សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ៖ នៅដើមខែកុម្ភៈ ឆ្នាំ២០២៦នេះ កម្ពុជាទាក់ទាញបានគម្រោងវិនិយោគចំនួនពីរបន្ថែមទៀតជាមួយទុនវិនិយោគសរុបជាង ១៣លានដុល្លារអាម៉េរិក និងបង្កើតការងារបានជាង២០០កន្លែង។
យោងតាមប្រភពគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍកម្ពុជាបានឱ្យដឹងថា ខេត្តកែប ទទួលបានគម្រោងវិនិយោគបង្កើតរោងចក្រផលិតត្រីខកំប៉ុង និងទឹកត្រី ក្នុងទំហំទុនវិនិយោគ ៦,៦លានដុល្លារអាម៉េរិក និងអាចបង្កើតការងារបានចំនួន ១៧១កន្លែង។ ចំណែកប្រជាពលរដ្ឋស្រុកសំឡូត ខេត្តបាត់ដំបង ទទួលបានគម្រោងវិនិយោគបង្កើតរោងចក្រផលិតម្សៅកាល់ស្យូមធុនធ្ងន់ និងម្សៅបៀកជញ្ជាំងផ្ទៃខាងក្នុង និងក្រៅ ក្នុងទំហំទុនវិនិយោគប្រមាណ ៦,២លានដុល្លារអាម៉េរិក ហើយអាចបង្កើតការងារបានចំនួន ៦០ន្លែង។
សូមជម្រាបថា៖ ក្រុមប្រឹក្សាអភិវឌ្ឍន៍កម្ពុជា(CDC )នៅឆ្នាំ២០២៥កន្លងទៅនេះ បានចុះបញ្ជីគម្រោងវិនិយោគចំនួន៦៣០ ដែលមានទុនវិនិយោគសរុបប្រមាណ ១០ប៊ីលានដុល្លារអាម៉េរិក និងអាចបង្កើតការងារបានប្រមាណ ៤៣៨ពាន់កន្លែង។ ក្នុងចំណោមគម្រោងវិនិយោគទាំងជាង៦៣០ គម្រោងវិនិយោគដែលមានទីតាំងស្ថិតនៅក្រៅតំបន់សេដ្ឋកិច្ចពិសេសមានចំនួន ៣៨៧ និងគម្រោងវិនិយោគដែលមានទីតាំងស្ថិតនៅក្នុងតំបន់សេដ្ឋកិច្ច ពិសេសមានចំនួន ២៤៣។ការចុះបញ្ជីគម្រោងវិនិយោគមានការកើនឡើងចំនួន២១៦ ស្មើនឹងប្រមាណ ៥២% ខណៈទំហំ ទុនវិនិយោគមានការកើនឡើងប្រមាណ ៣ប៊ីលានដុល្លារអាម៉េរិក ស្មើនឹង ប្រមាណ ៤៥% ធៀបនឹងរយៈពេលដូចគ្នាក្នុងឆ្នាំ២០២៤ ដែលគណៈកម្មការវិនិយោគកម្ពុជា បានចុះបញ្ជីគម្រោង វិនិយោគចំនួន ៤១៤ ក្នុងទំហំទុនវិនិយោគសរុបប្រមាណ ៦,៩ប៊ីលានដុល្លារអាម៉េរិក។ចំណែកខេត្តតាកែវ ទទួលបានគម្រោងវិនិយោគជាង៦០គម្រោង ខណៈខេត្តបាត់ដំបងទទួលបានគម្រោងវិនិយោគចំនួន៣៕
Account
Security
Favourite Content