សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ សក្ដានុពលនៃការវិនិយោគទៅលើអចលនទ្រព្យនៅក្នុងខេត្តកែប បានបង្ហាញពីភាពទាក់ទាញកាន់តែខ្លាំងដល់វិនិយោគិនទាំងជាតិ និងអន្តរជាតិ ដោយគម្រោងរបស់រដ្ឋមួយចំនួនបាន និងកំពុងលេចរូបរាងជាបណ្ដើរៗហើយមួយចំនួនទៀតបានដាក់ដំណើរការជាស្ថាពរ។
អ្នកជំនាញនៃវិស័យដីធ្លីនៅក្នុងខេត្តកែបផ្ទាល់បានឱ្យដឹងថា ខេត្តកែបនាពេលបច្ចុប្បន្ននេះ បានផ្លាស់ប្តូរច្រើនណាស់ ក្នុងនោះឆ្នេរសមុទ្ររាប់សិបគីឡូម៉ែត្រកំពុងត្រូវបានស្ថាបនាដើម្បីទាក់ទាញដល់ភ្ញៀវទេសចរមកកម្សាន្ត និងសម្រាកនៅក្នុងខេត្តកែប កំពង់ផែទេសចរណ៍កោះទន្សាយដែលបានបើកសម្ពោធកាលពីប៉ុន្មានខែកន្លងទៅនេះ និងសំណង់របស់វិស័យឯកជនជាច្រើនទៀតដែលជំរុញឱ្យខេត្តកែបកាន់តែទទួលបានការចាប់អារម្មណ៍ពីសំណាក់វិនិយោគិនជាតិ និងអន្តរជាតិ ។
លោក លឹម រដ្ឋា ភ្នាក់ងារទិញ-លក់អចលនទ្រព្យមួយរូបប្រចាំខេត្តកែបបាននិយាយថា បច្ចុប្បន្ននេះ ខេត្តកែបកាន់តែមានការទាក់ទាញការលក់ទិញលក់ដីធ្លី ជាពិសេសភ្ញៀវមកពីភ្នំពេញ ដែលមួយចំនួនទិញសម្រាប់ទុកអភិវឌ្ឍន៍ជាតំបន់កម្សាន្ត និងផ្ទះលំហែ ហើយមួយចំនួនទៀតសម្រាប់ទិញទុកចំណេញនៅពេលអនាគត។
លោកបន្តថា កាលពីអំឡុងពេលស្ថានភាពកូវីដ១៩រាលដាលខ្លាំង និងមានការបិទខ្ទប់តាមតំបន់មួយចំនួនខេត្តកែបនៅតែទទួលបានការទិញ-លក់ដីធ្លី ហើយកាលនោះអ្នកមានលុយមានឱកាសខ្ពស់ក្នុងការស្វែងរកទីតាំងដីល្អៗ ដោយសារតែម្ចាស់ដីមួយចំនួនត្រូវការលុយបន្ទាន់ដើម្បីដោះស្រាយជីវភាពពីព្រោះថាជួបនឹងវិបតិ្តកូវីដ១៩។ រហូតមកដល់ពេលនេះ ការទិញលក់ដីធ្លីនៅតែបន្តមានសកម្មភាពហើយអ្នកអភិវឌ្ឍន៍ក៏ចាប់ផ្ដើមបញ្ចេញគម្រោងរបស់ខ្លួនជាបន្តបន្ទាប់ផងដែរ សម្រាប់បម្រើដល់វិស័យទេសចរណ៍ជូនភ្ញៀវទេសចរ ។
លោកបន្ថែមថា នៅពេលអនាគតលោកជឿថា ខេត្តកែបនឹងកាន់តែមានសក្ដានុពល ស្របពេលរដ្ឋបាលខេត្តក៏បាននិងកំពុងអភិវឌ្ឍតំបន់ទេសចរណ៍បន្ថែម ដែលធ្វើឱ្យតម្រូវសេវាកម្មទេសចរណ៍នឹងមានកំណើនហើយពេលនេះ ការវិនិយោគលើសេវាកម្មទេសចរណ៍នេះក៏នឹងកើនឡើងដូចគ្នាដែរ។
បើតាមប្រសាសន៍របស់រដ្ឋមន្ត្រីក្រសួងសាធារណការ និងដឹកជញ្ជូន ឯកឧត្តម ស៊ុន ចាន់ថុល ក៏បានឱ្យដឹងថា រាជរដ្ឋាភិបាលបានកំណត់យកតំបន់ឆ្នេរជាគោលដៅក្នុងការអភិវឌ្ឍ ក្នុងនោះរដ្ឋាភិបាលក៏បានស្ថាបនាផ្លូវជាតិលេខ៣ ផ្លូវជាងលេខ៣១ និង៣៣ តភ្ជាប់ពីភ្នំពេញ មកកាន់ខេត្តកែប និងខេត្តកំពត ដើម្បីសម្រួលដល់ការធ្វើដំណើររបស់ទេសចរ និងវិនិយោគិនមកកាន់ខេត្តកែប ក៏ដូចជាខេត្តកំពតផងដែរ ។ ការអភិវឌ្ឍទាំងនេះនឹងធ្វើឱ្យខេត្តកែបកាន់តែមានភាពទាក់ទាញខ្លាំងឡើងសម្រាប់ការអភិវឌ្ឍទៅលើវិស័យនានាដែលមានអាទិភាពនៅក្នុងខេត្តជាប់មាត់សមុទ្រមួយនេះ ។ ស្របជាមួយគ្នាដែរ កោះមួយចំនួននៅក្នុងខេត្តកែបក៏ត្រូវបានវិនិយោគជាបន្តបន្ទាប់ និងអាចលេចចេញជារូបរាងនៅពេលឆាប់ៗខាងមុខនេះ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
ជិះកង់ទស្សនាសមរាត្រីក្នុងតំបន់អង្គរ ៖ បទពិសោធន៍ថ្មីនៃការភ្ជាប់បេះដូងជាមួយបេតិកភណ្ឌវប្បធម៌ និងធម្មជាតិ
Top News, ព្រឹត្តិការណ៍, សេដ្ឋកិច្ច
• 21/09/2026
សៀមរាប ៖ ក្រសួងទេសចរណ៍ និងស្ថាប័នពាក់ព័ន្ធបានរៀបចំព្រឹត្តិការណ៍ជិះកង់ទស្សនាសមរាត្រីនៅតំបន់អង្គរ ក្នុងគោលបំណងជំរុញផលិតផលទេសចរណ៍កីឡា តាមរយៈការជិះកង់ឆ្លងកាត់តំបន់ព្រៃ និងតំបន់បេតិកភណ្ឌក្នុងតំបន់អង្គរ ព្រមទាំងជួយជំរុញចលនាទេសចរណ៍ក្នុងស្រុក ជាពិសេសការទាក់ទាញភ្ញៀវទេសចរមកកាន់ខេត្តសៀមរាបក្នុងរដូវកាលបៃតង។ ព្រឹត្តិការណ៍ជិះកង់ទស្សនាសមរាត្រីក្នុងតំបន់អង្គរនៅរដូវកាលបៃតង ក្រោមប្រធានបទ «កីឡាផ្សារភ្ជាប់នឹងទេសចរណ៍» បានទាក់ទាញអ្នកចូលរួមជាភ្ញៀវទេសចរជាតិ និងអន្តរជាតិប្រមាណ ១ ៣០០នាក់ ដោយធ្វើដំណើរតាមផ្លូវប្រមាណ ១២គីឡូម៉ែត្រ ឆ្លងកាត់តំបន់បេតិកភណ្ឌវប្បធម៌ និងធម្មជាតិនៃតំបន់អង្គរ។
ទិន្នផលគ្រាប់ស្វាយចន្ទី ឆ្នាំ២០២៧ អាចធ្លាក់ចុះ ខណៈដែលសមាគមអំពាវនាវឱ្យកសិករយកចិត្តទុកដាក់ថែទាំប្រភពទឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ សមាគមស្វាយចន្ទីកម្ពុជា បានបង្ហាញពីក្ដីព្រួយបារម្ភចំពោះការកើនឡើងកម្តៅ និងគ្រោះរាំងស្ងួតបង្កដោយបាតុភូត អែល នីញ៉ូ(El Niño) ដែលអាចគំរាមកំហែងដល់ទិន្នផល និងគុណភាពស្វាយចន្ទីនៅឆ្នាំ២០២៧ ហើយបានអំពាវនាវឱ្យកសិករដាំដុះទាំងអស់យកចិត្តទុកដាក់ថែទាំ និងរក្សាប្រភពទឹកឱ្យបានល្អ។ ប្រធានសមាគមស្វាយចន្ទីកម្ពុជា លោក អួន ស៊ីឡុត បានប្រាប់បណ្ដាញព័ត៌មាន AMS ថា ពេលនេះកសិករបានដាំស្វាយចន្ទីថ្មីរួចរាល់ហើយ
មេផ្សារមូលបត្រកម្ពុជា បញ្ជាក់ពីការកើនឡើងផលចំណេញ និងការជួញដូរភាគហ៊ុនកំពុងមានភាពមមាញឹក
ជំនួញ, ព្រឹត្តិការណ៍, សេដ្ឋកិច្ច
• 18/09/2026
ភ្នំពេញ ៖ អគ្គនាយកក្រុមហ៊ុនផ្សារមូលបត្រកម្ពុជា បានលើកឡើងថា គិតត្រឹមដើមខែកញ្ញា ឆ្នាំ២០២៦នេះ ទីផ្សារមូលបត្រកម្ពុជាបន្តទទួលបានផលជាវិជ្ជមាន ខណៈអ្នកវិនិយោគខ្លះអាចរកចំណេញបានប្រមាណ ២០ ទៅ ៣០ភាគរយ ក្នុងរយៈពេលតែប៉ុន្មានសប្តាហ៍ ស្របពេលដែលទំហំជួញដូរភាគហ៊ុនក៏បន្តកើនឡើងយ៉ាងខ្លាំងគួរឱ្យកត់សម្គាល់។ លោក ហុង សុហួរ អគ្គនាយកក្រុមហ៊ុនផ្សារមូលបត្រកម្ពុជា បានឱ្យដឹងថា បច្ចុប្បន្ន ទីផ្សារភាគហ៊ុនកម្ពុជាកំពុងផ្តល់ផលចំណេញខ្ពស់ក្នុងរយៈពេលខ្លីដល់អ្នកវិនិយោគ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
ឧបនាយករដ្ឋមន្ត្រីសាយ សំអាល់៖ ការតភ្ជាប់តំបន់សេដ្ឋកិច្ច ជាគន្លឹះទាក់ទាញវិនិយោគិន និងទេសចរ
វិស័យរដ្ឋ និងឯកជន កម្ពុជា-ចិន ៖ រាជរដ្ឋាភិបាលជំរុញការកែទម្រង់ស៊ីជម្រៅ ខណៈចិនបន្តឈរនៅជាប្រភពវិនិយោគទុនធំជាងគេនៅកម្ពុជា
Account
Security
Favourite Content