កសិដ្ឋានចិញ្ចឹមកន្ធាយកំពុងត្រៀមផ្គត់ផ្គង់អតិថិជនក្នុងឱកាសចូលឆ្នាំចិន

សៀមរាប៖ មិនខុសពីឆ្នាំមុនៗនោះទេ សម្រាប់ពិធីបុណ្យចូលឆ្នាំប្រពៃណីចិន-វៀតណាមនេះ ម្ចាស់អាជីវកម្មនានាតែងតែត្រៀមខ្លួនរួចជាស្រេចដើម្បីផ្គត់ផ្គង់ផលិតផលរបស់ខ្លួនដល់អតិថិជន។ ក្នុងនោះ កសិដ្ឋានចិញ្ចឹមកន្ធាយមួយកន្លែងក៏បានត្រៀមកន្ធាយសាច់រួចជាស្រេចដើម្បីលក់ជូនអតិថិជនទាំងក្នុងតំបន់ និងតាមភោជនីយដ្ឋាននានា។

លោក ហ៊ិម លីហៀង ជាម្ចាស់កសិដ្ឋានចិញ្ចឹមកន្ធាយសាច់មួយកន្លែងស្ថិតនៅភូមិអំពិល ឃុំសំរោងយា ស្រុកពួក ខេត្តសៀមរាប បានមានប្រសាសន៍ប្រាប់ AMS ឱ្យដឹងថា​ ក្នុងឱកាសបុណ្យចូលឆ្នាំប្រពៃណីចិនខាងមុខនេះ តម្រូវការកន្ធាយសាច់នឹងមានច្រើនជាមិនខាន ដែលក្នុងនោះមានតម្រូវការទាំងនៅក្នុងតំបន់ និងតាមបណ្តាខេត្ត/ក្រុងផ្សេងៗ ជាពិសេសតាមហាង និងភោជនីយដ្ឋាននានាដែលធ្លាប់មានការកម្ម៉ង់ទិញជាប្រចាំ។

លោកថា៖

សម្រាប់ឱកាសចូលឆ្នាំចិនខាងមុខនេះ យើងត្រៀមកន្ធាយប្រមាណ ១០០ក្បាលសម្រាប់អតិថិជនក្នុងតំបន់ ដែលភាគច្រើនជាអ្នកដែលមកជួបជុំក្រុមគ្រួសារ និងទិញកន្ធាយយកទៅចម្អិនទទួលទានជុំគ្នា ក្រៅពីនេះយើងក៏ត្រៀមទុកឱ្យតាមភោជនីយដ្ឋានផ្សេងទៀតផងដែរ»។

សម្រាប់តម្លៃវិញ លោកបានប្រាប់ឱ្យដឹងថា តម្លៃកន្ធាយបានធ្លាក់ចុះប្រមាណ ៥០សេនសម្រាប់ការបោះដុំ ដោយចាប់លក់ឱ្យហាង និងភោជនីយដ្ឋាន ដែលពីមុនអាចលក់បានក្នុងតម្លៃ ១២ដុល្លារក្នុង ១គីឡូក្រាម (កន្ធាយ១ក្បាលមានទម្ងន់ចាប់ពីជាង១គីឡូក្រាមឡើងទៅ) ចំណែកលក់រាយវិញគឺអាចលក់ក្នុងតម្លៃធម្មតា ដោយកន្ធាយទម្ងន់ ៥ខាំ មួយក្បាល ២៥០០០រៀល ទម្ងន់៧ខាំ មួយក្បាល ៣៥០០០រៀល និងទម្ងន់៩ខាំ មួយក្បាល ៤៥០០០រៀល ហើយអតិថិជនមិនចាំបាច់ចំណាយពេលច្រើនក្នុងការចម្អិនទេ ពោលគឺទិញយកទៅមានគ្រឿងស្រាប់ អាចដាច់ចំហុយបានតែម្ដង។

គួរបញ្ជាក់ដែរថា សម្រាប់តម្លៃកន្ធាយសាច់របស់កសិដ្ឋាន «ឌីឌី គ្រួសារកន្ធាយ» គឺមានភាពសមរម្យដែលបងប្អូនអាចកម្ម៉ង់ទិញបានដើម្បីទទួលទានជួបជុំគ្រួសារនាឱកាសបុណ្យចូលឆ្នាំប្រពៃណីចិនខាងមុខនេះ។​​​ ក្រៅពីកន្ធាយសាច់ កសិដ្ឋានខាងលើក៏មានលក់ជាកន្ធាយពូជ និងចែករំលែកចំណេះដឹងនានាពាក់ព័ន្ធនឹងការចិញ្ចឹម ដែលជាឱកាសសម្រាប់អ្នកដែលមានបំណងសាកល្បងចិញ្ចឹមបាន៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

អាជីវកម្មកែច្នៃភេសជ្ជៈទឹកអំពិលទុំផ្គត់ផ្គង់ទីផ្សារក្នុងស្រុក កំពុងមានតម្រូវការខ្ពស់

ជំនួញ, ព្រឹត្តិការណ៍

• 13/06/2024

សហគ្រាសទឹកអំពិលទុំស្នាដៃអ្នកម្តាយ TAPT ជាសហគ្រាសដែលកំពុងផលិតភេសជ្ជៈទឹកអំពិលទុំមានរសជាតិឆ្ងាញ់ និងកំពុងមានតម្រូវការទីផ្សារខ្ពស់

គិតត្រឹមត្រីមាសទី១ ឆ្នាំ២០២៤ ស្ថានភាពបំណុលសាធារណៈរបស់កម្ពុជា ស្ថិតក្នុងភាពអាចគ្រប់គ្រងបាន

ព្រឹត្តិការណ៍, ហិរញ្ញវត្ថុ

• 13/06/2024

ស្ថានភាពបំណុលសាធារណៈរបស់កម្ពុជា គិតត្រឹមត្រីមាសទី១ ឆ្នាំ២០២៤ នេះ នៅតែត្រូវបានវាយតម្លៃថា ស្ថិតក្នុងភាពអាចគ្រប់គ្រងបាន ពោលគឺនៅតែមាន “ចីរភាព” និង “ហានិភ័យកម្រិតទាប” ដដែល

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

មធ្យោបាយ​ធ្វើដំណើរ​ទៅកាន់បណ្ដាខេត្ត​ជាប់​សមុទ្រ​នឹង​កាន់តែសំបូរបែប​នាពេលឆាប់ៗនេះ ខណៈ​សក្ដានុពល​វិនិយោគ​ក៏​កាន់​តែ​ទាក់​ទាញ​​

ព្រឹត្តិការណ៍, អចលនទ្រព្យ

• 13/06/2024

តំបន់​សមុទ្រ​កាន់តែបង្ហាញពីសក្ដានុពល​ទាក់ទាញខ្លាំង ក្រោយសមិទ្ធផល​ និងគម្រោង​វិនិយោគ​របស់រដ្ឋ​ និងឯកជន​បានបង្ហាញ​ខ្លួន​ជា​បន្តបន្ទាប់

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន

ម៉ាឡេស៊ី ចំណាយលុយពង្រឹងវិស័យយោធាជើងទឹកតាមរយៈកុងត្រាសាងសង់នាវាចម្បាំងធុនធ្ងន់ថ្មីចំនួន៣គ្រឿង

ព្រឹត្តិការណ៍, អាជីវកម្មថ្មី និងនវានុវត្ត

• 13/06/2024

STM នឹងចាប់ផ្តើមសាងសង់នាវាចម្បាំងទាំង៣គ្រឿងនៅក្នុងឆ្នាំ២០២៤នេះហើយនឹងបញ្ចប់ការងារព្រមទាំងប្រគល់នាវាទៅឱ្យម៉ាឡេស៊ីក្នុងរយៈពេល៣ឆ្នាំកន្លះខាងមុខ

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

ព្រឹត្តិការណ៍, ហិរញ្ញវត្ថុ

• 13/06/2024

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០នាក់ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

កម្ពុជា-សហភាពអឺរ៉ុប ឯកភាពក្នុងការពង្រឹងទំនាក់ទំនងសេដ្ឋកិច្ច និងពាណិជ្ជកម្មបន្ថែម

ព្រឹត្តិការណ៍, សេដ្ឋកិច្ច

• 12/06/2024

កម្ពុជាបានយកចិត្តទុកដាក់ជាខ្លាំង ចំពោះការលើកកម្ពស់ទំនាក់ទំនងនិងកិច្ចសហប្រតិបត្តិការ ជាមួយសហភាពអឺរ៉ុប និងអរគុណសហភាពអឺរ៉ុបដែលបានជួយកម្ពុជាក្នុងការស្ដារប្រទេសជាតិឡើងវិញក្រោយវិបត្តិផ្សេងៗ ដូចជាការកសាងហេដ្ឋារចនាសម្ព័ន្ធ កសិកម្ម ធនធានមនុស្ស និងការបោសសម្អាតមីនជាដើម...