សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កែប ៖ រដ្ឋបាលខេត្តកែបបានលើកឡើថា គម្រោងស្ថាបនាផ្លូវបេតុងប្របមាត់សមុទ្រខេត្តកែប ក្រោមកម្ចីរបស់ធនាគារអភិវឌ្ឍន៍អាស៊ី(ADB) ដែលមានប្រវែងជាង១១គីឡូម៉ែត្រ តម្លៃជាង ១០លានដុល្លារ នឹងត្រូវបើកការដ្ឋានសាងសង់នៅថ្ងៃទី០១ ខែមីនា ឆ្នាំ២០២២ ខាងមុខនេះ។
លោក វ៉ៅ សុខា អភិបាលរងខេត្តកែបបានមានប្រសាសន៍ថា កែប គឺជាខេត្តគោលដៅទេសចរណ៍លំដាប់អន្តរជាតិដែលរាជរដ្ឋាភិបាលយកចិត្តទុកដាក់ក្នុងការអភិវឌ្ឍ និងស្ថាបនាហេដ្ឋារចនាសម្ព័ន្ធនានាឲ្យល្អប្រសើរ ដើម្បីបង្កើនសោភ័ណភាព និងភាពទាក់ទាញទេសចរជាតិ និងអន្តរជាតិ។
លោកបានបន្តថា បច្ចុប្បន្ន តំបន់គោលដៅទេសចរណ៍សំខាន់ៗនៅក្នុងខេត្ត បាន និងកំពុងអភិវឌ្ឍជាច្រើន ដើម្បីត្រៀមស្វាគមន៍ទេសចរនៅឱកាសបុណ្យចូលឆ្នាំខ្មែរខាងមុខនេះ។
ដោយឡែកសម្រាប់គម្រោងស្ថាបនាផ្លូវថ្មីមួយខ្សែស្ថិតនៅប្របឆ្នេរសមុទ្រខេត្តកែប គឺជាកម្ចីរបស់ធនាគារអភិវឌ្ឍន៍អាស៊ី(ADB) ដោយអនុវត្តក្នុងគម្រោងហេដ្ឋារចនាសម្ព័ន្ធទេសចរណ៍សម្រាប់បង្កើនកំណើនប្រកបដោយបរិយាប័ន្ននៃមហាអនុតំបន់មេគង្គជំហានទី២ ដែលមានប្រវែងជាង១១គីឡូម៉ែត្រ ទទឹង៩ម៉ែត្រ-១៥ម៉ែត្រ ប្រើរយៈពេលសាងសង់ចំនួន២២ខែ និងចំណាយថវិកាអស់ចំនួនជាង ១០លានដុល្លារ ដែលនឹងត្រូវបើកការដ្ឋានសាងសង់នៅថ្ងៃទី០១ ខែមីនា ឆ្នាំ២០២២ ខាងមុខនេះ។
គួរបញ្ជាក់ថា គម្រោងសាសង់ផ្លូវប្របមាត់ឆ្នេរកែបនេះ គឺជាផ្នែកមួយនៃគម្រោងហេដ្ឋារចនាសម្ព័ន្ធទេសចរណ៍សម្រាប់កំណើនប្រកបដោយបរិយាប័ន្ននៃមហាអនុតំបន់មេគង្គជំហានទី២ របស់ធនាគារអភិវឌ្ឍន៍អាស៊ី ADB។ ក្រោមគម្រោងនេះ ADB ក៏បានសម្រេចផ្ដល់ថវិកា ១,៦ លានដុល្លារអាមេរិកសម្រាប់សាងសង់កំពង់ផែទេសចរណ៍ថ្មីមួយនៅកោះទន្សាយ៕
ជីវប្រវត្តិ: លោកមានបទពិសោធន៍ជាង ១០ឆ្នាំក្នុងប្រព័ន្ធផ្សព្វផ្សាយផ្នែកសេដ្ឋកិច្ច អប់រំ សង្គម និងកម្សាន្ត។ បច្ចុប្បន្នលោកជាការីនិពន្ធនៃសារព័ត៌មាន AMS Economy។
របាយការណ៍ថ្មីៗ
មើលទាំងអស់ ➧
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content