ម្ចាស់ពានសហគ្រិនឆ្នើមចែករំលែកចំណុចសំខាន់ៗក្នុងការត្រៀមខ្លួនប្រកួតប្រជែង

ភ្នំពេញ ៖ ម្ចាស់ពានរង្វាន់សហគ្រិនស្ត្រីឆ្នើមវ័យក្មេងផ្នែកសង្គមនៃកម្មវិធីពានរង្វាន់សហគ្រិនវ័យក្មេងកម្ពុជា ឆ្នាំ២០២១ និងជាម្ចាស់សិប្បកម្មចេកឆាប «រាជនី បាណាណា សំឡូត» (REACHNY BANANA SAMLUT)​ អ្នកស្រី នុន ចាន់នី បានចែករំលែកនូវគន្លឹះសំខាន់ៗក្នុងការត្រៀមខ្លួនរបស់ម្ចាស់អាជីវកម្មដើម្បីប្រកួតប្រជែងយកពានរង្វាន់ប្រចាំឆ្នាំ។

អ្នកស្រី នុន ចាន់នី ដែលធ្លាប់ជាម្ចាស់ពានកាលពីឆ្នាំ២០២១បានលើកឡើងថា សម្រាប់ការទទួលបានពានរង្វាន់នៅក្នុងកម្មវិធីអ្វីមួយវាមិនមែនកើតឡើងដោយការចៃដន្យនោះទេ ប៉ុន្តែវាកើតចេញពីកិច្ចខិតខំ ភាពទទួលខុសត្រូវ និងសមត្ថភាព ទាំងចំណេះដឹងក្នុងភាពជាម្ចាស់អាជីវកម្ម ឬជាសហគ្រិន ក៏ដូចជាដំណើរការនៃចង្វាក់ផលិតកម្មសិប្បកម្ម ដែលមានការទទួលស្គាល់ពីសាធារណៈជនទូទៅ ដៃគូអាជីវកម្ម រួមទាំងគណៈកម្មការវាយតម្លៃក្នុងកម្មវិធីផងដែរ។

សហគ្រិនស្ត្រីរូបនេះបានបញ្ជាក់យ៉ាងដូច្នេះថា ៖

«ចំណុចសំខាន់ៗដើម្បីត្រៀមខ្លួនក្នុងការប្រកួតប្រជែងរបស់កម្មវិធីសហគ្រិនកម្ពុជា សម្រាប់បទពិសោធរបស់ខ្ញុំផ្ទាល់គឺយើងត្រូវសម្លឹងមើលពីកម្មវិធីដែលយើងចង់ប្រកួតនេះថាវាមានកម្រិតប៉ុណ្ណា ស័ក្ដិសមជាមួយកម្រិតអាជីវកម្មរបស់យើងឬក៏អត់ ដូចជា កម្រិត Start-up កម្រិតតូច កម្រិតមធ្យម ឬសម្រាប់អាជីវកម្មដែលមានភាពរីកចម្រើនស្រាប់»។

អ្នកស្រីបានបន្តទៀតថា ៖

ចំណុចមួយទៀតដែលត្រូវចាប់អារម្មណ៍ គឺការត្រួតពិនិត្យលក្ខខណ្ឌនៃការប្រកួតឱ្យបានច្បាស់លាស់ ថាតើយើងអាចមានលទ្ធភាពក្នុងការដាក់ពាក្យប្រកួត ឬក៏អាចអភិវឌ្ឍខ្លួនបានកម្រិតណាដើម្បីអាចឈ្នះក្នុងកម្មវិធីនេះបាន។ លើសពីនេះទៅទៀត យើងក៏ត្រូវមើលពីរយៈពេលនៃការប្រកួត និងការរៀបចំខ្លួនរបស់យើង តើយើងអាចទៅរួចឬក៏អត់ ចៀសវាងមានបញ្ហាណាមួយអាចកើតឡើងពាក់កណ្ដាលទី។ ដោយឡែក សម្រាប់ម្ចាស់អាជីវកម្មក៏ត្រូវតែមានការរៀបចំឱ្យបានរៀបរយជាមុន ទាំងដំណើរការអាជីវកម្ម និងការពិពណ៌នាខ្លួនឯងផ្ទាល់ ដូចជាការធ្វើ slides ដើម្បីធ្វើបទបង្ហាញឱ្យសមស្របតាមសេចក្ដីណែនាំរបស់កម្មវិធី ទាំងចំណុចដែលត្រូវលើកមកបង្ហាញ និងពេលវេលាធ្វើបទបង្ហាញ ធ្វើយ៉ាងណាកុំឱ្យមានបញ្ហាបច្ចេកទេសណាមួយកើតមានឡើង»។

ពាក់ព័ន្ធនឹងការធ្វើបទបង្ហាញនេះដែរ អ្នកស្រីបន្ថែមថា សម្រាប់ slides presentation ត្រូវធ្វើឱ្យមានភាពទាក់ទាញ ភាពរស់រវើក រៀបចំទាំងរូបភាព និងអក្សរឱ្យបានស្អាត។ ពិសេសជាងនេះទៅទៀត ក្នុងនាមជាអ្នកតំណាងរបស់សហគ្រាស ត្រូវរៀបចំខ្លួនឱ្យល្អ មានទំនុកចិត្តខ្ពស់ និងត្រូវច្បាស់ជានិច្ចនូវរាល់ចំណុចទាំងអស់ក្នុងបទបង្ហាញរបស់ខ្លួន។ ក្រៅពីនេះ ចំពោះសមាជិកដែលដាក់ពាក្យដើម្បីប្រកួតប្រជែងទាំងអស់ក៏ត្រូវបំពេញនូវរាល់កិច្ចការដែលកម្មវិធីដាក់ឱ្យបានរួចរាល់តាមពេលវេលាកំណត់ កុំឱ្យមានការខកពេល ឬសុំគេពន្យាពេលជាដើម ដែលអាចឱ្យគណៈកម្មការដាក់ពិន្ទុវាយតម្លៃបែបអវិជ្ជមាន។  

គួរបញ្ជាក់ដែរថា អ្នកស្រី នុន ចាន់នី ជាម្ចាស់ពានរង្វាន់សហគ្រិនស្ត្រីឆ្នើមវ័យក្មេងផ្នែកសង្គមនៃកម្មវិធីពានរង្វាន់សហគ្រិនវ័យក្មេងកម្ពុជា ឆ្នាំ២០២១ ដែលរៀបចំដោយសមាគមសហគ្រិនវ័យក្មេងកម្ពុជា (YEAC) និងអង្គការបណ្ដាញសហគ្រិនភាពសកលកម្ពុជា (GEN CAMBODIA) ក្រោមការគាំទ្រថវិកាធំពីសហគ្រិនខ្មែរ (Khmer Enterprise)៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

អាជីវកម្មកែច្នៃភេសជ្ជៈទឹកអំពិលទុំផ្គត់ផ្គង់ទីផ្សារក្នុងស្រុក កំពុងមានតម្រូវការខ្ពស់

ជំនួញ, ព្រឹត្តិការណ៍

• 13/06/2024

សហគ្រាសទឹកអំពិលទុំស្នាដៃអ្នកម្តាយ TAPT ជាសហគ្រាសដែលកំពុងផលិតភេសជ្ជៈទឹកអំពិលទុំមានរសជាតិឆ្ងាញ់ និងកំពុងមានតម្រូវការទីផ្សារខ្ពស់

គិតត្រឹមត្រីមាសទី១ ឆ្នាំ២០២៤ ស្ថានភាពបំណុលសាធារណៈរបស់កម្ពុជា ស្ថិតក្នុងភាពអាចគ្រប់គ្រងបាន

ព្រឹត្តិការណ៍, ហិរញ្ញវត្ថុ

• 13/06/2024

ស្ថានភាពបំណុលសាធារណៈរបស់កម្ពុជា គិតត្រឹមត្រីមាសទី១ ឆ្នាំ២០២៤ នេះ នៅតែត្រូវបានវាយតម្លៃថា ស្ថិតក្នុងភាពអាចគ្រប់គ្រងបាន ពោលគឺនៅតែមាន “ចីរភាព” និង “ហានិភ័យកម្រិតទាប” ដដែល

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

មធ្យោបាយ​ធ្វើដំណើរ​ទៅកាន់បណ្ដាខេត្ត​ជាប់​សមុទ្រ​នឹង​កាន់តែសំបូរបែប​នាពេលឆាប់ៗនេះ ខណៈ​សក្ដានុពល​វិនិយោគ​ក៏​កាន់​តែ​ទាក់​ទាញ​​

ព្រឹត្តិការណ៍, អចលនទ្រព្យ

• 13/06/2024

តំបន់​សមុទ្រ​កាន់តែបង្ហាញពីសក្ដានុពល​ទាក់ទាញខ្លាំង ក្រោយសមិទ្ធផល​ និងគម្រោង​វិនិយោគ​របស់រដ្ឋ​ និងឯកជន​បានបង្ហាញ​ខ្លួន​ជា​បន្តបន្ទាប់

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន

ម៉ាឡេស៊ី ចំណាយលុយពង្រឹងវិស័យយោធាជើងទឹកតាមរយៈកុងត្រាសាងសង់នាវាចម្បាំងធុនធ្ងន់ថ្មីចំនួន៣គ្រឿង

ព្រឹត្តិការណ៍, អាជីវកម្មថ្មី និងនវានុវត្ត

• 13/06/2024

STM នឹងចាប់ផ្តើមសាងសង់នាវាចម្បាំងទាំង៣គ្រឿងនៅក្នុងឆ្នាំ២០២៤នេះហើយនឹងបញ្ចប់ការងារព្រមទាំងប្រគល់នាវាទៅឱ្យម៉ាឡេស៊ីក្នុងរយៈពេល៣ឆ្នាំកន្លះខាងមុខ

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

ព្រឹត្តិការណ៍, ហិរញ្ញវត្ថុ

• 13/06/2024

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០នាក់ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

កម្ពុជា-សហភាពអឺរ៉ុប ឯកភាពក្នុងការពង្រឹងទំនាក់ទំនងសេដ្ឋកិច្ច និងពាណិជ្ជកម្មបន្ថែម

ព្រឹត្តិការណ៍, សេដ្ឋកិច្ច

• 12/06/2024

កម្ពុជាបានយកចិត្តទុកដាក់ជាខ្លាំង ចំពោះការលើកកម្ពស់ទំនាក់ទំនងនិងកិច្ចសហប្រតិបត្តិការ ជាមួយសហភាពអឺរ៉ុប និងអរគុណសហភាពអឺរ៉ុបដែលបានជួយកម្ពុជាក្នុងការស្ដារប្រទេសជាតិឡើងវិញក្រោយវិបត្តិផ្សេងៗ ដូចជាការកសាងហេដ្ឋារចនាសម្ព័ន្ធ កសិកម្ម ធនធានមនុស្ស និងការបោសសម្អាតមីនជាដើម...