ឋកិច្ច

• 19/06/2024

នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

អ្នកជំនាញប្រាប់ពីរបៀបប្រើប្រាស់កម្ចី ដើម្បីឱ្យមានប្រសិទ្ធភាពខ្ពស់

ព្រឹត្តិការណ៍, ហិរញ្ញវត្ថុ

• 19/06/2024

អ្នកជំនាញហិរញ្ញវត្ថុប្រាប់ពីវិធីសាស្ត្រក្នុងការប្រើប្រាស់លុយកម្ចី ឬឥណទានពីធនាគារ និងគ្រឹះស្ថានមីក្រូហិរញ្ញវត្ថុ ឱ្យមានប្រសិទ្ធភាព ហើយវិធីសាស្ត្រទាំងនេះរួមមានការផ្តោតលើការប្រើប្រាស់កម្ចីឱ្យចំគោលដៅ

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី ជំរុញទំនាក់ទំនងពាណិជ្ជកម្ម និងការអភិវឌ្ឍសេដ្ឋកិច្ច

ព្រឹត្តិការណ៍, សេដ្ឋកិច្ច

• 19/06/2024

សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី នឹងចុះ MOU ជំរុញទំនាក់ទំនងពាណិជ្ជកម្ម និង ការអភិវឌ្ឍសេដ្ឋកិច្ចរវាងប្រទេសទាំងពីរ

ប្រាក់ចំណូលរបស់អ្នកបម្រើការងារតាមផ្ទះរួមចំណែកផ្នែកសេដ្ឋកិច្ចយ៉ាងសំខាន់ និងជួយកាត់បន្ថយភាពក្រីក្រ

ព្រឹត្តិការណ៍, សេដ្ឋកិច្ច

• 17/06/2024

ប្រាក់ចំណូលរបស់កម្មករការងារតាមផ្ទះ រួមចំណែកមួយផ្នែកធំដល់សេដ្ឋកិច្ចយ៉ាងសំខាន់ និង បានរួមចំណែកកាត់បន្ថយភាពក្រីក្រនៅកម្ពុជា