សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ដោយសារបញ្ហា និងវិបត្តិធំៗកើតមានជាបន្តបន្ទាប់ដូចជាភាពយឺតយ៉ាវនៃយុទ្ធនាការចាក់វ៉ាក់សាំង ការកើនឡើងនៃចំនួនអ្នកឆ្លងថ្មីផង ព្រមទាំងផលប៉ះពាល់ដែលបណ្តាលមកពីបិទទីក្រុងនានាផងនោះ ធនាគារអភិវឌ្ឍន៍អាស៊ី (ADB) បានចេញរបាយការណ៍ថ្មីមួយដែលបានកាត់បន្ថយចំនួនកំណើនសេដ្ឋកិច្ចសម្រាប់តំបន់អាស៊ីទាំងមូលធៀបទៅនឹងការព្យាករណ៍ចាស់។
របាយការណ៍ដែលត្រូវបានចេញផ្សាយនៅថ្ងៃពុធម្សិលមិញនេះធនាគារអភិវឌ្ឍន៍អាស៊ីបានបញ្ជាក់ថា កង្វះខាតវ៉ាក់សាំងកំពុងតែបានធ្វើឲ្យមានការគំរាមកំហែងយ៉ាងខ្លាំងទៅលើប្រតិបត្តិការចាក់វ៉ាក់សាំងនៃប្រទេសទាំងឡាយក្នុងតំបន់ចាប់រាប់ពីកោះ Cook Islands នៅក្នុងតំបន់អាស៊ីប៉ាស៊ីហ្វិករហូតទៅដល់ប្រទេសកាហ្សាស្ថាននៅអាស៊ីកណ្តាល។
ដោយឡែក ធនាគារអភិវឌ្ឍន៍អាស៊ីប្រចាំនៅប្រទេសហ្វីលីពីនបានធ្វើការបង្ហាញពីការព្យាករណ៍ថ្មីដែលជឿជាក់ថាកំណើនសេដ្ឋកិច្ចនឹងអាចកើនឡើងបានត្រឹមតែ ៧,១ភាគរយប៉ុណ្ណោះធៀបទៅនឹងតួលេខដែលបានព្យាករណ៍កាលពីខែមេសាដែលមានប្រមាណជា ៧,៣ភាគរយហើយអះអាងថាការងើបឡើងវិញនៃសេដ្ឋកិច្ចមកដល់ពេលនេះគឺស្ថិតនៅក្នុងភាពមិនច្បស់លាស់នៅឡើយដោយសារតែហ្វីលីពីនទើបតែធ្វើបានមិនដល់៣០ភាគរយផងនៃពលរដ្ឋដែលបានទទួលការចាក់វ៉ាក់សាំងរួចរាល់គិតត្រឹមខែសីហា។
ADB បានព្រមានទៀតថា បញ្ហាបញ្ចេញវ៉ាក់សាំងយឺតយ៉ាវបែបនេះក្នុងពេលដែលវិរុសកូវីដពូជថ្មីកំពុងធ្វើចរាចរផងនឹងអាចក្លាយទៅជាកត្តាដ៏សំខាន់បំផុតក្នុងការបង្កើនការបំផ្លិចបំផ្លាញដល់សេដ្ឋកិច្ចក្នុងរយៈពេលយូរបន្ថែមទៀត និងជាបន្តបន្ទាប់។
ទោះបីជាយ៉ាងណាក្តី នៅអាស៊ីខាងកើតដែលជាតំបន់ដែលធ្វើបានអត្រានៃការចាក់វ៉ាក់សាំងច្រើនជាងគេបំផុតនោះនឹងអាចទទួលបានកំណើនទៅដល់ ៧,៦ភាគរយនៅក្នុងឆ្នាំនេះធៀបទៅនឹងតួលេខព្យាករណ៍ចាស់ដែលមានត្រឹមតែ ៧,៤ភាគរយ។
ដោយឡែក សម្រាប់អាស៊ីអាគ្នេយ៍ និងអាស៊ីប៉ាស៊ីហ្វិក កំណើនសេដ្ឋកិច្ចនឹងធ្លាក់ចុះជាងការរំពឹងទុកលើកមុន ជាពិសេសវិរុសកូវីដកំពុងធ្វើទុក្ខខ្លាំងទៅលើប្រទេសឥណ្ឌូនេស៊ី និងហ្វីលីពីន ហើយតាមការព្យាករណ៍ថ្មីអាស៊ីអាគ្នេយ៍នឹងអាចមើលឃើញកំណើនត្រឹមតែ ៣,១ភាគរយប៉ុណ្ណោះនៅឆ្នាំ២០២១នេះ ខណៈដែលតួលេខចាស់មានប្រមាណជា ៤,៤ភាគរយ។
ADB ក៏បានព្យាករណ៍ដែរថា នៅអាស៊ីប៉ាស៊ីហ្វិកនឹងមានសេដ្ឋកិច្ចដាំក្បាលចុះដល់ទៅ ០,៦ភាគរយទោះបីជាការព្យាករណ៍កាលពីខែមេសាមានកំណើនដល់ទៅ១,៤ភាគរយ ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្ពុជា បង្វែរទិសដៅពីការផលិតគ្រឿងបង្គុំរថយន្ត ទៅជាគោលដៅប្រកួតប្រជែងទីផ្សារតំបន់
ព្រឹត្តិការណ៍, អាជីវកម្មថ្មី និងនវានុវត្ត
• 17/09/2026
កម្ពុជាកំពុងផ្តោតលើការផលិតគ្រឿងបង្គុំរថយន្ត ដើម្បីផ្គត់ផ្គង់ដល់រោងចក្រផ្គុំ និងដំឡើងរថយន្តក្នុងស្រុក និងមានគោលដៅនាំចេញទៅកាន់ទីផ្សារតំបន់ ជំនួសការប្រកួតប្រជែងក្នុងការផលិត និងផ្គុំរថយន្តពេញលេញជាមួយប្រទេសផ្សេងៗក្នុងតំបន់
ប្រជាធិបតេយ្យអាម៉េរិកធ្លាក់ដល់កម្រិតទាបបំផុតក្នុងរយៈពេល ៥០ ឆ្នាំ
ព្រឹត្តិការណ៍, អាជីវកម្មថ្មី និងនវានុវត្ត
• 17/09/2026
ប្រជាធិបតេយ្យនៅសហរដ្ឋអាម៉េរិកកំពុងជួបប្រឈមនឹងការធ្លាក់ចុះយ៉ាងខ្លាំង ដោយសូចនាករជិតពាក់កណ្តាលក្នុងចំណោម ៣០ សូចនាករ បានធ្លាក់ដល់កម្រិតទាបបំផុតមិនធ្លាប់មានក្នុងរយៈពេល ៥០ ឆ្នាំ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content