សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
កំពង់ចាម ៖ បើនិយាយពីការចិញ្ចឹមគោ គេតែងតែយកចិត្តទុកដាក់នៅក្នុងការជ្រើសរើសពូជគោមកចិញ្ចឹម។ ក្នុងនោះ ការជ្រើសរើសមេគោរឹតតែសំខាន់ទៅទៀត ថាតើគួរជ្រើសរើសយកមេគោក្រមុំ ឬយកមេគោជាប់កូនមកចិញ្ចឹមមួយណាចំណេញជាង និងទទួលបានផលលឿន។
ក្នុងគោលបំណងចូលរួមចំណែកចែករំលែកនូវចំណេះដឹង ក៏ដូចជាជំនួយផ្នែកស្មារតីដល់ប្រជាកសិករខ្មែរក្នុងការជ្រើសរើសមេគោមកចិញ្ចឹមដែលទទួលបានផលលឿន និងចំណេញបានច្រើនទាំងពេលវេលា និងថវិកា លោក យិន បូរ៉ាន់ម្ចាស់កសិដ្ឋានចិញ្ចឹមគោដ៏ធំមួយកន្លែងនៅក្នុងខេត្តកំពង់ចាម បានលើកឡើងថាការទិញបានមេគោជាប់កូនមកចិញ្ចឹមគឺចំណេញបានច្រើន ខណៈដែលវិធីនេះហើយដែលជួយឱ្យលោកអាចពង្រីកលទ្ធភាពចិញ្ចឹមគោបានច្រើនក្បាលដូចសព្វថ្ងៃ។
លោក យិន បូរ៉ាន់បានបញ្ជាក់ពីចំណុចសំខាន់ៗមួយចំនួនថា ៖
“បើមេគោក្រមុំរាងស្អាត រីឯមេគោជាប់កូនរាងមិនសូវបាន តែជាប់កូនស្រាប់ និងមានតម្លៃខុសគ្នាតិចតួច យើងគួរជ្រើសយកមេគោជាប់កូនស្រាប់ ព្រោះថា យើងអាចដឹងបានខ្លះៗពីប្រវត្តិគោ ចំណេញវេលាក្នុងការចិញ្ចឹម។ ចំណែកមេគោនោះក៏អាចឆាប់រកបា ហើយក្រោយពេលបំបែកកូន យើងអាចដាក់បាលើកក្រោយមានភាគរយជាប់ច្រើន អាចចិញ្ចឹមដឹកយកកូនជាបន្តបន្ទាប់ ក៏អាចឱ្យយើងច្បាស់លាស់ថា មេគោជាប់កូននោះ គឺមិនមែនជាមេគោអារឡើយ”
ម្ចាស់កសិដ្ឋានរូបនេះបន្តទៀតថា ៖
“ការទិញមេគោក្រមុំមកចិញ្ចឹម យើងត្រូវប្រើរយៈពេលយូរក្នុងការរង់ចាំវារកឈ្មោល ត្រូវចាំដាក់បា និងពុំអាចប្រាកដឡើយថា មេគោនោះដាក់បាជាប់រួច តើរកឈ្មោលទៀត ឬអត់ ប្រសិនជាមេគោនោះរកឈ្មោលទៀត យើងត្រូវយកវាទៅដាក់បាបន្តទៀត រហូតទាល់តែមេគោនោះលែងរកឈ្មោល និងយើងច្បាស់ថា គោបានផើម។ មានករណីមេគោខ្លះ គឺដាក់បាជាប់យូរខែហើយ ស្រាប់តែប៉ុន្មានខែក្រោយមកក៏រកឈ្មោលឡើងវិញក៏មាន”
តួយ៉ាង បើគេលក់មេក្រមុំរាងស្អាតតម្លៃត្រឹម ៤លានរៀល ឯមេគោមួយទៀតមិនសូវស្អាត តែជាប់កូន មានតម្លៃត្រឹមតែ ៤លាន ៥០ម៉ឺន ដូច្នេះក្រោយចែកតម្លៃទៅ មេគោនោះតម្លៃត្រឹម ៣លាន ៥០ម៉ឺន កូនគោតម្លៃតែ ១លានរៀល យើងបានគោទៅ២ក្បាល។
លោកថាបន្ថែមថា ប្រសិនបើ មេគោនោះកូនញឹក កូនគោអាយុត្រឹមក្រោម ៥ខែ គឺអាចបំបែកវាពីមេបាន ហើយមេគោនោះ ក៏ឆាប់ចាប់ផ្ដើមរកឈ្មោលសារជាថ្មី។ ហេតុនេះ ទម្រាំចិញ្ចឹមបានកូនវាធំ ១០ខែ មេគោក៏មានកូនក្នុងពោះម្តងទៀត ។ វិធីបែបនេះ អាចទទួលបានផលចំណេញពីការកើនប្រាក់ដើមក្នុងតម្លៃគោ និងចំណេញទាំងពេលវេលាទៀត។ ម្យ៉ាងវិញទៀត បើទិញមេគោជាប់កូន អាចទទួលបានផលចំណេញច្រើន ត្បិតថារាងមេគោជាប់កូនមិនសូវស្អាតមែន តែបើចង់បានកូនគោស្អាតៗ កាត់ៗ គេអាចប្រើបច្ចេកទេសថ្មី គឺដាក់បាសប្បនិម្មិត។ ចំណែកឯលក្ខណៈរបស់មេគោដែលត្រូវការនោះគឺជាប្រភេទមេគោមានរាងខ្ពស់ល្មម មានផ្លែដោះ សម្បុកពោះ និងត្រគាកល្អ។
នៅក្នុងឱកាសជាមួយគ្នានេះ លោក បូរ៉ាន់ ដែលជាម្ចាស់កសិដ្ឋានចិញ្ចឹមគោច្រើនជាង១០០ក្បាលនៅពេលបច្ចុប្បន្ននេះ បានជំរុញ និងលើកទឹកចិត្តឱ្យបងប្អូន ប្រជាកសិករខ្មែរ សាកទិញមេគោជាប់កូនមកចិញ្ចឹម ដើម្បីងាយទទួលបានផលចំណេញច្រើន និងអាចលើកកម្ពស់ជីវភាពគ្រួសារបានយ៉ាងប្រសើរផងដែរ៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
កាណាដា-អេមីរ៉ាតអារ៉ាប់ រួមគ្នាជំរុញផែនការវិនិយោគ ៥០ ពាន់លានដុល្លារ
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 18/09/2026
ឥណ្ឌា ពង្រឹងយុទ្ធសាស្ត្រ ដើម្បីគ្រប់គ្រងលើខ្សែសង្វាក់ផ្គត់ផ្គង់បន្ទះឈីបទាំងស្រុងនៅក្នុងស្រុក
បទយកការណ៍, ព្រឹត្តិការណ៍, អាជីវកម្មថ្មី និងនវានុវត្ត
• 10/09/2026
អ្នកជំនាញ ៖ ចង់មានសុវត្ថិភាពគណនីហិរញ្ញវត្ថុគប្បីបង្កើនប្រសិទ្ធភាពលេខសម្ងាត់ឱ្យបានរឹងមាំ
• 09/04/2026
ព័ត៌មានទូទៅ
មើលទាំងអស់ ➧
គណៈកម្មាធិការរៀបចំដែនដី និងនគរូបនីយកម្មថ្នាក់ជាតិ ដាក់ចេញផែនការរៀបចំដែនដីខេត្ត-ក្រុងថ្មី នៅតាមតំបន់គោលដៅទូទាំងប្រទេស
Top News, ព្រឹត្តិការណ៍, អចលនទ្រព្យ
• 05/10/2026
(ភ្នំពេញ)៖ ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ បានដាក់ចេញផែនការរៀបចំដែនដីខេត្ត-ក្រុងថ្មី ដើម្បីធានាលើការគ្រប់គ្រងការប្រើប្រាស់ដីធ្លីនៅតាមតំបន់គោលដៅទូទាំងប្រទេស និងណែនាំឱ្យគ្រប់ស្ថាប័នពាក់ព័ន្ធ បន្តពង្រឹងការរៀបចំផែនការយុទ្ធសាស្ត្រអភិវឌ្ឍន៍សេដ្ឋកិច្ច និងការដោះស្រាយបញ្ហាប្រឈមនានា រួមទាំងរំលេចអំពីវិស័យកសិឧស្សាហកម្មជាឆ្អឹងខ្នងដ៏សំខាន់ក្នុងការជំរុញកំណើនសេដ្ឋកិច្ច ។ ថ្លែងក្នុងកិច្ចប្រជុំគណៈកម្មាធិការរៀបចំដែនដី និងនគរូបនីយកម្មថ្នាក់ជាតិ ដែលបានធ្វើឡើងនៅទីស្ដីការក្រសួង នារសៀលថ្ងៃទី ២ ខែតុលា ឆ្នាំ ២០២៦ ឯកឧត្តម
កម្ពុជា កំពុងពិនិត្យលទ្ធភាពកែច្នៃសំរាម ទៅជាអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ
Top News, ព្រឹត្តិការណ៍, សេដ្ឋកិច្ច, អាជីវកម្មថ្មី និងនវានុវត្ត
• 02/10/2026
ភ្នំពេញ ៖ រាជរដ្ឋាភិបាលកម្ពុជា តាមរយៈក្រសួងបរិស្ថាន កំពុងពិនិត្យលទ្ធភាពកែច្នៃសំរាម និងសំណល់រឹង ទៅជាថាមពលអគ្គិសនី និងឥន្ធនៈ ដើម្បីបង្កើតតម្លៃសេដ្ឋកិច្ចជាតិ។ មន្ដ្រីជាន់ខ្ពស់ក្រសួងបរិស្ថាន បានប្រាប់បណ្ដាញសារព័ត៌មាន AMS នៅថ្ងៃទី២ ខែតុលា នេះ ថា លទ្ធភាពកែច្នៃទៅរួច ឬអត់ គឺស្ថិតនៅលើទុនវិនិយោគរបស់ក្រុមហ៊ុនធំណាមួយនឹងចូលខ្លួនមកកែច្នៃ ព្រោះគម្រោងនេះត្រូវចំណាយច្រើន
អាម៉េរិកចំណាយជាង ៥ ពាន់លានដុល្លារជួសជុល និងធ្វើទំនើបកម្មនាវាផ្ទុកយន្តហោះ USS Harry S. Truman
ព្រឹត្តិការណ៍, អាជីវកម្មថ្មី និងនវានុវត្ត
• 02/10/2026
សហរដ្ឋអាម៉េរិកគ្រោងចំណាយ ៥,១ ពាន់លានដុល្លារ ដើម្បីជួសជុល ថែទាំ និងធ្វើទំនើបកម្មនាវាផ្ទុកយន្តហោះចម្បាំង USS Harry S. Truman ដើម្បីត្រៀមនាវានេះសម្រាប់បន្តប្រើប្រាស់ក្នុងពាក់កណ្តាលជីវិតបម្រើការងារដែលនៅសល់
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content